ابو صطيف المشهور

[طنش تعش]

مرة في واحد اسمو ابو اصطيف راح هاد واشتغل عند ميكانيكي
وبيوم من الأيام قال لصاحب الورشة انا بعرفوا لمختار الحارة قام قلوا صاحب الورشة خراس وروح على شغلك,وبعد كم يوم واذ بمر المختار من قدام الورشة وبيشوف ابو اصطيف وبيروح لعندوا ركييد
وبيسلم عليه وبحوشو ومن هل حكي المطعوج , المعلم بيستغرب وبيندهش وبيروح المعلم صاحب الورشه بسلم ابو صطيف الشغل بالورشة
وبعد كم يوم كمان بيقللو للمعلم انا بعرفو للوزير , برد عليه المعلم وبيقلوا لا هي تقيلة وصعبه شوي ,وبعد كم يوم واذ بيشرف الوزير عالورشة وبسلم عاابو صطيف وبعاتبو ,وبيروح بينصرع صاحب الورشة وبقلو لأبو صطيف خيو انا رح زوجك بنتي ورح اتركلك الورشة تتصرف فيا.
وبعد مامضي كم يوم بيروح ابو صطيف لعند صاحب الورشه الي صار عمه وبيقلو لك صاحبنا بوش صرلي زمان ماشفتوا بيقللوا عمه لك خلص بقى حيج تسلبى علينا
وبيطلب ابو صطيف من عمه يروح معو لعند بوش لحتى يعّرفوا فيه:
هدول سافروا وراحوا اميركا ,ووقفوا قدام البيت الأبيض, وقال ابو صطيف لعمه ليك البيت الابيض هلق رح اطلع انا وبوش عالشباك ونهويلك, والله ماكذب خبر هاد طلع وصار يهويلو ,وبعد حوالي شي كم دقيقة بيروح عمه بيغمى وبيوقع طب على وشو وبياحدوا عالمشفى,وبعد مايصحصح من الجلطة الي صابتو بيقلو ابو صطيف :يازلمه واله مانا محرزه كرمال شوفتي مع بوش انك تغمى وتنجلط بقلو عمه لك انا مامنشان هيك انجلطت هيدا لما كنت واقف انت والرئيس عم تهوولي
واذ بيجي اتنين لعندي وبيقلولي مين هالجحش الي عم بيقلد ابو صطيف.


خطرت عابالي هالقصة الصغيرة وحبييت انو اكتبلكون ياها.......................................... .....