|
| س و ج | قائمة الأعضاء | الروزناما | العاب و تسالي | مواضيع اليوم | بحبشة و نكوشة |
أخوية سوريا: تجمع شبابي سوري (ثقافي، فكري، اجتماعي) بإطار حراك مجتمع مدني - ينشط في دعم الحرية المدنية، التعددية الديمقراطية، والتوعية بما نسميه الحد الأدنى من المسؤولية العامة.
نحو عقد اجتماعي صحي سليم، به من الأكسجن ما يكف لجميع المواطنين والقاطنين.
أخذ مكانه في 2003 و توقف قسراً نهاية 2009 - النسخة الحالية هنا هي ارشيفية للتصفح فقط |
||||||
|
||||||
 |
|
|
أدوات الموضوع |
29/11/2008
|
#1 | ||||||
|
عضو
-- قبضاي --
 |
حكيلنا قصة حياتك
بدأت حياتي لما انزلت من بطن امي في 8/2/1984 الساعة تلاتة بليل وطبعا بالبيت تبعنا لأتو اياما كانو الدايات على قفا مين يشيل (الدية اوم عدنان -أوم سعيد- أوم ابراهيم ....................الخ) وترعرت ضمن عائلة مكافحة مؤلفة من خمس صبيان وبنت وحيدة وام ربة منزل يعني حياتا بالمطبخ أب موظف يا دوب الراتب عمكفي لخمس ولاد كلن بالمدارس حتى صار عمري 6سنوات وصار الوقت لحتى فوت عالمدرسة وهداك يوم وهادا يوم أول مرحلة أخدن السيد الوالد لعند المصور وسفقني صورة من كعب الدست وطبعا قبلا كان في قتلة مشان اثبت قدام الكاميرا وطبعا انجزنا اول مرحلة من بعد ما كره المصور الله تبعي وتان ي يوم طلعو الصور وشحطني ابي الى المدرسة التي بجاني بيتنا فاستلمني الاستاذ يللي بكون جارنا ومحسوبكن البكي تبعو موصل لآخر الدنيا ومخطتو شارا (طبعا من البكي) فذهب ابي وتركني مع ذلك الاستاذ اللعين فكانت هي اللحظة المؤثرة في حياتي وبدأ يهددني بغرفة الفيران والفلقة إذا ما سكتت وعندما لم أجد نفعا من بكائي لبدت في صفي في أخر مقعد وطبعا الاطافيل اللي كانو معي كلن من نمرتي وكل واحد عيون مخوخة من البكي وهاد اللي مستفرغ على مريولو البني (آه على المريول البني بتتذكرو ما )وهادا اللي عاملا بحالو وهادا اللي عمياكل صندويشة الزعتر مع الخيارا وغيرو وغيراتو ...... ومحسوبكن ما سمع صوت الجرس حتى نط متل النمر لعند الأزن واشترا كاظوظة مع تمرية ومضت الخمس حصص ومضى الدوام ومحسوبكن آلش على الجو وصار عندو مناحة كل يوم عطلة وطبعا صرنا ناكل القتلة بالبيت
سوف أعلن عليك الحب
وأختم على ذاكرتي بالشمع الأحمر........ ادخلو بصمت واخرجوا بصمت حتى تنطفئ تلك الشعلة الزرقاء . |
||||||
|
|
29/11/2008
|
#2 | ||||||
|
عضو
-- قبضاي --
|
وبعد 6 سنين انتهت المرحلة الابتدائية وانتقل الى المرحلة الاعدادية يعني شو يامعلم بلشت مرحلة الشبوبية وصار في مين تشوف حالك علي
وكالعادة اول يوم محسوبكن تواعد مع أصدقائه من الابتدائي ورحنا سوا على المدرسة بالبدلة العسكرية والبوط الاسود وماني شايف حدا قدامي والله يامعلم شي فتت على المدرسة استلمني ميت ياحزركن (استاذ العسكري ) وقال : وين يا معلم وين جاييني بهالمنظر شعر طويل وحالقلي بانكي ووين الرتب ووين ووين لحتى طردني وقلي لا بقى تجي على المدرسة بها المنظر والله محسوبكن ما صدق على الله لم الشلة اللعينة واتجه الى السوق لاول مرة لوحده فحضرنا فلم سينما واكلنا الفلافل وضلينا نتمشى حتى نهاية الدوام ومن ثم عدت للبيت عايف حالي من التعب وطبعا خلال فترة الاعدادي أكلت شي 3567 عصاية على ايدي وانفصلت من المدرسة شي 50مرة بس كان في استاذ صاحبي ينفدني كل مرة من دون مانجيب سيادة الوالد وأحيانا كنت جيب بياع ىالفول اللي قدام المدرسة عاساس ابي لحتى مرة المدير جبلو الشرطة لانو ماخلا طالب وما فات معو على المدرسة عأساس ابو كتر مانو غبي المهم بلا طول سيرة صرنا صف تاسع وبلشت الحرب