|
| س و ج | قائمة الأعضاء | الروزناما | العاب و تسالي | مواضيع اليوم | بحبشة و نكوشة |
أخوية سوريا: تجمع شبابي سوري (ثقافي، فكري، اجتماعي) بإطار حراك مجتمع مدني - ينشط في دعم الحرية المدنية، التعددية الديمقراطية، والتوعية بما نسميه الحد الأدنى من المسؤولية العامة.
نحو عقد اجتماعي صحي سليم، به من الأكسجن ما يكف لجميع المواطنين والقاطنين.
أخذ مكانه في 2003 و توقف قسراً نهاية 2009 - النسخة الحالية هنا هي ارشيفية للتصفح فقط |
||||||
|
||||||
 |
|
|
أدوات الموضوع |
11/11/2005
|
#1 | ||||||
|
عضو
-- أخ لهلوب --
|
حلال على أبو دلال
      نظام السير العربي السوري    كنت نايم يا شباب و شفت منام خير اللهم اجعلو خير.... شفت حالي بالشارع راكب مع شوفير سرفيس و السيجارة بايدو و زرزورها مترين و بائي فيها شفطة و حدة فقط لا غير....... و رجلو لدينها على دعسة البنزين و صوت المسجلة لفوق .... فوق ...... فوق ...... فوووووووووووووووووق بالسما و انا متمسك بالشباك و عمبتلولح يمين و شمال مع الطرب العربي الأصيل و سمرا و انا الحاصودة . و راحت تقمقش حطب علما انو بنفس الوقت كان في خمس صبايا حد العين ......... المهم حسيت حالي بسباق كارتينغ...لا سباق رالي..... ممم كمان لاء....سباق فورملاون مخصص للسرافيس السورية فقط ........ صواريخ يا شباب ........صواريخ ارضية و الشباب لولا العيب و الحيا بيضللو بالسباق و بزتوا العالم من الشبابيك لانو اي وقفة يعني فيها كسر راس عالأخير لانو يا لطيف اذا ابو الغضنفر فتل فتلة زيادة عنو للزلمة عالخط أو ابو يعرب فات عالدوار و قش الزباين المشحوطة ابلو فلذلك مافي وئت بنوب .. يعني خلص راحت عليه ........... المهم الشباب بتفوت بسرعة ميتين عالدوار و حاطين على وشن الجلدة يلي بيحطوها الاحصنة يعني لا تطليع لا على اليمين و لا عالشمال و يا ويييييييييلو يا ويلو يلي بيفوت عالدوار و مابينتبه لابو فلان و ابو علان أبطال لف الدوار بزركة بانزين وحدة لأنو لازم يغير طريقو من طريق بيتو لحوش بلاس لعند أقرب مجلس سيارات فورا..........و بيصير يومو حلال على ابو دلال. هي وحدة يا شباب..... اما المنظر التاني يلي شفتو هو حالة التزمير يلي ماشي سوقها تمام عنا بالبلد.... و انا نايم طبعا عملت استفتاء لكل شوفيرية بلدنا خاص او عام او مكاري او نقل داخلي سوزوكيات و هوندايت و جميع انواع المركبات الماشية و الغير ماشية من اصغرها لأكبرها تبين أن الشعب العربي السوري بنسبة 500 بالمية و هي اول نسبة استفتاء بتظبط بتاريخ الاستفتاءات المهم نسبة 500 بالمية بحب التزمير و هوايتو المفضلة قبل السباحة و الرسم و جمع الطوابع و الرمي بالبندقية و ركوب الخيل و كرة القدم و توابعها هو التزمير..... حيث أثبتت الاحصائية أن المواطن السوري يتعلم كلمة زمور قبل كلمة بابا و ماما و قبل أن يضع اللهاية بتمو بيمعسها بايدو كأنها كلاكس سيارة موديل 1950 .... و ينام على صوت زمامير المكاري و يرتاح على نغمات تزمير الهوندايات و التكاسي أكثر من حضن أمه الحنون.. و عندما يكبر تكبر معه هذه الهواية ابتداءا من تركيب زمور سيارات الماظوت على بسكليتتوا انتهاء بتركيب زمور الهواء على سيارتو....... و أول شئ يحلم به المواطن ببلدنا هو الجلوس خلف المقود و التزمير طوط بيب تات توت تيت..... و اذا بدك تتأكد نزيل على شي ساحة من ساحات البلد و سماع سينفونية الطرب الأصيل دج دج دج دج دج و الآن نقدم لكم فرقة التزمير السورية بقيادة الشوفير عدنان زمورو فلتان.... بيب بيب بيب طوت طوت طوت باب بيب باب باب بيب بيب بيب بيب طاطوط طاطوط طاطوط يبيبيبيبيبيبيبيب وييييييييييييي ويويويويويويويويويويويويو يوي بعد يا حمار .....كولخ طاطوط طاطوط وسع يا بغل ..ويويويويويويويويويويويوي وي ولااااااااااااااا بيببيبيبيبيبيبيب طوط طوط طوط طوط غاز غاااااااااااااااااااااااز .....