اخلاق جميلة. جزء (1)

Willi · 03/06/2007

نهضت من النوم ذات صباح. وذهبت الى النافذة. فتحتها وبدأت اتنشق الهواء. يا الله ما اجمل هذه الرائحة. هواء نقي يبعث في الروح السعادة.

يبدو انه سيكون يوم جميل اخر, كالايام اللتي مضت.
لبست ثيابي, ووقفت امام المرأة وبدأت بتصفيف شعري. فيجب علي ان اكون بأجمل حلة لاقابل هذا النهار الجميل.
بعد ان انتهيت اخذت جهازي الشخصي (اللاب توب) وخرجت من المنزل الى الحديقة اللتي تبعد عن منزلي مسافة نصف ساعة سيرا على الاقدام (الرياضة صباحا جميلة جدا).
فهناك بعض الاعمال يجب ان انهيها.

كنت ارا الناس يسيرون في الطريق والبسمة على وجوههم. انا ارفع بيدي لهم, وهم يردون السلام. جميلة هية الحياة, وجميلة هذه الطريقة في التعامل مع الناس. رغم انني لا اعرفهم وهم لا يعرفونني, مع ذالك فهم لا يتوالون عن القاء التحية لي بابتسامة جميلة, ووجوه مشرقة.
وصلت الى الحديقة وجلت على المقعد اللذي اجلس عليه دوما, نظرت حولي, لارا مجموعة من الشباب والشابات يسيرون مع بعضهم يتكلمون ويضحكون, يبدو انهم سعداء كما انا سعيد.
نظرت في اتجاه معاكس, لارى شاب وفتاة في مشهد رومنسي, يبدو وكأنهم زوجان جديدان.

فتحت اللاب توب وهممت لاباشر عملي. وما ان بدأت حتى انتبه اني نسيت حقيبة اوراقي في المنزل,
كنت بحاجة اليها. فلن استطيع ان اعمل ان لم تكن معي.
ذهبت مسرعا الى منزلي, دون ان انتبه الى اني قد نسيت اللاب توب على المقعد في الحديقة.
يا الهي ما اللذي فعلته, هناك الكثير من الملفات الهامة والخاصة عليه, ان وقعت في يد احد من المخربين, فهذا يعني نهاية عملي.

اخذت حقيبتي واستقليت التكسي, لاذهب الى الحديقة.
طلبت من سائق التكسي الاسراع قليلا, فقال لي:
- النظام فوق كل شيء, لن استطيع ان اسرع فوق السرعة المحددة.
سكت وانا مقتنع بكلامه, فعلا النظام فوق كل شيء.
وصلت الى الحديقة بعد قرابة ال نصف ساعة.
لارا جهازي ما زال على مقعدي منتظرا مجيئي. لم يتحرك ابدا, لم يأخذه احد.
ولم يمسه احد, عرفت ذالك, لانه فور وصولي ظهرت شاشة التوقف, اللتي تبدأ بعد نصف ساعة من تركي للجهاز دون امسه.

كم هية جميلة اخلاق هذا الشعب.

بتمنى تعجبكون.

Fady007 · 03/06/2007

هي اقرب للواقعيه

وحلو الاسلوب الارتجالي
بس فيه شوية نقد ماتزعلش.

اقتباس:

يبدو انه سيكون يوم جميل اخر, كالايام اللتي مضت.

لم تحكي عن الايام التي مضت لكي نعرفها.

اقتباس:

وخرجت من المنزل الى الحديقة اللتي تبعد عن منزلي مسافة نصف ساعة سيرا على الاقدام (الرياضة صباحا جميلة جدا

المشي ماسكا اللاب توب رياضة جميلة

اقتباس:

رغم انني لا اعرفهم وهم لا يعرفونني,

غريبه دي.

اقتباس:

نظرت في اتجاه معاكس, لارى شاب وفتاة في مشهد رومنسي, يبدو وكأنهم زوجان جديدان.

