تقييم جديد للفروق بين العاديين والمثليين جنسياً

[الحاج متولي]

كاتب النص الأصلي : Syrian_Gay

بس ممكن سؤال يا حاج متولي وطبعا انا ما عم اتمسخر او شي بس مجرد سؤال بسيط ؟

ممكن اعرف شو تحصيلك العلمي ؟

لأن بصراحة عم تسأل على شغلات شرحتا انا من قبل .. فيا اما انت ما عم تقرا ردودي وتجاوب بأجوبة مالها علاقة بأجوبتي ويا اما ما عم تفهم شو عم بحكي يا اخي والله ما عم احكي ياباني

طيب هون مثلا ... يعني انت شايف انو قصدي عليك ؟ انا قصدي للعالم يللي بيقولو انو ما عنا مثلية بسوريا او اذا كان عربي بيقول الحمدلله ما عنا مثلية ببلادنا ... بس انت بتعترف انو في مثلية .. صح وللا لا؟

هلق هادا هو طلبك؟؟؟
إني أنا أعترف بإني في عنا شذوذ (مثلية) في سوريا؟؟؟؟
إذا هادا كان طلبك فرح قلك ....مليان عنا ...بسوريا وبراسوريا.....وبكل بلاد العالم
بس أنا عم قلك إني حالتكن هي حالة مرضية ....وبدهاعلاج ...وغير طبيعية .....وغير صحية ......وغير ....وغير ....وغير
فإذا كنت رايدني أقر و اعترف بإني إنتوا أمر طبيعي فهادا من المستحيل ..أما إذا ردتني أعترف بإنكن أمر واقع ..شاذ..فهادا بالتاكيد أمر واقع ...بس بينحصر على أمثالكن وبس....وبتموا بنظرنا عبارة عن ....حالة مرضية ...ولابد إني يلتقالها علاج......
وبعدين بدي أسألك سؤال؟؟؟؟
إنت بذات نفسك إعترفت إني إنتا مريض ..وحاولت تتعالج على حد قولك ..بس الدكتور مالقالك علاج........طيب لو لقيت علاج لحالتك .....بتروح بتتعاج....وبتطلب تصير إنسان طبيعي؟؟؟
ياريت تجاوب

[E L W A R]

ولك يا حبيبي انت وياها
أنا لا حبيت ألقي موعظة دينية ولا شي
اللي حبيت قولو انو الشذوذ الجنسي ( وأنا أصر على ان أعتبروا شذوذ لانو كلنا بنعرف اللي بيخرج عن القاعدة بيكون شاذ والقاعدة الجنسية معروفة وغيرها بيعتبر شذوذ جنسي )
مو مرض جيني والشاذ ما الو يد أو حيلة تجاهو وهو ان عظم عبارة عن عادة خلتو يشذ عن القاعدة الجنسية ا
وانا مصر على رأيي الا في حال اتبين غير هالشي
ويعدين يا (Nathalie) ردك كان جلف شوي وما فيه مصداقية وحاسس انو انتي استنتجتي عني أشياء ما هي موجودة الا بمخيلتك

يسلم تمك وكلمتين على السريع للأخ ELWAR

هههههه عم تحكي وكأنو وبخني وأنا ما عم اعرف رد عليه
ما في مشكلة كلنا هون أخوة وبس أخطأ مع حدا بتمنى من الكل يوبخني

الذي أحب أن يلقي علينا موعظة دينية -في غير محلها- و حاول أن يظهر الملحد بصورة الماجن المريض الذي لا يمتلك أخلاق وسائر بطريق الانحراف،

أنا ما حبيت القي موعظة دينية لانو أنا من الناس مؤمن بوجود الله بس ما بحب أجبر حدا يعني هلأ أكتر أصدقائي ورفاقي من الملحدين وبعمري ما حاولت أضغط عليهون لحتى يغيروا فكرهون أنا اللي حبيت بينو انو الشاذ متلو متل أي بني آدم ممكن يغير العادة اللي حرفت الدافع الجنسي عندو عن المسار الطبيعي
والملحد مو بالضرورة يكون منحرف وكمان معتنق الدين مو من الضرورة يكون ملتزم ومهذب وكلنا بنعرف انو دين الملحد هو اأاخلاق

