مرسوم بتجريد "فريد الغادري" من الجنسية العربية السورية

[صياد الطيور]

أصدر السيد الرئيس بشار الأسد المرسوم رقم /362/ تاريخ 30/8/2007 الذي قضى في مادته الأولى أن يجرد المواطن فريد الغادري بن نهاد والدته إنصاف تولد 1954 – حلب المسجل في السليمية خانة /430/ الشعبة الأولى الرقم الوطني /02010226442/ من الجنسية العربية السورية.
وجاء هذا المرسوم بتجريد الغادري من جنسيته السورية بعد الزيارة التي قام بها إلى كيان العدو الصهيوني وإلقاء كلمة أمام الكنيست وإبداء مواقف مناهضة لوطنه الأصلي سوريا واستعداء الدول ضدها ... كما صرح مؤخراً بأن التغيير في سوريا غير ممكن دون مساعدة الولايات المتحدة الأمريكية وإسرائيل ، مما يدل على مدى مستوى الخيانة التي وصل إليها وعدم احتفاظه بأي مشاعر وطنية أو قومية أو إنسانية .
ونلف النظر إلى أن المواطن السوري الدكتور ابراهيم سليمان كان قد سبق له زيارة كيان العدو وإظهار مواقف مناهضة للسياسة المعلنة للحكومة السورية وصدرت عنه أقوال تدخل في باب توهين عزيمة الأمة وقبول التنازل عن قسم من الأرض السورية المحتلة ، وحركت بحقه دعوى جزائية منظورة حالياً أمام قاضي التحقيق بطرطوس .

[ABO SUHAIL]

هلق انو بس سؤال صغير
اذا واحد سوري راح عاسرائيل بتتجرد من جنسيتو
اما بس هادا لانو حكا حكي ضد سوريا وبدو مساعدة امريكا واسرائيل ومن هالقصص التاني؟

[BL@CK]

فريد الغادري نزل من أعين السوريين على اختلاف انتمائاتهم السياسيّة .. ببساطة لأنو خائن ..

و للأسف ما استفاد من التاريخ أنو اسرائيل بتستفيد من الخائن و بعدين بتكبّو لإني اللي بخون بلدوه معد عندوه شي غالي ..

مرسوم موّفق ..

شكراً عمي صياد عـ نقل الخبر ..

[Government]

عيييييب ..

[BL@CK]

كاتب النص الأصلي : ABO SUHAIL

هلق انو بس سؤال صغير
اذا واحد سوري راح عاسرائيل بتتجرد من جنسيتو
اما بس هادا لانو حكا حكي ضد سوريا وبدو مساعدة امريكا واسرائيل ومن هالقصص التاني؟

عمي أبو سهيل أنا بالنسبة الي كـ سوري ممكن ما يكون عندي مشكلة تجاه زيارتو لاسرائيل . أخي وين بدو يروح ..

بس أمّا يتنازل باسم السوريين عن الجولان لأسرائيل ( فالجولان لا ملكو و لا ملكي و لا ملك أي بني آدم ملك أهلا و بس و هي حزء لا يتجزأ من سوريا )

و فريد الغادري بصفتو مثقف سوري عم يعطي شرعيّة لأمريكا تفوت على هالبلد

وصمة عار عالمعارضة و الموالاة و السوريين بشكل عام ..

يمكن بنفع لمعارضة عراقيّة أما كـ معارضة سوريّة ما بتوقع بلزم هالأشكال ..

[ASH]

كاتب النص الأصلي : BL@CK

فريد الغادري نزل من أعين السوريين على اختلاف انتمائاتهم السياسيّة .. ببساطة لأنو خائن ..

و للأسف ما استفاد من التاريخ أنو اسرائيل بتستفيد من الخائن و بعدين بتكبّو لإني اللي بخون بلدوه معد عندوه شي غالي ..

مرسوم موّفق ..

شكراً عمي صياد عـ نقل الخبر ..

ماعندي شي زيدو عن حكي بلاك ، لانو ببساطه التاريخ لح يذكرو على انو خائن على جميع الاصعده و الدول
هاد لو نذكر من الاساس

[maged-syrian]

فريد الغادري الى مزبلة التاريخ ....

[Schnitzer]

هلأ يعني انا والله بستغرب منون هدول اللي بروحو على اسرائيل ..
هلأ فهمنا ...بجوز يكون متدايق ..من الفساد من الرشوة ..من عدم النظام ..يعني ..في كتير اشياء ممكن نقول انو هي اللي خلتو يعمل هيك ..
بس اننو يعني يروح على اسرائيل ...و يقول اننو التغيير غير ممكن الا بالاستعانة بالولايات المتحدة ...؟؟!!!!

