موبايل جديد-مساعده

[MadMax]

كاتب النص الأصلي : Reemi

وبفضل اشتري سوني اريكسون

طول عمرك بتفهمي ..

[THE_unforgiven]

هههه .. الله عاقبو ..
بس أنا بعرف النوكيا كتير بيلقى دعك .. وخاصة بتعرفي نحنا الشباب شوي منعصب أحيانا ..
خدي انا مثال مرى شلفت ال 3650 بإجري .. وراح شي عشر متار وضرب بالحيط .. وما صرلو شي .. بس انفك الكفر .. ورجعت ركبتو .. وما كأنو صار شي ...

[MadMax]

كاتب النص الأصلي : Reemi

اللي اولو شرط اخرو سلامه يا جماعه فوق العشرين ما بدفع انا طبقه كادحه يعني

فادي شو بدك بموبايلي؟

بهالحدود ..... ما الك غير الـ K850
عنا بـ17 الف

[Reemi]

كاتب النص الأصلي : MadMax

بهالحدود ..... ما الك غير الـ K850
عنا بـ17 الف

ابن العم هاد مو نحيف يعني متل موبايلي...بعدين هدول الزرار ما بحبون بحسون بيعلقو بالاظافر

[..AHMAD]

...اما عن السوني الي معي صرت طابشتو بالحيط شي الف مره واقع مني شي مليون وحاليا لو تشوفو كانو جدييييييد مو مدقووور ابدا

شو مشان الضحك عاللحى
بدك تخورفينا لك ريم

قال بالزمانات حكينالها لريم انو موبايلك بدنا ياه .. بتقلي مو مقرب عليه .. بداريه متل ولادي واعز .. ومو جاية عليه الوتكة .. طلع بالاخير .. مدري كم مرة مخبوط بالحيط

بطلنا نشتري

منجي للمهم

النوكيا بشكل عام .. لا تقربي عليه .. لا بحلال ولا بحرام ( مع اني حامل نوكيا ها .. بس النوكيا تبعي غير شكل 6100 مع انو جهاز ملتعن ابو دين اللي انفضو .. صحي مافيه لا كاميرا ولا بلوتوث ولا راديو ولا ذاكرة ولا هم يحزنون .. بس يا عمي عملي جداً .. هاد الجهاز الوحيد من نوكيا الي خرطلي مشطي .. بعدين انا الموبايل ماني بحاجة غير يقول الو .. وافصل بخلقة العالم .. )

المهم ..
منجي للسوني اريكسون
خيتو هاد ازا بتجيبي t29 ما بقلك لاء .. بالنسبة الي السوني اريكسون من المقدسات
من ناحية انوWXX

XX = رقم ما .. 910 عسبيل المثال
بشكل عام هدول الاجهزة تركيزهن عالي على الصوت ..

ال K XX تركيزهن عالي على الكاميرات + ألوان

بالنسبة لاستهلاك البطارية ... الذواكر ... الخ الخ .. هدول كلهن بيجو بنفس السياق .. يعني ما بيفرقو كتير عن بعض

ازا بدك نصيحتي

دعسيلو للـ w890 i مو w890 وروحي والقلب داعيلك

[Reemi]

احمد شو بيفرق ال i عن الي بدون...
بعدين انا كنت مخبرتك اني موقع جهازي كتير وطابشتو بالحيط

[..AHMAD]

الفرق بين الi والعادي مش اكتر من اصدار سوفتوير ..

بس ال w 890 فيه مشكلة صغيرة ... لما الذاكرة ( تبع الجهاز ) بتتعبى بنسبة 80 بالمية وما فوق ... بصير في تدقيرة صغيرة بالقوائم .. بس هالشغلة غير موجودة بالـ i بس يعني مانها مشكلي عظيمي ها ..

