اصبحنا نعتقد بأن "الكبة" و "التبّولة" و "الميجانا" و "العتابا" من أصل سوري.

[smirt]

كاتب النص الأصلي : احمد ن.

ليست هناك ضرورة بالحلفان بالله، فانا اعرف تماما بانك - سوري

ليش حضرتك تبريت من سوريا
حبيب اللي بيقول أنو سوري ألو الشرف
وأنا سوري بقا أنت شو ............. خاين

[Willi]

احمد ما بظن انو سوري
بجوز سمعان اسم سوريا بالاخبار وجاي يصف حكي فاضي

[hwman]

[quote=hashtnasht]لك أخي الشغلة ما بدها لا سياسة ولا تاريخ ...ولا تنظير ولا فلسفة
الشعب بلبنان أفهم و أوعى من الشعب السوري...بشي 100 مرة كمانquote]

I’ve never heard of any Lebanese who invented a nuclear bomb, a car………. or even a bicycle (nor of Syrian!)
Lebanese people had been killing each other before the interference of Syrian troops, (does it show their understanding or awareness?)
If they speak broken Arabic, mixing it with English & French, it doesn’t mean that they r better, on the contrary, it shows the absence of culture & education- (the more u break ur language, the more u lose ur culture & roots
In result, u should brush ur information up!.
thanx

[Willi]

كلامك حلو هومان


وللي ما بيفهم انكليزي اللي كتبو هومان
هوي


انا بحياتي ما سمعت عن لبناني اخترع قنلة نووية او سيارة او بسكليت (ولا حتى سوري)
اللبنانيي كانو عم يقتلو بعضهون قبل ما تتدخل القوات السورية (هالشي ببين فهم او علم ؟)
اذا بيحكو عربي مكسر , معو انكليزي وفرنسي, هاد مو معناتها انو هالشي احسن
بالعكس هالشي ببين انو مافي ثقافة و حضارة
(كل ما بتكسر لهجتك كل ما بتخسر حظارتك واصولك
بالنتيجة لازم تتخلص من معلوماتك




بالنسبة لانو الشعب بلبنان انو اوعى وافهم من سوريا
فهالشي مو صحيح ابدا ابدا

واللي بيعرف الشعب اللبناني ما بقول الكلام اللي انقال ابدا
اكتر العالم بقولو هالحكي لان بلبنان على حسب قولهون انو بيحكو لغات متعددة وبطلاقة
فهالشي ابدا مو صحيح

بلبنان حافظين كلمتين فرنسي على كلمة انكليزية وبيقولوها دائما
بلبنان شو ما بتقلهون بيعملو بدون حتى ما يفكرو
واكبر مثال انو اميركا وفرنسا ضحكت عليهون بكلمتين قام صدقوهون
وفكرو انو صارو اصدقاء معهون

[احمد ن.]

لدي صديق من ايام الدراسة في الجامعة بدمشق اسمه أيمن و هو سوري، و ايضا صديق لبناني اسمه حسين درس معنا في الجامعة.
مرة و بالصدفة رأيت عند أيمن كتابان، الاول باللغة الفرنسية و الثاني بالانكليزية، وقتها لم اهتم و لم اسئله ما هو الغرض من الكتابان.
بعد جمعة تقريبا، عدت و رأيت نفس الكتابين بين يدي أيمن، فعندها سألته : ما هي الحاجة للكتابين و انت لا تفهم لا الفرنسية و لا الانكليزية؟
فجاوبني : ان الكتابين ليسا له بل لجاره.
مر الوقت و الكتابين لا يفارقين صديقنا أيمن، و زيادة عن ذالك اصبح أيمن و في كل مرة يرى فيها صديقنا حسين يفتح الكتابين و يتصفح بهما، و لكن عندما لاحظته يحرك شفتيه و هو يتصفح، استعجبت و اقتربت منه مسرعا و سألته : "صرنا منحكي فرنساوي و انكليزي... مووو؟" فاجابني أيمن : "لأ مااا مووو."
من بعدها تركته وشأنه ولم اعد اسأله عن الكتابين و خصوصا عندما علمت بأن أيمن كان يفعل هكذا فقط امام اللبناني حسين لكي يظن حسين بأن أيمن يتكلم الفرنسية و الانكليزية.
لا استطيع هنا ان ألوم أيمن على فعله، لأن جميعنا نحن السوريون "معقدين" من اللبنانيين.
لكن الشيء المضحك و المبكي هو أنّ حسين لا يتكلم لا الفرنسية ولا الانكليزية. حسين طلع من جنوب لبنان.

