التصويت على صورة syrian_gay الرمزية

[Syrian Gay]

كاتب النص الأصلي : نـــســـيـــم

كيف طلعت معك هيك هاي ؟؟ .. عنجد حلوة

اي وين الغلط بالموضوع
يعني مثلا رأي

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

وللا راي butterfly ؟
أكيد رأي باترفلي احسن كونها من منسقين المنتدى ومن الفعالين جدا وعندا خبرة اكتر من غيرا
مع احترامي لـ

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

وما تزعلي انا ما عم اقصدك بشخصك

[كاتمة الاحزان]

ممكن اسالك يا syrian gayانت ليش اخترت هذه الصورة بالذات وهي لشو بترمز يعني ماذا تعني هذه الصورة او بالاحرى ماذا تمثل الصورة

[Syrian Gay]

تمثل انو الغايس بيحبو بعض مو بس علاقات جنسية وبس

[cold vampire]

وانا كمان بشوف انو الصوره مو مناسبه ابدا بس بتصور انو هيك اشي وهيك صوره لازم يحتفظ فيها لحالو ما يعرضا للخلق والعالم كلهم بس هو حر ازا هو شايف انها مناشبه هو حر

[butterfly]

لأنو السؤال كان هل توافق ... ؟ فكان جوابي نعم أوافق .. لأنو ما كان في خيار
" انو مانا شغلتي " كنت بتمنى يكون هالخيار موجود .. مشان هيك اكبسو وضميري راضي ..

أما رأيي بالصورة والاسم ..
أنا شخصيا ً ما بحب التركيز على الشيء اللي بيلفت نظر سلبيا ً ..
يعني الاسماء اللي بتقلك شوفني ها .. أنا مختلف عنك ..
كل الاسماء اللي فيا استفزاز ما كتير بحبا
وبعدين كنت بتمنى ما تحط حالك .. ( وبدك تسامحني على تطفلي ) بخانة الاحكام المسبقة ..
هيك غصبن عنن ما رح يقدرو يشوفو فيك غير الشخص المثلي ..
وهادا شي ما بعتقدو كتير ايجابي .. هني بحاجة يلاحظوك كشخص( صفاتك ؟ كيف بتفكر ؟ شو ارائك ؟ ) وهالشي انت اخترت انك تصعبو علين ..

[Syrian Gay]

طيب بسحبك يا بترفلاي وبحط بدالك ريمي

[Syrian Gay]

انا ما بدي يلاحظني كشخص عادي بدي يلاحظوني على اني شخص مثلي وانا اجيت لهون لهل الغاية لأن بدي اتعامل مع اشخاص عاديين مع كوني شخص مثلي للعيان

[Reemi]

كاتب النص الأصلي : Syrian_Gay

يا شباب انا قررت


وشكرا لكل الاعضاء يللي عطوا رأيون وشكرا لكل يللي صوتلي بنعم كان او لا لأن هاد كللو بينحفظ بالارشيف تبعي يللي ممكن افتخر فيه داخلياً وما حس اني لحالي بهل الدنيا وانو في ناس عاديين بأيديوني
وبهل المناسبة بشكر الحكومة تبعنا يللي ما عم تلاحقنا إلا لما نكون بشكل جماعي غير أخلاقي ويللي تحترم انو شخصين بيحبوا بعض فتعيفون بحالون طبعا هادا مو تمسيح جوخ بس بصراحة يللي ضد الحكومة يحكو كتير على حكومتنا بس انا بحبا لأن ما اذتنا بشكل مباشر حتى الآن فطبعا رح أحترما بما انو تحترمنا
يعطيكون العافية ويعطي العافية لنسيم على فتحوا هالموضوع وبشوفكون بمواضيع آخرى يا ريت ما بتكون متعلقة بهل الموضوع ونعيش كلنا بسعداة وهناء وتوتة توتة خلصت الحتوتة

بهنيــــــــــــك ع قرارك... هيدي حريتك ومساحتك الشخصيه وبما انك ما عم تأذي حدا ...فانت بالسليم...!!

وبس انت هيك يخطر ع بالك تغير الصورة ..وتحط شي تاني...غيرها ..." انو صورتك وانت حر فيها يا زلمه ... ما حد دخلو...وخصوصي انو ما فيها شي "...وابعتها بطريقك لابو الهن مشان يحطها هوي ...

