حجبوا الفيس بوك

[الراصد السوري]

كاتب النص الأصلي : ظل جيفارا

يا سيدي ما تحكي بهالطريقة لإنو بيصير عندي غثيان
يعني بتتوقع الحجب كله بس لأسباب تقنية تكنولوجية
أبدا مو معقول
انا عازمك ع سيجارة حشيش يا أيها الراصد
بس مشان تشوف الدنيا صح اكتر بشوي أو خلينا نغير الكلمة ونقول مشان تشوف الحياة من منطلق تاني
شكرا إلك

لا شكرا أنا تركت التحشيش إلك خلي إلك ولغيرك يلي من رأيك

[ظل جيفارا]

وعقبال ما يحجبوا الهاي فايف hi 5

باعتبارك احد الراصدين لحركة الكفار وطنيا على الإنترنت ليش ما بتقلهن يحجبوا الإنترنت كله ؟
بصراحة ازبط شي

[L.A.]

أخي كل شخص مبسوط بالحجب لا ايفوت انترنت بالمرة
حدا ما جبروا ايفوت و ايقول :يا سلام مافي شي بيفتح
بينبسط لما بتطلعلو الرسالة

ERROR
The requested URL could not be retrieved
Access Denied

[Oabazeed]

because the governmen has nothing to do.

[herosyria]

dsgl,,,,

[طونيTonny]

لك مشكور ماجد الورد برنامج خيلة ويعطيك الف عافية
بصراحة انا ستخدمتو لكسر حجب المواقع السياسية المحجوبة
والمواقع العلمانية كمان
وبالنسبة للراصد السوري
انا بأيد رفيقي زياد على كل كلمة قالها
ويعطيك العافية يا راصد
بس من راصد الناس
مات وهوة عم يراصد
وضلك عم ترصد ها امانة
والامانة غالية
ووطنا غالي


وبالأخير شو بدنا نئول غير الشكر لألك اخ ماجد
والله يكبر عقول امثالك يا راصد يا سوري
بس بحس انو اسم سوري مو لابق لأسمك
لانو يلي بيكون عندو وطنية
وانتماء وطني
لازم يكون مآمن بوطنو
وبشعب وطنو
وبحق شعب هالوطن بالحرية المطلقة بإتخاذ القرار
وازا الانترنت حكي فاضي
ليش فايت لتراصدو
لهالحكي الفاضي
إلا ازا كان مخك فاضي
اكتر من هالحكي الفاضي
يا راصد يا فاضي

[الراصد السوري]

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

صح النوم حبيب الموضوع إلو زمان كتير ... بس أنت مغير أسمك وبعرف انت مين

وبعدين يا سيدي أنا ما طلبت رأيك لتقول شو هو يكون أسمي أنا سوري وبيكفي اني بحب وطني

ومابيهون ينحكى شي غير دقيق على وطني ... وللحديث بقية معك يا

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

سأعود إليك

[الراصد السوري]

وبالنسبة لبرنامج ماجد فهاد برنامج كتير كنا من زمان نستخدمه في النت الإتصالات 190

والقريق التقني والمهني كان يستخدموا .. بس في ثغرة داخله بتوصلنا لعندك

[yass]

كاتب النص الأصلي : الراصد السوري

وبالنسبة لبرنامج ماجد فهاد برنامج كتير كنا من زمان نستخدمه في النت الإتصالات 190

والقريق التقني والمهني كان يستخدموا .. بس في ثغرة داخله بتوصلنا لعندك

صديقي ممكن سؤال لو سمحت؟

على اعتبار شفت انو حضرتك مجال عملك هوي على حسب ما فهمت

دائرة ومراقبة الإتصالات ( إدارة الإنترنت والمعلوماتية )

حابب أسئلك مين الجهة اللي حجبت موقع أخوية و بأي سلطة

كمان حابب أسئلك عن الطريقة اللي تخترق فيها حضرتك الحجب اذا ما عندك مانع

[Nabilove]

يعني برنامج hid ip يسمح للدخول للمواقع المحجوبة لانه يعطيك اي بي لدولة اخرى كامريكا او الصين.... وكمان يمنحك خاصية انه يصعب تعقب اثرك على الشبكة العنكبوتية لكن مشكله هو عدم فتح المسنجر اي يجب مغادرة البرنامج اذا كنت تريد استعمال المسنجر

[طونيTonny]