او عاشقان.

اقتباس:

فتحت اللاب توب وهممت لاباشر عملي. وما ان بدأت حتى انتبه اني نسيت حقيبة اوراقي في المنزل

مع انو الصباح كان جميل والهواء كان نقي ونسيت حقيبة اوراقك
عن نفسي ما بنساش اي حاجه الا اذا صحيت و لقيت شكل اليوم مقرف.

اقتباس:

اخذت حقيبتي واستقليت التكسي, لاذهب الى الحديقة.

كويس انك مانسيتش الحقيبة وانت كنت ساعتها مسرعا.

اقتباس:

كم هية جميلة اخلاق هذا الشعب.

ماذكرتش اي شعب من خلال القصه.

The morning · 03/06/2007

صارت معي من فتره حادثه مشابهه بعدين صرت امن اني اترك الجهاز و امشي
في محل رايق كتير

بروح عليه عاده بدرس هنيك ..
فـ باخد الاب توب معي لانو معظم دروسي عليه ..
مره من المرات كان عندي فحص كتير مهم و قضيت كل النهار عم ادرس بهالمحل
عند المسا جعت ,, و المحل ما ببيع اكل
بياع الكل بالدخله اللي جنبها
بس كانو اغراضي كتير مفرودين و عم ادرس عـ اساسون
فما كان بدي ضبون لانو رح اتعزب ارجع رتبهوم ..
اطلعت يمين شمال

..
لقيت في ناس منيح بالمحل ..
فكرت انو شو بدي اعمل و بعدين اذا طلعت من المحل و اخدت اغراضي فـ حيروح محلي ..
قررت انو بتركون و بنشوف شو بصير

..
(انو الي عاده بالجامعه اترك الاب توب و قوم اشرب مي او اشتري شي بس ولا مره طلعت برات المحل كلو و تركتو )
و فعلا تركت الاب توب و الوراق و كل شي و رحت شغله شي ربع ساعه ( طبعا و بالي عندون )
و رجعت لقيتون على حطه ايدي

,,

فعلا ويلي معك حق شعب بينرفعلو الشابوه

Willi · 03/06/2007

اقتباس:

المشي ماسكا اللاب توب رياضة جميلة

هلق هية كل القصة حول تركت اللاب توب بدون ما حدا ياخدو هدول شغلات ثانوية بس مشان ما تكون القصة هيك خبط لزق.
لاكن هو الواحد بدو يروح ويروح على الحديقة فهو راحلها مشي (شغلة الرياضة هية مجرد تبرير لروحتو مشي مو اكتر)

اقتباس:

او عاشقان.

وممكن ما يكونو لا هاد ولا هاد
بس هو هيك توقع انو يكونو زوجان.

اقتباس:

ماذكرتش اي شعب من خلال القصه.

هية القصة مجرد نقد لواقع نحن عايشينو.
فاكيد ما رح اذكر انو شعب.
لاني ما عم احكي عن شعب محدد

Willi · 03/06/2007

اقتباس:

كاتب النص الأصلي : The morning

صارت معي من فتره حادثه مشابهه بعدين صرت امن اني اترك الجهاز و امشي
في محل رايق كتير

بروح عليه عاده بدرس هنيك ..
فـ باخد الاب توب معي لانو معظم دروسي عليه ..
مره من المرات كان عندي فحص كتير مهم و قضيت كل النهار عم ادرس بهالمحل
عند المسا جعت ,, و المحل ما ببيع اكل
بياع الكل بالدخله اللي جنبها
بس كانو اغراضي كتير مفرودين و عم ادرس عـ اساسون
فما كان بدي ضبون لانو رح اتعزب ارجع رتبهوم ..
اطلعت يمين شمال

..
لقيت في ناس منيح بالمحل ..
فكرت انو شو بدي اعمل و بعدين اذا طلعت من المحل و اخدت اغراضي فـ حيروح محلي ..
قررت انو بتركون و بنشوف شو بصير

