المتنبي

[khalkhool]

بما أنو يا شباب قسم الشعر عاجق جدا بالمتنبي وعشاقه,
وبما أنو مافي ولاموضو كاما, ومعظم المواضيع قديمة وآخر تعليق من شي خمسطعشر سنة,
وبما أنو....اممممممممممممممممممم ممم
نسيت والله!

إني واي, انا بكامل فخامتي (يلعن أبو التواضع) قررت حط موضوع جديد (أو مجدد) عن أبو الطيب المتنبي, هالموضوع بسيط, والتعليق فيه بيتم بطريقة معينة, ألا وهي:
1- أنا بحط بيت شعر (أو قصيدة أو جزء منها) للمتنبي,
2- العضو يلي بعدي لازم يجاوب هاد البيت بأي حقبة من حياة المتنبي, وبمن قيل, ويحط بيت شعر يبدأ بقافية البيت يلي أنا حاطتو.
3- العضو يلي بعدو: نفس الشي!

وهيك ليخلصو كل قصائد المتنبي (موكتير كتار, شي سبطعشر الف وحدة بس)

هلأ فيحال انقطعت السلسلة, أي انو ماقدرنا نلاقي بيت جديد يبدأ بقافية البيت المحطوط بالتعليق يلي قبلو, ببساطة, أنا (بلا فخد - قصدي فخر) برجع بحط بيت جديد!

شو رأيكون؟

وطبعا, صديقنا العزيز kakabouda كان حاطط موضوع بعنوان "ديوان المتنبي كامل - موناقص ولا حرف", فينا نرجع للينك يلي حاطو هوه (

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

) كمرجع للمشتركين باللعبة, بس يعني الموضوع مو نسخ ولصق, بدنا شوية إبداع يعني, وهيك بالنتيجة, بيكون صار عنا ديوان المتنبي كاملا عنجد عالأخوية دون الحاجة لمراجع خارجية, شو رأيكون؟
رح منعمل تصويت, إذا أخدنا موافقات, منبلش اللعبة, إذا لأ, فبمزيد من اللوعة والأسى رح أحلق لحالي!

[khalkhool]

بالله شلون منحط تصويت؟ بدي يا أما موافق, يا أما غير موافق!
بليز يا مشرفيييييييييين!