يعني يا أخ ELWAR تذكر بس تفجيرات 9/11 وتفجيرات عمان وتفجيرات لندن 7/7 وتفجيرات المغرب وغيره كتير من عمايل إخوانك السائرين في طريق "الحق والإيمان"*

هههههههه
وكمان عم تحسسيني وكانو أنا لابس العمة ورافع الكلاشينكوف وعم قتل بالناس
يا عيوني أنا كل ثقافة القتل والظلم ما بحبها ولا نزلتلي على زور
يعني يا أختي العزيزة انتي عم تستنتجي أمور من مخيلتك وعم تبني هجوم تجاهي على هي المخيلة

للعلم أنا لا أعتقد أن كل مسلم إرهابي ولست ممن يعممون، ولكن لمن بيندق الباب بينسمع الجواب

كل هالكلام وما بتعتقدي ؟؟؟ كيف لو اعتقدتي؟؟
أما انت يا أخ(BL@CK) فبتمنى تهدي حالك شوي وتقرأ اللي كتبتو أنا بشوية تروي

بسم شي رب نبدأ ..

انت بهالكلام عم تهينني كمسلم وعم تهين كل شخص متدين
ما رح رد ولا رح حاول رح أسلم بانك كنت معصب وحكيت هالشي من غير قصد

بس تغيّر الموضوع من موضوع فلسفي لموضوع صالوني ..

ما بظن انو تغيير مسار الموضوع صار قبل ما تكتب ردك

حطلي خطين تحت كلمة مجتمع ..

مجتمعك الفاشل بيرفض كتير اشيا .. بيرفض الحب .. بيرفض الصداقة بين الذكر و الأنثى .

هههههههه
الفاشل؟؟
ودخلك شو هو المجتمع الناجح ؟؟؟
المجتمع الغربي؟؟؟ المجتمع الديمقراطي؟؟
اللي مليان تفسخ و اخلاقه صفر
حبيبي المجتمع العربي اللي بيعطي للصداقة معنى
بعطي للأخوة معنى
بيعطي للأبوة معنى
لما الشب الغربي ممكن انو يرفع ايدو بوجه أبوه لانو رأيو مخالف الو والقانون والعادات اللي عندو بتوافقو على هالحكي
ولما البنت بتجيب البوي فرند تبعها على بيتها ينام بغرفتها وبمباركة أهلها ولما تصير ممارسة الشعائر الدينية و حمل الرموز الدينية من حجاب او قبعة او حتى عمة هندوسية يعتبر محرما فأن أعتقد انو الأعمى - بقصد أعمى القلب طبعا - هو الوحيد اللي ما بيشوف انو هالمجتمع فاشل وبعدين مين قلك انو في مجتمع بالعالم بيتقبل المثيليين؟؟؟
ومجتمعنا الفاشل يا سيدي الكريم
هو المجتمع اللي يعتبر من أرقى المجتمعات في العالم أخلاقيا
فيه الأبن لا زم ما يرفع صوتو بوجه أهله
في الأخ بيخاف على أخوه
في الضيف سيد صاحب البيت
مجتمعنا مو فاشل يا أخ (BL@CK)
الفشل هو بعقولنا اللي عم تسمحلنا انو نفكر تقاليدنا بالية متناسين انو انسياقنا وراء الغرب من ملابس ومظاهر بدون محاولة ماجارتو علمياً هاد هو الفشل

أما وصفك للمثلي بالشاذ .. سمحلي قلك انا بعتبرا مسبّة .. المثلي إنسان طبيعي متلو متلك .. بس مغاير بميوله الجنسية ..

وصفك الو بالشاذ وصف شامل كامل ..

يا عيوني انا كان قصدي بكلامي شاذ جنسيا وكلنا بنعرف انو كل ما هو مغاير لقاعدة طبيعية هو شاذ والقاعدة الجنسية معروفة والأخ هو شاذ عن هالقاعدة
وأنا ما قصدت اجرحو واذا هو فهم اني وجهتلو اهانة بتمنى يقبل اعتذاري أما من ناحية مسبة فأنا وانت والكل بيعرف انو انا ما كان قصدي بكلمة شاذ اني هينو وبرجع كرر اعتذاري ( اذا كانت كلمة شاذ جنسيا تعتبر مسبة)

المصيبة .. أنك حكمت عليه بالشاذ تبعاً لميوله الجنسيّة .. فهل وصلنا لزمن نقيّم الإنسان حسب الميول الجنسيّة ..