يا الهي ..لك فرضا ..لنقول اننو ساعدوه و ردو عليه ..و قامت حرب ."تغيير " بناءً على طلبو ...
لك ما فكر ...ما شغل مخخو ..انو هدول الللي رايح لعندهون .. ليش رح يساعدوه ؟ ..كرمال سواد عيونو ..لك ما خطرلو انو لما رح يجو ع سوريا ..ممكن يخربولو بيتو و يقتلولو ولادو ..ولا فكر اننو رح يصرلو حصانة الو و لرفقاتو و لقرايبينو ...و معارفو
اااااااخ ..لك هادا كيف بيفكر .
.
و انا واثق اننو لو كانت وصلانتو قصة الجاسوس "العدل " ما كان عمل هالعملة الغبيه ,,لك والله عمتجيني الضحكة مننو !!!

هللأ هادا بسام العدل طار بطيارة ميغ 23 من سلاح الجو السوري الى الكيان الصهيوني , يعني باع اسرار حربية .. استفدا اول شي .. يعني عاش عيشة هنية ...بس من فترة قريبة ...صعقت بخبر ...اننو هلأ هو عايش بالحاويات باسرائيل ..لأنو الحكومة الصهيونية ما عمترضا تشغللو ...لك كيف بدها تشغل واحد خان و طنو و اهلو ..لك يلعن شرفو ....اذا خان و طنو ...اكييييييييييد كتير سهل يخون الغربا ...المهم ..
هادا من لما بطل شغل ..و بطل حدا يحويه ..صار يعيش عالقمامة ..فمره و احد اسرائيلي .شافو و عرض عليه 100 دولا مقابل اننو يحرق سيارة اسرائيلي تاني في بينوو و بين الاول مشاكل ..
دورو على قصتو ...فعلا عبرة ...

[MadMax]

كاتب النص الأصلي : ABO SUHAIL

هلق انو بس سؤال صغير
اذا واحد سوري راح عاسرائيل بتتجرد من جنسيتو
اما بس هادا لانو حكا حكي ضد سوريا وبدو مساعدة امريكا واسرائيل ومن هالقصص التاني؟

طيب اذا زيارة دولة عدوة ....
و طلب احتلال البلد ......و التنازل عن الارض ( يللي العالم كلو بيعترفلنا فيها )
ما بيندرج تحت بند الخيانة الوطنية
شو لازم يعمل الواحد ليعتبروه خاين ..؟؟

[*Marwa*]

نعم نعم يجب تجريده من جنسيته السوري لانه خااااااااائن ..اما هو اكل بهدلة مزبطة من احمد الطيبي

[عطر سوريا]

هلئ لازم نحكي انو هال( تووووووت ) الغادري خاين ما ختلفنا بس يلي بدنا نختلف عليه شو السبب يلي خلاه يطلع ويحكي هيك ؟ خلونا نحكي شو هو الحل لنمنع غيرو من هالحكي خلونا نحكي كيف بدنانعمل لحمة وطنية داخلية خلونا نفكر كيف بدنا نبنبي هالوطن ايد بأيد مو بس بكلمة بنحكيها ( بنجبك ) لتبني هالوطن اكيد لا نحن يلي بنحب هالوطن وبس

[ABO SUHAIL]

كاتب النص الأصلي : BL@CK

عمي أبو سهيل أنا بالنسبة الي كـ سوري ممكن ما يكون عندي مشكلة تجاه زيارتو لاسرائيل . أخي وين بدو يروح ..

بس أمّا يتنازل باسم السوريين عن الجولان لأسرائيل ( فالجولان لا ملكو و لا ملكي و لا ملك أي بني آدم ملك أهلا و بس و هي حزء لا يتجزأ من سوريا )

و فريد الغادري بصفتو مثقف سوري عم يعطي شرعيّة لأمريكا تفوت على هالبلد

وصمة عار عالمعارضة و الموالاة و السوريين بشكل عام ..

يمكن بنفع لمعارضة عراقيّة أما كـ معارضة سوريّة ما بتوقع بلزم هالأشكال ..

عراصي خيو بلاك عالرد الحلو

انا ماني زعلان بنوب انون جردو من الجنسية لانو حرام هيك واحد ينقال عنو سوري
وانا بخجل من حالي اذا كانت جنسيتي نفس جنسيتو
يعني انا من وقت ما صغير واسا ما بفهم .. واسا قبل ما بلش اعرف اني بحب اهلي .. كنت بكره اسرائيل ..
ومن وقت ما بلشت افهم بعرف انو اول هدف لكل واحد سوري هوي يحرر هالقطعة الارض الي اخدتا اسرائيل ( ما بدي كل فلسطين في عالم مشكلتون هديك , بس انو الجولان لازم يرجعلنا لو صار شو ما صار . وبغض النظر كيف وايمت )