وطبعا في ناس عاديين بأيدوك بهالشي ...ما كل الناس ضدك .. والي ضدك فهيدي مشكلتو هوي مانها مشكلتك ابدا ...!


ملاحظة لنسيم..." يا ريت تهتم بفكرك الشخصي وتلتهي فيه...وتترك العالم بحالها "...

[Syrian Gay]

شكرا كتير لدعمك ريمي

[butterfly]

في نقطة بظن ما وضحت بأول مرة ..
أنا ما قلت ما يشوفوك مثلي ..
انا خوفي يشوفوك مثلي بس ..
يعني ما يقدرو يشوفو أبعد من هيك

[Syrian Gay]

اي والله هاي بتضل على مخهون ومستوى غباؤون انا ما دخلني بهل القصة
وكيف ما بدون بيشوفوني انا ما عاد يهمني انا يهمني انو شفت عالم منطقيين ويعرفوا شو عم يحكوا ومانون ضد شي ما عم ياثر عليون انا هاد يهمني فأذا رح اقعد خلي كل واحد بالمنتدى يكون معي ما بخلص بحياتي لأن بكل قضية في مؤيدين وفي غير مؤيدين


وهاي وردة كبيرة لا تزعلي تغذي منيح

[butterfly]

كاتب النص الأصلي : Syrian_Gay

اي والله هاي بتضل على مخهون ومستوى غباؤون انا ما دخلني بهل القصة
وكيف ما بدون بيشوفوني انا ما عاد يهمني انا يهمني انو شفت عالم منطقيين ويعرفوا شو عم يحكوا ومانون ضد شي ما عم ياثر عليون انا هاد يهمني فأذا رح اقعد خلي كل واحد بالمنتدى يكون معي ما بخلص بحياتي لأن بكل قضية في مؤيدين وفي غير مؤيدين


وهاي وردة كبيرة لا تزعلي تغذي منيح

ما بحبا للوردة الكبيرة
أنا بحبو لهادا ميمو افندي ..
مسممممممممممماااااااااااا اااااا على أسمي لأنو

[fofo besset syria]

قرارك رائع...كنت عم استنا لشوف ازا بتغيرها او لأ....

بهنيك...

هاي حريتك وانتا ما عم تضر حدا بالصورة وما فيها اي شيء معيب...وشو ما كانت الصورة المفروض متل ما قالت bytterfly الناس يقيمو بعض مو على اساس اسم او صورة بالعكس الاعضاء هون كلهم على مستوى من الوعي بخلي حكمنا عبعض بناء على ثقافتو واخلاقو وتعاملو ولا الاسم ولا الصورة ولا الميول الجنسي لازم يأثر عالحكم...

بهنيك كمان مرة

[Syrian Gay]

شكرا fofo besset syria على الدعم كمان مرة

[سدير المعاني]

كاتب النص الأصلي : butterfly

في نقطة بظن ما وضحت بأول مرة ..
أنا ما قلت ما يشوفوك مثلي ..
انا خوفي يشوفوك مثلي بس ..
يعني ما يقدرو يشوفو أبعد من هيك

