المرأة الشرقية ..كلام يعاد و يزاد . و هي تغرق في الاستعباد

[dimozi]

لطالما أرقني التفكير بهذا الموضوع - و أتحدث عن المرأة الشرقية – تلك الجبارة في تحدي إنسانيتها و كبت حريتها , من تغرق في أحلام الحرية و تجعل الأدب مطيّة لتتحدث عن مآسيها و حياتها الذليلة في مجتمع ذكوري قاس لا يرحم , و حين تدق الحرية بابها تدعوها إلى الثورة , فإنها تهرع إلى الأقفال و المفاتيح فتعمد إلى إيلاجها عميقا بعمق جراحها و توصد و تدربس ثم تصم آذانها كيلا تسمع صوت الحرية يناديها مرة أخرى .
تذكرت هذا الموضوع – و كم تمت مناقشته و ما أفضى إلى مكان – من حديث لي مع إحدى الصديقات ,و كم كنت معجبا بشخصية هذه الصديقة يا أخوتي , كم قلت إنها جريئة حرة عفوية مختلفة , ثم تبين أنها ككل فتيات شرقنا , تعلم أن لا حول لها ولا قوة إلا بأب أو أخ أو أم تقيدها كما قيدت بدورها وهي صبية .
تقول لي : ما بيدي أن أفعل شيئا ...... و قلي ما أنت فاعل لو كنت مكاني ...... تحرم بناتنا من اتخاذ ابسط قرارات حياتهن , ثم يرتضين بصمت مخيف , و يسايرن في النهاية واقع مجتمعنا المريض
لم أتذكر في هذه المناسبة سوى الكاتبة الجزائرية أحلام مستغانمي , قرأت أحلام و أعجبت بأدب أحلام كما أعجبت بعفوية صديقتي ,أعجبت بخيال و حكمة و ثقافة أحلام كما أعجبت بشخصية صديقتي و جرأتها , لكني كرهت ذل أحلام و كرهت استسلام أحلام .
في روايتيها ذاكرة الجسد و فوضى الحواس , تعجب أحلام بالرجل المناضل الذي صارع الحياة بقسوة و عناد و غلبها بعد أن أخذت منه عضوا و سنين كثيرة , مفكر و ثوري رائع , رجل كما هم رجال الشرق يولدون أنصاف أبطال و يموتون أشباه رجال و يمرون في الحياة كشعلة تريد أن تضيء ولا تجد سبيلها إلى ذلك غالبا .
يأسرها هذا البطل , بعقله أولا و بطريقة شاعرية , و تستسلم لحب المناضل الذي يستطيع بيد واحدة جرها إلى فراش الممنوع و المحرم , ثم فجأة تكتشف أنها لم تحبه بل أحبت أخر من خلال كتبه أو حواشي كتبها على أطراف أوراقه , و تغرق في عشق الاخر الذي لا تعرفه , ثم و ككل شرقية في النهاية تترك الحبيب المناضل و المفكر العبقري لتلتحق بصاحب السعادة في قصره البهي و ينبوع ماله الذي لا ينضب ماءه , و تبكي امتهان حرمتها و كرامتها على فراش الزوجية الوثير المشبع خيانة .
ها هي أحلام , بعد كل النجاح الذي تحققه رواياتها , و الأبعاد الإلهية التي اتخذتها عند جيل من الشباب , ترمي كل ما طرحته من أفكار لتكتب سبعة أسطر أو يزيد في أسبوعية تفوح منها رائحة النفط السميكة , تكتب عن لا شيء , تبيع اسمها بحفنة من الدراهم , كما تبيع الشرقية نفسها لعريس الهنا المنتظر و لكن......... بشرف و برضا الجميع .
في النهاية أقول أن كل خطأ أو تقصير أو استعمال غير مناسب للعبارات أو قصر نظر في الطرح إنما أتحمل مسؤوليته كاملا .