..
(انو الي عاده بالجامعه اترك الاب توب و قوم اشرب مي او اشتري شي بس ولا مره طلعت برات المحل كلو و تركتو )
و فعلا تركت الاب توب و الوراق و كل شي و رحت شغله شي ربع ساعه ( طبعا و بالي عندون )
و رجعت لقيتون على حطه ايدي

,,

فعلا ويلي معك حق شعب بينرفعلو الشابوه

اي ببعض الاحيان اذا كان الواحد حظو حلو بتصير.
بس ببعض الاحيان التانية, بيطلعلك واحد كديش بلم غراضك وبيفركها.
طبعا الا اذا كان الامن بهالمكان مفتح عشرة عشرة.

The morning · 03/06/2007

اقتباس:

كاتب النص الأصلي : Willi

اي ببعض الاحيان اذا كان الواحد حظو حلو بتصير.
بس ببعض الاحيان التانية, بيطلعلك واحد كديش بلم غراضك وبيفركها.
طبعا الا اذا كان الامن بهالمكان مفتح عشرة عشرة.

ما كان في امن و مافي عاده امن بالمنطقه هديك ..
بس اجمالا اذا بتترك شو ما بدك تترك ما كتير الناس بتلطشون
الا اذا كانو ( متل الواحد الكديش

) ..

عندي وحده رفيقتي بتترك شبابيك السياره مفتوحه و قت بتصفها قال مشان الشوب ..

و في مره بسكليته ( مسكليت بالحلبي

) ابن جيرانا تمت شي اسبوع بالشارع و انو حدا كان ياخدها

..
و شعور كتير حلو هالشعور ( لما رجعت و لقيت الاب توب بقصد)

Willi · 03/06/2007

اقتباس:

كاتب النص الأصلي : The morning

ما كان في امن و مافي عاده امن بالمنطقه هديك ..

بس اجمالا اذا بتترك شو ما بدك تترك ما كتير الناس بتلطشون
الا اذا كانو ( متل الواحد الكديش

) ..

عندي وحده رفيقتي بتترك شبابيك السياره مفتوحه و قت بتصفها قال مشان الشوب ..

و في مره بسكليته ( مسكليت بالحلبي

) ابن جيرانا تمت شي اسبوع بالشارع و انو حدا كان ياخدها

..

و شعور كتير حلو هالشعور ( لما رجعت و لقيت الاب توب بقصد)

هو بالفعل بالنسبة لاميركا.
الوضع احسن بكتير من سوريا.
يعني انا ما عندي مشكلة اترك شبابيك السيارة مفتوحة.
حتى اذا بدك مرة نسيت باب الكراج مفتوح ورحت
وضليت برات البيت شي 4 ساعات
وما صار شي

.

بس اني مثلا اترك اللاب توب.
اي ما بعملها, ولو انو بالفعل باماكن عامة ما بياخدها حدا. يعني مثلا مكتبة او شي مكان رايق
لانو بكل بساطة الكدايش ما بروحو على هالمحلات

The morning · 03/06/2007

اقتباس:

كاتب النص الأصلي : Willi

هو بالفعل بالنسبة لاميركا.
الوضع احسن بكتير من سوريا.
يعني انا ما عندي مشكلة اترك شبابيك السيارة مفتوحة.
حتى اذا بدك مرة نسيت باب الكراج مفتوح ورحت
وضليت برات البيت شي 4 ساعات
وما صار شي

.

