مقلاية أخوية (6) بحلتها الجديدة

[Government]

الله حيوووو المقلاية الجديدة والله تفاجأت فيا .. ومشان الأسالة مابعرف اش بدي اسال
لانو انسأل السؤال اللي كنت اسالو بقى للمرة الجاي .. ومشان الليستة بدا قعدة مخمخة ورواق مشان نعملا تعديل ونطالعا بشكلا الجديد .. لانو في اعضاء راحت واعضاء اجت وهيك .. بقى للمرة الجاي منساوية بركي
وفي سؤال تاني هيك بسيط شي حكش سنين بحطلك ياها هلأ مابعزبك بس لانكشو من المقلاي القديمة

[BL@CK]

yass : يا أخي هالزلمي بالرغم من عندو و يباسة راسو و أنو هوي دايما ً صح و ما بصير يكون غلط , بس فهمان جدا ً جزيلا ً بحسو أحيان متل أخي الكبير , و أحيان بحسو رفيقي , بحترمو و بحترم رأيو و هوي يمكن الوحيد اللي بمون عليي بالأخوية .. ألف وردة للحجي ..

كهربجي : هالزلمي فهمان بس عنيد و وجهو ناشف و بتحسو دايما ً جد . مفتقدينو بالمنبر بصراحة ..

راديا : ألله يديم عليّـا الصيف ..

SABE : بكفي إني أخو لوسيم لأني ما بعرفو و ماني محتك فيو بس بكفي ليكون زينة شباب حمص ..

HUS : مخ الزلمي لا يعلى عليه بس وينو ؟!

Barleb : ببسطني لما بقرا ردودو و بفشلي أهري بكتير أحيان

باشق مجروح : يا خيو هالزلمي بيقول بتوقيعو أنو ليبرالي بس ماني شايف بيمت لليبراليية بصلة مدري ليش

the light : حسان مدري ليش بحبو هالزلمي , شريكنا بالترافيان و أخونا و حبيبنا , عمل فصل عاطل بالزمنات يلا بلا ما نحكي

سرسورة : الله يعينا و يخلصا من هالشغل , كمان وينا معد شفناها ..

محمد ابراهيم : بالزمنات تناقشنا أنا و ياه ب موضوع فا بعد طول نقاش غلط عليي و ما كمل النقاش و معد فات , مرقت فترة تناقش هوي و ياسين بموضوع و معد فات , و ما كمل النقاش .. هاي العادة شو بيقولو عنّا !؟

GOVERMENT : حسون أخونا الصغير , ما في منو بس بشجع الإتحاد هاي أكبر مشكلة

صياد الطيور : الزلمي أكابر و ما في منو , بس أصحك تعارضو ..

phoenixbird : هالزلمي ما بعرف كيف , يوم بفرنسا يوم بإيطاليا يوم بهولندا يوم بأميركا يوم بقطر , يوم بدو ينتحر يوم تهّكر حسابو يوم مدري شو دين ربو ؟! هازا بيقولو عنا عليه بحلب "كزاب ٌ أشر" .. ما بعرف شو بقولو عنكون بس عنا هيك بيحكو . بيجوز بيقولو عنكون فهمان ما بعرف ..

the morrning : وردة البنت , من البنات اللي بتضطر ترفعلون الشابو , ما بنخاف عليا ,. و كفو و خرج مسؤولية .. ما بتمنالا غير إني شوفا هيك شغلة كبيرة قد الدنيي .

COSTA : ما هاكزا تؤتى الإبل يا هازا ..

handsome : وسيم وسيم من الأشخاص اللي بحترمون و بحبون بأخوية مهضوم و حباب و مخ ل ألله .. عاتبين عليه و ما منفض العتب إلا بزيارة لعنّـا ..

abosleman : هالزلمي أكابر أحد الأاشخاص اللي بتمنى شوفون عا أرض الواقع ..

