ما هي أسوأ ذكري بحياتك؟

[Jilan_joly]

السلام عليكم..كيفكم؟ اليوم حابه إسألكن سؤال وحابه كتير كتير أعرف ردكم..مابعرف اذا كان الموضوع مكرر أو لا بس إذا كان مكرر بيبقي المختص بالحذف يحذفو..المهم كل واحد منا إلو ذكري صعبه مر فيها بحياتو وبيزعل كل ما بيتذكرها ومعظم الأوقات بنبكي علي ذكراها وأحيانا تنغص علينا أوقات حلوه إذا اتذكرناها فيها..أنا شخصيا إلي ذكري..رح إحكيها وإذا ما حابين تقرأوها عدوها وردو علي الموضوع بذكراكم إنتو..زمان وأنا صغيره ما بين 8 أو 9 سنين كان إلي رفيقه إسمها(ساره)كنت بحبها كتير وأنا وهي مولدين بنفس المشفي وأمها رفيقة إمي وأبوها رفيق أبي..وكنا أسرتين مصرتين بالسعوديه مقيمين بجنب بعض وكنت حس إنو هادول أهلي لإنو ما كنت بعرف أهلي وقرايبيني المصريين فكنت أعتبرهم بدالهم و يمكن أعز منهم..المهم أنا وساره كنا بيناتنا شبه كتير كتير كبير وكنا بنحب بعض و نلبس متل بعض و نعمل شعرنا متل بعض و ندرس سوا و ناكل سوا و أحيانا ننام سوا و نروح المدرسه سوا و نقعد مع بعض دائما وكل أغراضنا متشابهه لدرجة كل الناس بلا مبالغه كانو يعتقدو إنو نحنا توأم متماثل و نحنا بس أصدقاء بيحبو بعض حتي انو أحيانا كانت تتشابه أصواتنا وضحكاتنا..وفي يوم ما طلعت شمسه وكنا رايحين علي مصر بالباخره وكنا مبسوطين كتير لإنو فعلا شي رائع إنو تكون بمكان وكل شي حواليك مي و سما وبس..وكنا عم نلعب أنا وهي بعربية مشتروات صغيره..عم ندفعها و نركض وراها نجيبها وفجأه وقعت السياره بالمي من مكان مفتوح كان فيه عملية صيانه وراحت ساره لتجيبها وأنا رايحه معها وفجأه أخري وقعت ساره بصمت أنا بس شفت إيدها وحاولت امسكها وساعدها بس ما لحقت ثواني معدوده واختفت ساره في مياه المحيط الزرقاء..كان وقت صعب كتير وركضت ناديت للركاب وأهلها وأهلي وإجا الغواص و نزل ليجيبها وبعد دقايق طلع بيها جثه هامده..ما صدقت حالي وضليت أصرخ وإبكي لدرجة إنو حسيت حالي أنا السبب ورحت لإرمي حالي عقابا لإلي لانو ما أنقذتها وحاولت كذا مره بس الركاب كانو يمسكوني و وضعو علي حارس شرطه مخصوص مشان ما أهرب وإرمي حالي..بهالباخره كان بدنا نشم هوا و نحس بجمال الطبيعه بس لما هيك صار ما حدا وقف بكي من أهلها ومعظم الركاب وامها ضلت حاضنتها طول الرحله وعم تبكي بحرقه علي بنتها..وأنا طبعا حالتي كانت أصعب من ما تتخيلو و ضليت بعدها فتره طويله فيق بالليل وإصرخ وإبكي واركض بالبيت إبحث عنها وقول أنا السبب أنا السبب ولحد هلا عم إحلم فيها وإتذكرها و إتذكر هاد اليوم البشع..وخلصت الذكري تبعي..معلش طولت ..يالله بدي شوف إنتو شو أسوأ ذكري حدثت بحياتكن..ناطره ردودكم يا ساده يا محترمين.

[homam85]

حاضري الذي أعيشه....وربما مستقبلي...

[AHMED SHAMS]

ذكرى وفاة أختي

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

[Jilan_joly]

كاتب النص الأصلي : AHMED SHAMS

ذكرى وفاة أختي

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

الله يرحمها يارب و يعوض عليك..وكلنا رح نتوفي(و يبقي وجه ربك ذو الجلال والإكرام)
شكرا إلك ع المرور والرد

[Jilan_joly]

كاتب النص الأصلي : homam85

حاضري الذي أعيشه....وربما مستقبلي...

هاي هي أسوأ ذكري بحياتك؟ الله يزيح عنك..شكرا ع المرور والرد.