[smirt]

كاتب النص الأصلي : احمد ن.

لدي صديق من ايام الدراسة في الجامعة بدمشق اسمه أيمن و هو سوري، و ايضا صديق لبناني اسمه حسين درس معنا في الجامعة.
مرة و بالصدفة رأيت عند أيمن كتابان، الاول باللغة الفرنسية و الثاني بالانكليزية، وقتها لم اهتم و لم اسئله ما هو الغرض من الكتابان.
بعد جمعة تقريبا، عدت و رأيت نفس الكتابين بين يدي أيمن، فعندها سألته : ما هي الحاجة للكتابين و انت لا تفهم لا الفرنسية و لا الانكليزية؟
فجاوبني : ان الكتابين ليسا له بل لجاره.
مر الوقت و الكتابين لا يفارقين صديقنا أيمن، و زيادة عن ذالك اصبح أيمن و في كل مرة يرى فيها صديقنا حسين يفتح الكتابين و يتصفح بهما، و لكن عندما لاحظته يحرك شفتيه و هو يتصفح، استعجبت و اقتربت منه مسرعا و سألته : "صرنا منحكي فرنساوي و انكليزي... مووو؟" فاجابني أيمن : "لأ مااا مووو."
من بعدها تركته وشأنه ولم اعد اسأله عن الكتابين و خصوصا عندما علمت بأن أيمن كان يفعل هكذا فقط امام اللبناني حسين لكي يظن حسين بأن أيمن يتكلم الفرنسية و الانكليزية.
لا استطيع هنا ان ألوم أيمن على فعله، لأن جميعنا نحن السوريون "معقدين" من اللبنانيين.
لكن الشيء المضحك و المبكي هو أنّ حسين لا يتكلم لا الفرنسية ولا الانكليزية. حسين طلع من جنوب لبنان.

ضحكتني

وأنا بنصحك بأنو لا عد ترد مشان ماحدا يضحك على السوريين ويفكروهن كلن متلك
اللي فهمتوا .....هو أنو رفيقك منافق وبس وبغير طريقة ما بتنفهم أبداً وهيك حكي ما فيك تعمموا على كل سورية
برغم سوء المناهج التعليمية . عنا السوري بيعرف وفهمان أكتر من لبناني و أصلاً موضوع اللغات هو إجتهاد ذاتي, اللبناني حافظ 10 كلمات فرنسي و 10 كلمات إنكليزي وبيضل يرددهن طول وقتوا
مثلاً ( فاين .ميرسي لأيلاك ) يعني بالعربي ( رائع. شكراً لك ) .
وإذا مابتعرف لغة هي مشكلتك .. بسوريا في عالم كتير بتعرف مو بس لغة وحدة 2 و 3 وأكتر
وما رح بعدلك كتير مثال من المنتدىhwman بيعرف إنكليزي وروسي بشكل ممتاز وعم يدرس إيطالي . وماهر وكريمبو و ويللي وغيرهم كتير . بس نحنا السوريين ما بنتأثر بلغة تانية ومنصير نحكي بطريقة مايعة كلمة من كل لغة .
هي من ناحية اللغة أما أنو السوري طلع معقد هي شغلة جديدة حضرة الدكتور
بالظاهر أنت المعقد من لبنانيين وبرجع بقلك لا تشمل حدا بدون دليل . أنا ما سمعت حدا أنو بيتمنى يكون لبناني
والحقيقة أنا ماني حابب كمل كتابة لأنو مابعرف أنت شو بدك ولا بعرف أنت سوري ولا لبناني
وإذا سوري فيك تروح على لبنان ونرتاح. الله معك هونيك بتاكل الفلافل الفينيقية والفتوش الفينيقي
وتتعلم لغات أكتر وممكن في المستقبل تاخد جنسية أمريكية من لبنان .......شو بعرفك وممكن فرنسية ..
الموضوع القادم عن شو ؟
عن الأحذية اللبنانية ؟

[Joe]

كاتب النص الأصلي : احمد ن.