و أسلموا


Dimozi

[جينو]

عن جد ديموزي يعني متل ما بيقولو "جبت الديب من ديلو"
كل كلامك مظبوط و المرأة الشرقية هيي المسؤولة بالأول و بالآخر عن الوضع اللي هيي فيه، هادا كلام أهل ي و أبي و أمي و ولاد الجيران حكي فاضي البنت بأيامنا بتتخبى ورا هادا الكلام لأنو أسهل بكتير و ما بدك تنسى إنو الحرية مسؤولية و بدها قوة لحتى يكون قرارك من راسك و تكون قد القرارات اللي بتاخدها.
الحرية ما بس أنا بطلع إيمت ما بدي و بلبس شو ما بدي و لا كان 99% من بنات حمص بقمة الحرية، الحرية هيي موقف هيي قرار هيي تفكير و صدقني أنا عم بحكي عن تجربة، و ما بتصدق إذا قلتلك أنا لما فكرت إنو إجي على دبي إشتغل ما حدا من أهلي إعترض عالمبدأ قالولي بدنا نشتقلك و رح تكوني بعيدة عننا .... يعني كلام العواطف الطبيعي بين أهل و بنتون اللي ما عندون غيرها بس بالنهاية قالولي هادا مستقبلك و القرار إلك ، الغريب إنو اللي وقف بوجهي هني رفقاتي و البنات خصوصاً على كيف بدك تروحي لحالك؟ العالم شو بدها تقول؟ كيف بدك تسافري و إنت ما متجوزة؟ بكرة بس تجي مفكرة في حدا من شباب حمص رح يفكر يرتبط ببنت طلعت تشتغل بدبي؟؟؟؟
هلق قد ما الحكي ضايقني و قد ما حسيت إنو تافه و ما لو طعمة قد ما شجعني إطلع من هيك مجتمع صارت البنت فيه هيي اللي بتقبر حالها بالحياة...

أنا صار إلي 10 شهور بدبي و الحمدالله كتير مبسوطة و شغلي منيح و حاسة حالي عم اعمل مستقبل لألي و كل ما إحكي مع أهلي بيقولي بابا كلمة كتير بتأثر فيي : رافعتيلي راسي يا بنتي!!!!!!!!!!

[Geeny]

dimozi

[architecturer]

برافو لجينو

دخيل ربك شو حبيتك

[philip]

عن جد ديموزي يعني متل ما بيقولو "جبت الديب من ديلو"
كل كلامك مظبوط و المرأة الشرقية هيي المسؤولة بالأول و بالآخر عن الوضع اللي هيي فيه، هادا كلام أهل ي و أبي و أمي و ولاد الجيران حكي فاضي البنت بأيامنا بتتخبى ورا هادا الكلام لأنو أسهل بكتير و ما بدك تنسى إنو الحرية مسؤولية و بدها قوة لحتى يكون قرارك من راسك و تكون قد القرارات اللي بتاخدها.
الحرية ما بس أنا بطلع إيمت ما بدي و بلبس شو ما بدي و لا كان 99% من بنات حمص بقمة الحرية، الحرية هيي موقف هيي قرار هيي تفكير و صدقني أنا عم بحكي عن تجربة، و ما بتصدق إذا قلتلك أنا لما فكرت إنو إجي على دبي إشتغل ما حدا من أهلي إعترض عالمبدأ قالولي بدنا نشتقلك و رح تكوني بعيدة عننا .... يعني كلام العواطف الطبيعي بين أهل و بنتون اللي ما عندون غيرها بس بالنهاية قالولي هادا مستقبلك و القرار إلك ، الغريب إنو اللي وقف بوجهي هني رفقاتي و البنات خصوصاً على كيف بدك تروحي لحالك؟ العالم شو بدها تقول؟ كيف بدك تسافري و إنت ما متجوزة؟ بكرة بس تجي مفكرة في حدا من شباب حمص رح يفكر يرتبط ببنت طلعت تشتغل بدبي؟؟؟؟
هلق قد ما الحكي ضايقني و قد ما حسيت إنو تافه و ما لو طعمة قد ما شجعني إطلع من هيك مجتمع صارت البنت فيه هيي اللي بتقبر حالها بالحياة...

أنا صار إلي 10 شهور بدبي و الحمدالله كتير مبسوطة و شغلي منيح و حاسة حالي عم اعمل مستقبل لألي و كل ما إحكي مع أهلي بيقولي بابا كلمة كتير بتأثر فيي : رافعتيلي راسي يا بنتي!!!!!!!!!!

