الشركة اللي بشتغل فيها WORLD FINANCIAL GROUP -WFG

[يمان Rooooonaldo]

(لوضحها اكتر انا حاليا MARKETING DIRECTOR ويمان هوي من العشرة اللي ضميتهن انا عالشركة اذا يمان ساعد عيلة ب 200 دولار يمان رح يقبض من الشركة 600 دولار وانا رح اقبض من الشركة 600 دولار على شغل يمان )

اي لاأ فشرت .. أبقبل خلّي حمصي يطلع عكتافي


عراسي بو الهن .. وكمّل عكيفك .. الموضوع لهنلا عاجبني .. ومتابع

بس من ناحيتي .. بفضل تحكيلي كيف الشركة بتجيب المصاري وبتعوض .. وكمل ناطرينك

[ِAbu Alzooz]

كاتب النص الأصلي : hanny dagher

اوكي طبيعي مو انت اول واحد بيفوت بالحيط بهالمرحلة يعني يتطلب الموضوع بس تفتيح مخ شوي

خليك معي لا تسرح وتركني من الاي كيو تبعك هلأ

انتي انضميت للشركة بتصير AGENT وعم تشتغل لحالك كل عيلة بتساعدها (ب 200 دولار ) بتقبض عليها من الشركة 600 دولار
بعدين قررت انو معد بدك تشتغل لحالك بدك تعمل فريق او تجاوزا منقول تشغل عالم عندك (مو دقيقة هالكلمة بس تجاوزا عم نقولها )

لنقول انا ويمان وماتيا وحسون والمحارب العتيق و ياس ومورنينغ و مريومة و ريمي و سوريويو انضمينا لفريقك انتي بيصير اسمك MARKETING DIRECTOR ونحنا العشرة بيصير اسمنا AGENTS
هاي نحنا عشرة وانتي القائد تبعنا

هلأ اذا انا بساعد عيلة بقبض عليها 600 دولار اعتمادا على حكينا الاول لانو انا AGENT بس بنفس الوقت انتي بتقبض 600 دولار بدون ما تشتغل شي بس لانو انا بفريقك ولانو انتي MARKETING DIRECTOR
اذا يمان بيساعد عيلة هوي بيقبض وانتي بتقبض وهيك لكل العشرة اللي بفريقك

فهمت لهون او اسا في شي اسئلة ؟

ايو هلق فهمت

يعني اذا عملت فريق

بصير بقبض بدون ماشتغل بس بقبض على التجميع

ائلتلك اذكى كل اخواتي انا

[سوا ربينا]

تمام هاني ناطرين التكملة ,,,,

[hanny dagher]

باخر رد لالي سالت سؤال

هلأ اذا سالتكن سؤال
عن شو بدكن تعرفو اكتر عن كيف تعملو مصاري اكتر (يعني كيف تعملو ال 9600 دولار )
او بدكن تعرفو عن كيف المصاري بتشتغل لالكن (يصير في عندكن عالم تعتني بالمصاري تبعيتكن وتساعدها انها تزيد )

هادا السؤال اسمو closing يعني منسكر العرض تبع الشركة ومنترك المجال مفتوح للاسئلة بس منسال هالسؤال مشان نعرف كيف بدنا نروح مع الزبون ( الزبون بيكون اسمو prospect لحتى نسالو هالسؤال و حسب جوابو منحدد شو بيصير )

لنفترض الزبون قال بدو يعرف كيف يعمل مصاري اكتر
هون صار الزبون اسمو potential recruit يعني احتمال موظف (حلوة الترجمة الحرفية )
طبعا الشغل بالشركة مو لكل العالم لهيك في امور لازم الواحد يحققها لحتى يتوظف بالشركة

1- بدو يدفع 100 دولار هاي مشان تفقد الخلفية تبعيتو يعني منتاكد انو ما عندو خلفيات اجرامية ما عندو مشاكل مخالفات سواقة تحت الكحول ما عندو مشاكل مع الكريديت كاردس وهالقصص هاي

2- لازم يعطي شوية وقت للشركة معظم العالم بتشتغل هالشغلة دوام جزئي يعني ماكسموم عشرين ساعة اسبوعيا في عالم ممكن تشتغل نهار واحد وفي عالم اكتر في عنا واحد بالفريق بيساوي كل شغلو نهار التلاتا
ما بيهم ايمت بيتساوى الشغل بس انو ما تضربها طناش وتروح ومعد تفرجينا وجهك

3- لازم تكون coachable هاي الكلمة مو كلمة انكليزية يعني ما رح تلاقيها بالقاموس يمكن
بس رح اعطيها بمثال لنفترض انو عم نلعب طابة والمدرب قلك يا اخي عمول هالشغلة لانها لصالح الفريق وانتي ما عملتا اول الشي رح تضر الفريق وبالتالي رح تتعاقب بانك تقعد احتياط لحتى تصير تسمع الكلمة هههههههه
بالشركة نفس الشي في عنا مدربين خبراء بالشركة ونحنا المتدربين لازم نسمع كلمتهن ونقول كل شي بيقلولنا يا لانو هني رح يساعدونا ويساعدو الفريق بنفس الوقت وطبعا اللي ما بيسمع الكلمة بيبعدو شوي عنو بس ما بيتركو

في حال تمت الموافقة على هالشروط التلاتة
منعبي الطلب تبع الشركة ومنحطو عالسيستم ومنحط الشخص الجديد اللي صار اسمو recruit ومنبلش تدريب في لحتى يقدر هوي يشتغل لحالو



يتبع مع الشطر التاني من السؤال .................................................. ............................

[hanny dagher]

انا بقضي نهاري عم احكي عن الشركة صاير عم احلم فيها صرلي تلت شهور مبلش معاهن

حاليا انا ضمن الاربعة ال leaders تبعوت الفريق مبارح كان عنا اجتماع مناقشة لامور الفريق ولوين بدنا ناخدو وشو الاهداف المستقبلية للفريق

وحاليا بلشت دراسة مشان الفحص التاني تبع الشركة ويمكن قدمو باخر آب

على كلن كل شي رح يجي بوقتو وتعرفو انا عن شو عم احكي

[HashtNasht]

يا شباب .........انتبهوا!!!

هاني انا كنت بدي ابعتلك الرد ع الخاص بعدين قررت اني ابعتو هون مشان الكل يعرف .

الشركة اللي عم تشتغل فيها ( اذا صح التعبير ) هي عبارة عن شركة ( نصب ) كمان اذا صح التعبير !!
انا بصراحة اول مرة بسمع بالشركة هو هون ...بس من خلال شرحك و مقدماتك و بعدين توضيحك تماما للاسلوب العتاد لهيك قصص تأكدت 100 %

هاد الشغل اسمو بالعربي pyramid marketing schemes و هو على حد علمي غير قانوني باميركا ....و مشان هيك بنصحك تمحص اكتر بهالشركة المدعوة و تشوف بعينك انن كذابين .

ببساطة ياجماعة هاي الشركات بتفوت للعالم من مليون باب ....بس دائما بنفس الخط و نفس الاسلوب:

الاسلوب هو :

اولاً : انو نحنا يا جماعة فرع من شركة كتير كتير كتير مهمة .....مليانين مصاري نحنا !!!
تانياً : نحنا كتير فهمانين ...و ما مين ما كان منجيبو لهون ...[س نحنا اخترناكن ..ترى انتو مانكن سهلين ...!!
تالتاً : نحنا ما بدنا مصاري ......اعوووووووووذ بالله ....نحنا بدنا نعطيك مصاري !!
رابعاً : المصاري اللي ممكن تطالعا هون ...ما ممكن تطالعا باي شغل تاني ..و هات ورقة و قلم و حسوب ( و هون بفوتولك بالمضاعفات ....الله يلعن اخت المضاعفات ) !!
خامساً : لحتى تجمع مصاري منيح لازم يكون في فريق ..و كل ما كبر فريقك كل ما تضاعف دخلك باضعاف مضاعفة ضعفاً ضعيفا !!!
سادساً : منتجاتنا ما حدو عندو منها !!!
ثامناً : وقت تفوت معنا لازم تدفع ...باي طريقة يعني ..ممكن نبيعك شي و ممكن ندفعك ياهن بغير اسلوب ...و كل واحد بدو يجي بعدك بدو يدفع ....و انت بتقبض و نحنا منقبض اضعاف ...لانو في عنا .......................الهرم !!!


