غزول تبحث عن الحب ،،

[Tulip]

مرحبا غظوووول........

أي اساتني عايشة

ليكي غظول هادا الحب شي جواتنا و مانو غريب عننا، بس نحنا عم نغمض عيونا عنو، ما بدنا نشوفو لأنو مفكرينو بيتعبنا......... بس صدقيني هو ما هيك!!!!!

أنا بقول ...... نحنا خلقنا من الحب و خلقنا لنحب و ننحب....... اذا ما عشنا وما عرفنا كيف نحب كل الناس......... صدقوني منكون مانا عايشين بس مفكرين حالنا عايشين!!!!

لازم نتعلم نعيش الحب بكل شي بحياتنا...... واي شغلة صعبة بس حلوة كتير....

وما رح انسى قلك شكراً غظولتي

[الحاج متولي]

كاتب النص الأصلي : gazita

غزول بتعرفي لازم كل يوم اسأل نفسي ليش سوء تفاهم صغير بيتحول فجأة لمعركة سواء بالباص بسوبر ماركت بحيا الله مكان.ساعات بحس انوالبني ادم ما ضلت بقاموسو كلمة الصبر وتوسيع الصدر. بس برجع وبقول ما دام بتلاقي ناس لسا روحهم حلوة بتقولي لسا الدنيا بخير.يا اختي ما واخدين من هالدنيا شي ليش نعذب حالنا .السلام للجميع بدهم يردو يردو مابدهم يسطفلو بس بلاقي سبب هالتعقيد وضيق الصدر بيختلف من وقت للتاني.فمتلا بالصبح وانتي رايحة للشغل او الجامعة ....بتلاقي الباص كلو ساكت واذا شفتي في وش حدا(طبعا مو الكل)بتلاقيه راح ينفجر يا اما مو نايم منيح يا اما مو فاطر منيح...... يلااااا المهم احنا نتحكم باعصابنا ونحب اللي حوالينا ومدام معاملتك منيحة مع الناس راح يعاملوك على حسب معاملتك.الا الاشرار اللي ما الهم دوا.
تانكس غزول موضوع كتير مهم

والله في الحقيقة الموضوع رائع وردك أروع وصدقيني هي مو مجاملة
المهم بالنسبة للحب في هذه الأيام العصيبة أصبح حلم يراود كل إنسان وللكن للأسف صعب منالو أو تحقيقو لسبب بسيط جدا
ألا وهو
غلاء وصعوبة المعيشة
كل واحد مننا بيقول الحب مابوقف إداموا عقبات أو إلي بيحب مستعد يضحي علشان حبو بكل شيئ ولكن للأسف بعد ما يلتقي بحبيبو وبيلتقو مع بعض تحت سقف واحد تبدأ مصاعب الحياة بإبادة هذا الحب كمرض خبيث لا يمكن معالجته فيجعل الحب مجرد ذكرى إنطوت تحت صفحات الفواتير والكمبيالات
لذلك عندما يصبح أسمى شيى في الوجود (الحب) مجرد ذكرى تجد كل إنسان يمشي في الشارع مشتت الأفكار لا يجد لتلك الدنيا من معنى كيف لي أن أعطي حبيبي أو أصدقائي أو معارفي كل الحب وأنا على علم بأن الكهرباء سوف تقطع في أية لحظة وأنا في ساعة تأمل لهذا الحبيب وذلك بسبب عدم دفع فاتورة الكهرباء
الحياة في هذا الزمان أصبحت تمشي مسرعة لدرجة أنك إذا أسرعت معها سوف تفقدين الوقت اللذي تخصصينه للحب
وإذا ما وقفت لهذا الحب سوف تجدين العالم يمشي فوقك بدون أن يشعر بك أحد
تحياتي
الحاج متولي

[ghazool]

كاتب النص الأصلي : وائل 76

لاننا فقدنا طبيعتنا البشرية واصبحنا مجرد اشياء تعيش على الارض تفتقر لكل معاني الخير التي فطرنا الله عليها
مرسي غزول على موضوعك

