غزول تبحث عن الحب ،،

[ghazool]

في كل صباح ،، بعد ما اشـرب فنجـان قهوتي المفضل ،،
و انا بالطريق ع الشـغل ،، بيطلع ببالي كل شي ساويته مبارح ،، و كل شي ممكن ساويه اليوم ،،
و بصير بفكر اكتر بمشاكل الحياة اليومية ،،
مع تنوع الأسباب ،، شكل الناس بيكون كتير معجوق ،، ان كان بهدف الذهاب للعمل أو للمدرسة أو لصبحية نسائية أو لاجتماع حزبي أو لعيـادة المريض ،، ،، ،، مشاكل اجتماعية ، عائلية ، سياسـية ، ... ...
كل يوم بيزيد اقتناعي اننـا بحاجة إلى مزيد من الحب و الرحمـة ،، و للأسف هيك مشاعر عم نخسرها يوم بعد يوم ..
الحب اللي عم احكي عنه ليس هو الحب العادي اللي بيفرض نفسه متل الحب بين شب و صبية ، أب و أم و عائلة ،،
انا قصدت الحب اللي منعمله لغيرنا بدون هدف و بدون مقـابل ،،

متى آخر مرة حبينا بدون مصالح ؟؟ ليش ضغط المجتمع و الأيام عم يخلينا ننسى كتير اشياء و ننسـى نعيش كتير مشاعر ؟ ليش اصلآ العلاقات بتختلف من سنة للتانية ،،
ليش صرنا منحسبها كتير و منفكر بكل حركة و كل كلمة عم تكون محسوبة علينا ،،
هل فقدنا العفوية ؟

ليش تغيرت المشاعر ؟ ليش صرنا نتجنب الناس و نتفادى حتى السلام ؟ هل أصبحت حياتنا أكثر تعقيـداً.. شو السبب ؟؟

[كاليمارو]

موضعك حلو كتير ........الدنيا اخذ وعطا ...لكن بهذه الدنيا الكل عم بشتغل لحاله مابيفكر بغيره لانها دنيا المصالح وبس وانا ما بعم الكل البعض منهم .....لقول المثل " اعمل خير وارميه في البحر"
ونصيحتي إليك لاتشيلي هم الدنيا وابتسمي للحياه الحياه بتبتسم لك

[فلسطينية الشتات]

الحب، كلمة نسمعها تتردد كثيرا، وتحمل معاني أكثر، ولكن أتكون هذه الكلمة تحمل نفس المعاني في كل وقت ومن كل شخص ؟؟؟

الحب هذه الكلمة العصية على الفهم، والرابضة تحت ملايين المشاعر، قد لا نجد تعريفا كافيا ليشمل كل ما فيها، فهي لا بد تختلف من شخص لآخر، فأنت وأنتي وأنا، كل لنا مفهومه الخاص في الحب وتعريفه.

ولكن يبقى السؤال الأوحد: متى تقول أنك تحب ؟؟ وما هي الظروف التي تضعك في مواجهة مع نفسك لتقرر في نهاية المواجهة موقفك النهائي من الحالة التي تحياها؟؟؟

بالنسبة لي فالحب ، حياة وموت ، عطاء وأخذ ، غرور وكبرياء ، تضحية وأنانية ، مسميات كثيرة قد تدرج تحت كلمة الحب ، وهكذا تبقى كل كلمات اللغة ومفرداتها عاجزة عن تضمين الوصف المناسب لهذه الكلمة.

فالحب حالة سرمدية ، تسبح في سديم الحياة بعيدا عن كل شيء ، قد تجعلك ترى الأمور بشكل افضل فترقى من خلالها ، أو تحطم كل أمل لك فتظلم حياتك وتضيع في طرقات الحياة الكثيرة.

لقد استهوتني الكتابة اليوم تحت هذا المسمى لأسباب كثيرة ، فقد بت تسمع هذه الكلمة تتردد كثيرا كما أسلفت سابقاً مما جعلها تفقد إحساسها الصادق ووقعها العذب في النفس ، فبرأيي الحب لا يخضع لمزاودات الكلام بقدر ما هو حالة من الاحساس والشعور ، فكلمات لغتنا العربية على عظمتها وعلى اتساع بحورها أجدها عاجزة عن وصف لحظة شعور صادق في قلب ينبض بشيء اسمه الحب.

وهكذا تجد البعض قد استمرأ ادعاء الحب وابدع في وصفه مما افقده بريقه الخاص الأخاذ، فنزع صفة الحب من كلامه وإن كان من خلاله يصف حبه ، فالحب في هذا الزمن أضحى سلعة رخيصة يتاجر بها كل من تسول له نفسه الادعاء والتمثيل فيه.

