أخوية  

أخوية سوريا: تجمع شبابي سوري (ثقافي، فكري، اجتماعي) بإطار حراك مجتمع مدني - ينشط في دعم الحرية المدنية، التعددية الديمقراطية، والتوعية بما نسميه الحد الأدنى من المسؤولية العامة. نحو عقد اجتماعي صحي سليم، به من الأكسجن ما يكف لجميع المواطنين والقاطنين.
أخذ مكانه في 2003 و توقف قسراً نهاية 2009 - النسخة الحالية هنا هي ارشيفية للتصفح فقط
ردني  لورا   أخوية > مجتمع > منبــر أخويـــة الحــــــر

إضافة موضوع جديد  إضافة رد
 
أدوات الموضوع
قديم 20/01/2008   #1
شب و شيخ الشباب Willi
مشرف متقاعد
 
الصورة الرمزية لـ Willi
Willi is offline
 
نورنا ب:
Sep 2005
المطرح:
المريخ- USA
مشاركات:
10,020

افتراضي وانتصر الفساد في بلدي


بعد نهاية الجزء الاول من مسلسل بلدي وانا. والذي بدأت قصته بالنهب والقتل والسرقة من قبل النظام الحاكم, في بلدي بموت الرأس الكبير. بدأ الجزء الثاني بعنوان, وانتصر الفساد في بلدي, والذي قام بأخراجه ابن الرأس الكبير, ومثل بطولته بطريقة غير قابلة للمنافسة, رئيس مجلس الوزراء, الحرامي محمد ناجي عطري.

تبدأ احداث هذا الجزء من المسلسل, بعبارات طنانة ورنانة. كـ .... "محاربة الفساد", "مسيرة التطور والتقدم", "لمصلحة الوطن", "الصمود والتحدي", "التفاف الشعب حول النظام" وغيرها من العبارات والجمل اللتي تشعرك بالفخر.


ومــــــــــــا ادراك ما الفخر.

حلقات هذا المسلسل كثيرة لا تعد ولا تحصة, وبمجملها تقوم فيها الحكومة بمحاربة الفساد وتطبيق القوانين (هههه). بواسطة النهب والسرقة, وايقاف اي محاولة لتطوير بلدنا.


فمحاربة الفساد تكون عندما يتم ايقاف عمل مفتشة تجد عمليات تهريب منظمة بتغاضي ومساندة من امانة عدرا, في حال توقفت تضيف الى خزينة الدولة ملايين لا بل مئات الملايين, مع العلم ان عملها تم ايقافه بقرار من رئيس مجلس الوزراء البطل.

ومصلحة الوطن, تكون عندما يتم ايقاف عرض من شركة تقدم مبلغ يفوق ال 150 مليون ليرة سورية مع تأمين كافة المسلتزمات, لدعم منتخب سوريا لكرة القدم وجميع الفئات العمرية. بسبب بسيط وهو ان الراعي لم "يبخشش" الاتحاد الرياضي العام!!

اما التطور, فيكون عندما تنقطع الكهرباء والماء, وبعدها يقوم رئيس مجلس الوزراء, بال "لعي" وتبرير الموقف بانه بسبب الضغوط الخارجية. هاهاها, (اضحكو اضحكو عمرو ما حدا يرت)

اما التقدم, يكون بزيادة عدد حوادث السير, بشكل مخيف بسبب سوء التخطيط, وعدم التوعية. وزيادة حالات الوفاة بسبب اخطاء طبية, مع غياب تام للمحاسب. (وهنا اتذكر جملة مضحكة للغاية, لا بل مبكية. "العملية نجحت, بس موت المريض كان قضاء وقدر"). ههه هئ هئ

و التفاف الشعب, هذا له قصص مختلفة, فالتفاف الشعب, وما ادراك ما هذا الالتفاف, يكون ب"شحط" المثقفين وسجن من يفتح فمه. ووضعه بالمعتقل وتعذيبه. وببعض الحالات, قتله بعد التعذيب الشديد. والدفع للمؤيدين وتهديد وترهيب وتخوين الغير مؤيدين, وغض نظر من قبل قوات الامن عن مشاكل مفتعليها موالاة قامو بضرب بعض من الناس الغير مسيحين جوخ ولحيسين احذية, لقيامهم بمظاهرة سلمية.