[ِAbu Alzooz]

افقشي

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

ما يتندمي

[Reemi]

كاتب النص الأصلي : ABU WILLIAM

افقشي

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

ما يتندمي

اكتشفت الميي السخني هلق انت ...كنت شايفتو من زمان وقلت انو انا بدي جيبو بس مدري مين قلي انو ما بيسوا بس ما قلي ليش ... مجربو انت؟؟؟

[ِAbu Alzooz]

كاتب النص الأصلي : Reemi

اكتشفت الميي السخني هلق انت ...كنت شايفتو من زمان وقلت انو انا بدي جيبو بس مدري مين قلي انو ما بيسوا بس ما قلي ليش ... مجربو انت؟؟؟

هلق انو ما اكتشفت كبسة السخان

الجهاز مع اختي

بس في علة انو ما بيلقى

يعني رمروم لازم لما تحملي تتحلي بكل الهداوية بالتعامل

ضرب بالكبل الرباعي بلاها
تحطي بالدالوب كل يوم شي نص ساعة بلاها
على بساط الريح يوميا توصلي لعند بارليب بلاها

يعني بس

اذا بتعاملي كموبايل مو تلفون اب قرص بيضاين شي تلت سنين كمان

[Reemi]

كيف يعني ما بيتحمل... اذا وقع من ايدي شو بيصرلو مثلا اخي انا بدي شي خرج دعك وخلاقي ديقه انا ما بتحمل بطبشو ع طول ايدي ولا بيهمني بدي شي حربي متل ال750 ..

[Abu Guzef]

همممم

بدك شي حربي و نحيف مممم

طيب الك مصلحة شي بالسلايد

طيب قوليلي اكتر شوي بليرة شو بدك يكون مواصفاتو شوي كمان

يعني انو خلاصتو نحيف و مخابطة ما بيمشي بنوب بنوب لانو النحيف ازا نحط بالجيبة ونقرة صغيرة صار شقفتين

يئنو اغلب الحديث ازا ما كلو بدو مدارا اما ازا بدك حربي ف خليكي عاللي معك

الك مصلحة ب النوكيا !!

بس مو حربي هاد يلي بدي قلك عنو

[Reemi]

بدي شي نحيف + حربي + حلو وبناتي ...ومواصفات منيحه لانو متل ما قلت انو مو من هواة التبديل كل يوم وكل شهر وشبعرفني ..وسوني اريكسون حصراً

النوكيا غبي بس قلي عنهون بتفرج مافي مشكله

[zen]

كاتب النص الأصلي : Reemi

اللي اولو شرط اخرو سلامه يا جماعه فوق العشرين ما بدفع انا طبقه كادحه يعني

فادي شو بدك بموبايلي؟

بنت العم عقولة أبو جعفر
وبتظبط معي بما انو انتي من اللادقية وانا طرطوسي
وهني ولاد عم

انو بس عشرين ألف يا كادحة

ييييييييي شو بتكدحي
لو قدامي كنت كدحتك شكين

أبو جعفر 500 بس
وانا 185

وهلاء بدي بطاقة انترنت حليها لشوف

المهم
أنو منشان الموبايل
عليكي بالسوني أريكسون اللي نصحوكي في ظريف
ومنيح
وهلاء نزل حقو
صار بعشروون ألفاً نزداد فلوساً
والله بيرزق

[zen]

كاتب النص الأصلي : Reemi

بدي شي نحيف + حربي + حلو وبناتي ...ومواصفات منيحه لانو متل ما قلت انو مو من هواة التبديل كل يوم وكل شهر وشبعرفني ..وسوني اريكسون حصراً

النوكيا غبي بس قلي عنهون بتفرج مافي مشكله

بدك ياه بيغني شي

أبض أوسود أو ملون

جربي الشحاطة

مو قصدي شي بالشحاطة
قصدي نوكيا 3310
بيقلول سكودا كمان
هاد عملي وماكن خير الله ضربي بالحيط بيرجع لحالو
ومو بس هيك كل ضربة بيزيد الشحن تبو حبة

[boy freind]

طبعا السوني اريكسون حلو بس انا حابب كتير nokia 5700

[Reemi]

يا سلام هاد الي كان ناقصني .... ليش هيك شكلو ...ما بحب هالحركات انا ...اي انا حتى الي بيفتحوا وبيسكرو هي غلق بكرهون ... فكيف هاد ..

قلنالكون بناتي يا شباب

[boy freind]

كاتب النص الأصلي : Reemi

يا سلام هاد الي كان ناقصني .... ليش هيك شكلو ...ما بحب هالحركات انا ...اي انا حتى الي بيفتحوا وبيسكرو هي غلق بكرهون ... فكيف هاد ..

قلنالكون بناتي يا شباب

مانك شايفة البنات يلي عم يترقوصو بالشاشة