النفسية ضدي وبدأ صوتي يصير عريض وحب الشباب ينبت بوجهك وبتحس كل العام كرهانتك وما حدا الو نفس يحكي معك وطبعا كانو اخواتي الشباب يستلموني لأنو بتعرفو شو بيصير مع الواحد بهي المرحلة وطبعا بهي المرحلة محسوبكن تعرف على الصديق والخل الوفي (الدخاااااااااااااان ) وما تشوفني غير طالع على سطح البيت عمدخن سيكارة وطبعا ارجع على غرفتي دايخ وعمبسعل فحط راسي ونام وطبعا فيق على بهدلي من الست الوالدة ومحاضرة بشحذ الهمم انو بكرا ولاد الاقارب والجيران وغيرن وغيراتن رح يغلبوك ويجمعو اكتر منك ومن هالحكي وفي احدى المرات وأنا امارس التدخين على السطح لمحت وجه بنت الجيران على البكون وهي تحدق بي ومحسوبكن طبس فيا من اول نظرة وفرش عالجويزة وبلشت الرسايل والمغازلات وتقوية الاستريو على الآخر لما بكون لحالي بالبيت مشان تسمع وكان اياما طالع كاسيت طبيب جراح لاب وديع المهم محسوبكن انكشف انو عمدخن وانو عمزبط بنت الجيران واللي كشفني اخي يللي بيجا قبلي وطبعا اكلنا بدن مرنب من السيد الوالد وانحطيت تحت الاقامة الجبرية لحتى بل\ش الفحص وقدمنا الفحص وطلعت النتائج وجمعت 261 علامة يعني منيح |
||||||
|
|
|
29/11/2008
|
#3 | ||||||
|
عضو
-- قبضاي --
|
وانتقلنا الى المرحلة الثانوية العامة
ها ها هون حطنا الجمال والله ياعمي صرنا كبار وبلشنا نشوط عند مدارس البنات وانسينا بنت الجيران وصار عنا بدل الوحدة عشرة ووصلنا الى البكلوريا تلك المرحلة الحاسمة في تاريخ حياتي وسجلنا دورة بالصيف يلعما شو بلش الدوام بالمدني وشباب وصبايا ودنيا ونحنا من غير دف عمنرقص يعني ماعاد في بدلة عسكرية وبوط عسكري علي دبابيس من تحت وانت دافع مصاري يعني ما في حدا من الاساتذة يتخ...... عليك والله شي حلو يا عمي وبلشت السنة الدراسية ومحسةبكن لساتو بالجو ومان طايق المدرسة وبلشت الهريبة لابو موزر شي من قبل الدوام وشي بنص الدوام والدخان بالتوالتات بالمدرسة مع الروائح اللعينة ويوم كمشك مدرب العسكرية ويوم انفصلت لانك تقاتلت مع استاذ الديانة لانو كان كبش الفدا كونو مادتو موداخلي بالمعدل وهييييييييييييييييييييييي يييك لحتى اجا القطع للامتحان وعاد الحصار وعادت المحضرات اليومية عن النجاح والمستقبل وغيرو وغيراتو بس يا حزركن مين رجع مع هالعالم بنت الجيران يللي حكيتلكن عنا وصرنا نتواعد انا وياها بوقت محدد على السطج لحتى شافني ابوا اللي بيشتغل بالمخابرات وشووووووو عقا يا معلم إلا اول مالا آخر وما انحلت وحدا يعرف حدا ومرت على خير والحمدلله وخلصنا بكلوريا وجمعنا 171 علامة من دون ديانة (هههههههه) وطبعا عدنا البكالوريا كالعادة وكما أغلبية الطلاب السوريين وجمعنا 205 علامات كمان من دون ديانة وفتنا عالجامعة ولههههههون وبس لانو وجعتني ايدي ولانو بلشت الخطوط الحمر ولانو بنت الجيران عمتعلملي وحان الموعد يعني اذا ابوا عنصر مخابرات بتركا هم |
||||||
|
|
|
30/11/2008
|
#7 | ||||
|
عضو
-- أخ لهلوب --
|
كمل كمل
 متابعه بصمت  حيااااه فاشله ااااقصدي رااائعه ( عادي عادي غلط مطبعي) بدنا التابع عن حياتك 
أن كــان قلبـي ينبـض ويعيـش... فـ لانهــ يعيـش على ذكراكـ ... ينبض لـ لقيـاكـ يـا أحساس طـال انتظـارهـ في كل الاوقـات..
في حبـك ..تعلمت معنـى الحـب والحــنان ..وفي قلـبك رويتني من مـاء الجنـان ..فأنت حبـي الوحيـد وما بعدك انا بأمان .. |
||||
|
|
|
30/11/2008
|
#9 | ||||
|
عضو
-- أخ لهلوب --
|
 ياميه اهلا وسهلا متابعييين |
||||
|
|
|
|
«
الموضوع السابق
|
الموضوع التالي
»
|
|
الساعة بإيدك هلق يا سيدي 12:50 (بحسب عمك غرينتش الكبير +3)