على فكرة هوي ما بعتبر حالو شاذ ..

أنا حكمت انو شاذ جنسيا وتفسير هالكلمة معروفة للكل وما حكمت عليه
وانا بظن قلت انو بيسمي مو بيعتبر هو بيسمي نفسو (غاي ) والكل بيعرف انو الغاي هو الشاذ جنسيا او المثيلي جنسيا

هنتو و خلصت لمّا وصفتو بالشاذ ..

و هنتو مرة تانية لما كرهت شخصو و أشفقت عليه ..

دخلك شخص هالإنسان شو زاعجك .. قلي كرهت ميوله الجنسيّة .. اي معقولة .

أما شخص هالإنسان .. شو خصّو .. ؟

كلمة شاذ وخلصنا منها
ومن نا حية كرهت شخصو فبتمنى تعيد قراءتك للرد اللي كتبتو انا وتنسى التسرع شوي
انا قلت ما بكره المثيلي كشخص لكن بشفق عليه ومعنى كلمة بشفق عليه بيتوضح لما تعرف سبب الشفقة وسبب شفقتي انو رح يتعذب كتير بين الناس اللي بيتقبلوه واللي مابيتقبلوه وبين نظرة المجتمعات الو
وانا بحترم شخصو كانسان وبحترم رغباتو وميولو لكن ماني مجبر على تقبل هالرغبات وبكرر انا ما بكره هالشخص لكن بشفق عليه والكل شاف بهالموضوع الصغير قديش كان في هجوم تجاهه واللي اعتبر و انو غير مبرر

شو هالمثال يا زلمة .. أنا عندي رفيقي كان شو بدك .. كاهن أكتر من هيك بدك ..

هلأ بدل كلمة المرحبا .. بطجلك كفرية ..

يعني خود العكس بالعكس .

شو رأيك تعلمني كيف احكي؟؟؟
انا حر بأي مثال حطو بكلامي وانت عليك تبدي رايك بس وما تملي علي أي أمثلة انا حط بردودي
ومن نا حية كلمة المرحبا فانت حر ان شاء الله تحكي سنسكريتي بس ان فكرت تكفر بالله فاتاكد انو انا رح كون هون
لانو ما الك حق تهين معتقداتي شو ما كان موقفك وشو ما كان دينك

عادة ..

هلأ ممارسة الجنس عادة ..

برجع قلك اقرأ بتمعن لحتى تفهم معنى الكلام أنا قلت الشذوذ عادة وما قلت الجنس عادة
وكمثال :: الشرب ما بنقدر نسميه عادة بس شرب الشاي تحديدا عادة

عيف الدين شوي على جنب لإني الدين عفّن و أديان من مليون قرن ما خرج نعيش بتعاليما هلأ .

هون أنا رح كرر كلامي وقلك انو مو شغلك أعيف ولا ما أعيف يعني خليك بحالك
تاني شي يا حبيبي انت هاد رأيك وانت حر فيه وأنا كمان حر برأيي وبشوف انو الدين متجدد - رغم اني ما ني ملتزم دينيا - و ما الو زمان ومكان محددين وخرج نعيش فيه حتى بالقرن الخمسين كمان
وبتمنى ما تعيد اهانتك للدين

يا أخي شو هالتقاليد .. تقاليد ختان الأنثى و لا تقاليد تفضيل الذكر على الأنثى .. يعني شو هالتقاليد العظيمة ..

ههههههه
كأنو عم تنتقي السيء بالتقاليد
حبيبي تقليد ختان الانثى كلنا بنعرف انو تقليد مكروه من المجتمع ومحرم بالدين يعني الكل بيعرف انو تخلف
أما تفضيل الرجل على المرأة فهو مو تقليد هو شي بيخص الدين وأنا ما بفهم بشغلة الدين زيادة فلذلك ما رح أتطرق لهالموضوع
أما تقاليدنا يا عيوني فبتحتم عليك انك تكون كريم وتكون مضياف وانك تكون حليم وانك تكون رجال وانك لما تنقصد على شي ما ترد حدا وانك تغيث الملهوف وانك تساعد الفقير وانك لما تحس صديقك صابتو مصيبة أو شي في من واجبك انك تساعدو ما ديا وان ما قدرت فبتساعدو معنويا بالوقفة جنبو
يعني يا روحي لما بينذكر الكرم بينذكروا العرب ولما بتنذكر اغاثة الملهوف بينذكرو العرب ولما تنذكر الشجاعة بينذكروا العرب

ما بشيلا بليرة التقاليد العربية العظيمة .