ببساطة ياشباب هي الحركات انا كنت متخيل انها مفضوحة و خصوصي للشباب الواعين .....يعني كتير مرق قصص من هيك اشكال ..و ما بعرف اذا في حدى منكن بيتذكر الدولار الصاروخي .

طبعا بهيك نوع من النصب بكون في عالم ربحانين و ممكن يربحو كتير كتير ,....بس هني اللي بكونو بقمر الهرم ...و طالما انت بقاعدة الهرم ما رح تربح او رح تربح شي خفيف او غالبا يعني رح تخسر .

الخسارة ما رح تتوقف ع الماديات .....رح تخسر من شخصيتك وقت بتصير متلن بكل حركاتك و حكيك و اسلوبك و التفاهات اللي بقولوها و بترددا ....رح تخسر من كرمتك وقت بتكتشف انو انت فايت بنصبة كبيرة و مضطر تكفي و وتوقع غيرك مشان تطلع مصاريك
و رح تخسر من كرامتك وقت بتكون اكتشفت الموضوع متأخر و بتضطر توقف عند هالحد مخجول قدام كل اللي نصحوك !!!

بقدر اعطيكن امثلة على هالموضوع و الانترنت قدامكن و انتو واعين

دورو على هالمصطلخ pyramid marketing schemes و شوفو شو معناه بالضبط و ع شو بينطبق و ع شو ما بينطبق

فينكن تشوفو نموذج رخيص و مفضوح و منتشر بالخليج العربي اللي هو Questnet او Goldquest و للاسف كتير شباب محترمين انجرفو فيه و صارو مجرد مسوخ بتلاحق الناس لانن هدف محتمل مشان يكبرو هرمن و يصيرو فوق و يقبضوا ...و ياريتن يا ريتن يا ريتن بيقبضوا!!

ما في شي بالحياة ببلاش ...ابداً و وقت بكون شي to good to be true اكيد ما رح يكون true

و ندائي لهاني انو يمحص و يتحقق بحيادية و بعدين يجاوب هون

[hanny dagher]

ابا نهلة العظيم في حيينا
منور يابا


رح ارجع اتوسع شوي بالرد عليك وقت صير بالبيت

[Government]

حلو هالحكي .. متابع وبشغف

[HashtNasht]

كاتب النص الأصلي : hanny dagher

ابا نهلة العظيم في حيينا
منور يابا


رح ارجع اتوسع شوي بالرد عليك وقت صير بالبيت

طيب ...بس يا ريت توضح من وجهة نظرك شو هو ال( multi level marketing( mlm و شو هوال pyramid marketing schemes و شو هوال chain marketing و شو علاقة WFG بسابقي الذكر

[hanny dagher]

كاتب النص الأصلي : hashtnasht

طيب ...بس يا ريت توضح من وجهة نظرك شو هو ال( multi level marketing( mlm و شو هوال pyramid marketing schemes و شو هوال chain marketing و شو علاقة WFG بسابقي الذكر

طبعا اكيد

[ِAbu Alzooz]

انا كمان معكون بالفتة

[HashtNasht]

و انا رح حط رابط لملف ممكن يساعد الاشخاص اللي ما عندن فكرة عن الموضوع مشان يكونو بالصورة , الملف بيشرح النقاط الخمسة الرئيسية اللي بتميز الشركات اللي بتعتمد مبدأ السالاسل غير المنتهية او التسويق متعدد المستويات , او التسويق الهرمي ..مهما كان الاسم يعني

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

الملف بالانكليزي

[يمان Rooooonaldo]

ثانكس .. اب نهلة .. وهاد سؤال يمن الاول كان انو كيف .. عم يكون تحقيق المصاري بهيك بساطة خيالية

عكلن لح حاول نزل الملف واقراه بس ارجع من الجامعة وبخبرك .. وناطرين هن للتوضيح كمان

[hanny dagher]

اسف عالتاخير رجعت من الشغل تعبان وما نمت وما كنت مركز بنوب وكنت على اساس ما رد اليوم
بس بكرا رح اضطر انقطع عن الانترنت لفترة اسبوع يمكن او اكتر شوي وما بدي اتاخر عن الرد اكتر من هيك


بالنسبة للشركة WFG قبل ما بلش شغل بالشركة سمعت كتير حكي عن هالشركة لانو طبعا بما انو اسعتني جديد بهالبلد يعني ما بعرف شوفي شركات منيحة وشوفي شركات مو منيحة فعملت حركة بحثية كبيرة قبل ما اخد قرار بالانضمام للشركة والحركة البحثية استمرت حتى فيما بعد انضمامي للشركة بشهر وشهر ونصف

طبعا الاراء حول الشركة اختلفت بس معظمها تركز حول ما منعرف الشركة او انو الشركة تعتمد على البنية الهرمية او انو الشركة ممتازة

معظم العالم اللي كانت خايفة من الشركة كانت خايفة انو تكون الشركة نصابة او الشركة خدعة او متل ما بيسموها هون SCAM وهادا الشي خلاني خاف شوي بالبداية وخصوصا النظام الهرمي (تجاوزا ) المستخدم بالشركة واللي خافت منو كتير عالم

قبل ما احكي عن النظام الهرمي رح احكي عن الناس اللي قالت انو الشركة عبارة عن SCAM :

الشركات ال SCAM بالعادة بتعمل على محاسبتك اذا بدك تنضملها مصاري كتير تعود للشركة ويكون للشخص اللي دعاك على الشركة نسبة من هالمصاري
وحدة من الشركات اللي افتتحت مؤخرا وكانت عبارة عن SCAM بيقولولك بس بدك تدفع عشرين الف دولار ونحنا منعلمك كيف تصير REAL ESTATE AGENT يعني تصير قادر على بيع بيوت وعقارات بس الشي اللي ما بتعرفو انتي انو الشخص اللي دعاك عالشركة بيقبض من العشرين الف دولار نصهن يعني عشرة الاف دولار
هاي الشركة تعتبر SCAM هاي وحدة من الشركات الموجودة حاليا واللي بدأت تنكشف شوي ورا شوي

بالنسبة ل WFG ما في اي شي بتدفعو يعود للشركة كلو يعود لولاية كاليفورنيا
كيف يعني كل اللي رح يكلفك يا انو تنضم للشركة هوي 100 دولار بتندفع لولاية كاليفورنيا مشان يحررو المعلومات المتعلقة بال SOCIAL SECURITY NUMBER تبعك (كل شخص بامريكا عندو رقم مختلف عن التاني وعن طريق هالرقم بيتم ملاحقتو والنظام الاميركي بالمجمل قائم على هالارقام هاي يعني هادا الرقم هوي حياتك بامريكا )

اضافة الى تكاليف الشهادات اللي لازم تاخدها لحتى تقدر تشتغل مع WFG وهون منجي لسبب تاني انو WFG مانها SCAM لانو WFG مسجلة مع CALIFORNIA LIFE INSURANCE DEPARTMENT و مع SECURITY DEPARTMENT واللي بقصدو انو لحتى تقدر تشتغل مع WFG لازم تكون معك شهادة لتبيع انشورانس ولازم تكون معك شهادة لتبيع استثمارات وما بعتقد اي شركة SCAM بتتطلب هالشي من العملاء تبعوتها

