وزير الصحة السوري يعلن أول إصابة بأنفلونزا الخنازير

[kosayka2]

كنت جالسا أمام التلفزيون على غير العادة

و على غير العادة كنت أشاهد قناة الـ TL


و إذ أتفاجأ بالخبر الوارد بالشريط الأخباري


و هو .....

وزير الصحة السوري يعلن أول إصابة بأنفلونزا الخنازير


حاولت البحث بكل المواقع السورية الرسمية و لكن لم أتأكد بشكل نهائي

لكن الساعات القادمة هي التي تحدد صحة الخبر

و دمتم سالمين
[/font]

[Genifer]

وأنا كمان قريت هالخبر ع القناة TL نفسها
بس اذا صح ليش حتى هالخبر ليطلع ع قناة لبنانية قبل سورية
ليش هنن شو عرفهن

[Nay]

هلأ طلع اخبر على الفضائية السورية كمان بالشريط الاخباري..

[kosayka2]

إعلان رسمي من سيريا نيوز




إعلان أول إصابة بانفلونزا الخنازير في سورية
أعلنت وزارة الصحة بأنه تم تسجيل أول إصابة بأنفلونزا الخنازير في سورية لدى مواطنة سورية تعمل في استراليا قدمت إلى القطر عبر مطار دبي في 30 حزيران الماضي.

و التفاصيل بعد قليل

[kosayka2]

وزيرالصحة يؤكد الخبر شخصيا عبر تلفزيون الدنيا


أعلن وزير الصحة تأكيد وجود إصابة بأنفلونزا الخنازير في سوريا من مواطنة سورية كانت تقيم في أستراليا أتت إلى سوريا في 30 حزيران الشهر الماضي

و قد خضعت المريضة بعد إحساسها بالمرض إلى عدة فحوصات في مشفى المواساة بدمشق و تأكد إصابتها بالمرض
الأمر الذي إدعى إلى إتخاذ الأجرائيات اللازمة و إعطائها الدواء المناسب و عدم القيام بالحجر عليها صحيا لكنها الأن تحت الرقابة

وزير الصحة طمئن الشعب السوري بان الوضع ما زال مستقر و لا يدعي إلى الخوف

و عبر عن أرتياحة لأن الوضع في سوريا جيد و نحن نمتلك الأدوية المضادة للمرض و الوضع بشكل عام جيد


.................................................. .................................................. .................................................. .................................................. ..........................قصي تايمز

[W.E.G.A]

انه انا سمعت الخبر على قناة الدنيا

هي دكتورة سورية جاي من استراليا

بس الي بدي استفهم عنه

انه قال اخدت العلاج الازم

يعني كيف

مدام في دوا للمرض

ليش كل هالضجة صرعونا فيه

يعني الدوا عنا بس

حدا يعطينا فكرة

[3ajeeb]

مشكورين شباب عالتنويه
بس هاد مو خبر .. هي مصيبة.

[leonardo_dicabreo]

يعني ضليتوا تنقّوا , سوريا الله حاميها وأبصر شو لمّا وصللكوا المرض . . ! !

[kosayka2]

كاتب النص الأصلي : W.E.G.A

انه انا سمعت الخبر على قناة الدنيا

هي دكتورة سورية جاي من استراليا

بس الي بدي استفهم عنه

انه قال اخدت العلاج الازم

يعني كيف

مدام في دوا للمرض

ليش كل هالضجة صرعونا فيه

يعني الدوا عنا بس

حدا يعطينا فكرة

هلق العلاج هو ليس علاج بكل معنى الكلمة

يعني الدوا هو ليس دوا بتاخد حبة منو و بطيب

لان متل الرشح العادي

بس الخوف منو أنو هو فيروس جديد و ما معروفة ماهيتو تماما

و الخوف الأكبر أنو ممكن ينتشر كوباء و يصير صعب السيطرة عليه ( و هاد الشي المستبعد حاليا )

[kosayka2]

كاتب النص الأصلي : 3ajeeb

مشكورين شباب عالتنويه
بس هاد مو خبر .. هي مصيبة.

لا لا مصيبة و لا شي

شغلة عادية

هو عبارة عن مرض رشح عادي

بيجي و بيمر بسلام

بس أهم شي هو التركيز على المناعة الذاتية

من الأكثار من الفيتامينات و ما إلى ذلك .............

[kosayka2]

كاتب النص الأصلي : leonardo_dicabreo

يعني ضليتوا تنقّوا , سوريا الله حاميها وأبصر شو لمّا وصللكوا المرض . . ! !

الله بيضل بحب الشعب السوري

لان ضلينا نقول ما عنا أنفلونزا

لحتى قلنا خدوا هي الأنفلونزا

يعني بيضل سوريا الله ملبيلها طلباتها

شعبب نقاق الله بذات نفسو مل منو

[ABUSHHAB]

بك تتكى على أيقونة الرد الصاروخي ، بأيتها مشاركة (المشاركة الي عم بترد عليها يعني)، لحتى يتنشط هذا الصندوق و إتصير فيك تكتب فيه ...

[Genifer]

ماقالوا بأي محافظة سورية اكتشفوا هالحالة؟؟

بعدين ليش ما عملولها حظر.. هلق بتعدي غير عالم وبتكبر الدائرة



يعني من هلق ورايح بدنا نصير نحط كمامات؟؟

[عياش]

لازم يعلنو على إنو المغتربين غير مرحب فيون أو الأفضل ابادتهم فور وصولهم ...