LiOnHeArT : عبطة هالزلمي مدري ليش ..

yamen_h : سميــّع ل ألله يامن و حباب و ما في منو , بس وينو معد شفناه يا زلمي قسم الموسيقى عاوزك ..

BL@CK : الجمل ما بشوف حدبتو .

[مشاعر]

مرحبا Bl@ck أسئلتي ليست للقلي ولكن لاستشفاف شخصيتك والتحاور معك.
1-عين من هذه الأسماء التالية في مناصب الدولة وإذا لديك أسماء ومناصب أخرى اعمل الواجب.

Bl@ck - Madmax - Yass - Krimbow - AHMAD - Hanny Dagher Was616im - Souriana- Suryoyo - VivaSyria - Reemi - butterfly - Marwa- . - THe morning - Sandra

اللامنتمي - محمد إبراهيم - صياد الطيور- وشم الجمال - إمرأة من ورق .

المناصب:
رئيس جمهورية سوريا - مستشار الرئيس - وزير الدفاع - وزير الخارجية - وزير الداخلية - وزير الاقتصاد - وزير التعليم - وزير الاتصالات - وزير السياحة - وزير الاعلام والثقافة - سفير سوريا لدى الأمم المتحدة.


2- اختر نظام اقتصادي يرفع من مستوى سوريا اقتصاديا.
3- لو لم تكن تعمل في مجال الاقتصاد والمحاسبة هل كنت ستتجه للأدب الساخر؟
4- من أفضل عازف غيتار؟
5- تدخينك للسيجارة تقليد لأحد ما أم عن قناعة؟

عالهامش: لا يأخذك التنسيق عن المشاركة في المواضيع حاول أن توازن بينهما.

[BL@CK]

MadMax , سمرا الشخص الوحيد بالأخوية اللي أنا مدين إلو بإعتذار اليوم و بكرا على موقف قديم , سميــّع و فهمان بس لمـّا بركب راسو يا لطيف .

وائل76 : بيوم من الأيام رح نشوف كاتب تابع للجناح الثقافي / حماس أشهر من النار على العلم أسمو "وائل كريم"

أمرأة من ورق : بترفعلا الشابو قبل ما تقول المرحبا قمة في الذوق و الأأدب و الأخلاق ..

Roaa : ما في منا البنت شبدك نحكي ست رؤى , هلأ بعد عشر سنين بتجيبلي حكيي هون , ..

مايا* : مع أني ما حكينا كتير أنا و هيه بس ما بتقدر غير تقول عنا أكابرلية ..

ليندا : و الله زمان و بس .,

fofo besset syria : شو صار فيا صحيح ؟!

Abu Guzef : طيوب الزلمي أوقات يبعمل مشاكل و هيصات بس أنو قلبو كتير طيب .

الموسيقار : شو بدكون نحكي لنحكي جاهزين شنو شو ما حكينا ما بكفي لنعبر عن أنو الموسيقار شأد "كبــيـــر"

فاوست : يا أخي ما هيك المعارضة مدري ليش بحسو ك معارض غلط ..

ظل جيفارا : الزلمي بتقعد معو ربع ساعة بتاخد درس في إيدولوجيات الأحزاب من يسارية ل يمينية ل شو بدك !؟

Nirvana : عم نسمع سمعات أنو زعلاني يا ترا ليش ؟!

Raw : أخونا و حبيبنا من برا الأخوية أحد أصدقائي الشخصيين و لا فخر ..

طفوله : أنا البنت ما شفت منا غير أنو عندا نزعة وصولية و حب ظهور ما تبقى كل الأمور تمام ..

Marwa : بتمنالا تكبر و تخلص من كل مشاكلا , حبابة ما عليّا شي صحيح أحيان بحسا مريدة بطالبان بس كل الأمور تمام و ألله يبعتلك عريس يخلصنا منك .

