أل بي سي تمسخرو على حسن نصر الله

[me2]

كاتب النص الأصلي : فلاش باك

ملاحظة : مع أني مابحب الخروج عن المواضيع وكتير مشغول هلئ بس ما أقدرت الا ما اقتبس.

لك روح ياخيي me2 شو كبير وقلبك حنون وبساع الكل .

يا بتاع الخاص أنت يا ملك.

بس هي مو حسد او ديقة عين انت بتعرفني انا عيوني الك .

حبيب القلب سلام

ولا يهمك . بعرف اللي بالقلوب ... يا قلوب الخس قلبي منك قلوب ...

[krimbow]

مرحبا

بصراحة
بغض النظر عن موقفي من "حزب الله" بشكل خاص، و اي حزب ديني او طائفي او مناطقي بشكل عام، إلا اني اكن احترام خاص "لشخص" حسن نصرالله، يصل الى حدود التبجيل، بس ابعد من التبجيل ما عندي

و بصراحة اشد
عندي حساسية شديدة من تقديس الافراد، بدءا بيسوع، و ليس انتهاءا بغاندي، مرورا بانطوان سعادة، محمد بن عبدلله، علي بن ابي طالب، تشي غيفارا، و جميع الشهداء..... و حسن نصرالله

[رماح]

أنا معك أستاذ كريم بعدم تقديس الأشخاص (عدا يسوع)

لكن فينا نقول انو الشهداء ليسو مقدسين لكن الشهادة مقدسة
المقاومون ليسوا مقدسون لكن المقاومة مقدسة
الأنظمة ليست مقدسة لكن الأرض والوطن مقدسة
رجال الدين ليسوا مقدسين لكن الدين -أي دين- مقدس
الثوار ليسوا مقدسين ولكن الحرية مقدسة

وبعتقد هيك ما منختلف

[MR.SAMO]

كاتب النص الأصلي : رماح

أنا معك أستاذ كريم بعدم تقديس الأشخاص (عدا يسوع)

لكن فينا نقول انو الشهداء ليسو مقدسين لكن الشهادة مقدسة
المقاومون ليسوا مقدسون لكن المقاومة مقدسة
الأنظمة ليست مقدسة لكن الأرض والوطن مقدسة
رجال الدين ليسوا مقدسين لكن الدين -أي دين- مقدس
الثوار ليسوا مقدسين ولكن الحرية مقدسة

وبعتقد هيك ما منختلف

تقديس الاعمال لاتقديس الافراد هو الاصح

[krimbow]

وفاءا للمقاومة
ارى من الضروري التذكير بالتاريخ الذي يتم تناسيه عمدا

بدأت المقاومة بعد الاجتياح الاسرائيلي لبيروت عام 1982 على يد البطل الشهيد "خالد علوان" اثر عملية الويمبي الشهيرة، بعد العملية مباشرة تبنى الحزب السوري بقرار من عميد دفاعه البطل الشهيد "محمد سليم" العملية و فتح الباب للمقاومة،

بعد عدة ايام تم تشكيل "جبهة المقاومة الوطنية اللبنانية" من احزاب السوري و الشيوعي و حركة امل، و لاحقا ضمت الجبهة "حزب الله" و ما يزال اتفاق البيان التأسيسي للجبهة ساري المفعول حتى يومنا هذا

استمرت الجبهة الوطنية بتسطير ملاحم البطولة و الفداء بدماء استشهادييها الابطال الذين قدموا دمائهم حبا و كرامة للارض و الانسان.. و بدون ان يطمعوا حتى بكرسي في الجنة كغيرهم من "شهداء الموضة الاسلامية"، و ذلك عبر عمليات نوعية ارتجف لها العالم باسره، وضعت الكيان الاسرائيلي على حافة الانهيار... أذكر منها على سبيل المثال لا الحصر، عمليات الابطال الشهداء سناء محيدلي، خالد الازرق، ابتسام حرب
(ملاحظة: الشهيد خالد الازرق مواطن سوري، كتب قبل استشهاده: "من ارض الشام اتيت لاروي بدمي ارض الجنوب"، رافعا رأس صيدنايا و سوريا كلها)