تاني شغلة انو ال WFG ما عندها منتجات منها هيي انما WFG هيي صلة الوصل بين المستهلك او الشخص وبين شركات الانشورانس والاستثمارات الكبيرة بامريكا
لاعطي شوية امثلة
WRL = WESTERN RESERVE LIFE INSURANCE
FIDELITY
ING
PACIFIC LIFE
ALLIANCE
TRANS AMERICA

وهاي الشركات شركات معروفة على مستوى اميركا وكندا بانها من اقوى الشركات وبشهادة كل العالم حتى اللي ما بيعرفو WFG

يعني اذا بدي لايف انشورانس اقوى شركة بروح الها هيي WRL اذا بدي خطط تقاعدية اقوى شركة بروح الها هيي TRANS AMERICA واذا بدي استثمارات بروح على FIDELITY او ING

ما بعتقد انو اي شركة من هالشركات لو بتعرف انو WFG هيي عبارة عن SCAM رح ترضى تتعامل معها باي شكل

ايضا وايضا AEGON وحدة من اقوى شركات الانشورانس بالعالم وعلى فكرة انا سالت عنها ببريطانيا وتاكدت انها من اقوى شركات الانشورانس هنيك وAEGON صارت بالصين وفتحو بالهند وبعدو بالمكسيك مانها مجبورة تدعم شركة WFG اذا كانو خايفين من انو تكون SCAM

منجي للبنية الهرمية اللي العالم بتخاف منها
لو اجينا فكرنا فيها شوي النظام الاميركي قائم على بنية هرمية
يعني الرئيس الاميركي في قمة الهرم
بيجي الفرع اللي تحتو مجلس الشيوخ وموظفين البيت الابيض و و عن هدول العالم بيتفرع عالم بتشتغل الهن وبيزيد التفرع ليوصل للموظف العادي بالمؤسسات الحكومية

لناخد مثال STARBUCKS
في صاحب المحل تبع STARBUCKS هادا الشخص ما بيشتغل بايدو شي
في تحتو SUPERVISORS هدول بيشتغلو الوراق وما الى هنالك بس ما بيعملو قهوة وبيكونو مسؤولين عن اكتر من محل او BRANCH
في تحتهن MANAGERS هدول بيكونو مسؤولين عن محل واحد وعن الموظفين اللي في
في تحتهن EMPLOYEES هدول اللي بيعملو القهوة

هلأ بهيك بنية هرمية تقليدية شو احتمالية انو يترقى ال EMPLOYEE ليكون MANAGER في عندو اربع احتمالات مع شرط خدمة سنتين انو واحد يموت ال MANAGER او يتقلع من الشغل او يستقيل او ينتقل على محل تاني

واحتمال انو MANAGER يصير SUPERVISOR كمان نفس الشي
بس شو احتمال انو SUPERVISOR يصير OWNER او صاحب محل 0 بالمية لانو صاحب المحل ما رح يتقلع او ينتقل على محل تاني وفي حال استقال او مات رح يورث المحل ابنو


منجي للنظام الهرمي التاني واللي يعتمد على مبدأ ال RECRUITING واللي عم تتبعو معظم شركات الاستثمارات والانشورانس و ال REAL ESTATE حاليا
واللي هوي يعتمد على وجود BROKER وهالبروكر بدال ما يشتغل لحالو بيدور على مجموعة عملاء يشتغلو تحت ايدو وهوي بيصير يقبض على حسابهن (هادا نظام ال REAL ESTATE هل منقدر نقول انو REAL ESTATE خدعة او نصابين مستحيل لانو اميركا مبنية على نظام ال REAL ESTATE )

بس بهيك نظام ايضا وايضا العملاء ما بيقدرو يتطورو ويصيرو BROKERS لانو ال BROKER الاصلي بيعتبرهن منافسين الو وبهيك حالة هوي رح يخسر شغل


هلأ النظام الهرمي ب WFG مختلف نوعا ما
اول شي يعتمد على ال RECRUITING بس في عندك مجال انك تتطور بدون ما يستفيد منك الشخص اللي اعلى منك

رح احكي شوي عن المراتب ب WFG
1- TRAINING ASSOCIATE
2- ASSOCIATE
3- SENIOR ASSOCIATE
4- MARKETING DIRECTOR
5- QUALIFIED MARKETING DIRECTOR

هلأ رح احكي عني انا وعن طريقها رح تعرفو السيستم
انا لما انضميت انضميت عن طريق رفيقتي اللي منسميها UPLINE واللي هيي تعتبر فوقي بالهرم حاليا
انا كنت TRAINING ASSOCIATE هيي كانت ASSOCIATE بهيك حالة اي شغلة بشتغلها انا هيي رح يطلعلها منها 10 بالمية
طيب انا من اسبوع صرت ASSOCIATE وهيي اسعتها ASSOCIATE هلأ اي شغلة بشتغلها انا هيي معد يطلعلها شي لانو انا وياها صرنا بنفس المستوى او بنفس الرتبة
هلأ انا ممكن قريبا جدا صير SENIOR ASSOCIATE وهيي تضل ASSOCIATE خلص هيي معد تستفيد مني بشي
يعني هون اللي برأس الهرم مانو عم يستفيد من اللي باسفل الهرم لاء في احتمالية كمان انو اللي كان باسفل الهرم يصير براس الهرم بس بيضل ما في استفادة من بعضهن

بالنسبة للترقيات كيف بتصير
في نقاط بدك تجمعها قبل ما تترقى لمرتبة اعلى

لنقول انا صرت SENIOR ASSOCIATE وبدي اطلع لل MARKETING DIRECTOR لازم اول الشي يكون في بفريقي صار في واحد SENIOR ASSOCIATE و تنين ASSOCIATES ولازم اعمل 90 الف نقطة
موزعة بالشكل التالي
انا شخصيا لازم اعمل 30 الف نقطة
واحد من فريقي لازم يعمل 30 الف نقطة
واحد تاني من فريقي لازم يعمل 30 الف نقطة

طيب اذا انا فريقي اقوى من فريق ال UPLINE تبعي في عندي فرصة اكبر اني وصل لمراحل اكتر منها وبالتالي انكسرت البنية الهرمية التقليدية واللي بتقول انو بس القاعدة تطلع شوي الراس بدو يطلع اكتر (كمثال بسيط ال CEO وهيي رتبة من الرتب كمان المهم انو ال CEO تبعنا في عندو بفريقو عدد من ال CEOs كمان كانو باسفل الهرم وطلعو صارو بنفس رتبتو وفي احتمال انو يصيرو اعلى منو )

هلأ ممكن انا دوختكن شوي بالحكي واذا رجعت اقرا ممكن فوت انا بالحيط

بس ملخص الحكي
البنية الهرمية المتبعة بالشركة غير البنية الهرمية التقليدية او ال PYRAMID او ال CHAIN و اللي معروفة ب CORPORATE AMERICA والتي لا يمكن كسرها


بالنسبة لحكي ابو نهلة بهالقسم

الاسلوب هو :

اولاً : انو نحنا يا جماعة فرع من شركة كتير كتير كتير مهمة .....مليانين مصاري نحنا !!!
تانياً : نحنا كتير فهمانين ...و ما مين ما كان منجيبو لهون ...[س نحنا اخترناكن ..ترى انتو مانكن سهلين ...!!
تالتاً : نحنا ما بدنا مصاري ......اعوووووووووذ بالله ....نحنا بدنا نعطيك مصاري !!
رابعاً : المصاري اللي ممكن تطالعا هون ...ما ممكن تطالعا باي شغل تاني ..و هات ورقة و قلم و حسوب ( و هون بفوتولك بالمضاعفات ....الله يلعن اخت المضاعفات ) !!
خامساً : لحتى تجمع مصاري منيح لازم يكون في فريق ..و كل ما كبر فريقك كل ما تضاعف دخلك باضعاف مضاعفة ضعفاً ضعيفا !!!
سادساً : منتجاتنا ما حدو عندو منها !!!
ثامناً : وقت تفوت معنا لازم تدفع ...باي طريقة يعني ..ممكن نبيعك شي و ممكن ندفعك ياهن بغير اسلوب ...و كل واحد بدو يجي بعدك بدو يدفع ....و انت بتقبض و نحنا منقبض اضعاف ...لانو في عنا .......................الهرم !!!