وهنا اقف قليلا لاتذكر, كريمبو وطارق وابو النسيم وعاشق من فلسطين وتو ليف ايز تو داي, وكل اعضاء اخوية المعتقلين, اللذين علمنا واللذين لم نعلم عن اعتقالهم.
لاقول لهم, لن ننساكم.

احداث هذا الجزء من المسلسل كثيرة جدا جدا, وبعضها مخفي, والبعض الاخر وبكل وقاحة, يحدث على العلن. وعلى عينك يا تاجر.

هل تعتقدون انهم سيشبعون؟؟ ام ان المنية ستوافيهم قبل ذلك (بعد عمر قصير انشالله) (وبعد عمر طويل, كما عم يتأملون)؟؟


تابعو المسلسل بتمعن لتعرفو النتيجة, وتأمل يا رعاك الله.

قلم حر.
Willi
19 كانون التاني 2008

مافي امل

يلعن ابو التخلف

ضاع الهدف




ابرة ليساعد هلق لصلاح وعدتو
بقى رئيدة زدير, اسيرا فهيم رايح

آخر تعديل Willi يوم 20/01/2008 في 04:01.
  رد مع اقتباس
قديم 20/01/2008   #2
شب و شيخ الشباب Nabilove
عضو
-- قبضاي --
 
الصورة الرمزية لـ Nabilove
Nabilove is offline
 
نورنا ب:
Oct 2007
المطرح:
بين شروق و غروب
مشاركات:
909

افتراضي


تم الاتفاق على على الجزء الثالث و الرابع و الخامس قبل ان ينتهي الجزء الثاني بعنوان "الفساد دائما و ابدا" و "رجوع العراب" و "انت او لا احد"

مــاتــت أمـــي ... و قــبـلــت جــبـيــنهــا الــبــارد
  رد مع اقتباس
قديم 20/01/2008   #3
شب و شيخ الشباب yass
مشرف متقاعد
 
الصورة الرمزية لـ yass
yass is offline
 
نورنا ب:
Jul 2004
المطرح:
الآن... هنا
مشاركات:
9,461

افتراضي


سيد ويلي أنا بدي أطالب بحلقة تتحدّث عن قصة واقعية حدثت بذات البلد.... دولة امبريالية كبرى تعلن عن تجميد حسابات ضباط موزمبيقيين في بنوك هذه الدولة الامبرياليه.... و حكومة الموزمبيق تشجّب و تستنكر جدا ..... طيب اللغز اللي لازم بطل المسلسل يحلّو هو التالي: كم راتب ضابط برتبة عقيد و عميد حتى يتمكنو من توفير قدر من المال و ايداعه في هذه الدولة الامبريالية رغم أنهم ضباط جيش الوحدة و الحرية والاشتراكية. أتمنى أن نعرف لكي يتعلم موظفو الموزمبيق كيفية ترشيد استهلاكهم كي يتوقفو عن الادعاء باطلا بأن الراتب غير كاف.


سؤال غبي آخر أتمنى ان يجيب عليه بطل المسلسل: ما هي الطريقة ( الشرعية طبعا.... أعوذ بالله من ثورة الشك) التي يستخدمها هؤلاء الضباط لأخراج هذه الأموال كون الموزمبيق حريصة على عدم خروج أموالها و لذلك يحتاج ذوو الطالب المغترب الى معاملة طويلة تجدد سنويا لتحويل ما أقصاه 413 يورو شهريا على مدى 9 شهور سنويا كون خبراء التعليم العالي اكتشفو ان الطالب خلال الصيف لا يحتاج للاكل و الشرب و لا دفع الاجار لذلك لا داعي لارهاق الاهل بالحوالة خلال شهور الصيف