لا استطيع هنا ان ألوم أيمن على فعله، لأن جميعنا نحن السوريون "معقدين" من اللبنانيين.

يلعن الطرقك ما بصير إلا ما تاكلك شي مسبة يعني... اذا انت معقد من اللبنانيين ليش هيك عم تعمم علينا... هون عنا بلاوي لبنانيين بالجامعة و والله ماني شايلون من أرضهم كلهم على بعضهم

ثم حاج ترفع شعار سوريا فوق الجميع... و الله انمغصنا منك... طلعت ريحتك.. كل تفاصيل كلامك بتدل على إنك لبناني لانك بتحكي بالمواضيع يلي اللبنانيية عادة بيحكوا فيها... متل المووو و هالحكي الفاضي... روح حل عن سمانا يا زلمة شوف لبنان عبيانة نشح ووسخ...

[Joe]

كاتب النص الأصلي : smirt

وإذا سوري فيك تروح على لبنان ونرتاح. الله معك هونيك بتاكل الفلافل الفينيقية والفتوش الفينيقي

حلوة الفلافل الفينيقية

[smirt]

كاتب النص الأصلي : Joe

حلوة الفلافل الفينيقية

خلي أحمد يلفلك سندويشة ؟؟؟؟؟

[أمير المحبين]

كلاب تحت الطلب
سعد بن ال سعود و الفتوش
كيف كان سعد الحريري -- من فهد ام من خالد -- دراسه نقديه

مع اني مبحب احشر حالي في حوارات متخلفة
بحب ائولك انو المملكة مالها علائة لا بسوريا ولا بلبنان ولا بصحون الفتوش ولا بالمشاكل التي بينها
فيا ريت انو ما تجيب سيرتها
ومستعد ابصم بالعشرة انو لك اسم تاني غير هل الأسم من اسلوب كتابتك...

وبحب استأزن منكم لأني ما بدي احط عقلي بالفتوش أو الكبة أو الكباب أو فينيقيين وأو
حتي بطيخ ....
وعندي طلب صغير ازا عملتوا بكون لك شاكر ومقدر وهوي انو ما تحشرنا بمشاكلكم لو سمحت
لأنو مهما عملنا بتضلوا تطلوا فينا بدونية .....

[الضياء]

ياخيي نحنا منحترم جيرانا بالحجاز ومنحترمن ماجبنا سيرة حدا وكلنا شعوب بتنطق بالعربيه

اما السعد واعوانه ومن اين اتى فهذا موضوع اخر
و السوريون في كل ارجاء الهلال الخصيب لا ينظرون بدونيه الى احد 000 بس بينظروا بدونيه
على من يشعر بنفسه دون مثل صاحبنا

[HashtNasht]

[quote=hwman]

كاتب النص الأصلي : hashtnasht

لك أخي الشغلة ما بدها لا سياسة ولا تاريخ ...ولا تنظير ولا فلسفة
الشعب بلبنان أفهم و أوعى من الشعب السوري...بشي 100 مرة كمانquote]

I’ve never heard of any Lebanese who invented a nuclear bomb, a car………. or even a bicycle (nor of Syrian!)
Lebanese people had been killing each other before the interference of Syrian troops, (does it show their understanding or awareness?)
If they speak broken Arabic, mixing it with English & French, it doesn’t mean that they r better, on the contrary, it shows the absence of culture & education- (the more u break ur language, the more u lose ur culture & roots
In result, u should brush ur information up!.
thanx

hwman
يعني ما بعرف شو دخل القنبلة النووية بالحكي اللي حكيتو انا؟؟؟ إلا اذا كنت بتقيس تمدن و حضارة و ثقافة شعب معين بقدرتو على صنع سلاح نووي ...وقتا بكون بدي اعتذر منك...لأنو ما عندي شي قولو أبداً