اولا - هاي حقيقة تأكدت منها رح حمل ملف PDF جبتو من AEGON بيوضح نمو WFG معاهن
تانيا- الشركة ما عم تسكر الباب بوجه اي حدا بالعكس عندهن فكرة انو كل العالم بتقدر تعمل الشغل اللي عم نشتغلو ما بيقولو انو هني كتير فهمانين وما مين ما كان منجيبو بس طبعا الشغلة مانها سهلة بدها صبر ومتابعة واذا في بعض العالم استسلمو فهاي مشكلتهن مو مشكلة الشركة
تالتا - الشركة بتوضحلك تماما شو المطلوب منك ماديا ما بيقلولك ما بدنا مصاري بيقلولك بالضبط وين بدها تروح المصاري
رابعا - باي شغل ان كان بس تتعب على حالك ممكن تطالع مصاري ما ممكن تطالعها باي شغل تاني اول كلمة بيقلولك ياها بالشركة ما تشوف اشارة الدولارات بعيونك شغلتك بدها تعب والتعب رح توصل منو لنتيجة مو بس هون بالشركة وين ما كان
خامسا- ما ممكن تعمل مصاري بس بانو يكون عندك قاعدة قوية قاعدتك لازم توصل لمستواك وتصير اعلى منك لحتى تقدر تعمل مصاري الفريق القوي ممكن يساعدك بشغلك بدال ما عم تشتغل لحالك وعم تحارب على الف جبهة يعني لوضحها بمثال انا اذا عم اشتغل لحالي كم موعد ممكن اعمل بالجمعة عشرة مواعيد او 14 موعد خلينا نقول موعدين كل نهار طيب اذا جبت حدا تاني يشتغل معي وقلتلو خيو انتي بتشتغل معي مساعد الي بحيث اذا انا حددت اربع مواعيد انا بقدر روح على تنين وباخد الربح الي وانتي بتغطيلي التنين البقية ومنتقاسمهن بالنص وبنفس الوقت وقت انتي بتحدد اربع مواعيد انتي بتروح على تنين وربحك صافي الك وانا بغطيلك التنين البقية ومنقسمهن بالنص اينو حل افضل اشتغل لحالي او معي شخص مساعد ؟
سادسا: برجع بكرر نحنا ما عنا منتجات ما في شي باسم شركتنا شركتنا عم تتعامل مع اقوى شركات امريكا انا قادر اعطيك ارقام الشركات كلها وتتصل فيها وتسالهن عن WFG
تامنا : برجع بقول كمان انو ما بتدفع شي للشركة كل شي عم تدفعو عم يروح لولاية كاليفورنيا اما لقسم الانشورانس او لقسم الاستثمارات بس ما في شي بيروح على WFG والحلو هون انو في شيكات يعني انتي بتعرف حالك لمين عم تكتب الشيك والحلو اكتر انو ما بيقبضو منك مصاري كاش لازم يكون شيك وانتي تكتبو بايدك وتوقعو


شغلة اخيرة انا اذا ضميت حدا جديد على الشغل انا ما بقبض علي شي انما بتكون مسؤوليتي علمو ودربو لحتى يصير يقدر يعمل بيزنس ووقتها ممكن استفيد ووممكن ما استفيد منو حسب باي مستوى بيكون هوي وباي مستوى بكون انا


بتمنى تكون وضحت الشغلة صرلي ساعة عم اكتب

على كلن اي اسئلة انا رح ارجع بعد اسبوع او قبل بشوي وببقى بجاوب عليها

[marioma alghzayala]

نهال وهاني .. انا انحولت ..

[HashtNasht]

اول شي انشاللع بيرجع هاني بالسلامة و يقرى الموضوع ع رواق

انا كنت عم اكتب رد طويل و بعد ما صرت بتلتو الاخير قلبت الصفحة و طار كلشي ...و بصراحة يعني مالي خلق ارجع اكتبو...بس رح حط هالفتوى ...لانو بتتناول الموضوع بشكل المنيح

الحمد لله وحده والصلاة والسلام على من لا نبي
بعده، محمد وآله وصحبه، وبعد:

هذه الشركة، وغيرها كثير، تعمل وفق مفهوم "التنظيم الهرميpyramid scheme"، ويسمى أحياناً التسويق الشبكي " network marketing" أو التسويق متعدد الطبقات "multi-layer marketing--MLM". وهذا النوع من التسويق يصنف من حيث المبدأ ضمن صور الغش والاحتيال التجاريbusiness fraud . وقد تناولته دراسات وأبحاث وكتب، تحذّر من هذه الشبكات والوهم والتغرير الذي توقع فيه أتباعها، فتجعلهم يحلمون بالثراء السريع مقابل مبالغ محدودة. وفي نهاية الأمر تصب هذه المبالغ في جيوب أصحاب هذه الشركات والمنظمات، ولا يحصد الأتباع سوى السراب. ولذلك تمنع قوانين العديد من الدول التنظيم الهرمي بشكل أو بآخر. كما تحذر الأجهزة الرسمية الجمهور من الوقوع في مصيدة هذه الشبكات بعد تغليفها بصورة جذابة من خلال الزعم بأنها فرصة لتسويق منتجات مفيدة للجمهور، تعليمية أو غير ذلك.
ومن المهم للقارئ أن يعلم أن هيئة الأوراق المالية بباكستان قد حذرت الجمهور من التعامل مع شركة بزناس العاملة هناك. وقالت في تحذيرها الذي صدر في أغسطس من هذا العام إن الشركة المذكورة وجد أنها "تضطلع بممارسات غير مشروعة وتحايلية وغير أخلاقية" حسب ما جاء في التحذير. (انظر موقع الهيئة:

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

).
كما أن هناك شركة تعمل في نفس المجال، تسمى سكاي بز skybiz.com ، وهي شديدة الشبه بشركة بزناس من حيث نوعية المنتجات وآلية التسويق ونظام العمولات، مقرها الولايات المتحدة ولها فروع عبر العالم. هذه الشركة رفعت وزارة التجارة الأمريكية ضدها قضية تتهمها فيها بالغش والاحتيال على الجمهور، وصدر قرار المحكمة بولاية أوكلاهوما في 6/6/2001م بإيقاف عمليات الشركة وتجميد أصولها تمهيداً لإعادة أموال العملاء الذين انضموا إليها. (انظر موقع وزارة التجارة الأمريكية:

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

).
إن هذا الموقف ضد شركات التسويق الهرمي مبني على قناعة في معظم دول العالم بأن هذا النمط من التسويق ما هو إلا صورة من الصور الاحتيال والتغرير بالناس. سنبيّن فيما يلي كيفية عمل هذه الشبكات، ثم نبيّن مكمن الخلل فيها.