يمان : مدريدي هاي أكبر مسبة ولو . زميلنا الشب بكفي ليكون فهمان ..

was616im : ما بحبني الشب على شو ما بعرف

Sandra : متل اللي بعدا بس بكفي إنا حلبية ..

cuty : ما أحتكيت فيا البنت , بس إسما أنا معجب فيه شخصيا ً

[BL@CK]

AHMAD : ما عليه حكي الشب بس موين زيادة و بيحاول يفهمك أنو شوفوني قديه شغيـّل , خلص إستوعبنا أبو حميد معد في داعي ..

black_iris : هاي غنالا كاظم الساهر غنية عا إسما كيف بدك تكون , حبابة و أكابر و يعني بتحرجك بأكابرليتا .

اللامنتمي : هوي و اللي بعدو أحد رواد سوق عكاظ , قلمو رائع مشالله عليه ..

قرصان الادرياتيك : هازا الشب اسا ما أحتكيت فيه , و لا قريان شي إلو .. بس الهيئة باين عليه كمان قرصان بن شداد ..

boy friend : ما بعرفو للشب و لا بقرالو و لا يحزنون

marwa hanna : فهمانة هالبنت عا فكرة , كتير ردود إلا بتعجبني ما بعرف إلا غير هالكم رد اللي بقراهون بالمنبر

ooopss : شريكتنا في التنسيق , شغيلة المخلوقة و أكابر , بس صحيح قبل ما أنسا ما تبلا الحساسيّة

مايسترو : بس يشرحلي ليش بكتب إسمو بكل مشاركة و أنا جاهز أكتب فيو معلقة مديح ..

whiterose : بسيطة البنت بتحسا مزاجا متقلّب و ما بعرف غير أنو هيه بتناقض حالا هيك بالفطرة و لا قصدا ً , أكتر من هيك ما بعرف شي عنها بس بعرف هالكم رد اللي بتناقض حالا فيون ..

YaSer : الشب اكابرلي من جديد لتعرفت عليه , هوي قديم هون بس ما بعرفو ..

سوا ربينا : كمان ما بعرف الشب ..

القلب الدافيء : ما بعرفو للشب ..

شوط يا قمر : هالزلمي مخبي مخ ورا هالفزلكة ب قد حمص ..

achelious : وازن الشب و أكابر أحلا amp

viva syria : يا خيو الشب من جديد تعرفنا عليه , مندفع و نشيط صحيح بمقلايتو فهمنا أنو هوي أحد رؤوس الأموال بسوريا , بس مابو شي الشب ..

هيك خلصنا من هالسؤال

[BL@CK]

كاتب النص الأصلي : سوا ربينا

مساؤو .....

انا كالعادة اسئلتي خفيفة ولطيفة ونظيفة وطالعة من الوكالة ,,,,

اي سيدي ,,,

اولا :: شو اكتر اكلة بتحبها ؟؟
تانيا:: لما تكون مالل ودايقة خلاقك وقرفان الدنيا شو بتعمل ؟؟
تالتا:: شو بتعمل بحياتك ؟؟
رابعا:: كم مرة حبيت ؟؟؟

خامسا ::ولا شي....(معفي منو .. )

1 - كتير أكلات / ملوخيّة - كبة .. إلخخخخ كل أكل أمي بحبو /

2 - بفوت عالنت

3 - طالب و بشتغل

4 - مرتين أنضربنا عا قلبنا

كاتب النص الأصلي : فسحة أمل

والله ما شبعت من اول كم سؤال وخصوصي أنك انت يلي بالمقلاية ..
كم سؤال جداد
شو رأيك بما يلي :
السوق الحرة , التلفزيون السوري وخصوصي القناة التانية , هيفاء وهبي, الدين بالفائدة أو بشكل عام, نشرة الأخبار
شو اكتر برنامج أطفال حبيتو وأنت صغير.
شو اكتر قناة تلفزيون بتحضرها. وشو أكتر إذاعة سورية بتحبها.
شو نوع الأفلام الي بتحب تشوفها.
مين هوي مثلك الأعلى .
هدون حالياً

السوق الحرة : الله يخليلنا يا و نجيب دخان و ويسكي أرخص من السوق

التلفزيون السوري : القناة اللي ما بتطلع عندي

هيفا : ألله يخليلنا خلفيتا الثقافية ..