هههههههه وكأنو العرب عم يترجوك لحتى تشيلها
هههههههه
أما بالنسبة للخريطة تبعك فبحب أسألك سؤال بالمناطق أي مكان هاد بالعالم اللي فيه المثيلي بيعيش حياتو متل باقي الناس وما في حواليه هالة تبعد الناس عنو ( يعني ممكن يتقبلوه لكن ما ممكن ينسو انو مثيلي وانو مغاير الهون )
بتمنى انو ما كون جرحت حدا بردي
وفي حال أخطأت بشي كمان رح كرر اعتذاري

وعلى قولة الأخ (BL@CK) على عيني



ملاحظة : بعتذر للأخوة القائمين على المنتدى لأني طلعنا عن الموضوع بس أنا متأكد انو رح يقدروا موقفي وانو كان ردي هاد لتبيان سوء التفاهم اللي صار

[الحاج متولي]

كاتب النص الأصلي : نسر الشام

موتابع |||

بنرحب فيك وبمتابعتك للموضوع
وميت وردة

[butterfly]

خروج عن الموضوع كليا ً للي ما انتبه لهلق الموضوع بقسم أسمو " علم نفس " يعني ما عم ناقش المثلية من وجهة نظر دينية لهيك اللي معتبر نفسو الناطق الرسمي بأسم الله فليسكت ....
يا جماعة .. طيب سواء عجبكن أو ما عجبكن .. المثلي شخص موجود في المجتمع .. "عم يعاني من مرض " إذا ثبت فعلا ً انو مرض نفسي "
وعم يعاني على أقل تقدير من الرفض والشعور بأنو غير مقبول ومنبوذ ومهمش ..
طيب شو بدكن ؟ حاليا ً بكل هاللعي .. والشاطر فيكن عم يرجم فيه للزلمي .. شو بدكن ..
نعدم المثليين .. حفاظاً على مشاعر القلة المغلقة .. على ذاتا واللي ما عندا القدرة تشوف الله إلا من منظور ضيق للمتشابهين ؟؟
شو بدكن ؟؟ ماعم أعرف شو الهدف من أنك تحسسو لهالشخص أنك بترفضو ؟ عم تعالجوووووووووووووووه أي ريحو حالكن .. في حال ثبت أنو المثلية مرض فوظيفة الدارسين في علم النفس التعاطي مع الموضوع .. مو مجرد كام هاوي .. وكام منظر بيعرفو ينظرو من ورا كيبورداتن .. .
واللي بيدفعو الشخص يتقوقع على الألم اللي عم يحسو من رفض الأخرين ألو ..
شو بدكن ؟
حجي شو بدك ؟؟ بدك ياه يعترف أنو مكروه وما معترف فيه ومقبول وانو ساعات بتمر عليه بيحس أنو خطاً لأنو مختلف ؟؟ بترضى أنت إذا انكسر قدامك ؟؟ شو بدك ؟؟

حاج تبيعونا دينيات ولووووووووووو الدين محبة .. لهادا الأنسان اللي خلقو الله ... حاولو تتفهمو .. تساعدو بابتسامة بمحبة .. بزمانو العداء ما أعطى نتائج أيجابية ... التغيير بيصير بمحبة ..
تفهمو الأخر قبل ما تحكمو عليه ..
الدنيا قاسية بما يكفي بدون تطرفكن ..

اما بخصوص الله .. بيقول نيكوس كزنتزاكيس الله يزكرو بالخير

" دينونة الله هي الرحمة وليست العدالة

وبيقول كمان في سبع سموات وسبع بحار ما وسعت الله ووسعو قلب الأنسان لهيك حاولو ما تجرحو قلب الأنسان ...

حاج .."

[sweetbaby]

تم اغلاق الموضوع لتعديل وترتيب الحوار والنقاش