أولا: آلية العمل
الفكرة الجوهرية للتسويق الهرمي بسيطة. وتتلخص في أن يشتري الشخص منتجات الشركة مقابل الفرصة في أن يقنع آخرين بمثل ما قام به (أن يشتروا هم أيضاً منتجات الشركة)، ويأخذ هو مكافأة أو عمولة مقابل ذلك. ثم كل واحد من هؤلاء الذين انضموا للبرنامج سيقنع آخرين ليشتروا أيضاً، ويحصل الأول على عمولة إضافية، وهكذا. فأنت تدفع لزيد على أن تأخذ من عمرو وعبيد.
وفيما يلي مثال عملي يوضح ذلك.
لنفترض أن "زيداً" قرر أن يشتري منتجات الشركة المذكورة مقابل 100 دولار. تعطيه الشركة بناء على ذلك الحق في أن يسوق منتجاتها لآخرين مقابل عمولات محددة. يقوم زيد بإقناع شخصين بالانضمام للبرنامج، بمعنى أن يشتري كل منهما منتجات الشركة، ويكون لهما الحق في جذب مسوقين آخرين مقابل عمولات كذلك. ثم يقوم كل من هذين بإقناع شخصين آخرين بالانضمام، وهكذا. ستتكون من هذه الآلية شجرة من الأتباع الذين انضموا للبرنامج على شكل هرمي. (انظر الشكل).

لاحظ أن عدد الأعضاء في كل مستوى يساوي ضعف العدد في المستوى الذي قبله، وأن عدد أعضاء المستوى الأخير يزيد قليلاً عن مجموع أعضاء المستويات السابقة كلها. لاحظ أيضاً أن عدد الأعضاء ينمو أسياً، بمعنى أن عدد الأعضاء في المستوى الرابع =42 = 16، وعدد الأعضاء في المستوى العاشر = 102
= 1024، وهكذا.
طريقة احتساب العمولات
تشترط الشركة ألا يقل مجموع الأفراد الذين يتم استقطابهم من خلال زيد ومن يليه في الهرم عن 9 أشخاص من أجل الحصول على العمولة (على ألا يقل عدد الأعضاء في كل فرع عن 3). وتبلغ العمولة 55 دولاراً. ثم بعد ذلك يتم صرف العمولة لكل 9 أشخاص (ويسمى كل تسعة أشخاص في التسلسل الهرمي "درجة"). ونظراً إلى أن الهرم يتضاعف كل مرة يضاف فيها مستوى جديد أو طبقة جديدة للهرم، فإن العمولة تتزايد كل مرة بشكل كبير. إذا افترضنا أن الهرم ينمو كل شهر، بمعنى أنه في كل شهر ينضم شخصان لكل شخص في الهرم (كما هو افتراض الشركة في موقعها)، فهذا يعني أن العمولة التي يحصل عليها العضو تصل إلى أكثر من خمسة وعشرين ألف دولار في الشهر الثاني عشر (انظر الجدول).

[HashtNasht]

لشهرالأعضاءمجموع الأعضاءالعمولة بالدولار1220 2 46 03814554163011053262165664126440000000000000124.09 68.19025.08018262.144524.2861.602.040 2416.777.21633.554.430102.527.480 301.073.741.8242.147.483.6466.561.755.640

ويتم حساب العمولة كالتالي: ينظر عدد الدرجات في مجموع الأعضاء، ويتم صرف العمولة بناء على ذلك بعد إسقاط الدرجات في المستوى السابق. في المستوى الثالث يبلغ المجموع 14، وهو يتضمن درجة واحدة (أي تسعة واحدة فقط)، فيصرف للعضو عمولة واحدة. في المستوى الرابع يبلغ المجموع 30، وهذا يتضمن 3 درجات، تخصم منها درجة واحدة صرفت في المستوي السابق، يتبقى درجتان، فتصرف عمولتان = 110 دولار. في المستوى الخامس يبلغ المجموع 62، وهذا يتضمن 6 درجات. تخصم منها الدرجات في المستوى السابق وهي 3، فيبقى 3 درجات، فيصرف 3 عمولات، أي 3×55=165، وهكذا.
لاحظ أن العضو لا يحصل على أي عمولة قبل الشهر الثالث، أي أنه لا بد من نمو الهرم تحته بثلاثة مستويات قبل أن يحصل على العمولة. ولكن مقدار العمولة، وهو 55 دولار، أقل من المبلغ الذي دفعه وهو 100 دولار. فلا بد إذن من أجل تحقيق أي ربح من نمو الهرم إلى أربعة مستويات تحت العضو على أقل تقدير.
إذا تابعنا نمو الهرم شهرياً (حسب الافتراض المنشور على موقع شركة بزناس)، سنجد أنه في نهاية السنة تتجاوز العمولة الشهرية للعضو 25000 دولار. وبعملية حسابية بسيطة نجد أن العمولة في منتصف السنة الثانية (الشهر 1 تتجاوز مليون وستمائة ألف شهرياً، بينما تتجاوز في نهاية السنة الثانية مائة مليون دولار شهرياً.
وهذا مصدر الإغراء في هذا النوع من البرامج الهرمية: مقابل مبلغ زهيد لا يتجاوز 100 دولار، يحصل المشترك على آلاف بل ملايين أضعاف المبلغ. ولذلك تسوّق هذه الشركات برامجها من خلال وعود بالثراء الفاحش في مدة يسيرة من خلال النمو المضاعف للهرم.

أين الخلل؟
إن مكمن الخلل في هذا النظام هو أنه غير قابل للاستمرار، فلا بد له من نهاية يصطدم بها ويتوقف عندها. وإذا توقف كانت الطبقات الأخيرة من الأعضاء هي الخاسرة، والطبقات العليا هي الرابحة. والطبقات الأخيرة تفوق في العدد أضعاف الطبقات العليا، وهذا يعني أن الأكثرية تخسر لكي تربح الأقلية. ولذلك فإن هذه البرامج في حقيقتها تدليس وتغرير وبيع للوهم للجمهور لمصلحة القلة أصحاب الشركة.
لتتضح الصورة لنتابع نمو الهرم حسب الجدول السابق. في الشهر الثلاثين، أي منتصف السنة الثالثة، يبلغ مجموع أعضاء الهرم أكثر من 2 مليار شخص، أي ثلث سكان المعمورة. في الشهر الذي يليه يبلغ المجموع 4.3 مليار، وفي الشهر الذي يليه (الثاني والثلاثين) 8.6 مليار.
لكنا نعلم أن سكان الكرة الأرضية لا يتجاوز عددهم 6 مليار نسمة، وهذا يعني أن الهرم لا بد أن يتوقف قبل المستوى أو الشهر 32، أي قبل نهاية السنة الثالثة، حيث يتجاوز مجموع الأعضاء 8 مليارات. فإذا توقف النمو، فإن أعضاء المستويات الأخيرة لن ينجحوا في تحقيق أي مبيعات إضافية أو انضمام أعضاء جدد، فهم قد دفعوا ثمن الانضمام للبرنامج دون مقابل. هذه المبالغ تمثل خسارة على هؤلاء وربحاً للمستويات العليا.
إن حال الهرم يشبه إلى حد كبير حال نمو الورم السرطاني في الجسم. فالخلية السرطانية تنقسم باستمرار، وبهذا يتضاعف حجم الورم في كل مرة. ونظراً لأن الورم هو أكثر الخلايا نمواً في الجسم، فإنه يستهلك من طاقة الجسم أكثر من بقية أجهزة الجسم العضوية. ومع النمو المتضاعف، يستأثر الورم بالطاقة دون بقية الجسم، لتكون النتيجة توقف أجهزة الجسم عن إنتاج الطاقة، ومن ثم وفاة الجسم. وإذا توقف إنتاج الطاقة فليس بمقدور خلايا الورم النمو، فتموت هي أيضاً. أي أن النمو المضاعف للورم هو نفسه سبب هلاكه في النهاية. وهذا هو الحال في التسويق الهرمي. فالنمو الأسّي للهرم يستدعي دائماً انضمام أعضاء جدد ضعف أعضاء المستوى الأخير، وهذا يجعل حجم الهرم الكلي يتضاعف كذلك كل مرة. وكلما كبر الهرم كلما تضاعف العدد المطلوب للاستمرار. ولكن توافر هذه الأعداد الهائلة متعذر، فتكون النتجية الحتمية هي انهيار الهرم ونهايته، كما كانت نهاية الورم السرطاني.
ومن الناحية العملية سيتوقف الهرم قبل استنفاد الأعداد المطلوبة بكثير، إذ لا يمكن للسوق أن تستوعب هذا العدد الهائل من المبيعات. ومن المعروف في علم التسويق أن لكل منتج درجة معينة من المبيعات تبلغ السوق بعدها درجة التشبع (saturation)، فيتعذر بعدها تحقيق أي مبيعات إضافية، ومن ثم يتعذر نمو الهرم بعدها.
لنفترض أن التسويق توقف عند المستوى 18، حيث يبلغ أعضاء هذا المستوى أكثر قليلاً من ربع مليون. بناء على ما سبق فإن العضو لا يحصل على أي عمولة حتى يبلغ عدد المستويات تحته 3 مستويات. أي أن المستويات الثلاثة الأخيرة (16، 17، 1 لن تحصل على أي عمولة، بينما سيحصل أعضاء المستوى الرابع من الأسفل (المستوى 15) على عمولة لكنها أقل مما دفعوه (العمولة 55 دولار بينما كل منهم قد دفع 100 دولار). وإذا كان أعضاء المستوى الأخير نحو ربع مليون، والذي قبله 131 ألف، والذي قبله 65 ألف، فهذا يعني أن نحو 450 ألف عضواً قد دفعوا نحو 45 مليون دولار بدون أي مقابل. أما أعضاء المستوى الرابع من الأسفل (وعددهم نحو 32 ألف) فسيحصل كل منهم على عمولة أقل من ثمن المنتجات التي اشتراها لينضم إلى البرنامج.
لاحظ أن نسبة أعضاء المستويات الأربعة الأخيرة (المستويات 15-1 إلى مجموع أعضاء الهرم تعادل 93.8 %. أي أن نحو 94% من أعضاء البرنامج خاسرون، بينما 6% فقط هم الرابحون.