أنت عم تحكي عن حضارةو و أصول....يعني بفهم من كلامك أنو لازم نتمسك بالأصول ؟؟ شو هي الأصول ؟؟ وين شايف في بتاريخك حضارة ؟؟ و لأيمت بدك تضل عايش علةى اوهام حفريات و مستحاثات ؟؟
أنو يعني أنت بتحكي عرب يمنيح و اللبناني بيحكي عربي مكسر ..و مبسوط و مفكر أنك غلبتو واحد صفر !!!!
أنو يعني بلبنان صار حرب أهلية معناها الشعب هنيك ما بيفهم ...؟؟؟ دخلك شو البلد اللي ما صار فيها حرب أهلية ؟؟؟
أنو كل الأدباء و المفكرين و الفنانين اللبنانيين اللي طلعو من شقفة 10000 كيلو متر مربع ما عبو عينك ؟؟
لك نشيدك الوطني اللي هو حماة الديار ...صنع في لبنان !!! ليش بالله ؟؟ غريب ما هيك ؟ مع أنو في نعيم حمدي ....مع أنو في عصمت رشيد !!
نزار قباني سوري ....بس كان ساكن ببيروت ...مدري ليش ؟؟
لك جورج وسوف ....شقفة جورج وسوف ...تارك سوريا و ساكن بلبنان !! ليش ؟
كل الكتب المحرمة و الممنوعة لأسباب ( قذرة ) كانت تطبع و تنشر في بيروت ؟؟ ( قولك لنو هنيك الشعب متخلف يمكن ؟؟؟)

أنا ماني فهمان ليش نحنا كسوريين عنا هالنفسية ( الجقمة ) يعني أنو نحنا سوريين و هيك متل الطير النافخ ريشو !!
انت قلي على شو بالله ؟؟
أنت ع شو مبسوط بحالك انك سوري ؟؟
انت قاعد بروسيا مدري باوكرانيا مشان تجيب شهادة من هنيك ؟؟ غريب !! مافي جامعات بسوريا ؟؟
يعني مشان الله أخواتي....كلياتنا سوريين و كلياتنا منعرف شو الوضع ....و ما حدا يقول كف عدس....مجلس الشعب تبعنا بعبر عننا ....حتى لو ما نحنا اللي انتخبنا بعبر عننا ...بدو ...نحنا شعب بدوي .....طبعا يمكن انتو تنصدمو شوي...لأنو أكيد انتو اللي هون نخبة هالمجتمع وما عم تحسو انو اللبناني افهم و اوعى ...يمكن لأنو انتو عندكن مستوى وعي وفهم ما بخليكن تحسو هيك.....بس الشعب السوري بالمجمل متخلـــــــــــــــــــــ ـــــــــــــــــــــــــ ـــــف
شعب جاهل ....شعب لا يقرأ ....شعب ما عندو لا مسرح و لا سينما

لك نحنا شعب ما عنا مؤلف روائي.....و اذا طلع شي مؤلف او شي شاعر ..منقتلو ...مندبحو و منحسب الله ما خلقو ....نحنا شعب لهلأ منعتبر التمثيل فلتنة وقلة حيا ....و مع هيك منحب نحضر افلام و مسلسلات !!
نحنا شعب ..........

[Danito]

وحياة الشباب أنا ما كنت بدي علق و شارك بالموضوع مرة ثانية و بالأخص أنو الأخ اللي حاطط الموضوع يعني عم يناقش و يوجه الحديث بطريقة ما بتشجع للمشاركة..
بس كرمالك يا Hashtnasht حابب ناقش بعض النقط معك يعني..

يعني ما بعرف شو دخل القنبلة النووية بالحكي اللي حكيتو انا؟؟؟ إلا اذا كنت بتقيس تمدن و حضارة و ثقافة شعب معين بقدرتو على صنع سلاح نووي ...وقتا بكون بدي اعتذر منك...لأنو ما عندي شي قولو أبداً

يعني هو اللي قصده أنو مافي إنجازات جوهرية بعلوم معقدة و متقدمة بس ما بتصور بموضوع السلاح تحديدا

أنو يعني أنت بتحكي عرب يمنيح و اللبناني بيحكي عربي مكسر ..و مبسوط و مفكر أنك غلبتو واحد صفر !!!!

يعني هي الشغلة مو صراع و تنافس نقاط كل العالم خير و بركة..