نتيجة للنقلة النوعية، و لقدرة المقاومة على تغيير مسار الامور في الحرب اللبنانية، و خصوصا بعد نجاحها بالغاء اتفاق 17 ايار عن طريق اغتيال بشير جميل، تم صياغة مؤامرة (و لا استثني احدا من هذه المؤامرة، لا العرب و لا السوريين و لا الاميركيين و لا الاسرائيليين) مؤامرة اغتيال الشهيد البطل "محمد سليم"، و اغلاق معسكرات تدريب الحزبين السوري القومي و الشيوعي، و ابقاء معسكرات حركة امل و حزب الله
في مؤامرة واضحة تحضيرية للحرب العالمية الثالثة، او حرب الاديان، التي نرى بوادرها اليوم

تتوضح المؤامرة اكثر فأكثر بعيد انتهاء الحرب الاهلية في لبنان و سيطرة الجيش السوري على بيروت، حيث تم نزع اسلحة جميع الاحزاب المندرجة في جبهة المقاومة الوطنية اللبنانية ... و الابقاء على سلاح حزب الله و حركة امل، لينتهي بذلك عصر "العمليات النوعية" التي اثبتت قدرتها على تحرير الارض

جاء ما يعرف بتفاهم 4 نيسان... كوصمة عار لجميع اطرافه، و اكمالا للمسرحية الهزلية الاعلامية التي بدأت بالتطبيل و التزمير لـ "ولاية الفقيه" ... حيث جاء التفاهم لتأمين الحماية لمستوطنة "كريات شمونة" في شمال اسرائيل، بدون ان تستفيد القرى اللبنانية الجنوبية فعليا منه.. و الدليل هوي التعويضات التي اعطيت للمهجرين الجنوبيين مؤخرا (ليش ما رجعوهم طالما في تفاهم ؟؟؟؟)

بعد ذلك بات العمق اللبناني مكشوفا للاسرائيليين تماما.. بدليل الاغتيالات الواسعة التي طالت اغلب الرموز المتبقية للكفاح المسلح ضد اسرائيل، كاغتيال الشهيد "يحيى عياش" او من كان يعرف بـ "المهندس"

و لم نشهد منذ ذلك التفاهم سوى عملية نوعية واحدة لحزب الله و بمساعدة المخابرات العسكرية السورية

بعد هذا التاريخ، باتت اخبار المقاومة على الشكل التالي: ضرب مجنزرة، اطلاق صاروخ كاتيوشا، قصف رادار، كبنج موضعي لتهدئة النفوس الثورية المتعطشة للتحرير

جاء العام 2002 لينسحب الجيش الاسرائيلي و اعوانه من الجنوب، بعد ظهور دعوات اسرائيلية تطالب بالانسحاب لخلخلة توازنات المرحلة و التي افادت النظام السوري و حزب الله، ليتربع حزب الله على عرش المقاومة بلا منازع

النتيجة النهائية:
نفخ بالون "ولاية الفقيه" و الذي يمكن تنفيسه او حتى فقعه باي لحظة بدون عناء يذكر
اقحام المقاومة اللبنانية بمهاترات السياسة اللبنانية السخيفة
نسف اي امل لمقاومة حقيقية قادرة على تحرير الارض

اعرف ان ما كتبته سيزعج الكثيرين، و لكني لن اغمض عيوني امام الخطر الاكبر الذي يحيق بنا، متفائلا بتاريخ هذه الارض التي التهمت جميع غزاتها

و كلي رجاء ان تتحق نبوءة انطوان سعادة حين قال: "إن فيكم قوة لو فعلت، لغيرت وجه التاريخ"

[رماح]

الي عودة للتعليق على الكلام وعلى قاعدة (أهل مكة أدرى بشعابها)
لكن بالنسبة لأسماء الشهداء اللي نذكرو في ابتسام حرب بعتقد من الحزب القومي كتب فيها الكاتب ياسين رفاعية رواية جدا جدا جدا روعة اسمها "امرأة غامضة" حرام يبقى انسان ما قرى هيدي الرواية.

[krimbow]

كاتب النص الأصلي : رماح

الي عودة للتعليق على الكلام وعلى قاعدة (أهل مكة أدرى بشعابها)
لكن بالنسبة لأسماء الشهداء اللي نذكرو في ابتسام حرب بعتقد من الحزب القومي كتب فيها الكاتب ياسين رفاعية رواية جدا جدا جدا روعة اسمها "امرأة غامضة" حرام يبقى انسان ما قرى هيدي الرواية.

