تصفح النت عبر ال wifi

[sodapop]

كيف يمكن تصفح النت عبر الواي فاي بالكمبيوتر الكفي ؟؟؟

[Abu Guzef]

هلا الكمبيوتر الكفي قصدك الوندوز موبايل ما

[sodapop]

تمام (الويندوز موبايل)

[التقرير الجوال]

شو بدّك تعرف بالتحديد؟ الـ WiFi اتصال Wireless فيك تستخدمو للموبايلات الحديثة و كمان موجود بالكمبيوترات الحديثة .. بس لازم يكون في عندك Router لتعمل اتصال عبر الـ WiFi
أنا هلأ عم استخدم الوايفاي لكمبيوتري و كمان موبيلي موصول عالوايفاي بس بدي منك تكون ادق بسؤالك.

[Abu Guzef]

كاتب النص الأصلي : sodapop

تمام (الويندوز موبايل)

ممم هلا بالوندز موبايل تماما ما بعرف كيف بس رح قلك بالنوكيا كيف لان الا مايكون في شي تشابه
اول شي بدك تكون بمكان فيو شبكة واي فاي انو حدا مركب انترنت لاسلكي
بتفوت عالويرلس لان بتعمل سيرش بيطلعلك قائمة بالشبكات المتاحة حوليك ( ازا وجدت)
في شبكات بتكون محمية بكلمة مرور بيطلعلك عالشبكة صورة قفل بدك كلمة السر وقتا يامعلم اما الشبكات المو محمية عادي من الخيارات بدء تصفح الويب هيك عندي انا

[Abu Guzef]

كاتب النص الأصلي : التقرير الجوال

شو بدّك تعرف بالتحديد؟ الـ WiFi اتصال Wireless فيك تستخدمو للموبايلات الحديثة و كمان موجود بالكمبيوترات الحديثة .. بس لازم يكون في عندك Router لتعمل اتصال عبر الـ WiFi
أنا هلأ عم استخدم الوايفاي لكمبيوتري و كمان موبيلي موصول عالوايفاي بس بدي منك تكون ادق بسؤالك.

مشان شو الراوتر هوي سال كيف بيقدر يفوت مو كيف يركب ويرلس

[التقرير الجوال]

منشان شو؟ آآآآ
بعرفك فهيم!
يعني من وين بدو يفوت
شو بتعرف عن الوايفاي
بيعمل اتصال مع شبكة الوايفاي لما بيكون عندو صلاحية الدخول عاشبكة الوايفاي أما اذا بدو يعمل شبكة وايقاي عندو بالبيت فلازم الروتر حبيب ألبي انت

[Abu Guzef]

كاتب النص الأصلي : التقرير الجوال

منشان شو؟ آآآآ
بعرفك فهيم!
يعني من وين بدو يفوت
شو بتعرف عن الوايفاي
بيعمل اتصال مع شبكة الوايفاي لما بيكون عندو صلاحية الدخول عاشبكة الوايفاي أما اذا بدو يعمل شبكة وايقاي عندو بالبيت فلازم الروتر حبيب ألبي انت

يا معلم بعرف انو هيك لازم ازا بالبيت عندو بدو يسويه بس هوي ما قال لا بالبيت ولا برى البيت ما

يعني من وين بدو يفوت

اكيد من شي راوتر طبعا بس انو بلكي من فري ببلك ويرلس

شو بتعرف عن الوايفاي

من A to Z


بس مو موضوعنا هلا

القصة انو بدك تعرف شو رب سؤالو انو من وين ما كان وكيف ماكان بس انو من موبايلو

او بدو يسوييه ب البيت

[التقرير الجوال]

ليك معناتو فتحلي هالموبيل و فعّل ميزة الوايفاي و اذا لقطت شي شبكة من دون أكسس عميل أوكي و هيك بيصير تلفونك موصول و فيك تتصفح الانترنت
أو شتري USB Router و وصلو بكمبيوترك و فعل الوايفاي على موبيلك .. بس بدو يكون اتصالك ADSL

[sodapop]

سؤالي كيف بفدر أفتحو برات البيت من جهازي . مثلا بشي سنتر بيطلع كتير شبكات بس مشكلتي إنو ما عم أعرف أفوت على شي شبكة . وكيف بقدر أتصفح النيت ؟؟؟

[التقرير الجوال]

مافيك تفتحو إلا إذا بيكون عندك الـ Access تبعيت الـ Network
و إذا كانت شبكة مفتوحة للعموم ففيك تعمل اتصال معها

[VivaSyria]

كاتب النص الأصلي : sodapop

سؤالي كيف بفدر أفتحو برات البيت من جهازي . مثلا بشي سنتر بيطلع كتير شبكات بس مشكلتي إنو ما عم أعرف أفوت على شي شبكة . وكيف بقدر أتصفح النيت ؟؟؟

شايف هالكتير شبكات يلي بيطلعولك اختار يلي مابتلاقي جنبها علامة قفل وهي غالباً وقت بتكون بمول أو بأوتيل أو بمطعم بتكون مفتوحة بدون باسوورد... أما بحالة كنت بمول وكانت الشبكة إلها سيكيورتي كي ففيك تطلبو من أي حدا بالمطعم يلي قاعد فيه أو من أمن المول أو ريسبشن الأوتيل..

وفي دول بتلاقي فيها واي فاي حتى ببيتك من شبكات اتصال الموبايل وهي ببساطة بتشتري كرت متل كرت الموبايل البريبيد بيكون فيه باسورد بيخليك تستخدم الواي فاي تبعون لعدد معين من الساعات..

بعد ماتشبك على الواي فاي يلي اخترتها بيطلعلك اشارة مروحة بالزاوية بتقلو براوز انترنت وبتشتغل طبيعي.