أبو مـــــــــ1984ـــــــارال
خبز,, سلم,, حرّية

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

  رد مع اقتباس
قديم 20/01/2008   #4
شب و شيخ الشباب Willi
مشرف متقاعد
 
الصورة الرمزية لـ Willi
Willi is offline
 
نورنا ب:
Sep 2005
المطرح:
المريخ- USA
مشاركات:
10,020

افتراضي


اقتباس:
تم الاتفاق على على الجزء الثالث و الرابع و الخامس قبل ان ينتهي الجزء الثاني بعنوان "الفساد دائما و ابدا" و "رجوع العراب" و "انت او لا احد"
بتمنى يكون الجزء التالت. جزء سعيد, بعنوان. "البلد للناس"
بس العناوين اللي نقيتها اقرب للواقعية. مع الاسف
مشكور على مرورك

yass

حساباتون بالبنوك ابدا مانها من السرقة ونهائيا مانها تهريب, وبنوب مو نهب. لالا كلو قانوني, ببلد القانون.
تحياتي لمرورك.
المسلسل مكسيكي, يعني في لسى حلقات كتير. والقادم اعظم.
  رد مع اقتباس
قديم 20/01/2008   #5
شب و شيخ الشباب phoenixbird
عضو
 
الصورة الرمزية لـ phoenixbird
phoenixbird is offline
 
نورنا ب:
Sep 2006
المطرح:
بالاستديو
مشاركات:
3,019

افتراضي


جاد مسلسلك مو مارق على الرقابة ؟؟؟؟؟؟؟؟؟؟؟؟؟؟؟

وحياة سواد عينيك يا حبيبي غيرك ما يحلالي
we ask syrian goverment to stop panding akhawia
نقسم سنبقى لاننا وارضنا والحق اكثرية
  رد مع اقتباس
قديم 20/01/2008   #6
شب و شيخ الشباب Willi
مشرف متقاعد
 
الصورة الرمزية لـ Willi
Willi is offline
 
نورنا ب:
Sep 2005
المطرح:
المريخ- USA
مشاركات:
10,020

افتراضي


هاد مو مسلسلي.
انا مجرد متابع او بالاحرى مشاهد غصب عني لهلمسلسل.

هاد مسلسل الحكومة الموقرة
  رد مع اقتباس
قديم 20/01/2008   #7
شب و شيخ الشباب phoenixbird
عضو
 
الصورة الرمزية لـ phoenixbird
phoenixbird is offline
 
نورنا ب:
Sep 2006
المطرح:
بالاستديو
مشاركات:
3,019

افتراضي


بعتقد حلقته الاخيرة قربت

لانو في تغيير حكومي غير شكل
  رد مع اقتباس
قديم 20/01/2008   #8
شب و شيخ الشباب ayhamm26
عضو
-- زعيـــــــم --
 
الصورة الرمزية لـ ayhamm26
ayhamm26 is offline
 
نورنا ب:
Oct 2007
مشاركات:
1,200

افتراضي


اقتباس:
كاتب النص الأصلي : phoenixbird عرض المشاركة
بعتقد حلقته الاخيرة قربت

لانو في تغيير حكومي غير شكل
هههههه ضحكتني شو رح يتغير يعني اذا صار تغيير حكومي ما رح يجيبوا حرامي اكبر من العطري مشان يستمروا هني بتنفيذ سياسات النهب والتجويع والقمع ووظيفة رئيس الوزراء والوزراء هو انن واجهه قدام العالم ليمسحوا فين كل البلاوي والجرائم اللي عم تصير وطبعا الوزراء عرفانين هيك لانن لا بيحلوا ولا بيربطوا بس قبلانين يعني بكفين سيارات وحراسة ويطلعوا على التلفزيون
  رد مع اقتباس
قديم 20/01/2008   #9
شب و شيخ الشباب khanfur
عضو
-- أخ لهلوب --
 
الصورة الرمزية لـ khanfur
khanfur is offline
 
نورنا ب:
Jun 2007
مشاركات:
102

افتراضي



أشعل أهالي قرية الضبية عدداً من الإطارات قاطعين الطرقات المؤدية لقريتهم , احتجاجاً على قطع الماء والكهرباء وعنهم .
ويقول الأهالي أن " الماء مقطوعة عنهم منذ خمسة أيام فيما تم قطع الكهرباء صباح اليوم , لإجبارهم على تسليم منازلهم المستملكة للمؤسسة العامة للإسكان " .