وحتى لو فرض جدلاً استمرار البرنامج الهرمي في النمو، فإن واقع الهرم أن المستويات الأربعة الأخيرة دائماً خاسرة، ولا يمكنها الخروج من الخسارة إلا باستقطاب أعضاء جدد ليكوّنوا مستويات دنيا تحتهم، فتكون المستويات الجديدة هي الخاسرة، وهكذا. فالخسارة لازمة لنمو الهرم، ولا يمكن في أي لحظة من اللحظات أن يصبح الجميع رابحاً بحال من الأحوال.
وبهذا يتبين أن البرنامج الهرمي وهم أكثر منه حقيقة، وأن الأغلبية الساحقة من المشاركين في هذا البرنامج يخسرون لمصلحة القلة القليلة. ولهذا صدرت دراسات وكتابات كثيرة تحذر من هذه البرامج، وسيجد القارئ في نهاية البحث بعض المراجع لهذه الكتابات.

موقف القانون من البرامج الهرمية
تمنع القوانين في أكثر دول العالم برامج التسلسل الهرمي (pyramidshemes) حيث يدفع المشترك رسوماً لمجرد الانضمام للبرنامج، دون وجود أي منتج أو سلعة يتم تداولها. أما إذا كانت هناك سلع، فإن القانون الأمريكي حالياً لا يمنع منها، وهذه نقطة ضعف انتقدها كثير من الكتاب الغربيين بناء على أن السلعة في هذه البرامج هي مجرد ستار وذريعة للبرامج الممنوعة، إذ النتيجة واحدة في الحالين. ومع ذلك فإن وزارة التجارة الأمريكية تحذر الجمهور صراحة من أي برامج تسويق أو مبيعات تدعو لجذب مسوقين آخرين (انظر موقع وزارة التجارة الأمريكية:

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

). وما القضية المرفوعة ضد سكاي بز، وهي شديدة الشبه ببزناس، إلا مثال عملي لرفض استخدام المنتجات ستاراً للتحايل على الجمهور. وسيأتي مزيد حول هذه النقطة لاحقاً.

ثانياً: التقويم الشرعي
الإسلام هو دين الفطرة، والشريعة الإسلامية قائمة على العدل ومنع الظلم، فإذا أدرك العقلاء ما في هذه المعاملة من الغش والاستيلاء على أموال الآخرين بغير حق ودعوا من ثم إلى منعها، فالإسلام أولى بذلك.
ويمكن تعليل القول بحرمة الاشتراك في هذا النوع من البرامج بالأسباب التالية:
1. أنه أكل للمال بالباطل.
2. ابتناؤه على الغرر المحرم شرعاً.

أكل المال بالباطل
تبين بوضوح مما سبق أن هذا النوع من البرامج لا يمكن أن ينمو إلا في وجود من يخسر لمصلحة من يربح، سواء توقف النمو أم لم يتوقف. فالخسارة وصف لازم للمستويات الأخيرة في جميع الأحوال، وبدونها لا يمكن تحقيق العمولات الخيالية للمستويات العليا. والخاسرون هم الأغلبية الساحقة كما سبق، والرابحون هم القلة. أي أن القلة كسبوا مال الأكثرية بدون حق، وهذا أكل المال بالباطل الذي نـزل القرآن بتحريمه. ويسمى هذا النمط عند الاقتصاديين: تعامل صفري (zero-sum game)، حيث ما يربحه البعض هو ما يخسره البقية.

الغرر
أصل الغرر المحرم: هو بذل المال مقابل عوض يغلب على الظن عدم وجوده أو تحققه على النحو المرغوب. ولذلك قال الفقهاء: الغرر هو التردد بين أمرين، أغلبهما أخوفهما (انظر الغرر وأثره في العقود، د. الصديق الضرير، ص 30). والذي ينضم إلى هذا البرنامج يدفع مبلغاً من المال مقابل أرباح الغالب عدم تحققها.
ولبيان هذه النقطة أكثر، لنفترض أن احتمال نجاح العضو في إقناع آخر بالانضمام للبرنامج هو 80 %. بمعنى أن العضو إذا عرض على شخص شراء بضاعة من الشركة والانضمام إلى التسلسل الهرمي في التسويق، فالغالب أن هذا الشخص سيقبل العرض وينضم للبرنامج. لاحظ أن هذه النسبة أعلى بكثير من الواقع، لكنا نفترض تنفيذ البرنامج على أفضل الأحوال.
ما هو احتمال حصول العضو على عمولات تعوض ما دفعه؟ إذا كان احتمال نجاح كل عضو في الهرم في ضم شخص آخر إليه هو 80 %، فإن احتمال تحقق 18 عملية (لكي يسترد المشترك رأسماله) يساوي:
(80 %)18 = 1.8 %
أي أنه احتمال تافه من الناحية العملية. أما تحقيق عمولة تساوي 25000 دولار شهرياًفيتطلب انضمام 8190 شخصاً، واحتمال وقوع ذلك هو: (80 %)8190= صفر. أي أنه بمنطق الاحتمالات الإحصائية يتعذر تحقيق هذه العمولة.
لاحظ أن هذه النسبة أقل بكثير من نسبة الفوز باليانصيب (lottery)، حيث تبلغ النسبة مقلوب مقدار الجائزة. فلو كانت الجائزة عشرة ملايين دولار، لكان احتمال الفوز للتذكرة الواحدة أقل قليلاً من واحد من عشرة ملايين، وهذا الاحتمال أكبر من احتمال تحقيق المسوّق للأحلام التي يعدونه بها. واليانصيب أفضل من التسويق الهرمي من وجه آخر، وهو أن صاحب التذكرة لا يحتاج لبذل أي جهد أو عمل بعد شراء التذكرة. أما المسوّق فهو يتعب ويكد نفسه ويخسر من ماله الخاص أكثر مما دفعه للانضمام للبرنامج الهرمي، مع أن احتمال ربحه وفوزه أقل بكثير من احتمال الفوز باليانصيب. فاليانصيب أكثر احتمالاً بالفوز وأقل كلفة. فإذا كان مع ذلك محرماً، فالتسويق الهرمي أولى بالتحريم.