ناطر تعليقك على احر من الجمر

بخصوص الرواية، رح حاول جيبها هالاسبوع و اقراها

و شكرا ع المعلومة

[رماح]

ولا يهمك بس دعيلنا ننجح بهالامتحانات

[krimbow]

كاتب النص الأصلي : رماح

ولا يهمك بس دعيلنا ننجح بهالامتحانات

لك روحي الله يعمي عنك المراقبين .... و عنا المخابرات

[رماح]

يفضح حريشكن على هالسحبات
في توقيع لعضو عجبني: اذا الشعب يوما أراد الحياة .. فلا بد أن يستقيل الأسد

[MesHaL]

كاتب النص الأصلي : krimbow

وفاءا للمقاومة
ارى من الضروري التذكير بالتاريخ الذي يتم تناسيه عمدا

بدأت المقاومة بعد الاجتياح الاسرائيلي لبيروت عام 1982 على يد البطل الشهيد "خالد علوان" اثر عملية الويمبي الشهيرة، بعد العملية مباشرة تبنى الحزب السوري بقرار من عميد دفاعه البطل الشهيد "محمد سليم" العملية و فتح الباب للمقاومة،

بعد عدة ايام تم تشكيل "جبهة المقاومة الوطنية اللبنانية" من احزاب السوري و الشيوعي و حركة امل، و لاحقا ضمت الجبهة "حزب الله" و ما يزال اتفاق البيان التأسيسي للجبهة ساري المفعول حتى يومنا هذا

استمرت الجبهة الوطنية بتسطير ملاحم البطولة و الفداء بدماء استشهادييها الابطال الذين قدموا دمائهم حبا و كرامة للارض و الانسان.. و بدون ان يطمعوا حتى بكرسي في الجنة كغيرهم من "شهداء الموضة الاسلامية"، و ذلك عبر عمليات نوعية ارتجف لها العالم باسره، وضعت الكيان الاسرائيلي على حافة الانهيار... أذكر منها على سبيل المثال لا الحصر، عمليات الابطال الشهداء سناء محيدلي، خالد الازرق، ابتسام حرب
(ملاحظة: الشهيد خالد الازرق مواطن سوري، كتب قبل استشهاده: "من ارض الشام اتيت لاروي بدمي ارض الجنوب"، رافعا رأس صيدنايا و سوريا كلها)

نتيجة للنقلة النوعية، و لقدرة المقاومة على تغيير مسار الامور في الحرب اللبنانية، و خصوصا بعد نجاحها بالغاء اتفاق 17 ايار عن طريق اغتيال بشير جميل، تم صياغة مؤامرة (و لا استثني احدا من هذه المؤامرة، لا العرب و لا السوريين و لا الاميركيين و لا الاسرائيليين) مؤامرة اغتيال الشهيد البطل "محمد سليم"، و اغلاق معسكرات تدريب الحزبين السوري القومي و الشيوعي، و ابقاء معسكرات حركة امل و حزب الله
في مؤامرة واضحة تحضيرية للحرب العالمية الثالثة، او حرب الاديان، التي نرى بوادرها اليوم

تتوضح المؤامرة اكثر فأكثر بعيد انتهاء الحرب الاهلية في لبنان و سيطرة الجيش السوري على بيروت، حيث تم نزع اسلحة جميع الاحزاب المندرجة في جبهة المقاومة الوطنية اللبنانية ... و الابقاء على سلاح حزب الله و حركة امل، لينتهي بذلك عصر "العمليات النوعية" التي اثبتت قدرتها على تحرير الارض

جاء ما يعرف بتفاهم 4 نيسان... كوصمة عار لجميع اطرافه، و اكمالا للمسرحية الهزلية الاعلامية التي بدأت بالتطبيل و التزمير لـ "ولاية الفقيه" ... حيث جاء التفاهم لتأمين الحماية لمستوطنة "كريات شمونة" في شمال اسرائيل، بدون ان تستفيد القرى اللبنانية الجنوبية فعليا منه.. و الدليل هوي التعويضات التي اعطيت للمهجرين الجنوبيين مؤخرا (ليش ما رجعوهم طالما في تفاهم ؟؟؟؟)

بعد ذلك بات العمق اللبناني مكشوفا للاسرائيليين تماما.. بدليل الاغتيالات الواسعة التي طالت اغلب الرموز المتبقية للكفاح المسلح ضد اسرائيل، كاغتيال الشهيد "يحيى عياش" او من كان يعرف بـ "المهندس"