نشرة الأخبار , القرف بزات عينو شبدك بالحكي

أكتر برنامج أطفال , ما كنت تابع بصغري

أكتر قناة تلفزيون Mbc2 , و لا ننسى ال CNBC & BLOOMBERG .. أكتر إذاعة روتانا و 92.3

نوع الأفلام أكشن ..

للتنويه ماني كتير متابع تلفزيون ..

مثلي الأعلى : ما في شخص بتقدر تقول أنو مثلي الأعلى , ممكن الشخص نقول عنو كويس بفلان شي , بس ما فيك تقول عنو مثل أعلى ..

و يا هلا ..

[BL@CK]

كاتب النص الأصلي : قرصان الأدرياتيك

يقول المعرّي ابنُ الحلبيّة السبيكيّة في "رسالة الغفران":

يا شاكيَ النّوبِ انهضْ طالباً حلبا ..... نهوضَ مُضنى لحسم الداءِ ملتمسِ
واخـلـعْ إذا حـاذيـتـهـا ورعــــــاً ..... كفعـل موسى كليـم اللهِ فـي القدسِ

كانت هذه السّلعة العكاظيّة المحاطة بالجواري والغلمان، المغسولة بخمرة حبّ الوطن، إهداءً منّي إليكَ يا صاحب سيف اللسان ذي الحدّين .

أنا يا صديقي لستُ حنبليّاً لكنّي والله خسرتُ لهجتي لكثرة اغترابي وحضوري بين الغرباء، ولهذا أخشى دوماً الكلامَ بها حتّى وإن فعلتُ مراراً وتكراراً، ولهذا تجدني أنشدُ الفصحى فأفشل في كلّ مرّة!
قالتْ لي حسناءٌ جليليّة تُدعى مروة حنّا على أثر مشاركة لي بالعاميّة "عندما تكتبُ بلهجتك تبدو كأنّك رجلٌ ذهبَ إلى السّوق بثيابِ النّوم"!

بناءً على رغبتك لن أدخل في تفاصيل إجابتِك المتعلّقة بنبيل فيّاض، ولكن جوابك له أكثر من احتمال: فهو قد يعني أنّه طائفيّ متعصّب لسنيّته (سابقاً)! وهو قد يعني أنّه طائفيّ يحقدُ على السنّة! فماذا كنتَ تعني؟!

الآن هلمَّ معي إلى السّؤال الثّاني :

قلتَ في إحدى إجاباتِك إنّك تفضّل اللغة الإيطاليّة على بقيّة اللغات. فما هو مبعث هذا التّفضيل؟! هل تعرفُ هذه اللغةَ؟ وإن كنتَ تعرفها فأين تعلّمتها ولماذا؟ وإن لم تكن كذلك فكيف تفضّل لغةً على أخرى دون معرفة سابقة؟ فالتفضيل والتسبيق يُبنيان على المعرفة لا أكثر! وإن تجاوزنا كلّ هذا فمن هو مطربك الإيطاليّ المفضّل؟! ولماذا؟!

يا هازا أنا منز صغري أشجع المنتخب الإيطالي و أشجع كل نوادي إيطاليا ما عدا منتخب إنتر ميلان .. و كمان المشجعات الإيطاليات بيعملولي أكزيما بالنخاع الشوكي ..

فا من صغري و أنا مغرم بكل شي أسمو إيطاليا .. هازي هيه الأسباب الوحيدة الفقطية ( من فقط هاي ) التي دفعتني لقول الإيطالية مع سبق الإصرار و الترصد ..

