خلونا ننسى الي راح .. ونركز ع مباراة السبت الجاي

[simsima57]

بالله العظيم هيك الوضع ...؟؟؟

ممكن ....

باخر ربع ساعة ....

كانو عاملينو بطل بس بعد الفوز , وئت خسرنا بلشو كالعادة ينتفو بريش المدرب

بعدين ما حدا ئال انو ما في اخطاء ....
بس لا تقنعني انو الجمهور مانو عامل كتير مهم

كان من الطبيعي الاستفادة من تجربة ابو شاكر ولاعبي الكرامة بناء للنتائج الي حققوا
بس شعبنا نسي شغلي مهمة بنتائج الكرامة الي هي جمهور الكرامة الداعم الاول للفريق والي معو بكل النتائج
الشي الي منفتئدو كجمهور منتخب

ع كل حال انا لسا متفائلة وما مهم اذا منتاهل ولا لاء المهم نئدم شي جيد مع الامارات

ومعليش شو صار سوريا متل النار

روووووووووووووووووووووووح ابو شاكر الله يوفئك

[المحارب العتيق]

كلامك هو لب المشكلة . أجينا لعند الكرامة وبدنا التاريخ يوقف . خلص الكرامة ومدربون ومدري شو أحسن شي . ومابيغلطو . بوكرة منفهم باقي الشباب يضربولون تحية.

[يمان Rooooonaldo]

ما لح ارجع عللق الحكي اللي حكيتو عن الجمهور من قبل بكفي .. بكفي كتير ابو شاكر ..

يعطيك العافية وموفقين سوريا يا رب..

[يمان Rooooonaldo]

سمسمة .. بدي قلك شغلة بس .. حطي انك كرماوية عجنب وحطي انك حمصية ..

حكيك عم يكون من هاد المنطق صراحة ..

[simsima57]

طيب متل ما بدكن

بس ما حدا ئال انو الكرامة ما بيغلطو ... وما حدا بدو تنضرب تحية للكرامة
بعدين انت ليش كتير معزب حالك ما انت مع انو الفوز للامارات ... خلص معناتا ارتاح

وانا ما حكي من منطلق اني كرماوية بس من حرئة ئلبي على منتخبنا ,

براي كلو بدو وئت والناس هون ما عندا استعداد تعطي فرصة لاي مدرب ولا لاي حدا

[يمان Rooooonaldo]

سمسوم .. اول شي روقي حالك

وقت عم نحكي عم نحكي كلنا .. من خوف على المنتخب مو شي تاني ..

صراحة بدي احكي .. ارجع شوي بما انك كتير عم تدافعي ما حدا ضد ابو شاكر والكل فرح انو ابو شاكر استلم ..

بس ما شفنا في لمسة ولو صغيرة كتير صارت معو .. صح ما كان معو وقت منيح .. بس في شغلات تكتكية كانت موجودة وانحكت ..

يعني من ناحية الجمهور عنا الجمعور كلو مو مانو واعي .. روحي شوفي الصور .. في صورة وجمههور الكرامة اللي جاية جاية ومعلق وراه علم الكرامة الكبير .. وحاطو وعم يدقو لحالن طول اللعبة ..

في كتير شغلات صارت بالملعب من الكل ..

وقت الجمهور عم يطالب ابو شاكر انو شو ساويت كرمال الله حرك شوي ساوي شي ..

فزو هنن ارفع ايدك ابو شاكر وكانو عم يشتغلو بالضد ..

الحساسية صارت من اول ما فات الجمهور الكرماوي على الملعب ووراه العلم معلقو جابو وعلقلي ياه طيب نحنا بلعبة منتخب ولا بلعبة الكرامة ؟

معلش في كتير شغلات .. صارت .. بتدايق الجمهور .. كملت معو بالجول .. وحياة الله يا جماعة بعد الجول الاول اول مرة بحياتي بشوف الجمهور السوري عم يقول معلش شو صار سوريا متل النار

ودج دج دج العب سورية !

ما اتخيلت .. بس انو ما في شي عم ينعكس على ارض الملعب ! وبعدين ؟ شو بدنا نساوي نضل ساكتين ؟

يا جماعة ايران ما بينلعب معهم اطراف .. وابو شاكر مفروض يكون بيعرف هاد الشي بس !

عكلن ما بدنا نرجع نفتح الموضوع هلا خلونا نقول وندعي للمنتخب الاحد .. بدنا معجزة الهية بس ما في شي ما بصير ..

ما تضلي تدافعي عنو .. ابو شاكر ما كان محظوظ بهي اللعبة .. والجمهور فقعت معو المرارة .. وطريقة حكيو عيب كانت .. انو ما بقا بدو يلعب بالشام وما بعرف شو لانو هاد مانو حكي .. الجمهور ما كان جمهور الشام وبس .. ولا جمهور حلب ولا جمهور حمص .. كان جمهور سوريا اسمو ..

الحساسية موجودة .. وكملها المنتتخب بعدين .. طلع كلشي هيك ..