و لم نشهد منذ ذلك التفاهم سوى عملية نوعية واحدة لحزب الله و بمساعدة المخابرات العسكرية السورية

بعد هذا التاريخ، باتت اخبار المقاومة على الشكل التالي: ضرب مجنزرة، اطلاق صاروخ كاتيوشا، قصف رادار، كبنج موضعي لتهدئة النفوس الثورية المتعطشة للتحرير

جاء العام 2002 لينسحب الجيش الاسرائيلي و اعوانه من الجنوب، بعد ظهور دعوات اسرائيلية تطالب بالانسحاب لخلخلة توازنات المرحلة و التي افادت النظام السوري و حزب الله، ليتربع حزب الله على عرش المقاومة بلا منازع

النتيجة النهائية:
نفخ بالون "ولاية الفقيه" و الذي يمكن تنفيسه او حتى فقعه باي لحظة بدون عناء يذكر
اقحام المقاومة اللبنانية بمهاترات السياسة اللبنانية السخيفة
نسف اي امل لمقاومة حقيقية قادرة على تحرير الارض

اعرف ان ما كتبته سيزعج الكثيرين، و لكني لن اغمض عيوني امام الخطر الاكبر الذي يحيق بنا، متفائلا بتاريخ هذه الارض التي التهمت جميع غزاتها

و كلي رجاء ان تتحق نبوءة انطوان سعادة حين قال: "إن فيكم قوة لو فعلت، لغيرت وجه التاريخ"

ممكن أطلع على مصادر أكثر أو موثقة كما ذكرتها ..

شكراً لك ولي تعقيب بخصوص الاخت رماح في رد سابق لها ولكن أعمل عليه الآن ..

[krimbow]

كاتب النص الأصلي : MesHaL

ممكن أطلع على مصادر أكثر أو موثقة كما ذكرتها ..

شكراً لك ولي تعقيب بخصوص الاخت رماح في رد سابق لها ولكن أعمل عليه الآن ..

بخصوص الاحداث و التواريخ...
خيو المصادر موجودة و بحيادية تامة

بتقدر تطلع على تاريخ المقاومة اللبنانية
على عملية الويمبي، و بالمناسبة، صاحب مطعم الويمبي ما زال محتفظ بالطاولة يللي جلس عليها الضباط الاسرائيليين و يللي تم قتلهم عليها، و المطعم موجود ليومنا هاد بشارع الحمرا ببيروت
على اتفاق 17 ايار
على اغتيال بشير الجميل ... و يللي تم فيه اتهام "حبيب الشرتوني" بالصرماية، علما انو حبيب الشرتوني نفسو حلف بولادو انو ما قام بتنفيذ الاغتيال، و ذلك لعدم صدور الاوامر
على تفاهم 4 نيسان
على تفاصيل استشهاد الابطال، و تسجيلاتهم قبل الاستشهاد ايضا موجودة و محفوظة

اما بخصوص "مؤامرة ولاية الفقيه" هي بقا اجتهاد من عندي،
بس الله ما انشاف، بالعقل انعرف (متل شامي)
كلنا منعرف انو فتوى واحدة من السيستاني بوجوب مقاومة الاميركان، بتشعل العراق كلها و باقل من شهر بتتحرر

[جورج الراسي]

انو نعم الشيخ نصر الله هوي اللي حافظ كرامة الأمة

هاد رأيك ...أنا ماني شايف كرامة الأمة.....حدا شافها شي ؟؟

ونعم حزب الله هوي الحزب الوطني بامتياز والشديد على العدو اللين في الداخل

هو حزب وطني بامتياز ( ايراني )

وابن لادن والزرقاوي مجرمين يقتلون الأبرياء من المدنيين وليس هناك أي وجه مقارنة بينهم وبين نصرالله

تلاتتن بينطلقو من نفس المبدأ ...مفكرين أنو الله شي بخصن ..و أنو الله كتير بفرفش بالشي اللي عم يعملو ......يعني شو بدي قلك ...دخيــــــــــــــــــل الله ..