أرجو أن تزهب مرة أخرى إلى السوق بثياب السوق و لا تزهب بثياب النوم فكل مقام لباس ..

دمت َ برعاية ِ هبل ..

[BL@CK]

كاتب النص الأصلي : مشاعر

مرحبا Bl@ck أسئلتي ليست للقلي ولكن لاستشفاف شخصيتك والتحاور معك.
1-عين من هذه الأسماء التالية في مناصب الدولة وإذا لديك أسماء ومناصب أخرى اعمل الواجب.

Bl@ck - Madmax - Yass - Krimbow - AHMAD - Hanny Dagher Was616im - Souriana- Suryoyo - VivaSyria - Reemi - butterfly - Marwa- . - THe morning - Sandra

اللامنتمي - محمد إبراهيم - صياد الطيور- وشم الجمال - إمرأة من ورق .

المناصب:
رئيس جمهورية سوريا - مستشار الرئيس - وزير الدفاع - وزير الخارجية - وزير الداخلية - وزير الاقتصاد - وزير التعليم - وزير الاتصالات - وزير السياحة - وزير الاعلام والثقافة - سفير سوريا لدى الأمم المتحدة.


2- اختر نظام اقتصادي يرفع من مستوى سوريا اقتصاديا.
3- لو لم تكن تعمل في مجال الاقتصاد والمحاسبة هل كنت ستتجه للأدب الساخر؟
4- من أفضل عازف غيتار؟
5- تدخينك للسيجارة تقليد لأحد ما أم عن قناعة؟

عالهامش: لا يأخذك التنسيق عن المشاركة في المواضيع حاول أن توازن بينهما.

1 - أستثني Suryoyo , محمد إبراهيم , وشم الجمال , Marwa . كون الأربعة غير سوريين لا يحكم البلد إلا أهلا ..

Souriana عا المعتقل ( السجن المركزي ) .. هازا أفضل منصب

وزير الدفاع : Yass ( لأني دائما ً الزلمي بحالة تأهب و عنيد ل ألله يعني بوكرا منعلق مع أسرائيل ما بتغمضلو عين إلا يبيدون عن بكرة ابيهون .. )

وزير الخارجية و التربية : Krimbow

وزير الداخلية : Madmax

وزير الأإقتصاد : أنا بدون منازع مشان ننهب البلد عن بكرة أبيها ..

وزير التعليم : The morning .

وزير السياحة : Reemi ( ما رح أنسا هداك الوقت أنو كانت مشرفة السفراء )

وزير الإعلام و الثقافة : أمرأة من ورق

سفير سوريا : Butterfly

الرئيس بعفي حالي من هالإختيار ماني قدو .. و لا الأسماء المعطاة قدو يعني وزارة معقولة ,


2 - النظام الإشتراكي الرأسمالي مزيج بين النظامين بيكون أفضل نظام ..

3 - لا الأدب الساخر عبارة عن هواية ما خرج يكون شغل و ما بعتبر حالي عندي الموهبة الكافية لأتجه هالإتجاه

4 - كتير عازفين بس أنو في ببالي هلأ عازف و ملحن أسمو Luo Reed و عا الأخص Perfect Day

و هاي رابط يوتيوب لو حابة تسمعي http://www.youtube.com/watch?v=T5B_opp0HhQ

5 - قناعة تامة مية بالميّة و مع سبق الإصرار و الترصّد ..

عالهامش , مانك قليلة من يوم اللي قلتلك كل رد إلك بخلي الفار يلعب في عب البني آدم ..

[..AHMAD]

الرئيس بعفي حالي من هالإختيار ماني قدو .. و لا الأسماء المعطاة قدو يعني وزارة معقولة ,

باعتبار انو المنصب شاغر

وانا شاغر

مناخدو.. آفي مشكلة... فيك تقول تسكيجة لأيامنا السودا

[قرصان الأدرياتيك]

دمت َ برعاية ِ هبل ..

