استفتاء

[Milad]

شو رايكن نبلش بموضوع سوا ويكون الكل قادرين يحكو فيه والكل يستفيدو منو يعني حاج نحكي ببرامج الختراق الجاهزة
يللي كل واحد بياخد برنامج وبيفكر حالو صار معلم بالمصلحة وهوي شو معناة بروتوكول tcp ip مابيعرف يعني نحكي باساسيات الشبكات والبروتوكولات و المنافذ وحدة وحدة وبرايي ندردش بال tcp ip بما انو اساس النترنت وانشا الله بكرا بنزل الموضوع ومنبلش سوا نضيف عليه انا ناطر الشبيبة و تعليقاتن
بس المشكلة او البيفوت عاموقع بيقرا كلمة برنامج هكر او ماشابه فبيتابعو اما قللو بروتوكول وحكي بيوجع الراس فبيصير عندو مشكلة يعني باختصار الناس بدها تصير بلاتعب وهاي المصيبة
with my best regards
evilking

[Atramez_Zeton]

طيب ما عنا مشكلة بلش انت و نحنا نعك

[goodheart]

يعني حاج نحكي ببرامج الختراق الجاهزة
يللي كل واحد بياخد برنامج وبيفكر حالو صار معلم بالمصلحة وهوي شو معناة بروتوكول tcp ip مابيعرف

يعني القسم كلو مافيه اكتر من اربعه والمنزلين مواضيع مش اكتر من اربعه وطبعا انت واحد منا نحن الاربعه
فما بظن انو في واحد منزل برنامج وعم يشوف حالو شي !! والسؤال بيرجع الك انت اكتر واحد منزل برامج جاهزه ومشروحه كمان فهل انت شايف حالك شي

بالنسبه للموضوع ما في مانع انو نشارك ونتوصل لشي حلو رغم انو موضوع طويل كتير بس بدو شويه تعب والكل بيستفيد منو
evilking die

[Atramez_Zeton]

المهم يا شباب الفائدة العامة
و الاهم منهيك انكون طولو بالكن و تعطو المبادئ و لا تنسو المبادئ هاي مهمة كتير
لانو واحد بيجي و بيحط برنامج جاهز و بيشرح عنو ما بيكون افاد يللي اخد البرنامج الصارحة
من شان هيك خودو واتكون و عملو شي كويس

[goodheart]

لانو واحد بيجي و بيحط برنامج جاهز و بيشرح عنو ما بيكون افاد يللي اخد البرنامج الصارحة

اي هاد الكلام المظبوط ولو منشوف بالمنتديات كلها منلاقلي نفس الموضوع باكتر من منتدى فلو ما في نقل وشرح ما كان حدا اتقدم بخطوه وحده

[Atramez_Zeton]

هلا نحنا مانا ضد النقل و الشرح بس ما رح تكون الفائدة كبيرة متل لو انك بتعلم اساسيات للواحد

[goodheart]

هلا نحنا مانا ضد النقل و الشرح بس ما رح تكون الفائدة كبيرة متل لو انك بتعلم اساسيات للواحد

هاد شي اكيد مافي مجال للجدال بهيك نقطه لانها واضحه وكل شي بلا اساس ما في تقدم فيه
بس في شي مهم كتير هو انو لو كل انسان بدو يعمل شويه اختراقات للتسالي فهناك برامج خاصه وسهله متل يلي عم نحكي عنها
اما الاساسيات فهي للاحتراف وطبعا بيلزمها وقت كتير

متل اي برنامج ومتل بناء المواقع مثلا عندك الفرونت بيج وما في داعي تتعلم الهتمل من الاساس لحتى تبني موقع خاص لانو لو كل شغله بدنا نتعلمها من الاساس فما راح ننتهي بحياتنا لكثره المواضيع
فالشغله يلي بيوجب على الانسان تعلمها من الاساس هي الشغله يلي بيهواها وحابب يتقدم فيها وبيطلع السلم درجة درجة
اما الي عندو وقت كافي لتعلم كل شي حابب يعملو من الاساس فهذا شيء يحسد عليه
تحياتي