وهدفي الأول والأخير من هذا الموضوع كله ، يتركز في سؤال واحد فقط لا غير :

هل نحن حقا نحيا في زمن لا حب فيه ولا تقدير ؟؟؟؟

هل نحن في زمن جفت فيه المشاعر لتحيا مكانها قطع من الجليد تغلف نبض قلوبنا ؟؟؟

قد يقول البعض : نحن في زمن الحرب ، وما دمنا نحيا هذه الحياة فلا مجال للحب ولا لكل هذا الكلام الأجوف .

وقد يقول البعض الآخر : لا ، الحب موجود ويحيا بيننا في كل لحظة ، وأكبر دليل على نمائه واستمراره اكثر مما سبق ، هو حالة الحرب نفسها التي نحياها ، فلو لم نحمل الحب في قلوبنا لما خضنا هذه الحرب ولا استبسلنا وقدمنا ارواحنا فداء لمن نحب ، الحب موجود فهو للأرض والوطن والام والزوجة والاخت والابنة والاخ والاخت والاب والابناء والأهل والعالم أجمع.

نعم لولا حبنا لهم وشعورنا القوي بالانتماء لهم والانصهار في حياتهم لما قدمنا حياتنا وهي أغلى ما نملك فداء لهم ليعيشوا هم ويستمروا .

ترى أي الطرفين اقرب للواقع : هل انتهى الحب في عالم تسوده الحروب والمآسي ؟؟؟
أم تراه يكبر ويتعزز في ظل هذه الظروف ، ليسطر اجمل معاني الحب والفداء في سبيل من نحبهم ؟؟؟؟؟

اترك لكم حرية الخيار والقرار ، فأنتم تعيشون الواقع كما أعيشه ، ولكم نظرتكم فأعلنوها على العلن دون حرج . أما زال الحب موجوداً قائماً أم مات واندثر ؟؟؟؟

[ghazool]

كاتب النص الأصلي : كاليمارو

بهذه الدنيا الكل عم بشتغل لحاله مابيفكر بغيره لانها دنيا المصالح وبس وانا ما بعم الكل البعض منهم .....

شكراً

كاتب النص الأصلي : فلسطينية الشتات

هل نحن في زمن جفت فيه المشاعر لتحيا مكانها قطع من الجليد تغلف نبض قلوبنا ؟؟؟ وقد يقول البعض الآخر : لا ، الحب موجود ويحيا بيننا في كل لحظة ، وأكبر دليل على نمائه واستمراره اكثر مما سبق ، هو حالة الحرب نفسها التي نحياها ، فلو لم نحمل الحب في قلوبنا لما خضنا هذه الحرب ولا استبسلنا وقدمنا ارواحنا فداء لمن نحب ، الحب موجود فهو للأرض والوطن والام والزوجة والاخت والابنة والاخ والاخت والاب والابناء والأهل والعالم أجمع.

شكـراً كتير كلامك رااااااااائع ،،

[فلسطينية الشتات]

انتي الاروع غزول، موضوعك جميل ولولا هيك ما كنت رديت عليه

تسلمي

[ghazool]

كاتب النص الأصلي : فلسطينية الشتات

انتي الاروع غزول، موضوعك جميل ولولا هيك ما كنت رديت عليه
تسلمي

.. ..

[فيروزة]

الحب الحقيقي يا غظولة موجود ولكن بكميات محدودة
ما عليكي إلا البحث جيدا

[Gazita]

غزول بتعرفي لازم كل يوم اسأل نفسي ليش سوء تفاهم صغير بيتحول فجأة لمعركة سواء بالباص بسوبر ماركت بحيا الله مكان.ساعات بحس انوالبني ادم ما ضلت بقاموسو كلمة الصبر وتوسيع الصدر. بس برجع وبقول ما دام بتلاقي ناس لسا روحهم حلوة بتقولي لسا الدنيا بخير.يا اختي ما واخدين من هالدنيا شي ليش نعذب حالنا .السلام للجميع بدهم يردو يردو مابدهم يسطفلو بس بلاقي سبب هالتعقيد وضيق الصدر بيختلف من وقت للتاني.فمتلا بالصبح وانتي رايحة للشغل او الجامعة ....بتلاقي الباص كلو ساكت واذا شفتي في وش حدا(طبعا مو الكل)بتلاقيه راح ينفجر يا اما مو نايم منيح يا اما مو فاطر منيح...... يلااااا المهم احنا نتحكم باعصابنا ونحب اللي حوالينا ومدام معاملتك منيحة مع الناس راح يعاملوك على حسب معاملتك.الا الاشرار اللي ما الهم دوا.
تانكس غزول موضوع كتير مهم

[ري مي]

[quote][ليش صرنا منحسبها كتير و منفكر بكل حركة و كل كلمة عم تكون محسوبة علينا ،،
هل فقدنا العفوية ؟

ليش تغيرت المشاعر ؟ ليش صرنا نتجنب الناس و نتفادى حتى السلام ؟ هل أصبحت حياتنا أكثر تعقيـداً.. شو السبب ؟؟/QUOTE]
أي والله ياغزول كل شي محسوب علينا .. للأسف انو كل ما كبرنا بالعمر سنة بتتعقد الامور مع انو مو لازم هيك
اليوم انا صار عمري 24 ولكن لسا بحس حالي طفلة لسا تصرفاتي هيك بس الناس بيحسبوها بشكل تاني
بس انا عم حاول انو ما رد على هالخزعبلات