ليس هنالك اي بعد للشاذ في ساحات الخير... حتى لو قام بعمل خير ومثال على ذلك انه ساعد عجوزا تعبر طريق, لكان ذلك خطرا, لربما رأه طفلا يتمايل ميلان الحسناوات و رأى ذلك الطفل المحب للخير كما هو حال جميع الاطفال, رأى فعل الخير يرتبط معه ميلان انثوي.. ماذا يحل بالطفل؟؟؟؟
يسقط الشاذ اللا اخلاقي ابدا ابدا ابدا... و لا اقول انه يوجد شاذ اخلاقي.. مجرد الشواذ يثبت غياب الاخلاق و غياب الاخلاق هنا يثبت البهائمية... بشكل ملطق.... او اسقط..
و يسقط كل من يعلم انه مريض و لا على الاقل لا نه لا يعترف تجاه نفسه انه مريض..الاعتراف هنا رحمة... يرحم نفسه من نفسه... اما ان يكون شاذ و يتلكم و كأن الصواب بين يديه.. هذا ثماره سيئة عفنة,, يأتي يوم يا فراشة وندفع ثمنه..
الامور معلقة ببعضها....افعال البشر متصلة بكل شيء حولنا مما نراه و مما لا نراه... غضب الله محتوم ان قمنا بما يستوجب غضبه. فالقانون هناك قائم.. و الفحص ايضا قائم.. كما هو القانون الذي يقول و هنا مثال فقط.. ان رأس البشري اكبر من خرم الابرة.. للمرأ ان يحاول و يعادي الله و لنرى ان كان بامكانه ان يمرر رأسه من خرم الابرة...
نفس نوعية القانون الذي احتكم على ذلك المثال, يحتكم على كل شيء و من ضمنهم نحن....ـ تأييدنا للوطي اليوم سوف يجعلنا نواجه منتوجات سيئة يدفع ثمنها المجتمع. (( طبعا المجتمع اللا انساني الذي استوجب لنفسه ان يدفع كونه عندما كانت الفرصة سانحة لم يقم بمحاربة هكذا مقومات او هكذا مستوجبات )..

و بخصوص اللي قلتيه من قبل.
شو صار بالاحساس اللا شخصي؟؟ احيان بكون بالشغل بفكر فيها.. كل مرة بيبرم ذهني معها بشكل لولبي ضاغط الى الاسفل : )))

سدير

[الموسيقار]

كاتب النص الأصلي : أسير التشرد

يحياة ربك موافقة...
ممكن سؤال ليش حاطة انتي صورة الامام علي بملفك الشخصي...بتعرفي مين هالانسان وشو فكرو..؟ ازا عم تأمني فيه انتي..؟
لاء وفوق هالشي عم تواليه الولاية المطلقة ... وعم تتحصني بحصنو..
اسئلة بدها اجابات شافية منك بذات...

شي منيح والله .!

انا بدي اجابات شافية بس منكـ انت اسير التشرد

[سدير المعاني]

كاتب النص الأصلي : fofo besset syria

قرارك رائع...كنت عم استنا لشوف ازا بتغيرها او لأ....

بهنيك...

هاي حريتك وانتا ما عم تضر حدا بالصورة وما فيها اي شيء معيب...وشو ما كانت الصورة المفروض متل ما قالت bytterfly الناس يقيمو بعض مو على اساس اسم او صورة بالعكس الاعضاء هون كلهم على مستوى من الوعي بخلي حكمنا عبعض بناء على ثقافتو واخلاقو وتعاملو ولا الاسم ولا الصورة ولا الميول الجنسي لازم يأثر عالحكم...

بهنيك كمان مرة

كيف لاء يا فيفي؟؟ اسمك سينمائي ,, انتي ممثلة؟؟ : ))

كيف ما عم يضر حدا؟؟ لما عم يعمل دعاية لشذوذ, بيكون ما عم يضر حدا؟؟ لما واحد بيعلم دعاية لمرض, بيكون ما في ضرر؟؟
لا اوافق, بل لربما يكوزن مرتاح تجاه نفسه اكثر ان قام باحترام مستقبل اطفالنا و ضرورة ان يكون طفلنا مثالي و ليس مثيلي, حتى نكون في يوم مجتمع يستحق ان يعيش بسلام.....

سدير

[butterfly]

سدير .. بداية لازم تخفف احتكار الاخلاق بمفهوم شخصي ..
ما بيحق لحدا يقيم اخلاق الاخرين وينزع عنن صفة الانسان ..
انا أراه شخص مختلف . " بس " لا أفضل ولا أسوأ .. " مختلف " بموضوع بيخصو شخصيا ً
العلاقة مع الله شخصية
العلاقة الجنسية شخصية
لا أنا ولا أنت ولا غيرنا بيحقلو يتدخل فيها ..
لازم نتعلم كيف بيكون الأخر مختلف .. وجميل على اختلافو " حتى لو كنت ما بفهم اختلافو "حتى لو ما كنت بأمن باختلافو
هو انسان متلي متلك .. له كامل الحق باتخاذ القرارات اللي بتخصو .. ..
بخصوص الدافع اللاشخصي.. بجاوبك عليه .. بهاليومين ..