وطبعا كل مس بحزب الله بالطريقة الجنبلاطية والجعجعية (وليس النقد البناء) هيي تآمر مع المشروع الأميركي الاسرائيلي الواضح

فينك تحدديلي معالم هالمشروع ؟؟؟
طبعا أنا ماني عم قول أنو مافي مشروع...بس من قبل ما يخلق ابي و الوطنيين امثال حضرتك بيحكولنا عن المشروع الامريكي الصهيوني الامبريالي ...و بجوعونا و بقولولنا هاد المشروع...و بيحبسونا و بقولولنا انو كل الحق ع المشروع

انو شو هو هالمشروع بلا صغرة ؟ يا ريت تفهمين ..مشان افهم عليكي ....لأنو انتي بتقوليلي انو جعجع و جنبلاط عم يدعمو المشروع الاميركي و في غيرك بقولولي انو حسن نصر الله و شيعته هني فرسان المشروع الاميركي ...و بصراخة انا حاسس انو تنيناتكن معكن حق

وأكيد حسن نصرالله اللي قدم ابنو بالصفوف الأمامية بالجبهة هوي رمز للوطنية وبامتياز

اي ما كل ما دق الكوز بالجرة تقولونا قدم ابنو ....في حدا ما مقدم ابنو ..او ابو ..او اخو...او عمو ..او جدو ...او خالو ؟؟

هاي القصة رجاءً طلعو منا ....لأنو انا بعرف انو هو قدم ابنو ..بس بصراحة...مابعرف بهدف شو....اي انا شو بعرفني بمايدور برأس الباطنيين ؟؟؟

ولو عرفت موقف حزب الله من التظاهرات وكيف نزل لم المتظاهرين وعمل أطواق أمنية حول الكنائس تحسبا لأي مدسوسين أو حمقى وكيف أعطى تعويضات للمتضررين رغم عدم مسؤوليتو عن هالشي وكيف ضل لساعات متأخرة من الليل عم ينضف الشوارع من الدواليب ونزل شبابو بالبيجامات ليضلن سهرانين خوفا من أي تداعيات أخرى بتعرف انو حزب الله تصرف بمنتهى الحضارية التي لم يحلم بها مدعو العلمانية في لبنان ولم يتصرفو ببربرية كما تفضلت

هلأ اذا حسن نصر الله قال انو حزب الله مسؤول عن اللي صار...انتي شو جاي تزيدي ؟؟

اللي صار تصرف غوغائي بربري ...ما بدو تنين يحكو في

و حزب الله تبنى الموضوع ....و بعتقد مافي داعي زيد

وطبيعي انو بعد مجازر اسرائيل الوحشية الحيوانية انو يكون سلاح حزب الله أهم شي بالوقت الحالي

ع طو ل بعد مجازر اسرائيل بكون اهم شي السلاح ...مين جاب سيرة السلاح ؟؟

انو ليش عم تخلطي عباس ع دباس

خليني شوي ذكرك انو القصة هي قصة بسمات وطن ...و ردة الفعل الوطنية ..مو قصة سلاح حزب الله

ومش بس بكربلا بينتصر الدم على السيف لأنو بالجنوب انتصر الدم على السيف (وشكلك بعدك عايش بالزمانات عأيام الكاتيوشا لأنو هيدي صارت ولا شي قدام صواريخ الحزب الجديدة)

اي و الله انا عايش بالزمن الجميل ...شو بدك تعملي ..نحنا جيل الستينات ما منفهم باكتر من الكاتيوشا ...بس هلأ طمنتيني انو حزب الله صار عندو صواريخ عابرة للقارات و باقي بس يبعتولو الرؤوس النووية من ايران

اي ما بس رح نحرر فلسطين


بدنا نحرر الاندلس كمان

[MesHaL]

كاتب النص الأصلي : krimbow

بخصوص الاحداث و التواريخ...
خيو المصادر موجودة و بحيادية تامة

بتقدر تطلع على تاريخ المقاومة اللبنانية
على عملية الويمبي، و بالمناسبة، صاحب مطعم الويمبي ما زال محتفظ بالطاولة يللي جلس عليها الضباط الاسرائيليين و يللي تم قتلهم عليها، و المطعم موجود ليومنا هاد بشارع الحمرا ببيروت
على اتفاق 17 ايار
على اغتيال بشير الجميل ... و يللي تم فيه اتهام "حبيب الشرتوني" بالصرماية، علما انو حبيب الشرتوني نفسو حلف بولادو انو ما قام بتنفيذ الاغتيال، و ذلك لعدم صدور الاوامر
على تفاهم 4 نيسان
على تفاصيل استشهاد الابطال، و تسجيلاتهم قبل الاستشهاد ايضا موجودة و محفوظة