[الفارس منذر]

يا عزيزتي الحياة الماديه طغت على كل شيء
معظم ناس و أنا و احد منهم صار تفكيرهم عم ينصب كيف استطيع أن اطور نفسي من نا حيه العمليه فقط اصبحنا نلهث وراء النجاح المادي و نترك خلفنا تفكير بكتير أمور منها الحب بمختلف أشكاله

موضوعك كتير حلو

[طنش تعش]

ياستي مجتمع معقد .............................مو الكل طبعا .......بس هيك تربو الاغلبية .........
تربو عالتعصب ...............يعني انا مابصدق انو واحد يعمل خير لواحد هيك لاالله .........ومايكون بدو شي منو........يعني لحد هلق ماقتنعت بهالنظرية....بس بالنسبة الي مابكره العالم بالعكس بحب الناس والعلاقات الاجتماعية ......بس عندي قناعة وماشي عليها انو هاد بعرفو كويس معي ماضرني انا بعاملو باحترام اكبر .........واذا شي حدا لكلك معي ........ليش بالناقص منو.......
مشكورة ياغزول عالموضوع ...............

[ghazool]

كاتب النص الأصلي : فيروزة

الحب الحقيقي يا غظولة موجود ولكن بكميات محدودة
ما عليكي إلا البحث جيدا

هيك رأيك فيروظتي ؟..

شـكراً ..

[ghazool]

كاتب النص الأصلي : gazita

غزول بتعرفي لازم كل يوم اسأل نفسي ليش سوء تفاهم صغير بيتحول فجأة لمعركة سواء بالباص بسوبر ماركت بحيا الله مكان.ساعات بحس انوالبني ادم ما ضلت بقاموسو كلمة الصبر وتوسيع الصدر.

للأسـف ،، ..

فمتلا بالصبح وانتي رايحة للشغل او الجامعة ....بتلاقي الباص كلو ساكت واذا شفتي في وش حدا(طبعا مو الكل)بتلاقيه راح ينفجر يا اما مو نايم منيح يا اما مو فاطر منيح......

هادا متلي ،، كه كه

كاتب النص الأصلي : gazita

تانكس غزول موضوع كتير مهم

شكراً لمشـاركتك يا أحلى غاظيـطا ،،
(( من العيلة انتي ))

[Gazita]

quote=ghazool;452407]]

شكراً لمشـاركتك يا أحلى غاظيـطا ،،

(( من العيلة انتي ))

[/quote]

قريبا يا احلى غزول

[ghazool]

كاتب النص الأصلي : ري مي

أي والله ياغزول كل شي محسوب علينا .. للأسف انو كل ما كبرنا بالعمر سنة بتتعقد الامور مع انو مو لازم هيك
اليوم انا صار عمري 24 ولكن لسا بحس حالي طفلة لسا تصرفاتي هيك بس الناس بيحسبوها بشكل تاني
بس انا عم حاول انو ما رد على هالخزعبلات

شكراً ..

أكيد منحاول انو ما نرد ع هالخزعبلات ،،
و منحاول دائماً نبادر بالسلام ،، و نكون كتير ودودين مع غيرنا ،،
بس المشكلة متل ماقلت ،، عم نحس انو المجتمع عم يفقد روحو و محبته ..

[ghazool]

كاتب النص الأصلي : الفارس منذر

يا عزيزتي الحياة الماديه طغت على كل شيء
معظم ناس و أنا و احد منهم صار تفكيرهم عم ينصب كيف استطيع أن اطور نفسي من نا حيه العمليه فقط اصبحنا نلهث وراء النجاح المادي و نترك خلفنا تفكير بكتير أمور منها الحب بمختلف أشكاله
موضوعك كتير حلو

ميرسي لمشاركتك ،،

[راديا]

مستحيل نلاقي شي ...
لانو راح كل شي و بطل شي اسمو ...

[ghazool]

كاتب النص الأصلي : طنش تعش

ياستي مجتمع معقد .............................مو الكل طبعا .......بس هيك تربو الاغلبية .........
تربو عالتعصب ...............يعني انا مابصدق انو واحد يعمل خير لواحد هيك لاالله .........ومايكون بدو شي منو........يعني لحد هلق ماقتنعت بهالنظرية....بس بالنسبة الي مابكره العالم بالعكس بحب الناس والعلاقات الاجتماعية ......بس عندي قناعة وماشي عليها انو هاد بعرفو كويس معي ماضرني انا بعاملو باحترام اكبر .........واذا شي حدا لكلك معي ........ليش بالناقص منو.......
مشكورة ياغزول عالموضوع ...............

لك هلا طنش طعش ،،
اشتقنالك ..