وقام الأهالي عصر اليوم بإشعال الإطارات على أمل قدوم المسؤولين إلى قريتهم للوقوف على ما يعانوه بسبب قطع الماء والكهرباء عنهم .
ويرفض الأهالي بحسب ما نقلوه لسيريانيوز " مغادرة منازلهم التي توارثوها أباً عن جد " فيما تصر المؤسسة العامة للإسكان على تنفيذ الاستملاك وذلك عبر الضغط على الأهالي بقطع الماء والكهرباء عنهم .
وكان قد تم استملاك أراضي القرية لصالح المؤسسة العامة للإسكان بموجب المرسوم رقم / 178 / تاريخ 28 / 2 / 1976 .وقد فشلت محاولات الاتصال بمدراء ( الماء والكهرباء والإسكان " للوقوف على حقيقة موقفهم من هذه الإجراءات , إلاّ أن مصدر في عمليات كهرباء حمص قال لسيريانيوز أن " ثمة أوامر خطية بعدم وصل المحول الذي يغذي قرية الضبية بالكهرباء إلاّ بأوامر شخصية من المدير العام للمؤسسة " .
وقد رفع الأهالي المحتجين صور الرئيس بشار الأسد والقائد الخالد حافظ الأسد هاتفين بحياة الحزب والرئيس , كما هتفوا ضد بعض مسؤولي المحافظة .
ويقول الأهالي أنهم " لم يسبق أن تلقوا أية إنذارات بالهدم أو الإخلاء , كما أنهم لم يستلموا أي تعويض مادي عن قيمة الأراضي المستملكة " فيما تقول المؤسسة العامة للإسكان – بحسب وثيقة حصلت عليها سيريانيوز حول الموضوع – أنه " سبق أن قامت المؤسسة بإنذار الأهالي سابقاً وخطياً والبيد لأصحاب المنازل , أمّا بالنسبة لبدل التعويض فكان قد تم إيداعه لدى مصرف سوريا المركزي ولم يراجعها أحد لقبضه , ومع مضي المدة القانونية تم سحبه وإعادته لصالح المؤسسة " .
ويبلغ عدد سكان القرية قرابة الثلاثة آلاف نسمة , وقد تظاهر أكثر نصف هذا العدد , وكان اللافت أن أغلب المتظاهرين هم من النساء والأطفال .
ولوّح عدد من المواطنين من أهالي القرية ببطاقاتهم الشخصية " احتجاجاً على المعاملة السيئة التي يعاملون بها " على حد تعبيرهم .

ومع وصول سيارة إطفاء من مركز إطفاء دوار الرئيس لإطفاء الحرائق الناتجة عن إشعال الإطارات , هاجمها الأهالي المتظاهرين وقاموا بتكسير زجاج السيارة ومهاجمة عناصر الإطفاء بالحجارة مما جعلهم يلوذون بالفرار تاركين السيارة بين يدي النساء والأطفال , الذين سارعوا للشرب من فوهة خرطوم المياه وتعبئة ما تيسر لهم من أواني للشرب .
وبعد مرور أكثر من ساعة على بدء الاحتجاج وصلت دوريات من شرطة قسم باب السباع , ومع محاولة الحديث مع الأهالي من قبل الرائد هيثم عبد الرحمن قوبل بالرجم بالحجارة , مما استدعى استقدام تعزيزات من الجهات الأمنية في المحافظة , ووحدها حكمة العميد علي بودي قائد شرطة حمص الذي حضر للمكان وتعرضت سيارته للحجارة , منعت وقوع صدام بين الأهالي وبين عناصر الشرطة والجهات الأمنية , حين أعطى أوامره للعناصر بالانسحاب من المكان , بعد أن انكفأ الأهالي إلى داخل القرية , متوارين عن الأنظار ومستترين في منازلهم المحرومة من الماء والكهرباء