بقـدر أفهم من حـديثك انو صـرنا عملييـن و ماديين و بلا مشاعر

شكراً ع مشاركتك

[فلسطينية الشتات]

المادة فعلا طغت، لكن المشاعر لسه موجودة

وممكن ترجع للظهور لما الواحد يحس فعلا انه في بيستحق الحب

[الحاج متولي]

كاتب النص الأصلي : فلسطينية الشتات

المادة فعلا طغت، لكن المشاعر لسه موجودة

وممكن ترجع للظهور لما الواحد يحس فعلا انه في بيستحق الحب

المشكلة إني في كتير ناس بتستحق الحب ....بس هيهات علي يفضا للحب
المشكلة صاريت عويصة وصعبة ومتل ما قال مدري شو إسمو أعطني خبزاً أعطيك علماً
ما قال أعطني حباً أعطيك علماً إذا كان الواحد جوعان شلوووووووووووووووووووووون بدو يحب

[ghazool]

كاتب النص الأصلي : Tulip

مرحبا غظوووول........
أي اساتني عايشة

ليكي غظول هادا الحب شي جواتنا و مانو غريب عننا، بس نحنا عم نغمض عيونا عنو، ما بدنا نشوفو لأنو مفكرينو بيتعبنا......... بس صدقيني هو ما هيك!!!!!
أنا بقول ...... نحنا خلقنا من الحب و خلقنا لنحب و ننحب....... اذا ما عشنا وما عرفنا كيف نحب كل الناس......... صدقوني منكون مانا عايشين بس مفكرين حالنا عايشين!!!!
لازم نتعلم نعيش الحب بكل شي بحياتنا...... واي شغلة صعبة بس حلوة كتير....

وما رح انسى قلك شكراً غظولتي

اشتقنالك ،،

[فلسطينية الشتات]

الحب حالة بتعيشها مش برضاك، غصب عنك
يعني اذا حبيت مش رح لسه تفكر انه في مجال والله احب واللا اخلي الموضوع مأجل شوي

مثلا واحد حب وهو عارف كويس انه اللي حبها صعب يقدر يرتبط فيها
ومع ذلك بضل ثابت ومصر على حبها

الجوعااااااااااااااااااان بحب مثله مثل باقي البشر
الفرق الوحيد بينه وبين الباقي ، انه جوعاااااااااااااااااااااا ن

[الحاج متولي]

كاتب النص الأصلي : فلسطينية الشتات

الحب حالة بتعيشها مش برضاك، غصب عنك
يعني اذا حبيت مش رح لسه تفكر انه في مجال والله احب واللا اخلي الموضوع مأجل شوي

مثلا واحد حب وهو عارف كويس انه اللي حبها صعب يقدر يرتبط فيها
ومع ذلك بضل ثابت ومصر على حبها

الجوعااااااااااااااااااان بحب مثله مثل باقي البشر
الفرق الوحيد بينه وبين الباقي ، انه جوعاااااااااااااااااااااا ن

وبرأيك هيك بيكفي ............وبكرا بس من كبرو ولادو بيطعميهن حب
الحب يا عيني شي كتيييير حلو بس المشكلة الجوع كافر وقاتل للحب
و ماتحسبي أنا عم بحكي شنو أنا جوعان لا والله بس المشكلة أنا كيف بدي أعطي واحد حب وأنا بعرفو إذا عطيتو رغيف خبز أحسن إلو

[ghazool]