إحنا تهزّأنا يا جدعان ولا إيه؟!

أنتَ يا واد أنت ما تبصّليش بعين رديّة شوف المدفوع فيّا...


هل أخبرَك أحدُهم يوماً أنَّ لسانَك السّليط طويلٌ بما يكفي؟ .
هاد مو محسوب مالأسئلة... هاد بس هيك عالبيعة، وفيك ما تجاوب بشان ما تصفقنا ميت منيّة .

السّؤال الثّالث يقول:
لاحظتُ منذ دخولي إلى أخويّتكم التي أحببتُها مجموعةً رائعة من الشبّان والشابّات أفتخرُ بكلّ ما فيهم.
ووجدتُ فيك لساناً لا يكلّ ولا يملّ... صراحتُك أحياناً تحتدُّ ويخالُها البعضُ جارحةً، وأنا لا أراها كذلك!

سؤالي هو: ما هو سببُ ذلك؟ لماذا لسانُك طويل؟! هل أنتَ في عملك أيضاً على هذه الحال؟!

أسعفني بالجواب أسعفك اللهُ حتّى آتيك بالرّابع الآنَ أو اليومَ كما يتسنّى لك.

.

[مشاعر]

مرحبا مرة ثانية BL@CK الفار إلى الآن يلعب في عبك شوف لك صرفه معو
لو سمحت في وزارة مهمة ماحطيت لها وزير وهي وزارة الاتصالات بس اختار حد قد المنصب علشان موقع أخوية يعيش أحلى زمانه، ولا تترك بقية الوزارت يأثروا عليه ويتدخلون في شغله.

[أوس]

اوف اوف اوف 6 مقلايات وانا ولا مرة نقليت


اخص عليكن

[was616im]

was616im : ما بحبني الشب على شو ما بعرف

والله شخصيا انا نسيت و ما عدت حامل شي ضدك بقلبي....وهي وردة

[yass]

كاتب النص الأصلي : BL@CK

نعم بعتبر رأيي هازا مووضوعي و مستند على منطقي أنا .. و مقتنع في تمام التمام و كون متأكد إني ما عم قولو لأيبس راس أو أعند ..

سمحنالك بسؤال سادس كونك مشرف إداري مش أكتر ..

منيح حددت اللي مكتوب بالأحمر.. انو منطقك انت, لأنو حكيك غير منطقي بمفهومي.. و فايت بالحيط بكلماتي.. ... أيوا

[القلب الدافئ]

السؤال :

كم ايميل عالهوت ميل عندك ؟؟؟
ليش خترت هل اسم بأخوية ؟؟
ليش ما عندك حدا بشلة الحبايب ؟؟؟
شو هي الحرية الشخصية برأيك ؟؟؟
شو بتحب تلبس كاجوال ولا رسمي ؟؟؟
شو فطرت اليوم ؟؟؟

[MadMax]

كاتب النص الأصلي : BL@CK

MadMax , سمرا الشخص الوحيد بالأخوية اللي أنا مدين إلو بإعتذار اليوم و بكرا على موقف قديم , سميــّع و فهمان بس لمـّا بركب راسو يا لطيف .

يا زلمي .... ما عم أعرفك و انت جنتلمان














لك عبود نحنا صرنا أخوة ......... و هيك شغلات ما منوقف عندا

[yass]

كاتب النص الأصلي : MadMax

يا زلمي .... ما عم أعرفك و انت جنتلمان

أي أي... بتحسو راكز.. بس خداع بصري.. الله وكيلك

[Syrian Gay]

كاتب النص الأصلي : BL@CK

ٍٍٍSyrian Gay : رامي لولا المليون علّة اللي فيه مافي منوّ ..

عديتون كمان ؟ .. أنا مالي خلق عدّون من كتر منّون كتار