طبعا حياتي تقبريني وتمشي على قبري ماافهمك وإذا في اطيب منك

[HashtNasht]

ديمــــــــــــــــــــــ ـــوزي
الموضوع مسروق و انا شفتو بمنتدى تاني
و اذا مانكن مصدقين هي اللينك

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

:P :P :P :P :P




عم امزح طبعاً

[dimozi]

شو اخدك على نادي الفكر اخ هشت نشت ؟؟؟؟؟ بتعرف بسطتني بعتبر نادي الفكر بيتي على الانترنت و طفولتي كلها هونيك ...... صحيح انا تركت من شي سنتين .. بس كان فيه ايام عز كتير

يا جماعة شوفوا الرابط بالله عليكم ...... ظريف

[جينو]

كاتب النص الأصلي : architecturer

برافو لجينو

دخيل ربك شو حبيتك

تسلم architecturer، أنا حكيت الواقع اللي عشتو وقت كنت بسوريا و اللي كان واحد من الأسباب اللي خلتني أترك بلدي، مع إني بحب حمص كتير و ما ني مصدقة إيمت بتصرلي إجازة لإنزل!!!!


بلادي و إن جارت علي عزيزة ................................... و أهلي و إن ضنوا علي كرام

[HashtNasht]

شو اخدك على نادي الفكر اخ هشت نشت ؟؟؟؟؟

أول شي بدي إفهم أنا شو عامل للعالم لحتى يقولولي هشت نشت ؟؟ ! يــــــــــــا أخي أنا اسمي حشت نشت الله وكيلك
انت بترضى حدى يقلك ديموظي مثلاً؟؟
ما شو أخدني ع نادي الفكر فهو محرك غوغل الشهير الله يديمو ويحرسو فمثلاً اذا حبيت تفتح موقع اخوية نت بدون ما تكتب اسم الموقع بكفي انك تفتح غوغل و تعمل بحث عن hashtnasht بتلاقي اخوية نت اول نتيجة بالبحث و اذا ما حبيت تحط hashtnasht فينك تجط dimozi و بيطلعلك كمان اخوية نت وشغلات تاني :P
المهم منرجع للموضوع الأساسي ...
أنا شخصياً ما بتفق معك بالرأي من الأساس لأنو مافي شي أسمو مرأة شرقية ومرأة غربية المرأة هي المرأة وين ما رحت و هي عبارة عن انسان مبهم ما بيعرف شو بدو ولا بخلي حدا يعرف أساساً يعني متل ما بقول زياد الرحباني هيي شي متل الخسة نفسية جوات مفسية جوات نفسية جوات نفسية ...... إلخ
بس فينك تقول أنو في رجل شرقي غالباً عم يكون مقموع ومضطهد و مغلوب على أمرو و عم ينفس كل هالكبت ع المرأة ( اللي هيي المرأة الشرقية ) و بالتالي بتحس أنها مظلومة أكتر من باقي النساء بالعالم .
يعني المشكلة ماهيي مشكلة المرأة المشكلة هيي مشكلة المجتمع المقيد و اذا عممنا قوانين الفيزياء ع المجتمع وخاصة قانون مصونية الطاقة رح نلاقي أنو الضغط الموجه ع الرجل بالمجتمع المغلق رح يتحول للمرأة بحكم كونها اكثر ( لدونة ) :P
ما بعرف اذا وصلت الفكرة ... يعني بدكن تقولي قدرتي ع التعبير محدودة و ما بعرف استعمل اللغة منيح يمكن لو كنت قاعد معكن هيك فيس تو فيس كنت قدرت وصل الفكرة أكتر
ســـــــــــــامحونا

[architecturer]

كاتب النص الأصلي : جينو

تسلم architecturer، أنا حكيت الواقع اللي عشتو وقت كنت بسوريا و اللي كان واحد من الأسباب اللي خلتني أترك بلدي، مع إني بحب حمص كتير و ما ني مصدقة إيمت بتصرلي إجازة لإنزل!!!!