اما بخصوص "مؤامرة ولاية الفقيه" هي بقا اجتهاد من عندي،
بس الله ما انشاف، بالعقل انعرف (متل شامي)
كلنا منعرف انو فتوى واحدة من السيستاني بوجوب مقاومة الاميركان، بتشعل العراق كلها و باقل من شهر بتتحرر

مشكور ولكن لو تقدر تعطيني اي رابط اي موقع الكتروني في معلومات كثيره عن هالشي لأنك بصراحه حست موضوع لي كامل وهو عن بعض المناضلين من شتى بقاع العالم بشتغل عليه وبحدد فيه نوعية النضال وكان من ضمنهم بعض الاسماء الي اوردتها وبصراحه كلامك هذا بيخليني اغربل بعض الاسماء واستبعدهم من القائمه .. فياليت تتساعد معي لو كان عندك موقع مختص بالي ذكرته بكون شاكر ومقدر لك ..

وشكراً

[me2]

شكرا يا كريم .. شكرا يا رماح ..

كل مشاركة لكريم أو رماح بتعلق بلذهن و بتضيف شي نظيف ...

منشان ما فوت بمفهوم التبجيل و التقديس ... و الفرق بين الاراء حول هوزبولا .

بيكفي أنو متفقين على حدود دنيا و فهم مشترك ل اسرائيل .

[me2]

"كلنا منعرف انو فتوى واحدة من السيستاني بوجوب مقاومة الاميركان، بتشعل العراق كلها و باقل من شهر بتتحرر"


بظل هدا رأي محترم و فعلا كلنا منستغرب ليش حضرتو "نايم على ودانو " بس كمان في غير هذا الموضوع كلنا اتفقنا أنو أمريكا غير مستعدة لخسارة حرب بأقل من شهر , يعني بيجوز أنو خايف أنو أمريكا تمسح العراق على شاكلة هيروشيما , و بيجوز أنو عجوز و مخرف و ما عندو أجهزة استخبارات و علماء و جهاز "دعم القرار " متل اللي عند حزب الله .

[me2]

كاتب النص الأصلي : رماح

أنا معك أستاذ كريم بعدم تقديس الأشخاص (عدا يسوع)

لكن فينا نقول انو الشهداء ليسو مقدسين لكن الشهادة مقدسة
المقاومون ليسوا مقدسون لكن المقاومة مقدسة
الأنظمة ليست مقدسة لكن الأرض والوطن مقدسة
رجال الدين ليسوا مقدسين لكن الدين -أي دين- مقدس
الثوار ليسوا مقدسين ولكن الحرية مقدسة

وبعتقد هيك ما منختلف

اذا هدول يشك بقدسيتهون , فأنا بشك أنو كلمة "قدسية" دخيلة على اللغة العربية .

[رماح]

بخصوص مشاركة جورج الراسي متل ما قال العزيز مي تو باحدى مشاركاتو انو اسمو وصورتو بعبرو انو الو باع طويل بالسياسة

أنا بفهم انو في ناس قوميين, وناس ليبراليين منفتحين. بس التنين مش غلط
الغلط انو يكون في ناس قوميين زيادة عن اللزوم, وانو يكون في ناس عاملين حالهم تحرريين زيادة عن اللزوم. وكل ما دق الكوز بالجرة ونجابت سيرة المقاومة أو الوطن أو أي معنى شريف وواسع بيطلعو وببلشوا يقولولنا شو بدكن ترجعونا لأيام الزمن الجميل وانو هيدا الشي ما الو أساس من الصحة وانتو عايشين بزمن التخلف وهالقصص الفاضية.

يعني بعتقد بغض النظر عن الكام والاجتهادات في شي اسمو حقائق عالأرض. انو في شي اسمو تحرير وهزيمة لاسرائيل صار بلبنان, وانو في حزب اسمو حزب الله قدر يطرد اسرائيل من لبنان ويشكل حالة رعب لالها مما عم بخليها ما توفر وسيلة لمحاولة النيل منو. وانو قيادة حزب الله واعية وحكيمة الى أقصى الحدود وهيدا اللي بخليها تعلن مسؤوليتها عن أخطاء الخميس التي لم ترتكبها.

واذا حضرتك بتعتبر اصابة 5 سيارات مدنية وواجهة محل تصرف غوغائي بربري فبعتقد انو هيدا قمة الحضارة اذا قارنتو بأي مظاهرة غاضبة بأي مكان بالعالم.

لكن شكلو الاعلام ال14 شباطي قاطع ببعض الناس ومكتر كتير.