على فكرة هاي الضبية بحمص مو بالضفة الغربية
وتقع قرية الضبية المعروفة سابقاً باسم ( خربة مرعي ) على العقارين / 861 – 862 / منطقة عقارية بابا عمرو , وتمتد على مساحة / 25 / دونم إلى الغرب من دوار تدمر – على طريق حمص – دمشق .
  رد مع اقتباس
قديم 20/01/2008   #10
شب و شيخ الشباب phoenixbird
عضو
 
الصورة الرمزية لـ phoenixbird
phoenixbird is offline
 
نورنا ب:
Sep 2006
المطرح:
بالاستديو
مشاركات:
3,019

افتراضي


اقتباس:
كاتب النص الأصلي : ayhamm26 عرض المشاركة
هههههه ضحكتني شو رح يتغير يعني اذا صار تغيير حكومي ما رح يجيبوا حرامي اكبر من العطري مشان يستمروا هني بتنفيذ سياسات النهب والتجويع والقمع ووظيفة رئيس الوزراء والوزراء هو انن واجهه قدام العالم ليمسحوا فين كل البلاوي والجرائم اللي عم تصير وطبعا الوزراء عرفانين هيك لانن لا بيحلوا ولا بيربطوا بس قبلانين يعني بكفين سيارات وحراسة ويطلعوا على التلفزيون

هاد كان من قبل خلينا نشوف هلا شو ؟
نحنا ب2008
بعدين لا تعمم على الحكومة كلها ما فينا نقول انو قشة لفة الحكومة تجويع ونهب
  رد مع اقتباس
قديم 20/01/2008   #11
شب و شيخ الشباب yass
مشرف متقاعد
 
الصورة الرمزية لـ yass
yass is offline
 
نورنا ب:
Jul 2004
المطرح:
الآن... هنا
مشاركات:
9,461

افتراضي


اقتباس:
كاتب النص الأصلي : phoenixbird عرض المشاركة
هاد كان من قبل خلينا نشوف هلا شو ؟
نحنا ب2008
بعدين لا تعمم على الحكومة كلها ما فينا نقول انو قشة لفة الحكومة تجويع ونهب
لا حول الله!!! كالعادة

قللي وزارة وحدة ما فيها فساد.... هات لنشوف

عدا انو الوزرا اجرين كراسي..... يعني وزارة الاتصالات ما عندها خبر انو في مواقع محجوبة (و في دعوة قضائية من قبل ادارة موقع النزاهة بها الخصوص)
  رد مع اقتباس
قديم 20/01/2008   #12
شب و شيخ الشباب phoenixbird
عضو
 
الصورة الرمزية لـ phoenixbird
phoenixbird is offline
 
نورنا ب:
Sep 2006
المطرح:
بالاستديو
مشاركات:
3,019

افتراضي


وزارة الخارجية
  رد مع اقتباس
قديم 20/01/2008   #13
شب و شيخ الشباب yass
مشرف متقاعد
 
الصورة الرمزية لـ yass
yass is offline
 
نورنا ب:
Jul 2004
المطرح:
الآن... هنا
مشاركات:
9,461

افتراضي


اقتباس:
كاتب النص الأصلي : phoenixbird عرض المشاركة
وزارة الخارجية
يا سيدي هاي لأ و ستين لأ و أنا شاهد....

