الهامستر السوري, او الهامستر الذهبي

[Willi]

كام واحد منكون سمعان بنوع فيران يطلق عليه اسم, الهامستر السوري؟؟
اي انا اليوم لاكتشفت انو في فار هيك اسمو.
قام محسوبكون هيك صار عندو فضول ليعرف اكتر عن هالفار (يعني ابن البلد وما اعرف عنو شي!!).
فرحت عملت بحبشة, عالانترنت لشوف ليش يعني هيك بسموه.

فهاد اللي طلع معي:
هاد نوع من الفيران بالزمانات عالم بريطاني لقاه بصحراء سوريا. قام اخدو وعمل دراسة عليه. لقى انو هالفار عندو قدرة على انو يتحمل الجوع لفترة منيحة (ما بعرف اديش) بس المهم انو اكتر من باقي الفيران.
المهم الاوروبيين الكدايش بعدين طنشو عالموضوع. (بعد ما عرضوه للفار بالمتحف عندون)
المهم بعدين اجا بروفيسور من بورتو ريكو بالقدس. لقى ام ومعها ولادها (فيران يعني)
اخدون معو على القدس.
لبين ما وصل لهنيك كان تلت ارباعون يا هرب يا مات.
التلاتة اللي لقوهون. بعدين خلوهون يتكاثرو. وصارو بقى يوزعوهون عالعالم.
قال بالوقت الحالي. كلشي فيران من هالنوع بالعالم. اصلون من هالتلات هامسترات.

شايفين لك حتى الفيران صدرناها لبرا.
وهون بتجي المفارقة اللذيذة.
انو الفأر السوري انقرض بسوريا مع نهاية القرن الماضي. يعني قبل ال 2000 بشحطة.


ما قدرت اعمل الصور مرفقات.
فاضطريت ضيفون من المواقع اللي جبتون منهون.

[hanny dagher]

جميل

خيو هلأ هالشباب اللي انقرضت بسوريا شو سبب انقراضها

[Government]

طيب هلأ السؤال اللي بيطرح نفسو ؟
هالهامستر السوري
من وين من سوريا ؟

حلبي حمصي حموي شامي ديري رقاوي شو بالزبط ؟

[التقرير الجوال]

و الله شغله حلوه هالهامستر.
بالمناسبه أحياناً بتلاقي بالـ pet shop's
بعض الأهالي بيشترو لولادن الزغار منشان يلعبو في.

[Willi]

جميل

خيو هلأ هالشباب اللي انقرضت بسوريا شو سبب انقراضها

لانو الشعب من الجوع بلش ياكل الفيران
هع هع هع.

ما بعرف علمي علمك.


على فكرة الفار حلبي خيو. يعني لقوه بحلب

[Willi]

و الله شغله حلوه هالهامستر.
بالمناسبه أحياناً بتلاقي بالـ pet shop's
بعض الأهالي بيشترو لولادن الزغار منشان يلعبو في.

هو فعلا, هاد كان سبب انتشارو الرئيسي بهالكترة وبالعالم كلو. انو صارو العالم يشتروه كـ pet

[طفوله]

لك هدول لازم يكون اسمون قطط ...مره دخلتو ع الصف ايام الثانوي..بس كان ريشو ااقل


لو بقيان عندي كنت جوزتو ل قطتي وهيك منحافظ ع القطط والفيران من الانقراض

[Willi]

لك هدول لازم يكون اسمون قطط ...مره دخلتو ع الصف ايام الثانوي..بس كان ريشو ااقل


لو بقيان عندي كنت جوزتو ل قطتي وهيك منحافظ ع القطط والفيران من الانقراض

هيك كنتي اخترعتيلنا حيوان جديد.
كانت جماعة الرفق بالحيوان كيفت عليكي

[Government]

كاتب النص الأصلي : طفوله

لو بقيان عندي كنت جوزتو ل قطتي وهيك منحافظ ع القطط والفيران من الانقراض

اي وبخلفو جردون ..