أنو يعني بلبنان صار حرب أهلية معناها الشعب هنيك ما بيفهم ...؟؟؟ دخلك شو البلد اللي ما صار فيها حرب أهلية ؟؟؟

أي سمحلي هي الحرب الأهلية شغلة كبيرة و كبيرة كتير و وصمة عار مو بس على اللبنانيين و الفلسطينيين و السوريين (يعني هي كمسؤولية ما يبتحملها الأكثرية) بس يعني هي نقطة عار بتاريخ المنطقة و مو حدث عابر عرفت شلون يعني .. يعني ما هي مستمك من "سوري" على "لبناني" بس هون برجع لنقطتي الأولى أنو كل هذا النوع من الحديث يعني أشبه بحديث ولاد المدارس سيارتنا أحلى و أسرع لاء جدو كان أقوى من جدك..

أنو كل الأدباء و المفكرين و الفنانين اللبنانيين اللي طلعو من شقفة 10000 كيلو متر مربع ما عبو عينك ؟؟
لك نشيدك الوطني اللي هو حماة الديار ...صنع في لبنان !!! ليش بالله ؟؟ غريب ما هيك ؟ مع أنو في نعيم حمدي ....مع أنو في عصمت رشيد !!
نزار قباني سوري ....بس كان ساكن ببيروت ...مدري ليش ؟؟
لك جورج وسوف ....شقفة جورج وسوف ...تارك سوريا و ساكن بلبنان !! ليش ؟
كل الكتب المحرمة و الممنوعة لأسباب ( قذرة ) كانت تطبع و تنشر في بيروت ؟؟ ( قولك لنو هنيك الشعب متخلف يمكن ؟؟؟)

هي الحركة الثقافية لا شك كانت قوية جدا بلبنان و مازالت إلى حد ما حاليا بس مو مثل الأول و حتى هنن بمجال اللغة العربية عندهم بحاثة و جهابذة بس يعني هي الأمور مو حصرية فيهن و أنت نفسك قلتا المبدعين السوريين كانوا يروحوا على لبنان يعني بكلام ثاني البلدين فيهم مبدعين و مواهب بس بلبنان في حرية أكثر و هي النقطة عامل في منتهى الأهمية لظهور المواهب بشكل أكبر و هجرة المواهب إليه.. و الفوضى اللي كانت أبان الحرب كان من فوائدها شبه انعدام للرقابة و بالتالي نشطت حركة الطباعة و التأليف و الترجمة (بس كملاحظة كان ألها مساؤها من قبيل عدم احترام حقوق الملكية الفكرية و السرقات الأدبية و تدني مستوى الترجمة و التعريب بسبب الرغبة في الأسبقية على حساب الجودة) يعني فيك تقول موضوع كبير و ما بيتلخص بسطرين و ما بتم قرائته بشكل مسطح...

أنا ماني فهمان ليش نحنا كسوريين عنا هالنفسية ( الجقمة ) يعني أنو نحنا سوريين و هيك متل الطير النافخ ريشو !!
انت قلي على شو بالله ؟؟

يعني معك حق بهي شغلة نفخ الريش على أساس القومية بس يعني هي مو شغلة سورية اللبنانية رب مين نفش ريشه و على الفاضي... (مو الكل بس يعني نسبة لا يستهان بها أبدا)

أنت ع شو مبسوط بحالك انك سوري ؟؟

هي ما حبيتا منك حبيب يعني الواحد ما لازم يكون متعصب أو عنصري أو متعنجه مهما كانت جنسيته أو عرقه لأن إن كان هيك فهو الدليل على محدوديته و غباءه لكن الواحد ما بيمنع يكون عنده حس انتماء و هادا الحس بيدفع لأنه ياخد من هالانتماء و يعطيه و يفخر بحاله و بانتماءه بمعنى يكون أله هوية (مو بمعنى التعصب و العنجهية)

ا

نت قاعد بروسيا مدري باوكرانيا مشان تجيب شهادة من هنيك ؟؟ غريب !! مافي جامعات بسوريا ؟؟

