مؤتمر الكرة السورية, ينهي احلامنا الكروية

[Willi]

هاد مبارح انعمل المؤتمر السنوي لاتحاد كرة القدم بسوريا
وطلع بقرارات شي ب........ هوي

قال لازم اللاعبين المحليين يتقاضو كحد اقصى 20 الف ليرة بالشهر (كحد اقصى هاه)


ولازم اللاعب الاجنبي يتقاضة كحد اقصى كمان 35 الف ليرة سورية شهريا (750 دولار)
ووين النكتة بالموضوع؟؟
انو قال لازم يكون اللاعب الاجنبي لعبان باندية الدرجة الاولى ببلادو او براتها.
هلق نحن صحيح ما بدنا لاعبين درجة تانية.
بس بالله مين هاللاعب المحترف من لاعبين الدرجة الاولى بدو يجي يلعب لنادي سوري ب 750 دولار؟؟ (الا اذا كان حمار يا دوب بيعرف يشوط الطابة)


القرار وافقت عليه الاندية الصغير.
بس اعترضت عليه اندية (الكرامة, الاتحاد, وجبلة)

بالمشرمحي عم يقولو للاعبين المحليين, ارجعو اشتغلو شغل تاني. وخلو كرة القدم هواية.
ومنفهم من هالحكي كمان انو يا اما جيبو لاعبين من افغانتسان وباكستان, او اندونيسيا.
يا اما مافي محترفين.
بالله لشو اكل الهوا وتسموه دوري المحترفين لكن؟؟؟

اذا انا فهمان غلط حدا يصححلي

[syria alasad]

يعني كالعادة

مؤتمر بلا طعمة وحكي فاضي

[يمان Rooooonaldo]

باختصار شريك اكل ...خ

[dot]

ولك عوجـــــــا الرياضة عنا...

[صياد الطيور]

عم تحكي جد ؟؟

شو هالمسخرة هي ؟


لأ ومين الي وافق على هيك كلام ؟ يعني ليش وافقت الأندية ؟
شو هاد يا ... بربي لما شفت مبارح مباراة الزمالك والأهلي على نهائي كأس مصر بزقت على أنديتنا ومنتخبنا مليون مرة
و بعد هيك بتطلعو بهيك قرارات ..

ملحوظة .. مدرب الأهلي المصري بياخد بالشهر 65 الف يورو ( طبعا مع توفير كل الخدمات التانية . بيت . سيارة . موبايل ) و شو بيعرفني ... خلينا نتابع الدوري الأوربي احسن

[Willi]

ما هني هيك عملو مشان يكون الهون الحصة الاكبر من مصريات الاندية.
الله لا يشبعهون. انشالله بتنحرق مصاريهون قدام عيونون

[Reemi]

كاتب النص الأصلي : Willi

القرار وافقت عليه الاندية الصغير.
بس اعترضت عليه اندية (الكرامة, الاتحاد, وجبلة)

واخيرا عملو شي جماعة جبلة...!

بس شو مشان..كان هالمؤتمر ببشر بانقراض كرة القدم عنا؟

[Willi]

لا هلق الواحد يحكي الصراحة.
حسب مو مبين.
انو بدهون الاندية كلها تكون بنفس المستوى.
يعني ما بدهون يصير متل هاي السنة. الكرامة والاتحاد عم يتسابقو عالاول والتاني.
والطليعة لحالها بالتالت. وال 11 فريق الباقيين كل واحد مو عرفان شلون يهرب من المركزين الاخيرين.
فمخهون المتخلف اللي من الالفية الاولى.
ما بيفهم انو لازم يطور مستوى الاندية الضعيفة.
بيفهم انو لازم يخلي الاندية القوية تضعف, مشان تصير بمستوى الاندية البقية.
طبعا يعني معهون حق. هاي اسهل.

$#$%
ما بدي هلق احكي شي كلمة

بالمباراة تبع الكأس
بين الكرامة والطليعة.
نزل جمهور الكرامة مسبات باحمد الجبان.
حتى بالاخير هداك ترك الملعب وراح.
الله لا يقيمو بيستاهل كل مسبة اجتو. وعقبال انشالله سنة الجاي. كل مبارات يصير في مسبات منظمة لحضرة معاليه

[صياد الطيور]

كاتب النص الأصلي : Willi

نزل جمهور الكرامة مسبات باحمد الجبان.

و كم وحدة من عندي .... الله يلعنو بغل

[يمان Rooooonaldo]

وكم وحدة من عندي لك روح ك... على...%^#$% عهلى 23$#@$@#^%#$@^

[syria alasad]

نزل جمهور الكرامة مسبات باحمد الجبان.
حتى بالاخير هداك ترك الملعب وراح.

حبيب
كانوا عم يسبو غيابياً

لأنو الجبان كلو على بعضو ما حضر المباراة

[Willi]

بالله؟؟
هيك قريت على موقع الطليعة.

وحرفيا هيك كاتبين

"شتم جمهور الكرامة الدكتور الجبان في الشوط الاول فغادر الجبان المنصة

ولاندري (سبب) شتم الجبان فالأمور بخير"

هو المقال كان كلياتو حكي عن انو الكرامة ربحت بالغش. وهالحكي.
بس هاي الجملة بصدقها. لانو جمهور الكرامة مو طايقو لهلغبي.
وبظن الاسباب واضحة

[مسطول على طول]

الله يبشرك بالخير شي بيرفع الراس

[verocchio]

يا قوم الرياضة في الملاعب وليس في قاعات المؤتمرات

[syria alasad]

بالله؟؟
هيك قريت على موقع الطليعة.

وحرفيا هيك كاتبين

"شتم جمهور الكرامة الدكتور الجبان في الشوط الاول فغادر الجبان المنصة

ولاندري (سبب) شتم الجبان فالأمور بخير"

هو المقال كان كلياتو حكي عن انو الكرامة ربحت بالغش. وهالحكي.
بس هاي الجملة بصدقها. لانو جمهور الكرامة مو طايقو لهلغبي.
وبظن الاسباب واضحة

خرجو الله لا يقيمو

بس بصراحة بهيك مباراة مالو محل من الاعراب بوجود مسؤوين كبار

يعني لو بدو يجي كان صار صفر ع الشمال