بلادي و إن جارت علي عزيزة ................................... و أهلي و إن ضنوا علي كرام

ماقصرتي يا جينو وموفقة يارب

[جينو]

طبعا حياتي تقبريني وتمشي على قبري ماافهمك وإذا في اطيب منك

يا عمري أول شي بعيد الشر عن قلبك و ريتني اقبر عدوينك يا حق!!!!!!!! :P

و تاني شي و هو الأهم : طبعاً فهمانة! ما أنا نقيتك يا حياتي

[philip]

طبعاً فهمانة! ما أنا نقيتك يا حياتي

[architecturer]

هوهوووووووووووووووووووو علينا حتى لهذا الموضوع لاحقيني

[محمد عزت رياض محمود]

الموضوع ليس موضوع بيروت الشرقية وبيروت الغربية.
"في كلامي هذا لا أتطرق من قريب أو بعيد لأحلام مستغانمي"
الإنسان حصيلة تجاربه وخبراته في الحياة هذه التجارب المبنية أصلاً على الوعي الوعي بكافة مستوياته وصوره وأشكاله.
الوعي لا يتجزأ و حصيلة الخبرات حتى تدخل بتشكيل الشخصية "سواء أكانت تجارب ناجحه أو غير ناجحه" يجب أن تحاكم بمنطقيّة و وعي لإكتساب الخبرات واستخلاص النتائج .
إن كنت تعمل ما كنت تعمله دائما فسوف تحصل على نفس النتيجة دائماً.
ثقتنا تهتز أحياناً كثيرة بنفسنا أو بالآخر ولكن ألا يجب البحث عن أسباب هذا الإهتزاز ونعالجه.
المرأة و الرجل في شرقنا الحزين محكومين منذ الولادة حتى الممات بجيش جرار من المعتقدات والقيم والعادات السلبية , والمرأة خصوصاً تعاني الأمرين فهي مستلبة على جميع الأصعدة مستلبة فكرياً وهذا الأهم كثيرات هن
النسوة الذين يفكرون تفكيراً ذكورياً ويكن من أشرس المدافعات عن هذا الفكر .
المرأة وإن كانت عاملة ومتعلمة مستلبة إقتصادياً فالذكر لايرى قيمة لعملها خارج المنزل والفراش, فهو المعيل الوحيد والمسئول عن الأسرة بمن فيهم الزوجة وهي تعمل وعملها مؤقت لدعم الأسرة فقط ومنيتها على حالها.
المرأة و المرأة و المرأة بدل أن نذوب عشقاً بها ومعها نحرق جل حياتنا في البحث عنها وقد لا نجدها وهي تقضي جل حياتها تبحث عن الرجل فلا تجد إلا ؟؟؟؟!.
الخوف يعميها ويعميه تنساق وينساق خلف ظلال لا لون ولا شكل لها وعند اكتشاف الحقيقة يتعمّق الخوف والحزن ويبدأ الإنهيار ......

[شيخ نفسي]

هلا تكرمت اخي باخبارنا

مفهوم وحدود التقييد والاسستسلام وحدود الحريه للمراة (العربية) (المسلمة)

حتى نستطيع الرد عليك

يعني ما هو مفهومك انت والقاعدة التى يسير عليها نهجك .

تقبل مني جزيل الشكر

[محمد عزت رياض محمود]

خلي القاعدة قاعدة تخطط مع أمريكا كبف بدها تخرّب هذه البلاد أكثر من خرابها الحالي
الوعي هو الذي يضع الحدود .
الإنسان والإنسانية هي التصوغ هذه الحدود في الزمان والمكان المناسبين لهما .
لاشيء ثابت الفكر والقيم في تطوّر مستمر.
من يقف مكانه يدوسه قطار التغيير حتى إن كانت سرعتك أبطئ من هذا القطار فاتك .
الموضوع مو مستاهل كل هذه العقد أنت وأنا والجميع أحرار
إن كنت تشعر بأنّك تستطيع أو لا تستطيع فأنت على حق
عش أفكارك وقيمك ودع الأخرين.

[messi87]

وماذا تقصد بالحرية؟؟؟
برأيي الحرية التي يعرفها كل العقلاء والتي تكون بأصول لا تحرم منها اي بنت في مجتمعنا
اما الحرية التي يطالب فيها الغربيون ويدسون بناتنا وشبابنا للكلام عنها دون وعي وارجو ان لا يكون مضمون الموضوع عن هذه الحرية فلا اظن مجتمعا عاقلا او اسرة اسلامية صحيحة تقبل بها
وشكرا لموضوعك