ليك في طلاب من بلدان كثيرة عم يدرسوا بسوريا حتى بالجامعة كان في معنا طالب ألماني إكستشنج (تبادل طلابي) يعني هادا موضوع طلب العلم شي تاني و بعدين الطلاب اللبنانيين منتشرين بالعالم مع أنه عندم الجامعات الخاصة (الأميركية و غيرها) موجودة من سنين و لعلمك في كثير دكاترة سوريين بيحاضروا بلبنان و الأردن (على سبيل المثال لا الحصر الدكتور إياد الشطي دكتور محاضر بالجامعة الإميركية ببيروت)

يعني مشان الله أخواتي....كلياتنا سوريين و كلياتنا منعرف شو الوضع ....و ما حدا يقول كف عدس....مجلس الشعب تبعنا بعبر عننا ....حتى لو ما نحنا اللي انتخبنا بعبر عننا ...بدو ...نحنا

يعني إذا في وضع سياسي معين و قهر هادا الشي ما بيعيب الشعب يعني نحن شعب مسلوب الإرادة كليا أو جزئيا

شعب بدوي .....طبعا يمكن انتو تنصدمو شوي...لأنو أكيد انتو اللي هون نخبة هالمجتمع وما عم تحسو انو اللبناني افهم و اوعى ...يمكن لأنو انتو عندكن مستوى وعي وفهم ما بخليكن تحسو هيك.....بس الشعب السوري بالمجمل متخلـــــــــــــــــــــ ـــــــــــــــــــــــــ ـــــف
شعب جاهل ....شعب لا يقرأ ....شعب ما عندو لا مسرح و لا سينما

لك نحنا شعب ما عنا مؤلف روائي.....و اذا طلع شي مؤلف او شي شاعر ..منقتلو ...مندبحو و منحسب الله ما خلقو ....نحنا شعب لهلأ منعتبر التمثيل فلتنة وقلة حيا ....و مع هيك منحب نحضر افلام و مسلسلات !!
نحنا شعب ..........

مرة ثانية يعني اسمحلي اعكس نقطتك هون و قلك أنو مو كل الشعب اللبناني هو اللي بتشوفوا على ال بي سي و المستقبل الحقيقة مرة أكثر من هيك بلبنان و الناس الفقير و المهجرين و المهمشين هدول مانون قلال بلبنان و مشاكل الفقر مانها قليلة بس يعني أسابها مختلفة عن سوريا.. و من جهة ثانية لا تحكم على الناس من طريقة عيشها لبسها و همومها لأنو في سوريا في كثير ناس مثقفة و قارئة نهمة و في مناطق نائية و بالرغم من شظف العيش و قلة التسهيلات .. يعني بس أنت عملك جولة بالإنترنت و على المواقع السورية أو اللي يبكتب فيها سوريين مثل الحوار المتمدن و معابر و عشرات المواقع الأخرى و شوف الكتاب و المفكرين السوريين اللي يبكتبوا من سوريا عدا عن اللي عيشين براتها يعني و شوف مستوى كتاباتهم، يعني و إذا بدنا نبلش نعد المفكرين السوريين يعني قائمة طويلة جدا
الملخص : كل شعب عنده مفكرينه و مبدعينه ، أما أنك تلقي أحكام جائرة و مسبقة و تعمم و تقولب .. الخ و هادا الشعب متخلف و هادا متطور يعني هادا الشي ما بيزبط و في ردود أله و خاصة لما عن تحاول تقارن شعبين مثل السوري و اللبناني .. يعني مرة ثانية لا تحكم من خلال اللايف ستايل أو نمط الحياة (الأكل الشرب اللباس) الواقع بيقول كل شعب عنده مشاكل و نقاط ضعفه و هي المقارنة اللي طرحا أحمد نون يعني و بالأسلوب و البنية اللي استعملها يعني حكي جرايد صفرا أكثر ماهو حكي موزون و محاولة لفتح حوار بناء و مصارحة مع الذات..
يعني و بحب قلك أنت بالنهاية سوري و شخصيتك هي نتاج هادا المجتمع و تفاعلك معه و الخ أما تعتبر حالك حالة استثنائية و من النخبة و أن البقية كمجموع مختلفين بشكل جوهري و تصفهم بالتخلف بكلمة واحدة و نقطة على السطر يعني هادا تقييم ذاتي و غير موضوعي
تحية لألك و بتمنى كون وضحت وجهة نظري