[غيديون]

كاتب النص الأصلي : Jilan_joly

السلام عليكم..كيفكم؟ اليوم حابه إسألكن سؤال وحابه كتير كتير أعرف ردكم..مابعرف اذا كان الموضوع مكرر أو لا بس إذا كان مكرر بيبقي المختص بالحذف يحذفو..المهم كل واحد منا إلو ذكري صعبه مر فيها بحياتو وبيزعل كل ما بيتذكرها ومعظم الأوقات بنبكي علي ذكراها وأحيانا تنغص علينا أوقات حلوه إذا اتذكرناها فيها..أنا شخصيا إلي ذكري..رح إحكيها وإذا ما حابين تقرأوها عدوها وردو علي الموضوع بذكراكم إنتو..زمان وأنا صغيره ما بين 8 أو 9 سنين كان إلي رفيقه إسمها(ساره)كنت بحبها كتير وأنا وهي مولدين بنفس المشفي وأمها رفيقة إمي وأبوها رفيق أبي..وكنا أسرتين مصرتين بالسعوديه مقيمين بجنب بعض وكنت حس إنو هادول أهلي لإنو ما كنت بعرف أهلي وقرايبيني المصريين فكنت أعتبرهم بدالهم و يمكن أعز منهم..المهم أنا وساره كنا بيناتنا شبه كتير كتير كبير وكنا بنحب بعض و نلبس متل بعض و نعمل شعرنا متل بعض و ندرس سوا و ناكل سوا و أحيانا ننام سوا و نروح المدرسه سوا و نقعد مع بعض دائما وكل أغراضنا متشابهه لدرجة كل الناس بلا مبالغه كانو يعتقدو إنو نحنا توأم متماثل و نحنا بس أصدقاء بيحبو بعض حتي انو أحيانا كانت تتشابه أصواتنا وضحكاتنا..وفي يوم ما طلعت شمسه وكنا رايحين علي مصر بالباخره وكنا مبسوطين كتير لإنو فعلا شي رائع إنو تكون بمكان وكل شي حواليك مي و سما وبس..وكنا عم نلعب أنا وهي بعربية مشتروات صغيره..عم ندفعها و نركض وراها نجيبها وفجأه وقعت السياره بالمي من مكان مفتوح كان فيه عملية صيانه وراحت ساره لتجيبها وأنا رايحه معها وفجأه أخري وقعت ساره بصمت أنا بس شفت إيدها وحاولت امسكها وساعدها بس ما لحقت ثواني معدوده واختفت ساره في مياه المحيط الزرقاء..كان وقت صعب كتير وركضت ناديت للركاب وأهلها وأهلي وإجا الغواص و نزل ليجيبها وبعد دقايق طلع بيها جثه هامده..ما صدقت حالي وضليت أصرخ وإبكي لدرجة إنو حسيت حالي أنا السبب ورحت لإرمي حالي عقابا لإلي لانو ما أنقذتها وحاولت كذا مره بس الركاب كانو يمسكوني و وضعو علي حارس شرطه مخصوص مشان ما أهرب وإرمي حالي..بهالباخره كان بدنا نشم هوا و نحس بجمال الطبيعه بس لما هيك صار ما حدا وقف بكي من أهلها ومعظم الركاب وامها ضلت حاضنتها طول الرحله وعم تبكي بحرقه علي بنتها..وأنا طبعا حالتي كانت أصعب من ما تتخيلو و ضليت بعدها فتره طويله فيق بالليل وإصرخ وإبكي واركض بالبيت إبحث عنها وقول أنا السبب أنا السبب ولحد هلا عم إحلم فيها وإتذكرها و إتذكر هاد اليوم البشع..وخلصت الذكري تبعي..معلش طولت ..يالله بدي شوف إنتو شو أسوأ ذكري حدثت بحياتكن..ناطره ردودكم يا ساده يا محترمين.

الله يرحمها ....ذكراك الاليمة اثرت في كثيير.......لدرجة اني حسيت انو ما في شي صار معي....
يستاهل انو يكون اسوأ ذكرى......ربنا يحمل معك ويجمعك فيها في فسيح جناته

[Jilan_joly]

كاتب النص الأصلي : غيديون

الله يرحمها ....ذكراك الاليمة اثرت في كثيير.......لدرجة اني حسيت انو ما في شي صار معي....
يستاهل انو يكون اسوأ ذكرى......ربنا يحمل معك ويجمعك فيها في فسيح جناته

لا طالما هالشي هو أسوأ ذكري بحياتك وعم ينغص عليكي فلا يهمك إذا كانت هموم الناس أكبر من همومك..طالما شي عم يزعجك فخلص هو كبير..والله اشتقتلها..آمين يارب تجمعنا في فسيح جناتك..شكرا ع المرور والرد.

[mostafa1966]

٢٢ أيلول ١٩٨٥ يوم غادرت سورية

[سيجارة]

على كترتن ماني قدران اذكرن
يلا خليني نسيان أحسن
بس .............................................

[Jilan_joly]

كاتب النص الأصلي : mostafa1966

٢٢ أيلول ١٩٨٥ يوم غادرت سورية

معلش بكره بترجع ع وطنك..أكيد مشتاقلها ما؟ الله يهون عليك..طيب تعقد معي صفقه؟أنا برجعك علي بلدك وإنت بتخرجني من بلدي..؟ ياريت ما ترفض
شكرا ع المرور والرد

[Jilan_joly]

كاتب النص الأصلي : سيجارة

على كترتن ماني قدران اذكرن
يلا خليني نسيان أحسن
بس .............................................