ذكرتني بحادثه بخصوص باب الكراج

مره رجعت عـ البيت المسا مع اهلي ولا باب كراج جيرانا مفتوح و الساعه شي ادعش

انو شلون بدي خبرهم بدون ما يفيقو

قول شفت ضو الغرفه الفوقانيه شاعل فقلت معناها فايقين لروح دق عليهم
رحت و رن رن رن رن ما كان حدا يرد اسمع حركشه بس ما بردو مدري ليش فكروني يمكن جايه
ائزيهم بهالليل

.. انو ربع ساعه و انا ملطوعه عـ الباب عم رن رن

و ما ردو .. و كراجون مليان اغراض ..
تاني يوم الصبح فقت اول شغله حبيت اطمن عليها هي باب الكراج تبع الجيران .. و كان مسكر و طبيعي

.. ( طبعا هنن مسكرينو ما الشبح

) .. بس المضحك بالموضوع انو جيراننا اللي مقابيلهم(للجيران اللي نسيو باب كراج بيتهم مفتوح) نسيو باب كراجهم مفتوح بالليله التانيه

و المفاجأه الكبرى اني شخصيا تركتو مفتوح بالنهار التالت

Willi · 03/06/2007

ههههههههههههه

حارة مسااااااااا....... حبابين

**Government** · 03/06/2007

يمووووووو ع النبي هون اذا بتحط اللبتوب جنب مالك قاعد وبدير وشك تكة هيك على طول بتلاقي منشتر
وغير الله ماعاد يرجعلك يا

لك مو لابتوب
موبايل انسى شوي بلهطوا شلون اذت لابتوب
ياعيني

يمان Rooooonaldo · 03/06/2007

لك مو على لاب توب... عم احكي على موبايل مرة اخدتو معي على فحص التتاسع الله وكيلكم
اكدش من هيك ما صفي يعني

الله لا يريكم... كانت اول الموبايلات يمكن وانا كنت كتير فرحان ففيو

واجو فتشو قال طلعو الموبايلات

شو بدي ساوي طلعت وعطيتو لواحد استاذ قلي وين رايح قلتلو هيك هيك
قلي خلص هاتو لقلك انا بتجي لعندي على الغرفة بتاخدو
ورن الجرس انا فتت بسرعة لجوا
قام ابن الذين وهي وش الضيف ما عاد شفت خلقتو لك يا جماعة موبايل 3310 يعني زفت
بس هو ابن...كديش على قولتكم

لك ايللي بيقهر انو انا ما رضيت حطو مع الموبايلات الملحوشة برا متل البشر لا حبيت اتظارف قام ا...

بقا وين اللاب توب ولي

**Government** · 03/06/2007

اقتباس:

كاتب النص الأصلي : يمان Rooooonaldo

لك مو على لاب توب... عم احكي على موبايل مرة اخدتو معي على فحص التتاسع الله وكيلكم
اكدش من هيك ما صفي يعني

الله لا يريكم... كانت اول الموبايلات يمكن وانا كنت كتير فرحان ففيو

واجو فتشو قال طلعو الموبايلات

شو بدي ساوي طلعت وعطيتو لواحد استاذ قلي وين رايح قلتلو هيك هيك
قلي خلص هاتو لقلك انا بتجي لعندي على الغرفة بتاخدو
ورن الجرس انا فتت بسرعة لجوا
قام ابن الذين وهي وش الضيف ما عاد شفت خلقتو لك يا جماعة موبايل 3310 يعني زفت
بس هو ابن...كديش على قولتكم

لك ايللي بيقهر انو انا ما رضيت حطو مع الموبايلات الملحوشة برا متل البشر لا حبيت اتظارف قام ا...

بقا وين اللاب توب ولي

اي بدك ناتواخذني هو بندوق عرف يضحك عليك
وانت بهيم لعب بعقلك

Tony 124 · 03/06/2007

اقتباس:

بكل بساطة الكدايش ما بروحو على هالمحلات

اقتباس:

بيطلعلك واحد كديش بلم غراضك وبيفركها

اقتباس:

اكدش من هيك

انو جاد الموضوع عن شو

بس لا انا كتير بحب الامن ب سوريا يمكن لان ماعند لاب توب
و ماعندي شي ينسرق ههه

The morning · 03/06/2007

اقتباس:

كاتب النص الأصلي : Tony 124

انو جاد الموضوع عن شو

بس لا انا كتير بحب الامن ب سوريا يمكن لان ماعند لاب توب
و ماعندي شي ينسرق ههه

االزلمه ما جاب سيره سوريا او غير سوريا

و قال انو عم يحكي القصه بعيدا عن البلد و الشعب

اطلع كم مشاركه لفوق

Lindsay · 03/06/2007

أنا متأكدة انه اذا نسيته بلدي رح يكون طاير بعد ماتقوم مباشرة لأنه أنا مرة نسيت على حافة الرصيف نظارة و بعدها بخمس دقايق رحت لشوفها كانت النظارة السلام عليكم

Tony 124 · 03/06/2007

اقتباس:

كاتب النص الأصلي : The morning

االزلمه ما جاب سيره سوريا او غير سوريا

و قال انو عم يحكي القصه بعيدا عن البلد و الشعب

اطلع كم مشاركه لفوق

تعي ضربيني كفين

اقتباس:

كاتب النص الأصلي : Willi

هو بالفعل بالنسبة لاميركا.
الوضع احسن بكتير من سوريا.
يعني انا ما عندي مشكلة اترك شبابيك السيارة مفتوحة.
حتى اذا بدك مرة نسيت باب الكراج مفتوح ورحت
وضليت برات البيت شي 4 ساعات
وما صار شي .

انو انا عم اقرى صح او لاء

لك صحي مين الزلمة هههههه

**suryoyo** · 03/06/2007

اقتباس:

نهضت من النوم ذات صباح. وذهبت الى النافذة. فتحتها وبدأت اتنشق الهواء. يا الله ما اجمل هذه الرائحة. هواء نقي يبعث في الروح السعادة.

هذه امنية لكل ساكن في المدن الكبرى!!!

اسلوبك حلو و مشوق و فيه الكثير من التركيز على الجوانب الايجابية

تحدثك هن هذه الامانة لهذا الشعب .... ذكرني باخلاق اهل المدينة الفاضلة

فهنيئا لك سكناك في مثل هذه المدينة!

Willi · 04/06/2007

اقتباس:

يمووووووو ع النبي هون اذا بتحط اللبتوب جنب مالك قاعد وبدير وشك تكة هيك على طول بتلاقي منشتر
وغير الله ماعاد يرجعلك يا

لك مو لابتوب
موبايل انسى شوي بلهطوا شلون اذت لابتوب
ياعيني

اقتباس:

شو بدي ساوي طلعت وعطيتو لواحد استاذ قلي وين رايح قلتلو هيك هيك
قلي خلص هاتو لقلك انا بتجي لعندي على الغرفة بتاخدو
ورن الجرس انا فتت بسرعة لجوا
قام ابن الذين وهي وش الضيف ما عاد شفت خلقتو لك يا جماعة موبايل 3310 يعني زفت
بس هو ابن...كديش على قولتكم

الحق عليك الصراحة يعني.
في بني ادم بيعطي الموبايل تبعو لاستاذ.

اقتباس:

انو جاد الموضوع عن شو

عنك

اقتباس:

أنا متأكدة انه اذا نسيته بلدي رح يكون طاير بعد ماتقوم مباشرة لأنه أنا مرة نسيت على حافة الرصيف نظارة و بعدها بخمس دقايق رحت لشوفها كانت النظارة السلام عليكم

العوض بسلامتك

اقتباس:

هذه امنية لكل ساكن في المدن الكبرى!!!
اسلوبك حلو و مشوق و فيه الكثير من التركيز على الجوانب الايجابية
تحدثك هن هذه الامانة لهذا الشعب .... ذكرني باخلاق اهل المدينة الفاضلة
فهنيئا لك سكناك في مثل هذه المدينة!

هو صراحة معلم حاولت اعمل ايجابية كتير بالموضوع مشان اللي يقرا الموضوع يفكر بالمدينة الفاضلة فورا.

الف شكر للكل على المرور