أمثال شعبية حلبية

shadi · 01/01/2006

أمثال شعبية حلبية......
يتميز ابن حلب بالود والوفاء والعفوية والصفاء والكرم ومن
عفوية ما يقال الأمثال الشعبية الحلبية...بني الشهباء ...الذين يالفون الضحك والفكاهة والحب والود...

*المنحوس منحوس ولو علقوا على باب بيتوا فانوس ,وان شعلو بينطفي ,وان ازلو بنوس.
*دايمة بالعز في شاي إلا نفز.
*هلي بتطبخ منه بتاكل منه.
*حبسو في كيس مع ابليس ,طلع منه ابليس يستغيث.
*ابن ادم نصو خلقة ونصوا خرقه.
*ابنك صغير ربيه وان كبر خاويه.
*الارض التي ربت حنطة وشعير ما بتربي ها الصغير.
*دسنا الأراضي التي ما بتنداس وبسنا الايادي التي ما بتنباس.
*الاستقامة عين الكرامة.
* خود لبنتك الاصيل ولو كان عا الحصير.
*آخ على اكل مخاخ
*يقبر امو لو فتح تمو كان اكل الحكيم وامو.
*كول فول وامشي عا الاصول.
*الله بطعمي اجاص لعالم ما لها اضراس
*منو ما اخد امي بسميه عمي.
*ما بروح عاشق الا بيجي مئة الف مشتاق
*اللي بدق الباب بيسمع الجواب.
*ست خدوج لبست البابوج باجريها العوج
*البخل ما نزل من السما ولكن ناس تعلمت من ناس.
*ثلاث اشياء بديعة: المرءة المطيعة والدار الوسيعة والدابة السريعة.
*البقة تولد مية وتقول ياقلة ها الذرية.
*كل جديد وله لذة وعا العتيق السلام.

هلق بصراحة هدول منقولين من غير منتدى بس عم دورلكم على أمثال كتير حلوة كانت عندي بكتاب

مشكور ياأمور

Kakabouda · 01/01/2006

شكراً كتير حلوين و مهضومين ..
بس في مثل ناقص عندك ..

حبسو الحماي و الكنة بالكيس مع ابليس طلع ابليس عم بيستغيس

shadi · 01/01/2006

ياسيدي تسلم على الملاحظه
شو بلشنا ههههههههه
مشكور ياأمور

Kakabouda · 01/01/2006

اقتباس:

كاتب النص الأصلي : shadi

ياسيدي تسلم على الملاحظه
شو بلشنا ههههههههه
مشكور ياأمور

مشكور يا أمور ههه اجت عالقافية يعطيك العافية

shadi · 01/01/2006

ولو اقل منها
ما هيدا توقيعي على تعليقي هههههههه
مشكور ياامور

sweetbaby · 01/01/2006

شكرا ع الموضوع
وحلوين كتير

المستحيل · 01/01/2006

مشكور يا خيو كتير حلوين وهدول وفي ش مليون واحد اذا بدك

أمير المحبين · 01/01/2006

أنا بحب اللهجة الحلبية

قولنا شو أسماء الكتب اللى جبت منها الأمثلة

أبو أسامة · 01/01/2006

شكرا جزيلا عالموضوع
و أنا بحيي الحلبية و هنن كتير أكابر و أنا عندي اتنين رفقة حلبية

shadi · 02/01/2006

اقتباس:

كاتب النص الأصلي : أمير المحبين

أنا بحب اللهجة الحلبية

قولنا شو أسماء الكتب اللى جبت منها الأمثلة

والله هول مو من كتب من مواقع بالنيت بس انا واعدكم بموضوع عن حياة الحلبي القديم من خلال امثاله واشعاره وطرئفه من شي 6 اجزاء وبالنسبة لاسمه هم نوادر وطرائف حلبية للكاتب أنطوان شعراوي
مشكور ياأمور

shadi · 02/01/2006

اقتباس:

كاتب النص الأصلي : أبو أسامة

شكرا جزيلا عالموضوع
و أنا بحيي الحلبية و هنن كتير أكابر و أنا عندي اتنين رفقة حلبية

الله يجبر بخاطرك لك خيو ابوس جنئات وجك وج وئفا
رح حط الموبايل عل دزكة واتنواء من درخوش الباب على شي سكرطون فيه من الحلبيات كومايات
لعيونك والله
مشكور ياأمور

السورية المشتاقة · 02/01/2006

اقتباس:

*دسنا الأراضي التي ما بتنداس .

اي والله يسلم تمك يا شادي ...شو جابرنا عالسفر والبعد عن سوريا الا المر ..
شكرا كتير الامتال حلوة كتير

shadi · 02/01/2006

اقتباس:

كاتب النص الأصلي : sweetbaby

شكرا ع الموضوع
وحلوين كتير

حبيب قلبي انت
مشكور ياأمور

shadi · 02/01/2006

اقتباس:

كاتب النص الأصلي : المستحيل

مشكور يا خيو كتير حلوين وهدول وفي ش مليون واحد اذا بدك

استنا باقي السلسلة لكان خيو
مشكور ياأمور

shadi · 02/01/2006

اقتباس:

كاتب النص الأصلي : السورية المشتاقة

اي والله يسلم تمك يا شادي ...شو جابرنا عالسفر والبعد عن سوريا الا المر ..
شكرا كتير الامتال حلوة كتير

تكرم عيونك
مشكورة ياأمورة

Kakabouda · 02/01/2006

اقتباس:

كاتب النص الأصلي : shadi

حبيب قلبي انت
مشكور ياأمور

خيو هي صبية و شيخة الصبايا كمان هههه

Mado0o0 · 02/01/2006

أمثال حلوة

shadi · 02/01/2006

اقتباس:

كاتب النص الأصلي : shadi

حبيب قلبي انت
مشكور ياأمور

انا اسف
الله يخليكي يسلمو
مشكورة يا أمورة