زيادة الرواتب 35%

[رجل من ورق]

الدردري: زيادة على الرواتب بنسبة 35% حتى نهاية 2010 ومشاريع لتحسين المعيشة

الاخبار الاقتصادية

قال نائب رئيس مجلس الوزراء للشؤون الاقتصادية عبد الله الدردري إن الفترة حتى نهاية العام 2010 ستشهد زيادة في رواتب الموظفين تصل إلى 35%.

ونقلت صحيفة تشرين المحلية في عددها الصادر يوم الثلاثاء عن الدردري قوله إن "الفترة المتبقية من الخطة الخمسية العاشرة ستشهد زيادة للرواتب تصل إلى 35%، وذلك تطبيقاً لما نصّت عليه الخطّة من تحقيق زيادة على رواتب الموظفين تصل إلى 100%".
وحققت الخطة الخمسية العاشرة 2005-2010 زيادة على رواتب الموظفين بلغت 65% فيما تنص الخطة على زيادة في الرواتب تصل إلى 100%.
وأضاف الدردري أن "النصف المتبقي من هذا العام مع العام القادم سيشهدان تطبيقاً لما ورد في الخطة الخمسية العاشرة التي وعدت بتحقيق زيادة على رواتب الموظفين تصل إلى الضعف عما كانت عليه مع انطلاقة الخطة، مشيرا إلى أن "هذه الزيادة ستأتي متزامنة مع مشروعات حكومية تهدف إلى تحسين معيشة المواطنين بشكل عام".
وشهد شهر أيار من العام 2008 آخر زيادة على الرواتب والأجور للعاملين بالدولة والمتقاعدين بنسبة 25%، بالإضافة إلى رفع الحد الأدنى العام للأجور وكذلك الحد الأدنى لأجور المهن في جميع القطاعات بما فيها القطاع الخاص والتعاوني والمشترك بمقدار 25%.

[Sun Shine Art]

والله مكترين الجماعه %35 ...انه يعني من هون بزيدو الرواتب بنسبه قليله ..ومن هونيك بزيدو رب الاسعار %100

[رجل من ورق]

مو بيزيدوا صفصف زادوا وخلصوا

[Sun Shine Art]

زياده الرواتب ...تعتمد ع دراسه للاسعار للمواد الاوليه بالمجتمع وللاحتياجات الي يتطلبها المواطن ..وتعتمد ع العدد السكاني وع نسبه الكبيره لعدد االعائله بالمجتمع وعلى مزانيه الدوله ..طبعا هي الدراسات بتصير كتير بالدول المتقدمه ....

طبعا نحنا بتعمتد ع نسبه السرقه ...وع الاحكتار ..ولعن ربو للمواطن .....


هاموش : ماعرفت حالي وانا عم اتفلسف

[Abu ToNi]

كاتب النص الأصلي : رجل من ورق

مو بيزيدوا صفصف زادوا وخلصوا

لا ما زادو شي يا زلمة هي الخطة المقرررة لنهاية 2010
يعني ما بزيدوا الا بعد ما يغلى كلشي بالسوق والا بعد ما يضمنوا انه الزودة ما رح يستفيده منها حدا

[MadMax]

زيادة الرواتب 35%

لا تقولا يا زلمي ...

[kosayka2]

هلق هي الشغلة مجرد أقتراح

أو بالأحرى فكرة لأن تكون بأخر 2010 الرواتب مزادة بقيمة 35%

فأنشالله خير

[sona78]

لك هني ينظمو الاسعار وما بدها هالزيادة
يعني هلق الاسعار رح ترتفع فورا
ومن غير شي جايي رمضان يعني كمان كلشي رح يغلا
فكارثة
لسا بيرفعو الاجور وبتسبقها الاسعار بالارتفاع
والله ما عم افهم ع ايا منظومة بيصير عنا تحديد السعر
يعني اذا ع العرض والطلب وتتابعية المواسم مو معقول يضل سعر الخضرا هوي نفسو نفسو ع مدار السنة
الخيار هون بالشتي كان بيورو تسع وعشرين سنت
وهلق بالصيف صار بتسع وعشرين سنت !!!!
حدا يجبلي مثل مشابهه عنا بسورية دخيل اجركون انا

[mhsen77]

كاتب النص الأصلي : رجل من ورق

مو بيزيدوا صفصف زادوا وخلصوا

هي زيادات قديمة و صار لازمنا زيادات جديدة تماشيا مع خطة تعتير المواطن خوفا عليه من البطر

[mblue]

تقول كان ناقصنا نحن زيادة رواتب 35% يعني ما بكفي الغلاء الفاحش اللي عم نعاني منه والوضع الاقتصادي الخارق اللي عم نعيش فيه
تجينا كمان زيادة رواتب للموظفين ... يليها ارتفاع غير معقول بالاسعار لكافة المواد الضرورية والغير ضرورية ...
وبعينه الله للمواطن غير الموظف ... وبتكبر جيبة الموظفين الشريفين ( بين معترضتين ) بهالبلد
واعماااار يا بلدي ...