سؤال منطقي .... من أوجد الخير والشر

أسير التشرد · 07/08/2006

هلأ الكل عندو إيمان انو في شي اسمو (خير) وشي مغاير للخير اسمو (شر)
الطبيعة الانسانية دايما بيتجه نحو الخير.
سؤالي يا احبة انو مين وجد الخير والشر بالدنيا أو العالم؟
اذا قلنا انو الخير مخلوق والشر كمان مخلوق طبعاً الخالق هو الله فهالشي رح يتناقى مع صفاتو
لانو هو الخير الكلي ومن الغير الامكان التصور انو هو خلق الشر؟
فيا ترا من أين ولد الشر والخير ؟

ماما منوشه · 07/08/2006

الشر ما هو موجود
الشر هو بس عدم وجود الخير
متل الليل ما هو إلا غياب النهار
والعتمة هي عدم وجود الضو

أما مصدر الخير فهو بلا شك الله سبحانة وتعالى خلقو في داخل كل انسان

أنا_بذاتو · 07/08/2006

يا رفيق أسير، الخير والشر نسبيين وبيتغيروا مع الزمان والمكان.
وهي متاليين صغنونين :

الزمان : لم يكن شراً في الماضي أن تزوّج البنات وهن طفلات كما فعل محمد بن عبد الله مع إجدى زوحاته التسع أو الإحدى عشر (بحسب "المراجع") والتي كان عمرها عندما تزوجها 7 أو 9 سنوات (كمان بحسب "المراجع") ، أما الأن فهذا الأمر يعد شرّ ومحرّم في كلّ مكان.

المكان : ما هو شرّ في البلدان الاسلامية يُعَدّ خير في غيرها (أمريكا مثلاً) كالزواج من أربع نسوان وكالموقف من اسرائبل ولحم الخنزير ... الخ الخ.

يلا حبيب بالتوفيق.

أسير التشرد · 07/08/2006

اقتباس:

الشر ما هو موجود
الشر هو بس عدم وجود الخير
متل الليل ما هو إلا غياب النهار
والعتمة هي عدم وجود الضو

الشر موجود
والشر شي والخير شي وكلاهما موجود والكلام عند علماء المنطق
وعدم وجود الخير طبيعي رح يكون في شر... وهيك نستنتج انو في شر مو هيك يا منوشه؟

Abu ToNi · 07/08/2006

اقتباس:

كاتب النص الأصلي : أسير التشرد

هلأ الكل عندو إيمان انو في شي اسمو (خير) وشي مغاير للخير اسمو (شر)
الطبيعة الانسانية دايما بيتجه نحو الخير.
سؤالي يا احبة انو مين وجد الخير والشر بالدنيا أو العالم؟
اذا قلنا انو الخير مخلوق والشر كمان مخلوق طبعاً الخالق هو الله فهالشي رح يتناقى مع صفاتو
لانو هو الخير الكلي ومن الغير الامكان التصور انو هو خلق الشر؟
فيا ترا من أين ولد الشر والخير ؟

برافو عليك بتعرف تكرر الحكي مو انا زماني حكيت هاد الحكي بس مانه مشكلة
بس بعتقد انو البشرية لو قدرت تحوّش اجوبة لهي التساؤلات كانت حققت انتصارات كتير كبيرة

يعني البشرية حلمها تقدر تتوصل لهيك نتائج فما بقدر لا انا ولا حدا من الأخوية ولا حتى من البشرية يقدر يجاوب عل شؤالك

Abu ToNi · 07/08/2006

اقتباس:

كاتب النص الأصلي : أسير التشرد

الشر موجود
والشر شي والخير شي وكلاهما موجود والكلام عند علماء المنطق
وعدم وجود الخير طبيعي رح يكون في شر... وهيك نستنتج انو في شر مو هيك يا منوشه؟

يا حباب هاد أنا حكيت هيك مو منوشه

alia · 22/08/2006

اقتباس:

كاتب النص الأصلي : منوشه

الشر ما هو موجود
الشر هو بس عدم وجود الخير
متل الليل ما هو إلا غياب النهار
والعتمة هي عدم وجود الضو

أما مصدر الخير فهو بلا شك الله سبحانة وتعالى خلقو في داخل كل انسان

يا سلام عليكي يا منوشة بجد انك كتير وفهمانه وجوابك كان شافي

امرأة من ورق · 31/08/2006

اقتباس:

كاتب النص الأصلي : منوشه

الشر ما هو موجود
الشر هو بس عدم وجود الخير
متل الليل ما هو إلا غياب النهار
والعتمة هي عدم وجود الضو

أما مصدر الخير فهو بلا شك الله سبحانة وتعالى خلقو في داخل كل انسان

كلام حلو بس مو كتير واقعي..... يعني اذا كان الشر هو بس عدم وجود الخير يعني هوي حالة من السلبية او حالة من اللافعل بس للاسف هو مو هيك يعني في كتير افعال شريرة متل القتل او السرقة او الاغتصاب واللي هيي افعال شريرة وبالتالي الشر موجود فعليا

وكمان الليل مافينا نقول انو هو ببساطة غياب النهار لانو هو حالة قائمة بحد ذاتها وناتجة عن دوران الارض والشمس والكواكب

وبالنهاية الخير والشر التنين موجودين بس اذا بدنا نقول من وين اجو فهي صعبة عليي

أسير التشرد · 31/08/2006

لهلأ السؤال مطروح عن الخير والشر

ري مي · 31/08/2006

الخير مخلوق وموجود والشر كمان
لوما الشر كيف كان بدك تعرف انو هيداك خير
ولولا الحزن كيف كان بدك تقدر قيمة اوقات فرحك
لازم التناقض
ولولا الشر و الفجور والسوء كيف كان بدنا نعرف برحمة الله
هيك يعني
كلو لازم وكلو مطلوب
وكمان لوما الشر ما كنا بشر كنا صرنا مثاليين