وإذا علمنا أن الهرم لا بد أن يتوقف مهما كان الحال، فهذا يعني أن الدخول في هذا البرنامج في حقيقته مقامرة: كل يقامر على أنه سيربح قبل انهيار الهرم. ولو علم الشخص أنه سيكون من المستويات الدنيا حين انهيار الهرم لم يكن ليقبل بالدخول في البرنامج ولا بربع الثمن المطلوب، ولو علم أنه سيكون من المستويات العليا لرغب في الدخول ولو بأضعاف الثمن. وهذا حقيقة الغرر المحرم، إذ يقبل الشخص بالدخول على أمل الإثراء حتى لو كان احتمال تحقق هذا الأمل ضعيفاً جداً من حيث الواقع. فالثراء هو الذي يغري المرء لكي يدفع ثمن الانضمام للبرنامج، فهو يغره بالأحلام والأماني والوهم، بينما حقيقة الأمر أن احتمال خسارته أضعاف أضعاف احتمال كسبه.

شبهة وجود المنتج
أما الشبهة التي يتعذر بها المدافعون عن هذه البرامج، وهي وجود منتج حقيقي ينتفع به المشتري ومن ثم لا يعد خاسراً إذا توقف الهرم، فهي شبهة أول من ينقضها المسوّقون والعاملون في هذه البرامج أنفسهم.
وذلك أنهم حين تسويق هذه المنتجات نجدهم يعتمدون على إبراز العمولات التي يمكن تحقيقها من خلال الانضمام للبرنامج، بحيث يكون ذكر هذه العمولات الخيالية كافياً لإقناع الشخص بالشراء. فلو لم يكن الهدف هو التسويق لما لجأ الأعضاء إلى إغراء الجدد بعمولات التسويق. ولذلك لا يمكن أن يسوّق العضو هذه المنتجات دون ذكر عمولات التسويق، فهذا يناقض مصلحة العضو نفسها التي انضم للبرنامج ابتداء من أجلها، وهي: جذب مسوقين جدد على شكل متسلسل لتحقيق الحلم بالثراء الموعود.
ومما يؤكد أن المنتج ما هو إلا ستار وهمي، المقارنة السريعة بين عمولات التسويق وبين منافع المنتجات نفسها. فهذه المنتجات قيمتها لا تتجاوز 100 دولار بحسب سعر الشركة المعلن. أما العمولات فتصل كما ذكرنا إلى 25000 دولار شهرياً، أو ما يعادل 50000 دولار في نهاية السنة الأولى فقط. فهل يوجد عاقل يقصد ما قيمته مائة ويدع خمسين ألفاً؟ لو وجد ذلك من شخص لما كان معدوداً من العقلاء. فالعاقل في المعاوضات المالية يبحث عن مصلحته، والمصلحة هي مع التسويق، فلا بد أن يكون القصد هو التسويق.
إن هذه المنتجات، مهما كانت فائدتها، لا يمكن أن تحقق للمشتري منافع تتجاوز في قيمتها تلك العمولات الخيالية الناتجة من التسويق. والعبرة، كما هو مقرر شرعاً، بالغالب. فقصد العمولات هو الغالب على قصد المنتجات، فيكون الحكم مبنياً على ذلك.
ومما يؤكد أن شراء المنتجات غير مراد: أن البرامج والمواد التدريبية لمنتجات ميكروسوفت، خصوصاً أوفيس، توجد بكثرة على الإنترنت، وكثير منها متوفر مجاناً. وهناك برامج تدريبية متخصصة لجميع برامج أوفيس تتراوح قيمتها بين 20-35 دولاراً. أما إنشاء موقع وبريد على الإنترنت، فهذا يمكن الحصول عليه مقابل 10 دولار في السنة بسهولة. بينما تبيع الشركة منتجاتها بـ 99 دولاراً سنوياً. أي أنها تزيد الثمن عن المتاح فعلياً بما لا يقل عن 55 دولاراً.
وهذه الزيادة في الثمن لم تكن لتوجد لولا برنامج التسويق الهرمي هذا. فيقال في ذلك كما قال شيخ الإسلام ابن تيمية رحمه الله: "أفلا أفردت أحد العقدين عن الآخر ثم نظرت هل كنت مبتاعها أو بايعه بهذا الثمن؟" (بيان الدليل، ص 232-233، ط المكتب الإسلامي). فلو أفرد الانضمام عن الشراء لما كان سعر السلعة بهذا المقدار.
ولا يتردد المسؤولون في الشركة في التصريح بأن التكلفة الفعلية للمنتجات تعادل 24 دولاراً، أما المتبقي، وهو 75 دولاراً، فهو مخصص لمصاريف "التسويق." ولكن بدلاً من صرف هذا المبلغ على الدعايات والإعلانات كما هو الحال في المنتجات الأخرى، فإن الشركة تصرفها على عملائها الذين يقومون بشراء منتجاتها. وهذا في نظرهم أفضل لمصلحة العميل من الطريقة "التقليدية" في الإعلان.
والحقيقة أن هذا الزعم يناقض الواقع. وبعملية حسابية بسيطة يتبيّن مدى الغبن الذي يقع على العميل أو العضو المسوّق من هذا الأسلوب. إذ تشترط الشركة أن يستقطب المسوق 9 أشخاص قبل أن تصرف له العمولة، وهي 55 دولاراً كما سبق. ولكن مبيعات 9 أشخاص (عدا المسوّق نفسه) تعني أن الشركة حصلت على ربح فوق تكلفة المنتجات يعادل 9×75 = 675 دولاراً، صرف منها 55، فيبقى 620 دولاراً. أي أنه مقابل كل 9 أعضاء جدد يحصل المسوّق على 55 في حين يحصل أصحاب الشركة على صافي ربح 620 دولاراً. وهذا غبن فاحش، فكيف يقال مع ذلك إن تكاليف التسويق تصرف للأعضاء؟! فهذا المبلغ، وهو 75 دولار، هو في الحقيقة رسوم الاشتراك في البرنامج، ومعظمه كما ترى يذهب لأصحاب الشركة.