باب باب باب طس يلا حما ويييييييييييييييييييييييي ي ويويويويويويويوي و الان نشكر لكم حسن استماعكم و الى اللقاء مع الداور التالي................ يا شباب هاد الموضوع الوحيد يلي مموتني بهلبلد كلو منيح و كلو ظريفو عايشين و كلو تمام التمام بس هالغلاظة تبع الشوفيرية لحتموتني عالأخير و الزمامير لحتجنني و دخان المكاري ليطققني و غلاظة السواقين لحتفلقني مابعرف شو بدي ساوي... و أخيرا و ليس آخرا لح أعطي كم نصيحة للحاصلين على رخصة القيادة الخاصة حديثا علهم ينتفعون بما انتفعنا به بعد 7 سنوات سياقة بهلبلد و لله الأمر................... أولا بتركب سياراتك و بتنسى أنو في آداب عامة بالشارع يلي بيجأر فيك طاق بترد عليه ميت طاق حتى لو الحق عليك.... تانيا: بتمشي كأنو مافي حدا ماشي بالشارع معك بنوب أصحك تفكر أنو الغماز الو طعمة عنا بالبلد أبدا اذا بتشغل ضو ملعب مليون شمعه ماحدا شايفو بنوب طحاش و عوضك على الله و لا تفكر انو الطريق مو لابوك لك الطريق لأبوك و لجدك أبل أبوك اذا بدك تاخد السياراة يمين شمال شمال يمين اصحك تفكر انو هاد من المحرمات ابدا خوووووووووود راحتك الشارع شارعك و المطرح مطرحك... تالتا : بس تكون بحارة تتسع لسيارة وحدة و انت بأول الحارة وواحد صار قاطع تلت ارباع الحارة و طلع ديكو لوصل لعندك اصحك تجن و ترجعلو .... ابدا هاد بيدل على انك غبي أصيل : بتتصفن فيه و اذا بتدخن طلع أكبر سيجارة عندك و دخن .. دخن ... دخن لحتى الله يفرجها و قول بألبك يا انا يا هالكر..........و تزورو زورة تقصو فيها شقفتين مابتلاقيه الا رجع غصب عن اهلو... رابعا عندما تدخل الدوار انسى انو بالسيارة في عندك شي اسمو فرام ابدا فوت و غمض عيونك و باذن الله سليمة لأنو اذا بتوقف لحدا بتكون غلطت أكبر غلطة بحياتك و لحتدفع التمن غالي..... خامسا يلي بيجأرك أجأرو يلي بيسبك أقتلو يلي بيقلك الله يسامحك ادبحو يلي بيمرق غصب عنك الحقو و اكسحو يلي مابيمرقك... بمرايتك, مرايتو اكسرلو.....و الخ من احلى صفات السائق السوري... اما بالنسبة للشرطة و لا يهمك بس بدك تنتبه أنو ال 25 ليرة ماعت مشي حالها بدك تخلي بيجيبتك خمسينات كتير و اذا ضمنت هالموضوع بضمنلك انو طريقك مو مسدود متل ماقال عبد الوهاب طريقك مفتوح مفتوح مفتوح0.........
أووووف أوووف
يا أم الزلووووف قرد ...... قرد ولا نمر . ما بتفرق كيفكن شباب |
||||||
|
|
11/11/2005
|
#2 | ||||||
|
~
|
موضوعك ذكرني بملف حطيتو من شي شهر .. و رح ارجع حطو هون لأنو بيلبىء مع نصايحك
Come crawling faster, obey your Master
Your life burns faster, obey your Master I'm pulling your strings Twisting your mind and smashing your dreams Blinded by me, you can't see a thing Just call my name, `cause I'll hear you scream Master :7asheesh: |
||||||
|
|
|
11/11/2005
|
#3 | ||||||
|
مشرف متقاعد
|
مشكور ع هالموضوع الحلو
  لا تذكرني يا زلمة بشوفيرية السرافيس و السرافيس ولك ما حدا معقدني غيرون بهالبلد ... شي صريع      الله يجيرنا ... بتطلع بالسرفيس بتروح يمين وشمال و أذا عم تسوق بسيارتك كمان بيخلوك تروح يمين و شمال بس وينك تعودنا هه ... صارت متل ماتقول فوضى ممتعة
- ابو شريك هاي الروابط الي
بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف
الرابط (مصرّ ) ففيك اتسجل بإنك تتكى على كلمة
سوريا -
|
||||||
|
|
|
12/11/2005
|
#4 | ||||||
|
عضو
-- أخ لهلوب --
|
مشكور أخ ماهر
فعلا يلي عم تقولوا بس الحمد لله أنا ساكن بالضيعة وبعيد كل البعد عن المدينة والضجة ضيعة فيها نفس نقي وشكرا أخي god father على الملف رائع |
||||||
|
|
|
|
«
الموضوع السابق
|
الموضوع التالي
»
|
|
الساعة بإيدك هلق يا سيدي 03:49 (بحسب عمك غرينتش الكبير +3)