ري مي · 31/08/2006

اسير فيه عبارة بتوقيعك كتير حلوة
لا تحدثني عن الحب دعني اجربه بنفسي
بتسمحلي استعيرها؟؟؟

أسير التشرد · 31/08/2006

اقتباس:

الخير مخلوق وموجود والشر كمان
لوما الشر كيف كان بدك تعرف انو هيداك خير
ولولا الحزن كيف كان بدك تقدر قيمة اوقات فرحك
لازم التناقض
ولولا الشر و الفجور والسوء كيف كان بدنا نعرف برحمة الله
هيك يعني
كلو لازم وكلو مطلوب
وكمان لوما الشر ما كنا بشر كنا صرنا مثاليين

كلامك كلو صح بس السؤال ما دام الشر موجود والخير موجود بنفهم انو الله هو اللي خلق الخير وهو كمان خلق الشر؟
يا ترا هالقول ما بيتنافي مع ذاته؟ لانو هو مطلق الخير فكيف هو راح خلق الشر؟

اقتباس:

اسير فيه عبارة بتوقيعك كتير حلوة
لا تحدثني عن الحب دعني اجربه بنفسي
بتسمحلي استعيرها؟؟؟

ولو ع حسابك تفضلي ومن عيوني

ري مي · 31/08/2006

[QUOTE ترا هالقول ما بيتنافي مع ذاته؟ لانو هو مطلق الخير فكيف هو راح خلق الشر؟][/quote]
بالعكس هي من مبدا اثبات الأمر من خلال وجود النقيض
اي الخير المطلق بالنسبة للبشر
هلق نحنا شو منعرف عن الله الا القليل القليل
يمكن مشان شي نحنا ما منعرفو
(هيدا رايي الشخصي ويمكن صح ويمكن لاء)

اقتباس:

ولو ع حسابك تفضلي ومن عيوني

شكرا

قليل مروة · 31/08/2006

اقتباس:

كاتب النص الأصلي : ري مي

اسير فيه عبارة بتوقيعك كتير حلوة
لا تحدثني عن الحب دعني اجربه بنفسي
بتسمحلي استعيرها؟؟؟

من متع الحب ان يتحدث العاشق عن حبه

ري مي · 31/08/2006

اذا العاشق بدو يحكي ل حبيبته
ما في مشكلة
بس اذا غير هيك ما في داعي

امرأة من ورق · 01/09/2006

اقتباس:

كاتب النص الأصلي : أسير التشرد

هلأ الكل عندو إيمان انو في شي اسمو (خير) وشي مغاير للخير اسمو (شر)
الطبيعة الانسانية دايما بيتجه نحو الخير.
سؤالي يا احبة انو مين وجد الخير والشر بالدنيا أو العالم؟
اذا قلنا انو الخير مخلوق والشر كمان مخلوق طبعاً الخالق هو الله فهالشي رح يتناقى مع صفاتو
لانو هو الخير الكلي ومن الغير الامكان التصور انو هو خلق الشر؟
فيا ترا من أين ولد الشر والخير ؟

والله يااسيرو هيك وبعد صفنة طويلة بالموضوع طلع معي هي الفكرة يمكن تكون فكرة غشيمة شوي بس هاد اللي طلع معي بعد عصر طويل للمخ اللي عندي

هاد ياسيدي المخلوقات كلها (الاقل تطورا من البشر)عندها تصرفات شريرة بس بغير قصد شرير يعني مثلا الحيوانات العاشبة بتاكل الشجر وغالبا بتتسبب بموت الشجرة او العشبة لحتى بس هيي تستمر بحياتها والحيوانات اللاحمة بتقتل الحيوانات التانية وبتاكلها كمان بس لحتى تستمر..... يعني بالطبيعة في قتل واللي هوي شرير بس غير اجرامي (اذا فينا نسميها هيك )

بعدين اجى جدنا الانسان الاول وتطور عن هي المخلوقات وضلت عندو هي النزعات الشريرة بس طبعا تعقدت اكتر وفقا لتعقيد نفسية الانسان بالمقارنة مع نفسية الحيوانات البسيطة وهيك فات بصراع الشر والخير وولد الشر والخير

شو رأيك بهالتفسير؟؟

وائل 76 · 01/09/2006

بعتقد انو ما ممكن نعرف نعمة النور لو ما شفنا الظلام وما ممكن نقدر جمال اللون الابيض بهجته لو ما قارنا بين بياضه وسواد اللون الاسود
لذلك لا تستقيم فكرة الخير وجودا بمعزل عن وجود النقيض ليعرف البشر شو الفرق بين وبين
شغلة تانية الشر خلق لتميز الناس بما انو الانسان عنده خير بالفطرة اذن الشر استثناء على الاصل
وبما ان الشيطان هو محرك الشر الاول اذن فكرة الشر كاستثناء على الاصل وتعلقها بالشيطان تبرهن على الفرق بين الخير والشر

موضوعك حلو كتير اسير لكن بدو ناس مصحصحة ومحسوبك نص نايم هلاء لكن ما بقدر مر على موضوعك بدون ما شارك

تحياتي للجميع

بنت الاكارم · 01/09/2006

شكرا اسير كتيير الموضوع حلو

واخيرا قررت ارد عليه

في قول لرسولنا الكريم صلى الله عليه وسلم يقول ( كل انسان مولود على الفطره ،..........)

والفطره هي الخير اكيد بس الشر اللي بيسير بالانسان اكيد نتيجه ظروف صعبه عاشها بحياته ولدت عنده الشر !!!!!!

شو رايك ؟؟؟؟؟؟