[HashtNasht]

الملخص : كل شعب عنده مفكرينه و مبدعينه ، أما أنك تلقي أحكام جائرة و مسبقة و تعمم و تقولب .. الخ و هادا الشعب متخلف و هادا متطور يعني هادا الشي ما بيزبط و في ردود أله و خاصة لما عن تحاول تقارن شعبين مثل السوري و اللبناني .. يعني مرة ثانية لا تحكم من خلال اللايف ستايل أو نمط الحياة (الأكل الشرب اللباس) الواقع بيقول كل شعب عنده مشاكل و نقاط ضعفه و هي المقارنة اللي طرحا أحمد نون يعني و بالأسلوب و البنية اللي استعملها يعني حكي جرايد صفرا أكثر ماهو حكي موزون و محاولة لفتح حوار بناء و مصارحة مع الذات..
يعني و بحب قلك أنت بالنهاية سوري و شخصيتك هي نتاج هادا المجتمع و تفاعلك معه و الخ أما تعتبر حالك حالة استثنائية و من النخبة و أن البقية كمجموع مختلفين بشكل جوهري و تصفهم بالتخلف بكلمة واحدة و نقطة على السطر يعني هادا تقييم ذاتي و غير موضوعي
تحية لألك و بتمنى كون وضحت وجهة نظري

يعني والله ما بعرف شو بدي قلك .....عم تقلي الي انو ما احكم من اللايف ستايل و أنماط الحياة !!!
ليش وين شفتني عم احكم هيك .؟؟؟؟

كل القصة أنو الشعب اللبناني ( بشكل عام ) أكثر رقي و ثقافة و تحضر و تمدن من الشعب السوري ( بشكل عام ) ..و هاد واقع ...قبلنا أو رفضنا ما رح يغير شي من كونو واقع الا أنو اذا قبلنافي منكون موضوعيين و واقعيين ..و اذا رفضنا منكون فوق تخلفنا شعب خيالي . مع العلم أني نوهت من قبل أنو الثقافة و التحضر و التمجن ما بتنقاس بمقياس الشاروخ أو السترينغ ...مع أنو ممكن يكونو احد المقاييس و المعايير .....بس انت خود الطريقة اللي بدك ياها لتقيس مدى تقدم و تحضر و تمدن ...و الخ لشعب معين و قارن ..ولا تزعل
أنو ليش كتير مستصعبين الموضوع ...ما غالبية شعوب العالم فوقنا بسلم الرقي و التحضر....وقفت ع اللبنانية يعني ؟؟؟؟؟ غريب و الله !!!

[Danito]

مثل ما بدك.... بس......

[احمد ن.]

عندما يسألني شخص ما: "هل انت سوري؟". و الله صدقوني، اشعر و كأن هذا الشخص يسألني: "هل انت متخلف؟"، أو أشعر و كأن هذا الشخص يقول لي: "يا حرام عليك، فقير معتّر". ولا اعلم لماذا و بعد سؤال هذا الشخص لي أتذكر هذه العبارة: "بالروح بالدم نفديك..." و هذا للأسف الشديد.
السوري سوري و اللبناني لبناني.
فعندما نرى كيف اللبناني يعيش، تتجمد الدماء في عروقنا.
عندما نرى هذه الجنة الصغيرة لبنان و نلتفت لنرى بلادنا العربية الواسعة كيف هي صحراء و عاجزة عندها نكفر و نلعن هذا الانصاف.
عندما نرى اللبناني او اللبنانية على شاشة التلفزة، نشتعل و نسأل: ونحن و نحن؟
عندما نرى الثلج الابيض على جبال لبنان - نتمنى باحراق نفطنا الاسود.
عندما نرى ارزة من ارز الرب، نركض و نصرخ: "نحن ايضا لبنانيين نحن ايضا لبنانيين".
عندما نرى ان كلمة صغيرة من اغنية لفيروز او من كتاب لجبران تساوي جميع ما غنى و كتب باللغة العربية - نلعن انفسنا.
وهذا كله نراه فقط بيننا و بين انفسنا نحن السوريين، وعندها نتمنى الانتحار.
فهيا يا احبائي انزعوا هذا الحجاب، حجاب الخوف حجاب العجز حجاب عدم الثقة بالنفس فعندها نصبح و لحد ما - لبنانيين.

