لهجة اصحاب البلد, او اللكنة

[hanny dagher]

كاتب النص الأصلي : sweetbaby

هي اكسبيرينس هاني experience
بس بالفرنسي

لك فهمتها فهمتها بس كيف بتنلفظ يعني ؟

يعني هلأ اذا ضليت انا حاول فيها عشرين سنة رح اقدر الفظها متل الفرنساوية اكيد لاء ولا بعمرها بتزبط معي

[Syrian__Angel]

هلأ اذا ضليت انا حاول فيها عشرين سنة رح اقدر الفظها متل الفرنساوية اكيد لاء ولا بعمرها بتزبط معي

لك انت بدّك تتقن 50 لغة سوا بنفس الوقت !؟



وانا اعترض ، ما فهمت شلون قبل قايل انو بدو وقت كتير اذا فوق الـ10 فرضاً وبيضل في عندو لكنة ، وبعدين وافقت ع كلام غازيتا بانو من ال 15 للـ30 ، وبدّو وقت ، بس ما بيكون عندو لكنة ؟!

[hanny dagher]

كاتب النص الأصلي : Syrian__Angel

وانا اعترض ، ما فهمت شلون قبل قايل انو بدو وقت كتير اذا فوق الـ10 فرضاً وبيضل في عندو لكنة ، وبعدين وافقت ع كلام غازيتا بانو من ال 15 للـ30 ، وبدّو وقت ، بس ما بيكون عندو لكنة ؟!

هادا الحكي الي ؟

[الفيلسوفة]

بعتئد انو الشغلة بتعتمد بالتسلسل اول شي ع العمر..
تاني شي الرفقة وهي مهمة كتير لتتقن اللهجة بسهولة
تالت شي التي في بيلعب دور كبيررر ..في عندي رفيقة اجت عبريطانيا بعمر زغير كتير بس لهجتا بيور بيور كندي مع انو بحياتا ماشفت كندا ..واللي ساعدا تتقن اللهجة الافلام
طبيعة اللهجة كمان بتلعب دور يعني الاميركن اكسنت خفيفة ع اللسان و سهل انو يتقنا الواحد بينما البريتش اكسنت ماحدا فيو يجيبا قد البريطاني ..وسأل مجرب..

[Syrian__Angel]

لاء .. جاد ..
والله بتذكر كنت كاتبة الاسم .. انو لمين موجّــه الرد !

بسيطة بسيطة .. سوري :P

[Willi]

وانا اعترض ، ما فهمت شلون قبل قايل انو بدو وقت كتير اذا فوق الـ10 فرضاً وبيضل في عندو لكنة ، وبعدين وافقت ع كلام غازيتا بانو من ال 15 للـ30 ، وبدّو وقت ، بس ما بيكون عندو لكنة ؟!

انا قلت 10 كعمر تقريبي.
بعدين انا قصدت انو الناس اللي بيجو بعمر ال15 بكون نسبة قدرتون على اتقان اللهجة اكبر من اللي عمرهون اكبر. "ولو انو باغلب الاحيان ما بيتقنوها" وقلت اني "مااااا بوافق" على اللي قالتو عن الناس اللي بالعشرينات والتلاتينات.
يعني هدول قد ما حاولو ما بيتقنوها. حتى الي عمرون 17 و 18 و 19.
يعني من 11 لل 15 بتنبلع معي. بس اكبر من هيك ما بتنبلع

[Willi]

طبيعة اللهجة كمان بتلعب دور يعني الاميركن اكسنت خفيفة ع اللسان و سهل انو يتقنا الواحد بينما البريتش اكسنت ماحدا فيو يجيبا قد البريطاني ..وسأل مجرب..

صراحة انا بشوف العكس. اللغة اذا كانت قاسية عاللسان. بكون اتقانا اسهل. (ما بعرف بس هيك بحس)
بس بموضوع انو الهجة الاميركية سهل انو الواحد يتقنا.
فخديها مني. مانا سهلة بنوب

[maged-syrian]

اللهجة البريطانية أسهل بكتير من اللهجة الأمريكية باعتبار أن الحروف أوضح ومافي قطش بالجمل والحروف والصوت يخرج من الحلق مو من الأنف هاد بالاضافة الى أن اللهجة البريطانية لاتوجد بها كلمات مصطنعة متل اللهجة الأمريكية
مثال : بالبريطاني بيقولوا I'm Busy
بالامريكي بعض النيجرز بيخبصوا وبيقولوها I'm bizzy
بالبريطاني بيقولو : whats the matter
بالامريكي : wazzap أو whats up
شوفوا شلون التخبيص باللهجة الامريكية ,,, وأنا من ناحيتي بنصح أي شخص بيدرس اللغة الانكليزية أنه يستخدم اللهجة البريطانية واسألو مجرب
يعني تصوروا ان استراليا ونيوزلندا وكندا ودول الكومنولث كلها بتستخدم اللهجة البريطانية باللغة الانجليزية

[M@hmoud]

برأيي انو في نوعين بس للاشخاص بهالناحية

كل واحد كان عمرو الخمس سنوات وكبر ببلد اجنبي وبين اهل البلد ..هادا بتختفي لكنة اللغة تماما من تمو ..طبعا اذا بدو هوي يخفيها

اما بقية الناس اللي بيجو متأخرين ...مستحيل ...الا ما ندر...انو ينطقو لكنة اهل البلد تماما بدون ما ينعرفو انو هنني اجانب

الا ما يزلق حرف او تنين من تمو بيكشفو عالسريع

لازم تفرقو ...بين من ينطق اللغة صح وبين انو يحكيها بلكنتها صح...

مثلا انا بحكيها للغة صح...بس مستحيل تطلع اللكنة متل الالمان...مع انو صرلي سنين بالجامعة
هادا بالنسبة للغة الالماني ومع كل الاجانب هون ....

[W.E.G.A]

انا برايي مهما حول رح يضل في ولو صغيرة