حجبوا الفيس بوك

[Willi]

الفيس بوك شغال عندي كتيير تمام والهاي5 كمان بس يمكن ما عم يفوت بس بسوريا؟

ههههههه صح النوم

[hanny dagher]

كاتب النص الأصلي : Abu Guzef

هامش*
555وين طار دورها دور

كلو منك انتي السبب

بما انو انطرح موضوع دورها دور هون وبعد الاعتزار من مادماكس انشالله ما يوصل حد ال "ماد" تبعو لل "ماكس" بسبب خروجنا عن الموضوع الاصلي بس حبيت خبر الشب والصبية اللي عم يسألو عن موضوع دورها دور انو اختفى حاليا للتنسيق وانو عدد الصفحات رح ينكمش الانكماش العجيب يعني يرجعو ابو عشر صفحات بس وينحزفو كل الردود "السخيفة" اللي كانت تنزل بهالموضوع فبس يرجع الموضوع (وهون الحكي للكل مو بس للشب والصبية ) رجعو دورو على مشاركاتكن واذا لقيتوهن محزوفين فعرفو انو مشاركاتكن "سخيفة" ومو خرج تنزل بموضوع دورها دور ويفضل انو معد تدخلو علي ومعد تتحفونا بمشاركاتكن

منرجع لموضوعنا
طبعا اليوم قبل ما ينزل هالموضوع سمعت انو انحجب الفيس بوك لكن بنفس الوقت كان في انواع من الاتصالات عم يشتغل عليها ما بعرف متل شو (لانو بلاك كان عم يخبرني انو شغال عندو بنفس الوقت يامن كان مو شغال ) فما بعرف اذا بهالفترة الجاي رح ينحجب عن كل الاتصالات

انو السؤال الذي يطرح نفسو على اي اساس عم يتم حجب هالمواقع
يعني شو الشغلات المو منيحة فيهن اللي عم يسبب لحجبن ؟
يعني مثلا اخوية انو مشينا معاهن وبلعناها انو بسبب الحكي وبسبب الكاريكاتيرات (يعني مو مبلوعة القصة بس انو عم نساير )
بس مثلا الفيس بوك ليش انحجب بسوريا لانو في غروب اسمو "free Syrian youth" اللي بيحكي عن المعتقلين او مثلا لانو في غروب اسمو "only in Syria" واللي في صور بتضحك عن الشعب السوري
او لانو مثلا في غروب اسمو "Akhawia" وهني الشباب ملاحقين كل شي في اسمو اخوية

انو عم حاول لاقي سبب مقنع لهالقصة ما طلع معي غير لانو في هالكم غروب فاللي بيعرف شي زيادة يفيدنا

[ASH]

هلأ شو الحكمه الله لحالو بيعرف هوه و وزير الاتصال ..

ليكونو خايفين من العري يلي بالصور الموجوده عليه طيب مثلا يعني

كاتب النص الأصلي : hanny dagher

اعود واكرر واقول عقبال الام اس ان والياهو

الف مبروك شباب

ليش ما بتتزكر اول النت بسوريا هدول القصص كان يلي بيفتحها يعتبر نابغه بالكمبيوتر و النت ولو

[كولومبوس]

إن ويعني ليش بدكو يخجبوا هالمواقع

هي كلا الشغلة تسلاية بتسلاية

[hanny dagher]

كاتب النص الأصلي : كولومبوس

إن ويعني ليش بدكو يخجبوا هالمواقع

هي كلا الشغلة تسلاية بتسلاية

نحنا بدنا نحجب هالمواقع

ما هني حجبوهن وخلص بدون ما ياخدو راينا

[Reemi]

كاتب النص الأصلي : ASH

هلأ شو الحكمه الله لحالو بيعرف هوه و وزير الاتصال ..

خدها مني حتى وزير الاتصالات يمكن ما بيعرف..

حاسسني قلبي رح يحجبو سانا كمان شوي

[phoenixbird]

لا الفيس بوك مفتوح عندي عادي

[hanny dagher]

كاتب النص الأصلي : phoenixbird

لا الفيس بوك مفتوح عندي عادي

حسب الاتصال وحسب اذا عندك real ip او لاء

[ASH]

كاتب النص الأصلي : Reemi

خدها مني حتى وزير الاتصالات يمكن ما بيعرف..

حاسسني قلبي رح يحجبو سانا كمان شوي

ليش هنه صار عندهم موقع سانا انا مفكر لسعتهم مقضينها هيك ...

دخيلك حكيلي امتى لح يحجبو كل شي مواقف و يفتحو النت لكش الدبان

[MadMax]

كاتب النص الأصلي : hanny dagher

انو السؤال الذي يطرح نفسو على اي اساس عم يتم حجب هالمواقع
يعني شو الشغلات المو منيحة فيهن اللي عم يسبب لحجبن ؟

السبب ... انو هالجماعة ..... عم يحاولوا ينضموا لشي مجموعة ...... بس ما حدا عم يقبلهون
قاموا حجبوا الموقع جكر و نكاية

[MadMax]

كاتب النص الأصلي : Reemi

خدها مني حتى وزير الاتصالات يمكن ما بيعرف..

مو يمكن .... أكيد.... ا
لوزير صرح أنو ما الو علم بكل هالقصص

شوفي هاللينك

http://www.alakhawia.com/showthread.php?t=85986

[marioma alghzayala]

لانو بلاك كان عم يخبرني انو شغال عندو بنفس الوقت يامن كان مو شغال

وانا هيك ...بلاك كان شغال عندو..وابو نهلة عم يقلي انحجب...

كمان مبارح رفيقتي ..عندا محجوب ورفيقا بالشام قدر يشوف المسج تبعا ..يعني مدري شو القصة...

[phoenixbird]

لا هاني جربته الصبح بحمص ما فتح بس بالشام هلا فاتح معي تمام تمام

يمكن حسب الخطوط

[COSTA]

يعني هلأ ما عاد فينا نلعب POKER

[phoenixbird]

مبارح واليوم الصبح بحمص ولا محل فتح فيه الفيس بوك ولا حتى اخوية
بس هلا من ميغا نت عم تفتح عندي عادي

[*Marwa*]

غريب وضع المواقع عندكم

بس انو معلش انحجب الفيس بوك انتقلوا عال myspace

[marioma alghzayala]

بالله ..

[*Marwa*]

كاتب النص الأصلي : marioma alghzayala

بالله ..

شو في