بالتوفيق سوريا .. ويا رب ..

روقي سمسوم .. وما تعصبي ..

[simsima57]

روقت و ماني معصبة ( بكرا الاربعاء )

بس بتمنى انو من هلئ للمباراة الي جاي حتى لو الامل ضعيف ما نشوف تشاؤم هون

خلينا نتفائل شوي ونشجع منتخبنا لانو ما في شي مستحيل

انشاااااااااااااااااااااا ااااااااااااااااااااااااا اااالله موفئين رجالنا

سوريا سوريا سوريا

[يمان Rooooonaldo]

هههههه اي بكرا الاربعا صح ..

يلا يا رب .. ودج دج دج سوريا ..

[مايسترو]

والله يا شباب يعني شو بدي قول؟

يعني ما بظن انو نحنا مطالبين بعد هيك انو نوقف ولو لحظة لا ورا ابو شاكر ولا ورا المنتخب ولا اللعيبة

من ناحيتي اذا فزتو كتر خيركن ما فزتو شكرا خوزقتونا مرة جديدة وهالخد اتعود عاللطم

ومو شكرا لحدا ومو فارقة وخلينا هيك

مايسترو

[بنفسجة]

هههههههههه
شفتونا ونحنا خسرانين 2\0
الحمد لله يلي ما حضرتا
بس قالولي انو الشباب لعبو متل ما بيلعبو ولاد حارتنا مع بعضون بالطابة
على كل
انا دائما مستعدة لاقي مبررات للمنتخب على امل يصير متل مابدي في يوم من الايام
طيب
خلونا نركز عالمباراة الجايي ونشجع المنتخب ليربح 3 \0 على الامارات
تروحو نشجع بالامارات

[VivaSyria]

ولاد الحارة بيلعبو أحسن

[VivaSyria]

برأي لازم يتعدل اسم الموضوع و يصير ( شو رأيكن ننسى موضوع فريقنا و نركز على بطولة أوروبا)

[المحارب العتيق]

من شوي كان طالع أبو شاكر بمقابلة مع مصطفى أغا . واضطر مصطفى الأغا يقطع الأتصال ليسكتو . لأنو كان عبيصرخ متل بياع خضرا . مو مدرب منتخب وطني

[fady juventus]

ما كان لازم أبشاكر يحكي هيك عالجمهور ... موقعو ما بيسمحلوا يحكي
لأنو هالجزء من جمهور الوحدة معروف إنو وسخ و لمامة من الشوارع و زبالة المشجعين
بزماناتن شجعوا الوحدة الإماراتي ضد الكرامة ... قام الكرامة كسح التنين "الوحدتين" و بأسبوع واحد (2-1)
بس انو يوصل حقدن للمنتخب .. يمكن كان لازم نتوقع هالشي من هالشوارعية الساقطين
الله يرحم المنتخب

[هدوء البحر]

كاتب النص الأصلي : fady juventus

ما كان لازم أبشاكر يحكي هيك عالجمهور ... موقعو ما بيسمحلوا يحكي
لأنو هالجزء من جمهور الوحدة معروف إنو وسخ و لمامة من الشوارع و زبالة المشجعين
بزماناتن شجعوا الوحدة الإماراتي ضد الكرامة ... قام الكرامة كسح التنين "الوحدتين" و بأسبوع واحد (2-1)
بس انو يوصل حقدن للمنتخب .. يمكن كان لازم نتوقع هالشي من هالشوارعية الساقطين
الله يرحم المنتخب

اذا انت هاد رأيك فأحتفظ فيه بينك وبين حالك ولا تحكي عن جمهور الوحدة اذا مابتعرف شو صار بالضبط لا تحكي من عندك

[volanis]

3ala aya kanat man2oleh mobaratna ma3 el emarat ?
ana sheft eno bas man2oleh 3ala al ART el mshafara wala fe aknya tanya na2elta

[المحارب العتيق]

كاتب النص الأصلي : fady juventus

ما كان لازم أبشاكر يحكي هيك عالجمهور ... موقعو ما بيسمحلوا يحكي
لأنو هالجزء من جمهور الوحدة معروف إنو وسخ و لمامة من الشوارع و زبالة المشجعين
بزماناتن شجعوا الوحدة الإماراتي ضد الكرامة ... قام الكرامة كسح التنين "الوحدتين" و بأسبوع واحد (2-1)
بس انو يوصل حقدن للمنتخب .. يمكن كان لازم نتوقع هالشي من هالشوارعية الساقطين
الله يرحم المنتخب

شريك اذا جمهور الكرامة هيك . فمو كل الجماهير هيك

على كل حال ردك بيعبر عن جمهور الكرامة وقديشو فهمان . وأكيد بيخليهم يشجعوا فريق الكرامة

[هدوء البحر]

كاتب النص الأصلي : volanis

3ala aya kanat man2oleh mobaratna ma3 el emarat ?
ana sheft eno bas man2oleh 3ala al ART el mshafara wala fe aknya tanya na2elta

على دبي الرياضية و ابو ظبي الرياضية