كاتب النص الأصلي : الحاج متولي

والله في الحقيقة الموضوع رائع وردك أروع وصدقيني هي مو مجاملة
المهم بالنسبة للحب في هذه الأيام العصيبة أصبح حلم يراود كل إنسان وللكن للأسف صعب منالو أو تحقيقو لسبب بسيط جدا
ألا وهو
غلاء وصعوبة المعيشة
كل واحد مننا بيقول الحب مابوقف إداموا عقبات أو إلي بيحب مستعد يضحي علشان حبو بكل شيئ ولكن للأسف بعد ما يلتقي بحبيبو وبيلتقو مع بعض تحت سقف واحد تبدأ مصاعب الحياة بإبادة هذا الحب كمرض خبيث لا يمكن معالجته فيجعل الحب مجرد ذكرى إنطوت تحت صفحات الفواتير والكمبيالات
لذلك عندما يصبح أسمى شيى في الوجود (الحب) مجرد ذكرى تجد كل إنسان يمشي في الشارع مشتت الأفكار لا يجد لتلك الدنيا من معنى كيف لي أن أعطي حبيبي أو أصدقائي أو معارفي كل الحب وأنا على علم بأن الكهرباء سوف تقطع في أية لحظة وأنا في ساعة تأمل لهذا الحبيب وذلك بسبب عدم دفع فاتورة الكهرباء
الحياة في هذا الزمان أصبحت تمشي مسرعة لدرجة أنك إذا أسرعت معها سوف تفقدين الوقت اللذي تخصصينه للحب
وإذا ما وقفت لهذا الحب سوف تجدين العالم يمشي فوقك بدون أن يشعر بك أحد
تحياتي
الحاج متولي

شكراً

المشكلة انو كلامك صحيح ،، و ضغط الحياة العملية و الاقتصادية و السياسية
عم يخلي صبرنـا قليل ،، و خلاقنا ضيقة ،، و عم يقتل الحب اللي فينا ،،

برأيك .. هي العولمـة ؟

[الحاج متولي]

كاتب النص الأصلي : ghazool

شكراً

المشكلة انو كلامك صحيح ،، و ضغط الحياة العملية و الاقتصادية و السياسية
عم يخلي صبرنـا قليل ،، و خلاقنا ضيقة ،، و عم يقتل الحب اللي فينا ،،

برأيك .. هي العولمـة ؟

طبعاً العولمة بدا تنين يحكو فيا يا غزول

[فلسطينية الشتات]

انا مش كافر بس الجوع كافر
انا مش كافر بس الفقر كافر
وشو بعمل ازا اجتمعوا فيا كل الإشيا الكافرين

يا عيني عليك يا رحباني، يا حج متولي الحب لا يصنع المعجزات لكنه على الاقل يساعدك على الحياة، تخيل حياتك فاضية تماما من اي حب!!!!!!!!!!!!!!

ما رح تعرف لحياتك طعم، بعدين يا اخي الحب مش شرط يكون حب رجل وامرأة

يعني مش حب زواج بالضرورة، المهم حالة الشعور بالحب بشكل عام

[ghazool]

كاتب النص الأصلي : فلسطينية الشتات

الجوعااااااااااااااااااان بحب مثله مثل باقي البشر
الفرق الوحيد بينه وبين الباقي ، انه جوعاااااااااااااااااااااا ن

فيها وجهـة نظـر ،،

[فلسطينية الشتات]

كاتب النص الأصلي : ghazool

فيها وجهـة نظـر ،،

بس بالله عليكي غزول وجهة نظر صحيحة واللا لأ ؟؟

الحب ما بيعرف الشبع والجوع، او اللؤم والطيبة
الحب حب بغض النظر عن اي شي

[ghazool]

في إضافة للموضوع :

حكينا أول شي عن الحب بشـكل عام ،،
و حكيت انو الحب صاير نادر جـداً هالأيام ،، و اللي موجود هو مصالح ،،

و لسـه عم شوف انو في كتير ناس بتتجنب غيرها تقليداً للغرب ..
يعني مثلاً ،، نسـينا كل شي تربينا عليه من تقاليد و دين ((( كل الأديان تدعو للأخوة و الحب ))) ،،

ما في مبادرة بالسـلام ، مافي كرم ، مافي زيارات ابداً ، تعــاون ، رفــق ، اخــلاص ، إغـاثة ،، كلو ماشي و لحااالووووووووووووووووووو ..

المشكلة انو المجتمعات الغربية اختارت هالطريق من زمان ،، و بعد رحلة طويلة اكتشفو انو هالطريق بيعمل مشاكل لأنو :

1. بيضعف من الارتباط الأسري
2. تكتر المصالح
3. بيصير الانسان متل الآلة
4. مافي لا رفقة ولا صداقة

= وحدة ابدية ..