جربت شي مرة تصدّق ورقة مشان تطلع لبرا؟ الشهادة لله بالعادة مافي مشاكل بس خليه يحس انك مستعجل عليها.... بيذلّك

السفارات السورية بالعالم أجمع مخجلة... يعني سفارة مدريد و الله العظيم شي خان شوالات مو هيك, و الناس تشتكي و عالفاضي..... الله يساعد اللي يعلق بايدهون فعلا


بدك تعد كل الوزارات
  رد مع اقتباس
قديم 20/01/2008   #14
شب و شيخ الشباب phoenixbird
عضو
 
الصورة الرمزية لـ phoenixbird
phoenixbird is offline
 
نورنا ب:
Sep 2006
المطرح:
بالاستديو
مشاركات:
3,019

افتراضي


وانا شاهد بس من جوا انو هالوزارة انظف واشرف وزارة بسوريا
وما جربت صدق منهون ولا ورقة ولا رحت لسفارة منون

هات لشوف قللي على وزارة الثقافة مثلا :

بفهم انو باقي الوزارت فايتة بستمية حيط واولون وزارة الكهربا
  رد مع اقتباس
قديم 20/01/2008   #15
شب و شيخ الشباب BL@CK
مشرف
 
الصورة الرمزية لـ BL@CK
BL@CK is offline
 
نورنا ب:
Apr 2007
المطرح:
Aleppo-Syria
مشاركات:
4,345

افتراضي


اقتباس:
كاتب النص الأصلي : phoenixbird عرض المشاركة
وزارة الخارجية
شوف لأحكيلك شي يا صديقي

في متل كانت تقلي يا ستـي مالي متذكرو حرفيا ً

بس أنو رح قلك معناها , تخيّل واحد غاطس بـ كهريز و انت عم بتقلو هاي ياسمينة صغيرة تفضل شم

اي يا عمي ما رح يحس بريحة الوردة و رح يسبك , خلصو من الكهريز بعدين شمموه ورد

هيك صاير عنا بسوريا الفساد بتقدر بتشبهو بالكهريز , و الإصلاحات أو التطوير بتقدر تشبها بهالياسمينة ..

يعني مالا قيمة و لا رح ينحس فيها و رح يسب التطوير و المـُطور و دين رب البلد

هاي هيه الفكرة , شرحتا ببساطة مشان بركدن بتوصل


ويحَ زمَنٍ أصبَحَ فيهِ عاشِقُ الوطَنِ يُهان ..

ويُشطَبُ مِن ذاكرةِ عشقِهِ ..

ومِن قائِمَةِ بني الإنسان !!



.
  رد مع اقتباس
قديم 20/01/2008   #16
شب و شيخ الشباب yass
مشرف متقاعد
 
الصورة الرمزية لـ yass
yass is offline
 
نورنا ب:
Jul 2004
المطرح:
الآن... هنا
مشاركات:
9,461

افتراضي


اقتباس:
كاتب النص الأصلي : phoenixbird عرض المشاركة
وانا شاهد بس من جوا انو هالوزارة انظف واشرف وزارة بسوريا
وما جربت صدق منهون ولا ورقة ولا رحت لسفارة منون

هات لشوف قللي على وزارة الثقافة مثلا :

بفهم انو باقي الوزارت فايتة بستمية حيط واولون وزارة الكهربا
انت سبق قلتلي انك تعرف الرقة... طيب ماشي.... دار الأسد للثقافة بالرقة راحو عملوها بأخفض منطقة بالرقة, لسبب بسيط انو بحجة الارض غضارية صرف الحديد و الباطون يتضاعف ..... خفس منها طابق كامل لأنو سرقو مواد الاساسات و هلأ بعد شي 25 سنة من بدء العمل فيها افتتحوها من 4 سنين و هلأ لازم يرجعو يسكروها لأنو الرطوبة لاعنة سما البناء.....