لاء وحياتك يا راصد يا سوري

سمحلي قلك انت غلطان وانا سوري"آسف"
بس انا فتت ع الموقع صدفة
ومن دون ئصد الغوغل شلفني شلفة
لجيب البرنامج يلي بيفتح الفيس بوك
واليو تيوب والمواقع المحجوبة ئشة لفة
ولقيت ردك السخيف
واسلوبك المخيف"مخابرات"
وردك العنيف
ف ما ئدرت ضلني خرسان
وعن كلامك كون عميان
ف رديت هالرد البسيط
وازا بدك في كلام
مزعج اكتر واكتر سليط
بس خليني ساكت يا صاحبي
لانو مو حلوة مني رد ع إمعة
وادخل معك بهيك معمعة
لانو متل ما قالوا أسلافنا
"ما ناقش جاهلا ً إلا وغلبني"
سلامز

[الراصد السوري]

يعني مالي عرفان شو رد عليك أو أضحك او أبكي على واحد من بلدي عم يحكي هيك

[yass]

كاتب النص الأصلي : الراصد السوري

يعني مالي عرفان شو رد عليك أو أضحك او أبكي على واحد من بلدي عم يحكي هيك

لو سمحت أنا سألت حضرتك اعتقد باحترام و تجاهلتني... عندك مانع ترد علي لو سمحت؟

[BL@CK]

كاتب النص الأصلي : yass

لو سمحت أنا سألت حضرتك اعتقد باحترام و تجاهلتني... عندك مانع ترد علي لو سمحت؟

اي و بطريقو يرد على سؤالي ..

باعتبارك عم تضرب على ربنا وطنيّات و قوميّات , كيف حضرتك عم تفوت على موقع ممنوع من قبل أمن الإتصالات ..

مالك ملاحظ حضرتك بهالتصرّف عم تخالف القوانين .. و عم تخرق الحجب ..

ف كيف عم تكسر البروكسي و تفوت .. كأنك عم تناقض حالك من دون ما تحس ..

[yass]

كاتب النص الأصلي : BL@CK

اي و بطريقو يرد على سؤالي ..

باعتبارك عم تضرب على ربنا وطنيّات و قوميّات , كيف حضرتك عم تفوت على موقع ممنوع من قبل أمن الإتصالات ..

مالك ملاحظ حضرتك بهالتصرّف عم تخالف القوانين .. و عم تخرق الحجب ..

ف كيف عم تكسر البروكسي و تفوت .. كأنك عم تناقض حالك من دون ما تحس ..

بيجوز في "ثغرة" لأنو يبدو او مهتم جدا "بالثغرات

[maged-syrian]

لك مشكور ماجد الورد برنامج خيلة ويعطيك الف عافية

أهلين عمي طوني ... والله ماقمنا غير بالواجب ... ونحنا بخدمة الطيبين أمثالك

أنا سوري وبيكفي اني بحب وطني

على حب النبي حاج تضرب علينا وطنيات ... عليي الطلاق بالتلاتة عرفنا انك سوري وبتحب وطنك وبترصد ابناء سوريا الغير مخلصين

وبالنسبة لبرنامج ماجد فهاد برنامج كتير كنا من زمان نستخدمه في النت الإتصالات 190

والقريق التقني والمهني كان يستخدموا .. بس في ثغرة داخله بتوصلنا لعندك

الله اكبر والنصر للأمة العربية
أمة عربية راقصة ... ذات رسالة ناقصة
أهدافنا ...
حجب ... البحث عن ثغرة ... الوصول لعندك
عهدنا ...
أن نسحق المعلوماتية التي لاتصب في مصلحة الفريق التقني والمهني والأمن المعلوماتي ومن عليها
وأن نسحق ....
أداتهم المجرمة ... منتديا الرأي الحر العميلة ... واليوتوب والجوجل ايرث ... والفيس بوك
مابدنا نكمل حاج لهون وبس

باعتبارك عم تضرب على ربنا وطنيّات و قوميّات , كيف حضرتك عم تفوت على موقع ممنوع من قبل أمن الإتصالات ..

مالك ملاحظ حضرتك بهالتصرّف عم تخالف القوانين .. و عم تخرق الحجب ..

ف كيف عم تكسر البروكسي و تفوت .. كأنك عم تناقض حالك من دون ما تحس

هو الزلمة أهدافو وطنية .... عم يفوت على هاد الموقع العميل الخائن .. ليبحث عن ثغرات مشان يوصل لعندك

[chicagolover]

شباب ال facebookoxy
انحجب من عن ال adsl
و لما بفتحو من موقع

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

ما بيشتغلوا ال applications
يعني كأنو ما عملنا شي
الامر لالله
يا معين............

[ظل جيفارا]

في برنامج وصلني بيفتح اي موقع محجوب بس مشكلته انو بيضرب اي شي اسمه بروكسي يعني بدكن تديروا بالكن انتو وفاتحينه من الفيروسات .
رح نزله بالمرة الجاي
تحياتي الحارة
ظل جيفارا