[Willi]

هاشت ناشت
سؤال اذا بتريد

شو هيي الحضارة والرقي وال وال وال وال............ اللي عم تحكي عنهون
مو مشان شي
بس مشان اعرف اذا كلامك صحيح او لاء
ومشان اعرف كيف بدي رد عليك
يعني عطيني امثلة




اما بالنسبة لاحمد ن

بالصيفية يا حبي بدي اخد الجنسية الاميركية وانا معي الجنسية السورية واللبنانية
بس رح اتخلى عن الجنسية اللبنانية لان ما بتهمني

انا ممكن قلك انو لبنان فيها نوع ما من الرفاهية اكتر من سورية
فوقت كنا صغار
كنا نروح على لبنان مشان نلعب بمدينة الملاهي او نروح نحضر سيرك او نشعل فتيش على راس السنة
هيك بقلك انو بهاي لبنان احسن من سوريا

بس اما تقلي ثقافة فبقلك لاء والف لاء
الشعب اللبناني منتوف عايف حالو
اكتر من نصهون ما بيعرفو يقرو
وبجوز تلات ارباع الشعب اللبناني مهاجر لبرات لبنان

هلق بدك تقلي انو السوريين كمان مهاجرين
بس مو قد لبنان


بعدين متل ما قلتلك ما تعمم حكيك على الشعب السوري كلو
لان اذا انت مبعوص من اللبنانية فهاد الشي بيرجعلك الك لحالك



انا عايش باميركا
في حواليي تقريبا شي 30 عيلة سورية
25 رجال من هالعيل دكاترة طبعا كل شخص باختصاص شكل
هاد بالنسبة لرأس العيلة
غير عن الولاد الشباب او البنات
في 7 من هدول العيل النسوان كمان دكاترة
للمعلومات انو معظمهون دارس بسوريا ومخلص وراجعين عايدنها باميركا

هدول السوريين باميركا

[Joe]

كاتب النص الأصلي : احمد ن.

عندما يسألني شخص ما: "هل انت سوري؟". و الله صدقوني، اشعر و كأن هذا الشخص يسألني: "هل انت متخلف؟"، أو أشعر و كأن هذا الشخص يقول لي: "يا حرام عليك، فقير معتّر". ولا اعلم لماذا و بعد سؤال هذا الشخص لي أتذكر هذه العبارة: "بالروح بالدم نفديك..." و هذا للأسف الشديد.
السوري سوري و اللبناني لبناني.
فعندما نرى كيف اللبناني يعيش، تتجمد الدماء في عروقنا.
عندما نرى هذه الجنة الصغيرة لبنان و نلتفت لنرى بلادنا العربية الواسعة كيف هي صحراء و عاجزة عندها نكفر و نلعن هذا الانصاف.
عندما نرى اللبناني او اللبنانية على شاشة التلفزة، نشتعل و نسأل: ونحن و نحن؟
عندما نرى الثلج الابيض على جبال لبنان - نتمنى باحراق نفطنا الاسود.
عندما نرى ارزة من ارز الرب، نركض و نصرخ: "نحن ايضا لبنانيين نحن ايضا لبنانيين".
عندما نرى ان كلمة صغيرة من اغنية لفيروز او من كتاب لجبران تساوي جميع ما غنى و كتب باللغة العربية - نلعن انفسنا.
وهذا كله نراه فقط بيننا و بين انفسنا نحن السوريين، وعندها نتمنى الانتحار.
فهيا يا احبائي انزعوا هذا الحجاب، حجاب الخوف حجاب العجز حجاب عدم الثقة بالنفس فعندها نصبح و لحد ما - لبنانيين.

عن جد مشتهي لحسك شي شغلة دسمة بس مستحي احكي هون

خلص و الله منعرف انك لبناني... عن جد قفشناك... يعني و الله انا بحب لبنان و اللبنانيية و بعتبرهم ولاد عم و أهل... بقى حباب ما تكرهني فيهم و انقلع من الأخوية و انقلع من سوريا دوت كوم

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -