فراس الخطيب, كرماوي اصيييل

[Willi]

هاد اليوم قريت على موقع الكرة السورية.
انو المعلم فراس الخطيب راجع على نادي الكرامة بس يخلص الدوري الكويتي

هاد غير انو المعلم التاني ابو شاكر (محمد قويض)
قال انو رح يتم استعارة مهاجم اجنبي (مشان يلعب معهون باسيا) بس ما قال اسمو.
قال خليها مفاجئة للجمهور.

اخبار حلوة ماشي حالها

بطولة اسيا كرماوية

[يمان Rooooonaldo]

مستحيل والك مني شو ما بدك لو رجع

[Willi]

فيلم ترويجي بـ 200 ألف دولار والمرعب في صفوف الكرامة

النجم فراس الخطيب


علم موقع الكرة السورية بأن عددا ً من نجوم نادي الكرامة شاركوا في تسجيل فيلم رياضي قصير يتضمن استعراضا ً للمهارات الكروية وسيتم توزيع هذا التسجيل قاريا ً ودوليا ً كترويج للنادي في القارة الآسيوية وخارجها وبلغت تكلفته حوالي 200 ألف دولار كما علمنا من مشرف فريق الكرامة عبد النافع حموية .



من جهة أخرى فإن الشغل الشاغل لجمهور الكرامة معرفة الخطوات التالية لنهاية الموسم الكروي وبقاء مدرب الفريق محمد قويض في قيادة الفريق أو رحيله .. ، موقع الكرة السورية علم بأن أبو شاكر اشترط عودة نجم الكرامة والعربي الكويتي ( فراس الخطيب ) لصفوف الكرامة وتجاوبت إدارة النادي مع هذا الطلب وبجهود رئيس النادي وعدد من الداعمين والمحبين تم جمع المبلغ المطلوب لشراء البطاقة الدولية للخطيب من رئيس النادي العربي جمال الكاظمي ، من جهة أخرى سيصل الخطيب إلى حمص اليوم بعد نهاية الموسم في الكويت وباتت عودته لناديه الأم ( مسألة وقت ) لا أكثر ..



الكابتن ( أبو شاكر ) أكد لموقع الكرة السورية أنه بصدد الاستعانة بجهود مهاجم أجنبي على سبيل الإعارة سيكون مفاجأة سارة للمشاركة في البطولة الآسيوية خصيصا ً إلى جانب المحترفين فابيو وسانغو حيث يسمح النظام الأسيوي بمشاركة ثلاثة محترفين ، علما ً أن فراس الخطيب لا يحق له المشاركة مع الكرامة في دوري أبطال آسيا هذا الموسم لمشاركته مع العربي في الدور الأول .



وأكد القويض أن بقاءه في الكرامة أو عدمه لا يرتبط بالأمور المادية وقد رفض عروضا ً تبلغ أضعاف ما سيحصل عليه في الكرامة .






خاص بموقع الكرة السورية

خالد برهان

27 - 6 - 2007

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

[Government]

لك حدا بالعب بالخليجي وبرجع ع الدوري السوري الله


يعني ممكن كلام وعلى اول عرض يلغي الفكرة
ممكن وكلشي ممكن ..


وبالنسبة للمهاجم الاجنبي ف شي حلو لانو اذا طلع سانغو وفابيو الكرامة فهي مشكلة بالبطولة الاسيوية


اما بالدوري فبيصفالنا الجو شوي وبروح هالجحش اللي واقف متل الحيط بدفاع الكرامة

[Willi]

انو سانغو كديش ما بيعرف يلعب, يعني اذا راح بكون احسن للكرامة (اليوم جلطني بمباراة الوحدة)
بس فابيو شغلة كبيرة, وشغلة انتقالو راجعة ليلي اشتراه.
بس بكل الاحوال ما بيقدر ينتقل قبل ما تخلص بطولة اسيا. وبس تخلص بطولة اسيا, بكون الدوري مبلش

وبالنسبة لفراس الخطيب.
فهاد اللي قريتو

[الغالي جورج]

عودة فراس تأكدت وأبو شاكر رح يبقى مع الفريق الكرماوي وفابيو وسانغو رح يبقو إن شاء الله

والكرامة بطل الدوري السوري وبطل كأس الجمهورية وبطل آسيا إن شاء الله