من يومين عم أعيد قراءة كتاب شرق عدن غرب الله لمحمد الماغوط (من أعظم الكتّاب السوريين و العرب).... الكتاب من دار المدى و مكتوب سعرو 500 ليرة سوري.... قديه متوسط دخل الفرد بسوريا شهريا؟؟ 250 دولار؟ 10 دولار حق كتاب لكاتب سوري؟ و هكذا دواليك..... يعني مطابع وزارة الثقافة بشو شاطرة خيو؟ يعني لنقرا لمحمد الماغوط لازم ندفع 10 دولار لدار نشر عراقية؟ شو عم تعمل وزارة الثقافة لدعم سعر الكتاب؟ بشو عم تساعد الكتّاب السوريين لحتى ينشرو أعمالهون؟
  رد مع اقتباس
قديم 20/01/2008   #17
شب و شيخ الشباب abosleman
مشرف
 
الصورة الرمزية لـ abosleman
abosleman is offline
 
نورنا ب:
Aug 2006
المطرح:
السقيفة...
مشاركات:
2,726

افتراضي


اقتباس:
كاتب النص الأصلي : BL@CK عرض المشاركة
شوف لأحكيلك شي يا صديقي

في متل كانت تقلي يا ستـي مالي متذكرو حرفيا ً

بس أنو رح قلك معناها , تخيّل واحد غاطس بـ كهريز و انت عم بتقلو هاي ياسمينة صغيرة تفضل شم

اي يا عمي ما رح يحس بريحة الوردة و رح يسبك , خلصو من الكهريز بعدين شمموه ورد

هيك صاير عنا بسوريا الفساد بتقدر بتشبهو بالكهريز , و الإصلاحات أو التطوير بتقدر تشبها بهالياسمينة ..

يعني مالا قيمة و لا رح ينحس فيها و رح يسب التطوير و المـُطور و دين رب البلد

هاي هيه الفكرة , شرحتا ببساطة مشان بركدن بتوصل


يسلمو عابد وصلت الفكرة .
بس بدي ضيف شغلة بالنسبة للخارجية السفارة السورية بقطر شي بخجل الموظفين
بس بشهادة بعض الناس المقربين السفير السوري سكرة ... بس ما صدف وشفتو

بنجي لعند جاد ...
حبكة المسلسل كبيرة كتير وفيها اكتر من قصة يعني المؤلف عامل نص ابداعي مو طبيعي
يعني فيك تقول انك عم تشوف كل عمل لحالو يعني كل قصة هي متل مسرحية كاسك يا وطن
بس بطريقة مختلف وجامعينن كلن مع بعض للوهلة الاولى بتحس انو كل شي لحال
بس بعدين بتكتشف انو نفس السيناريو بس في اختلاف بالمشهد يعني هون بيجي ابداع المخرج
بيعطيك لقطة رهيبة نفس المشهد نفس الحوار بس بتلاقيه مختلف عن اللي قبلو
وبالنهاية بطل المسلسل بينتصر على اعداء الأمة .... والحلود لـ.... فاضية

كان اسمه.. .
لا تذكروا اسمه!
خلوه في قلوبنا...
لا تدعوا الكلمة
تضيع في الهواء، كالرماد...

"We ask the Syrian government to stop banning Akhawia"
  رد مع اقتباس
قديم 20/01/2008   #18
شب و شيخ الشباب phoenixbird
عضو
 
الصورة الرمزية لـ phoenixbird
phoenixbird is offline
 
نورنا ب:
Sep 2006
المطرح:
بالاستديو
مشاركات:
3,019

افتراضي


اقتنعت خلصنا بقا
شكرا عابد شرحك وافي
بس ما انتصر الفساد لسا؟
  رد مع اقتباس
إضافة موضوع جديد  إضافة رد


أدوات الموضوع

ضوابط المشاركة
لافيك تكتب موضوع جديد
لافيك تكتب مشاركات
لافيك تضيف مرفقات
لا فيك تعدل مشاركاتك

وسوم vB : حرك
شيفرة [IMG] : حرك
شيفرة HTML : بليد
طير و علّي


الساعة بإيدك هلق يا سيدي 17:46 (بحسب عمك غرينتش الكبير +3)


Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
Page generated in 0.13696 seconds with 12 queries