[طفوله]

كاتب النص الأصلي : Willi

هيك كنتي اخترعتيلنا حيوان جديد.
كانت جماعة الرفق بالحيوان كيفت عليكي

جماعة الرفق بالحيوان جاي ع بالي اعرفون لانو افكارون عم تتطبق بنجاح اكتر من غيرون

[طفوله]

كاتب النص الأصلي : GOVERMENT

اي وبخلفو جردون ..

شلون زبطت معك ..انو قط سيامي +هامستر= جردون



الحل الصح ..قط سيامي +هامستر=غزاله زمكه

[Government]

كاتب النص الأصلي : طفوله

شلون زبطت معك ..انو قط سيامي +هامستر= جردون



الحل الصح ..قط سيامي +هامستر=غزاله زمكه

او جردون مقطقط .. ::

[التقرير الجوال]

كاتب النص الأصلي : طفوله

جماعة الرفق بالحيوان جاي ع بالي اعرفون لانو افكارون عم تتطبق بنجاح اكتر من غيرون

بحبشيلك شوي عنهن عالانترنت و بتلاقيهن
و إلا قللك شوفي انجازات الممثله الفرنسيه Brigitte Bardot بخصوص الرفق بالحيوانات .

[طفوله]

كاتب النص الأصلي : GOVERMENT

او جردون مقطقط .. ::

او قط مهستر

[طفوله]

كاتب النص الأصلي : التقرير الجوال

بحبشيلك شوي عنهن عالانترنت و بتلاقيهن
و إلا قللك شوفي انجازات الممثله الفرنسيه Brigitte Bardot بخصوص الرفق بالحيوانات .

كمل خيرك وهات لينك وبلاها شغلة اللئم .

[hanny dagher]

كاتب النص الأصلي : GOVERMENT

او جردون مقطقط .. ::

انتي ليش عم تنزع المواضيع بتعليقات خارجية

[ليلى]

شكرا ع المعلومات... بس انت متأكد انو سوري ...؟؟؟

[يمان Rooooonaldo]

انو .. يعني .. ما عم افهم ..

هلا وقت قريت بكتاب القومية بالباكلوريا .. كانو كاتبين على هوا ما ازكر انو ..

في درس .. هههه بموت ضحك عنجد .. بورجيك قديش منضل منضحك عحالنا معلم ..


شو مكتوب فيو .. انو اصل كلشي موجود بالعالم حاليا هوة سوري .. وخدلك على امثلة ..


الصناعات كلا طلعت من عنا .. اول مين ابحرنا .. اول مين صنعنا .. اول مين زرعنا .. اول مين بنينا ... سبحان الله


وكان الاستاز .. يقلنا يا شباب بلا مسخرة عالمعلومات شنو موثقة .. وجاية من الوزارة يعني اكيد صح

ولا وصلنا لنقطة .. انو عنجد .. كلو بيتقببلو الواحد الا هي ما هضمتا " شخصيا ها "

انو قال انو نحنا اول مين اكتشف النار انو كرمال الله اول واحد قدح خشبة بخشبة شو عرفك انو كان سوري .. ولا لا تقلي موثقة بالتاريخ بنوب .

هلا .. بعد شوية تحليل طلع معنا نحنا والاستاز المبجل انو يمكن اول مين اكتشف القداحة .. الببور ..

القدااحات اللي عشكل فرن .. على شكل فرد . على شكل عصاية قشاطة اي ..

اما النار .. اي تخنها شوية ها ..

هلا بعرف شطحت شوي برا الموضوع .. بس حبيت اني ضيف للقائمة .. عمو الهامستر ..


شنو .. شكلو شي فاخر ها


عراسي جادو .. شكرا لهالمعلومة .. بكرا بس سافر برجع .. وتخلص اجازتي بدي روح ارفع راسي فيو ..

لكل ولو .. هاد من عنا



باتيستوتا ... طلع من عنا ها .. شكلو ميداني ... من ناح بيتي