وانا للحقيقة اذا شي يوم من الايام شفتو لهالزلمي بالطريق ( ما كنت بعرف شكلو قبل بس هلق شفت صورتو ) اول شغلة بعملة ببزق عليه

والي محيرني بالموضوع كمان انو ليش لحتى اسرائيل تستقبلو ؟ يعني هيي بتعرف انو معارض , وبعتقد انو ما كتير صعب عليها انو تعرف انو كل الشعب عنا ( بغض النظر شو وجهتو السياسية ) بيكره هالزلمي للعضم! فشو كان بدا منو ؟


بس خيو برجع مرة تاني عالسؤال الاول الي سألتو
اذا مواطن سوري عادي ( يعني متلي او متلك او متل عبد الصمد ) راح عاسرائيل ( كزيارة بلد ومدن ومناطق اثرية ومن هالشغلات , يعني ما زيارة سياسية مشان يحكي فيا عن انو اسرائيل وامريكا هني القوتين الوحيدتين الي ممكن يأنقظونا .... ومن هالعلاك الفاضي ) فكمان وقتا رح يتجرد هالمواطن من جنسيتو السورية؟
هلق انا بعرف اذا شي واحد اجنبي ( بغض النظر منين جاي ) وفي عجوازو السفر ختم اسرائيلي فمعد مسمحلو يفوت الاراضي السوري.. طب اذا واحد سوري شو بيصير في؟

[ABO SUHAIL]

كاتب النص الأصلي : Madmax

طيب اذا زيارة دولة عدوة ....
و طلب احتلال البلد ......و التنازل عن الارض ( يللي العالم كلو بيعترفلنا فيها )
ما بيندرج تحت بند الخيانة الوطنية
شو لازم يعمل الواحد ليعتبروه خاين ..؟؟

ماد انو انا ما كان قصدي بالسؤال هادا الزلمي بزاتو

ووضحت وجهة نظري بالموضوع بالرد الي فوق مباشرة

[Barleb]

سواء ان طلع المرسوم ولا ما طلع .. الشعب السوري على اختلاف طوائفه و انتمائاتنه و توجهاته .. متبري من الغادري ..

[بنفسجة]

خرجو
ويارب كل خاين يصير فيه هيك ويصيرو لاجئين عند العدو متل قوات جيش لبنان الجنوبي تبع لحد

[Reemi]

.

كاتب النص الأصلي : Barleb

سواء ان طلع المرسوم ولا ما طلع .. الشعب السوري على اختلاف طوائفه و انتمائاتنه و توجهاته .. متبري من الغادري ..

[BL@CK]

كاتب النص الأصلي : ABO SUHAIL

بس خيو برجع مرة تاني عالسؤال الاول الي سألتو
اذا مواطن سوري عادي ( يعني متلي او متلك او متل عبد الصمد ) راح عاسرائيل ( كزيارة بلد ومدن ومناطق اثرية ومن هالشغلات , يعني ما زيارة سياسية مشان يحكي فيا عن انو اسرائيل وامريكا هني القوتين الوحيدتين الي ممكن يأنقظونا .... ومن هالعلاك الفاضي ) فكمان وقتا رح يتجرد هالمواطن من جنسيتو السورية؟
هلق انا بعرف اذا شي واحد اجنبي ( بغض النظر منين جاي ) وفي عجوازو السفر ختم اسرائيلي فمعد مسمحلو يفوت الاراضي السوري.. طب اذا واحد سوري شو بيصير في؟

أول جزء حكيتو متفقين عليه الجميع ..

أما الجزء الثاني ..

هذا يا معلم عم تقول مواطن سوري عادي هـممممم .. طيب هالمواطن السوري العادي لمّا بدو يسافر عـ اسرائيل بدو فيزا اسرائيلية و نحنا سفارة اسرائيلية ما في عنّا .. لذا ما بيقدر يروح .. من أصلوه ...

أمـّا يكون خارج البلد ف هالشي ما عندي فكرة .. منبحبش و منرجع ..

[BL@CK]

كاتب النص الأصلي : بنفسجة

خرجو
ويارب كل خاين يصير فيه هيك ويصيرو لاجئين عند العدو متل قوات جيش لبنان الجنوبي تبع لحد

إلي شي ربع ساعة عم دير النظر و فكّر في هالدعوة مدري ليه حسيتا كتير لئيمة ..

باعتبارك معروفة بوّطنيتك حتى الصميم كان فيكي تدعي دعوة أحلا .. ( مدري الله بتسجيبون لمّا لأأ . )

كان فيكي تقولي " الله لا يحيج حدا يخون بلدوه " أو "الله لا يجعل طريق شي شب متل طريقوه" أو .. أو ..

أنو عم تدعي و عم تدعي جعليّا دعوة بالخير ..