ومما يبين أن الهدف من الشراء هو الاشتراك في التسويق وليس المنتجات:
1- أن لوائح وأنظمة الشركة معظمها يتعلق بشروط وأحكام الانضمام وصرف العمولات، وأما مجرد الشراء فتحكمه بضعة فقرات. فهل هذا صنيع من هدفه تسويق السلعة فحسب والانضمام تابع لها أم العكس؟
2- أن الشركة تشترط للاستمرار في البرنامج لأكثر من سنة دفع نفس المبلغ مرة أخرى. وواضح أن هذا لا لشيء سوى استمرار التسويق، فالبرامج تم شراؤها من المرة الأولى، والبرامج الجديدة إن وجدت لا تعادل في القيمة المبلغ المطلوب.
3- لو كانت الشركة تبيع المنتجات فعلاً لكانت توجه دعمها لمنتجاتها، بينما نجد من خلال لوائح وأنظمة الشركة أنها تبيع المنتجات كما هي ودون أي مسؤولية، في حين تقدم الدعم لبرامج التسويق وكسب الأعضاء، كما تنص عليه اللائحة. فهل هذا صنيع من يبيع منتجات حقيقية؟
4- أن الشركة تسمح لمن يرغب في التسويق دون شراء المنتجات، لكنها لا تتيح له الاستفادة من خدمات موقع الشركة على الإنترنت للتسويق، بل من خلال الفاكس. كما أنها لا تقبل أن يكون من دونه في التسلسل الهرمي هم أيضاً مسوقون بدون شراء، بل لا بد من الشراء ممن يليه لكي يحصل على العمولة. وواضح أن هذا تضييق على التسويق بدون شراء. وتجدر الإشارة إلى أن شركة سكاي بز الأمريكية، التي سبقت الإشارة إليها، تملك نفس التنظيم والترتيب لإجراءات التسويق بدون شراء. ومع ذلك اعتبرت وزارة التجارة الأمريكية الشركة مجرد بناء هرمي ولا قيمة للمنتج (انظر التقرير المنشور في:

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

).

والحاصل أن المنتجات التي تبيعها الشركة ما هي إلا ستار للانضمام للبرنامج، بينما الانضمام للبرنامج مقابل ثمن من الغرر وأكل المال بالباطل، كما تقدم، ومنعه محل اتفاق بين الفقه الإسلامي والقانون الوضعي. فالتحيل بتقديم المنتج لا قيمة له في الشريعة الإسلامية، لأن العبرة بالمآل، والحكم يدور مع علته وجوداً وعدماً. فإذا كانت العلة قائمة سواء وجد المنتج أم لم يوجد، فلن يغير وجوده من الحكم شيئاً. وإذا كان القانون الوضعي عاجزاً عن معالجة هذا الاحتيال، فهو لذلك محل انتقاد من المحللين والكتاب الغربيين، إلا أن الفقه الإسلامي بحمد الله أكمل وأقوم، إذ هو مبني على الوحي الذي لا يأتيه الباطل من بين يديه ولا من خلفه. ولذلك جاءت النصوص الصريحة عن النبي صلى الله عليه وسلم بسد أبواب التحايل المقيت، مثل نهيه صلى الله عليه وسلم عن بيعتين في بيعة، وعن سلف وبيع، وعن شرطين في بيع. كل ذلك منعاً للالتفاف على أحكام الشريعة المطهرة وإفراغها من مضمونها، فهي شريعة كاملة لا نقص فيها ولا خلل: {ومن أحسن من الله حكماً لقوم يوقنون}.

الفرق بين التسويق الهرمي والسمسرة
ومن خلال ما تقدم يتبيّن أن التسويق الهرمي ليس مجرد سمسرة كما تزعم الشركة في موقعها، وكما حاولت أن توحي بذلك لأهل العلم الذين سئلوا عنها. فالسمسرة عقد يحصل بموجبه السمسار على أجر لقاء بيع سلعة. أما التسويق الهرمي فالمسوّق هو نفسه يدفع أجراً لكي يكون مسوّقاً، وهذا عكس السمسرة. كما أن الهدف من التسويق الهرمي ليس بيع بضاعة أو خدمة، بل جذب مسوّقين جدد ليجذبوا بدورهم مسوّقين آخرين، وهكذا. وقد سبق أن هذا التسلسل لا يمكن أن يستمر بلا نهاية. فهذا التسلسل باطل لأنه لا بد أن يتوقف. وحينئذ فالمسوّق الأخير خاسر بالضرورة لأنه لم يجد من يقبل الانضمام إلى البرنامج الهرمي. لكن لا وجود لهذا التسلسل في السمسرة أو التسويق العادي. فالتسوية بين الأمرين كالتسوية بين البيع والربا من الذين حكى الله تعالى عنهم في القرآن: {ذلك بأنهم قالوا إنما البيع مثل الربا}. وهي كالتسوية بين البيع وبين العينة الممنوعة بالنص. فالتسويق الهرمي أخص من مطلق التسويق، وقد تضمن من الخصائص والشروط ما يجعله عقداً باطلاً، فلا يصح قياس أحدهما على الآخر.
ومما يبيّن الفرق بين الأمرين أن السمسرة أو التسويق العادي يتم من خلال ضوابط تنظم العلاقة بين المسوّقين لكي يضمن كل منهم عمولته. فالشركة البائعة للمنتجات تحدد لكل مسوّق (أو لكل موزع لمنتجاتها أو لكل فرع من الفروع) نطاقاً محدداً يختص به، تجنباً لإضرار الموزعين بعضهم لبعض إذا تكدسوا في منطقة واحدة. فهذا التكدس من جهة مضر بمنتجات الشركة لأنه يؤدي إلى تشبع السوق المحلي، كما سبق. كما أنه مضر بالموزعين أو المسوقين أنفسهم، لأنه يحرم بعضهم من البيع ومن ثم من عمولة التسويق.
أما في التسويق الهرمي فلا يوجد أي ضوابط للتسويق، ولا توجد حدود تنظم عمل كل موزع أو كل سمسار. والسبب أن الهدف ليس المنتجات وإنما الانضمام للهرم. والانضمام يتطلب أعداداً متزايدة من الأعضاء الجدد دائماً، ولذلك لا توجد مصلحة من تحديد مجال اختصاص لكل مسوّق، بل هذا مضر بنمو الهرم، ومن ثم بعوائد أصحاب الشركة.
وحقيقة الأمر أن النظام الهرمي يجعل السلعة الحقيقية التي يبيعها الأعضاء هي العمولات الموعودة من الانضمام للهرم، وليس المنتجات التي لا تتجاوز قيمتها 0.2% من عمولات التسويق للسنة الأولى فحسب. أما السمسرة أو التسويق المعروف فهو نيابة في البيع مقابل عمولة. فالعائد الحقيقي للسمسار ينبع من المبيعات المباشرة للمنتجات على المستهلكين الفعليين، وليس من مشتريات المسوّقين الجدد.
ولهذا السبب تشترط عدة ولايات أمريكية أن يكون عائد التسويق المباشر للمستهلك النهائي لا يقل عن 70% من إجمالي عوائد التسويق. بمعنى ألا يزيد عائد التسويق على المسوقين الجدد عن 30% من عوائد الشركة. وما ذلك إلا تأكيداً للفرق بين البيع على المستفيد الفعلي من المنتج، وبين البيع على من يريد الانضمام إلى هرم المسوّقين طمعاً في العمولات الهائلة التي يعدونه بها.

الخلاصة
إن البرامج القائمة على التسلسل الهرمي، ومنها البرنامج المذكور في السؤال، مبنية على أكل المال بالباطل والتغرير بالآخرين، لأن هذا التسلسل لا يمكن أن يستمر بلا نهاية، فإذا توقف كانت النتيجة ربح الأقلية على حساب خسارة الأكثرية. كما أن منطق التسويق الهرمي يعتمد على عوائد فاحشة للطبقات العليا على حساب الطبقات الدنيا من الهرم. فالطبقات الأخيرة خاسرة دائماً حتى لو فرض عدم توقف البرنامج. ولا يفيد في مشروعية هذا العمل وجود المنتج، بل هذا يجعله داخلاً ضمن الحيل المحرمة. والعلم عند الله تعالى.

مصادر مفيدة حول الموضوع

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

المصدر :

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

[hanny dagher]

سوري ما بقدر اقرا شي حاليا لانو الكلمات كلها فايتة ببضعها يعني حاسس كل شي عم اكتبو هلا كلمة وخدة طويلة
بس الي رجعة بس يمشي حال الطساسات تبعيتي