ربما معك حق بس أكيد في شي معين يتفرد بمضايقتك وبيمثل أسوأ ذكري عندك..أكيد في شي أسوأ من كل الأشياء..بس أنا معك..لا تتذكره..شكرا إلك ع المرور

يمكن موضوعي مؤلم شوي بس أنا حابه إحكي معكن وأعرف شو أسوأ شي بيضايقكن

[قرصان الأدرياتيك]

عزيزتي جيلان

ذكراك مؤلمة حقاً تُضاف إلى تلك الذكريات الأليمة التي يختزنها الماضي في ذاكرتنا اللعينة التي تأبى نسيانها!
في الحقيقة لم أختبر موتَ صديقٍ أو عزيز، لا في سنّ الطفولة ولا بعد! وكم أتمنى أن يكونَ ذلك بعيداً، لكنّه في الأفق قريبٌ مني ومن كل إنسان.

ذكراي السيّئة كان ذاك اليوم الذي عاقبني فيه أبي عن غير حقّ، حينها سخر مني كلّ من رآني وشعرتُ بذلّ أزهق معه روحي، وما زال طيفه يعكّر صفاء العدل في فكري وقلبي!

تحيّتي .

[Jilan_joly]

كاتب النص الأصلي : قرصان الأدرياتيك

عزيزتي جيلان

ذكراك مؤلمة حقاً تُضاف إلى تلك الذكريات الأليمة التي يختزنها الماضي في ذاكرتنا اللعينة التي تأبى نسيانها!
في الحقيقة لم أختبر موتَ صديقٍ أو عزيز، لا في سنّ الطفولة ولا بعد! وكم أتمنى أن يكونَ ذلك بعيداً، لكنّه في الأفق قريبٌ مني ومن كل إنسان.

ذكراي السيّئة كان ذاك اليوم الذي عاقبني فيه أبي عن غير حقّ، حينها سخر مني كلّ من رآني وشعرتُ بذلّ أزهق معه روحي، وما زال طيفه يعكّر صفاء العدل في فكري وقلبي!

تحيّتي .

إنت محق في كل كلمة كتبتها..فعلا هذه الاشياء تأبي ذاكرتنا نسيانها..و ان شالله ما تختبر موت عزيز أو غال لديك..الله يبعدو عن الكل.اي معك حق..الظلم شعور قاتل ما أبشعه وخصوصا من أقرب الناس و موقفك هاد عم إتعرضله كل يوم وحتي بعد ما يثبت إني مظلومه برجع بنظلم مرارا وتكرارا وبتعاقب..يارب ما حدا يشوف هالشي والحمدلله انو هي ذكري عندك وعدت منيح إنو عدت..وان شالله ما تتكرر معك..ومعلش إلا ما يكون في بحياتنا نقاط سودا تعكر صفو قلبنا وتفكيرنا ..شكرا لإلك ع المرور والرد

[إبريل]

وفاة أخوة والدي الثلاثة بعام ونصف
اثنان منهم على سرير مرض واحد
ربما هي أكثر المرات التي بكيت حياتي بها
ولكن تبقى المواقف السيئة أكثر ..

[Jilan_joly]

كاتب النص الأصلي : rana31

وفاة أخوة والدي الثلاثة بعام ونصف
اثنان منهم على سرير مرض واحد
ربما هي أكثر المرات التي بكيت حياتي بها
ولكن تبقى المواقف السيئة أكثر ..

اي فعلا شي محزن بس مستحيل مستحيل مستحيل تمر حياتنا بدون ما نتألم أو نفقد حدا بنحبه أو أكتر من حدا..بس الله كل شي بيجي منه خير حتي لو كان ظاهره شر..الله يهون عليكي يارب..ومعك أكبر حق تبقي المواقف السيئه أكثر..وشكرا لإلك كتير ع المرور والرد

[بنفسجة]

ذكرى سئية مرة مرتين في حياتي
لحظيتن شفت فين والدي عم يبكي من قلبو
لحظة وفاة حافظ الاسد لحظة وفاة والده ومش رح انسى بحياتي هاللحظتين
وبدعي لربي لايعيدون ابدا

[Jilan_joly]

كاتب النص الأصلي : بنفسجة

ذكرى سئية مرة مرتين في حياتي
لحظيتن شفت فين والدي عم يبكي من قلبو
لحظة وفاة حافظ الاسد لحظة وفاة والده ومش رح انسى بحياتي هاللحظتين
وبدعي لربي لايعيدون ابدا

آمين يارب لا تعيدون..كثرة لحظات الضعف يولد قوه لا مثيل لها في العالم..شكرا الك ع المرور والرد