و اي مرض و اي خلل بالمجتمع الغربي سببه الوحدة الرهيبة اللي بيعانو منها من الصغر ،،

المجتمع الغربي وصل لأخر الرحلة و حالياً عم يفكر كيف يقدر يلم الشمل و يرجع المجتمع لما كان عليه من خلال الندوات و المعاهد الاجتماعية و كتب تنمية الطفل و الحب
و الحياة و الاخلاص ،،

معأول يكون المجتمع العربي عم ينتظر انو يكفي الرحلة للآخر ؟ و لحتى نحس بالضياع و بالملل و بالوحدة بوقتها منقول ياريت ترجع ايام زمان ؟؟

اكيد العولمة سببها هالضغوط النفسية و المادية والاجتماعيةو السياسية ،،،،، الخ ،،،

بس بشوية تفاؤل ،، كل شي بيصير ،،

لمين قلت صباح الخير اليوم بابتسامة ؟

خلينا نبدا بالخطوة الأولى اليوم ،، لمسـتقبل احلى ،،

[فلسطينية الشتات]

والله يا غزول ذكرتيني بوحدة ركبت معي اليوم بالأصنصيل

لما وصلت على العمارة اللي فيها الشركة اللي بشتغل فيها
اجيت بدي اركب الاصنصيل طلعت معي وحدة بتشتغل بالطابق الخامس
المهم ابتسمتلها وحكيتلها صباح الخير
واللا هي بتحكيلي بتعرفي انك اول وحدة بتبتسم بوجهي وبترد علي الصباح
بدون ما اكون اعرفها او تعرفني.

وكملت الحكي، انه الناس بطلت زي زمان
اللهم نفسي وخلص

حكيتلها الدنيا لسه بخير
الواحد ينظر للدنيا بتفاؤل الا ما بتضل حلوة

[ghazool]

كاتب النص الأصلي : فلسطينية الشتات

واللا هي بتحكيلي بتعرفي انك اول وحدة بتبتسم بوجهي وبترد علي الصباح
بدون ما اكون اعرفها او تعرفني.

+

[الحاج متولي]

كاتب النص الأصلي : فلسطينية الشتات

والله يا غزول ذكرتيني بوحدة ركبت معي اليوم بالأصنصيل

لما وصلت على العمارة اللي فيها الشركة اللي بشتغل فيها
اجيت بدي اركب الاصنصيل طلعت معي وحدة بتشتغل بالطابق الخامس
المهم ابتسمتلها وحكيتلها صباح الخير
واللا هي بتحكيلي بتعرفي انك اول وحدة بتبتسم بوجهي وبترد علي الصباح
بدون ما اكون اعرفها او تعرفني.

وكملت الحكي، انه الناس بطلت زي زمان
اللهم نفسي وخلص

حكيتلها الدنيا لسه بخير
الواحد ينظر للدنيا بتفاؤل الا ما بتضل حلوة

طيب شو رأيك كنت نيزل من عمارة بيت أختي وإذ يبكون في واحد عم يستنا المصعد هو وحدة يمكن تكون إختو أو زوجتو ........ المهم قلتلو السلام عليكم.....قام طلع فيني من فوق لتحت وقال للي معو من شان يسمعني : لعما على هل ناس ما عاديت إستحيت شايف معي وحدة وعم بيسلم على........
يخرب بيتو ما أقلو صباح الخير يا عيوني .......... كان رفع علي قضية تحرش أو قال عني إرهابي

[فلسطينية الشتات]

روق يا حج روق

ايام الكلية كان في عندي مدرسة شايفة حالها بالسما
وما كانت تدرسني

بيوم مرت من جنبنا كنت انا والشلة، احراما الها كونها مدرسة يعني
حكينالها صباح الخير

اطلعت فينا من فوق لتحت وحكت بصوت مثل صوت الزميرة:
انا بدرسكم؟؟؟ حكينالها لأ

واللا هي بتحكي : وليه بتردوا الصباح ؟؟؟؟؟؟؟

تخيل ؟؟؟