بدي نصيحة من أخواننا الطلبة

[sweetbaby]

اكيد بشجعك وبنصحك انك ترجعي تدرسي..
لانو بالنهاية هالشهادة اللي حتاخديا بعد سنتين...حتكون سلاح بايدك...
ومتل ماانقال ابلي خلي طموحك يوصلك وماتخلي هالطموح يخلص ودايما طمحي لشي اعلى...

وموفقة

[jankasanova]

ليك ما في شي مستحيل عالانسان.. اذا انتي بدك تدرسي من كل قلبك فرح تنجحي.
بتذكر كان معنا بالجامعة شخص عمرو شي 50 سنة متخرج ك Biologist و متزوج و عندو اولاد و مرتو دكتورة و عندو شركة صغيرة, بس ما بتذكر شو هي بالتحديد.
فالزلمة غار من مرتو و بلش يدرس معنا طب و علاماتو كتير كويسة..
فروحي الله يوفقك

[flower bomb]

مثال واقعي :
ماما عمرها 53(الله يمد بعمرها)كملت تعليمها الجامعي وحصلت ع الشهاده يعني بتدرس مع طلاب بعمر ولادها وحاليا بتاخد كورس لغة انكليزية,,
بس يكون عندك رغبة وارادة ما في شي صعب,وانتي صغيـــــــــره 27 سنه .خلي كلامهم الك يكون دافع لتثبتي لهم العكس
روحي كملي الله يوفقـــــــــــك ,,

[fernanda bachchan kfoury]

وايت روز انا كمان بنصحك بالدراسة
يعني انتي اشتغلتي وهلاء صرتي بطالة
وكمان لح تدرسي وازا خلصتي بيصير قدامك مجالات اوسع
وبيصير cv تبعك معبى يعني مشتغلة كزا سنة وعندك تجربة
وكمان بتكون معك شهادة جامعية

[suryoyo]

كاتب النص الأصلي : whiterose

وباعتبار صار في تعليم مفتوح وجامعات خاصة وافتراضية عم فكر ارجع ادرس
وباعتباري من خريجين المعاهد التابعة لوزارة التعليم العالي فبقدر ارجع كون سنة تانية بجامعة التجارة والاقتصاد
حصريا وهاد شجعني كتير وبقدر سجل من هالفصل وبكون سنة تالتة السنة الجاية متل هالايام اذا الله راد



بتنصحوني ارجع ادرس بعد 5 سنين
وانا خلاقي ديقة

شو بتنصحوني مليت من الحياة هي حابة اعمل شي جديد شو بتنصحوني؟؟؟؟
حابة اعمل تغيير جذري بحياتي

اي انصحك و بقوة أن ترجعي للدراسة

اذا دخلتي كلية التجارة .... مستقبلك يكون أحسن

و اذا تحتاري فرع جديد ...... يصير عندك اختصاصين


موفقة

[قرصان الأدرياتيك]

أنا كمان بضيف صوتي لصوت الشباب وقلك يلا عالدرس بدون تأخير... وإذا مفكرة حالك كبيرة شو بدي قول أنا ولساتني عم أدرس؟!!! موفقة باختيارك...

[Sarita]

يا بنتي بلالك هالشغلة
روحي خديلك واحد حليوة وابضاي امّور ومنغنش هيكي
بتتحكمي فيو متل ما بدك واتجوزيه
وابنو عيلة وعيشو في تبات ونبات وجيبو صبيان وبنات
وهلم ما جرى
يعني بالاول وبالاخير رح تتجوزي وتعملي عيلة
الله وكيلك لساتني بربيع عمري وعيفانة حالي
بقا عارفة شو هوي شعورك منيح وحاسة انو حياتي بلا معنى وما الها هدف منوووووووووووووووب

--------------------------
موفقة بدراستكو حبيبتي لا تسمعي مني هاد بس فشة خلق

[whiterose]

شكرا لكل يلي مروا وشكرا كتير لتحفيزكم وانشالله يكون من جد
مو بس من دافع تحفيزي

للكل

[MadMax]

كاتب النص الأصلي : whiterose

شو بتنصحوني مليت من الحياة هي حابة اعمل شي جديد شو بتنصحوني؟؟؟؟
حابة اعمل تغيير جذري بحياتي

بنصحك تتجوزي ... و تقعدي بالبيت

[مايسترو]

بالتوفيق روز

[osian]

أنا برأيي أكيد تابعي دراسة بس لا تتركي الشغل
حدا بصح له شغل وبيتركه

[مايا *]

كاتب النص الأصلي : MadMax

بنصحك تتجوزي ... و تقعدي بالبيت

إلك عليي بس شوفك " متصنبع "* علـ الكُوشة أنت لفرء خُبز على المُحتاجين الألمان

شلشتنا ها ..

* : تعني مُتصدر .. و لا تنسى الضمة أول الكلمة ..

[MadMax]

كاتب النص الأصلي : مايا *

إلك عليي بس شوفك " متصنبع "* علـ الكُوشة أنت لفرء خُبز على المُحتاجين الألمان

شلشتنا ها ..

* : تعني مُتصدر .. و لا تنسى الضمة أول الكلمة ..

هلأ خيلنا نصنبع صاحبة الموضوع ... بعدين بيجي دورنا نحنا

[سوا ربينا]

كاتب النص الأصلي : Marooshe

رح قلك شغلة،

بالحياة ..

الأنسان لي بتنتهي طموحاتو برأيي بتنتهي حياتو .. بتوقف عند نقطة معينة .. وخلص !!

مشان نكون ناجحين وراضيين ع انفسنا لازم نحدد مسار حياتنا ونحاول نوجهو دائما بفوق ع طلوع يعني،
تصوري انك ماشية بجبل وعم تطلعي ... بتضلك تطلعي وتطلعي لحد ما توصلي للقمّة .. بعدها ما رح يكون عندك خيار غير النزول وبأنحدار حاد ..

لهيك الأنسان لازم ع طول يطمح انو طلوعو ما يوقف وانو يضل يتقدم ويتقدم لحتى ما يواجة التراجعات لي بترافقها تراجعات على كل الأصعدة !!

//نحنا لي منوجة مسار حياتنا ومش قدرنا//

وتزكري، مافي شي اسمو صار متأخر

انا كمان من رأي مروش .... لقلك شغلة تانية .. في شخص مرة جابو عنو بالجرايد عنا ... عمرو 74 سنة ومع ذلك قدم بكالوريا ... ونجح بكل المواد الا مادة وحدة ورد عاد هالمادة لحتى ينجح فيها ... فأنو تخيلي قديش راح من عمرو لهالشخص .. ومع ذلك عندو طموح حتى لو مش باقي من عمرو شي بس عن جد انا وقت قرأت القصة انو اعطاني تفاؤل وطموح كتير كبير ....وانتي لساتك صبية بأول عمرك والعمر قدامك والمستقبل قدامك ... كملي دراستك ..موفقة ...