الأمن العسكري يقتل شاباً في معرة النعمان ويلقي جثته في الشارع

[VivaSyria]

ذكر شهود عيان أن عناصر الأمن العسكري في معرة النعمان (محافظة ادلب) قتلوا مواطناً رمياً بالرصاص داخل مقر مفرزتهم قبل أن يلقوا بجثته في الشارع.

ووفق رواية الشهود، فإن عناصر المفرزة، وبعدما قاموا بإلقاء جثة المواطن أحمد رمضان (26 عاماً) من فوق سور المفرزة إلى الشارع، قاموا بتطويق المكان وإبعاد الناس عن الجثة مطلقين التحذيرات بأن الجثة تحمل حزاماً ناسفاً.

وكان أحمد رمضان مطلوباً للأمن العسكري على خلفية إسلامية. وقبل فترة قصيرة أقدم عناصر الأمن على اعتقال أهله وزوجته وأجبروهم على التوقيع على تعهد بأن يساعدوا في إلقاء القبض على ولدهم قبل أن يخلوا سبيلهم. وبعد عدة أيام اعتقلت الزوجة بحجة أن الأمن تلقى إخباراً بأن زوجها جاء إلى المنزل ولم تقم بالتبليغ عنه.

وفي 13/10/2008 حضر رمضان إلى مفرزة الأمن العسكري في معرة النعمان، بعد معرفته بأمر اعتقال زوجته. وروى شهود العيان أنه دخل من الباب الرئيسي بعد أن تحدث مع الحارس، وبعد لحظات سُمعت أصوات طلقات نارية داخل المفرزة ثم شوهدت الجثة وهي تلقى من فوق سور المفرزة إلى الشارع.

وقال أحد الشهود: "كنت أسير في الشارع المحاذي لمدرسة أبي العلاء المعري سمعت صوت عدة طلقات نارية بجهة المفرزة وبعد لحظات قذفت جثة إلى الشارع الرئيسي المحاذي لبناء المفرزة ثم طوق المكان بسرعة وتم إبعاد الناس بحجة أن الجثة مفخخة".

وقد تضاربت الروايات بشأن ما إذا كان رمضان يحمل سلاحاً لحظة مقتله، ففي حين قال بعض الجوار إنه كان يحمل سلاحاً فردياً "وتحت ثورة الغضب قرر الهجوم على مقر الأمن لتحرير زوجته"، أكد شهود آخرون أنه كان أعزل وكان ينوي تسليم نفسه مقابل الإفراج عن زوجته.

ورغم مرور عدة أيام على الحادثة، لا يزال الاستنفار الأمني بارزاً في المدينة، كما لا زالت الحواجز الأمنية في الشوارع وعناصر الأمن المدججين بالسلاح منتشرين على نطاق واسع. وقد عبر بعض المواطنين عن قلقهم من احتمال استغلال السلطات مثل هذه الحوادث لممارسة المزيد من الضغط على المواطنين، مذكرين بالحملات الأمنية مطلع الثمانينات.

أخبار الشرق

[VivaSyria]

يا عمي والله مابدنا نظلم حدا ولا نتهجم على الأمن بدون مانعرف شو القصه ومع مين الحق... بس مو لازم هيك شغلات يطلع فيها بيان علة القليلة وينعمل فيها تحقيق؟؟؟

يا أخي على فرض هاد يلي انقتل أكبر ارهابي بالأرض بس بيبقى اسمو بني أدم وجنسيتو سورية... يعني حقنا كسوريين نعرف شو القصه..أخي على القليلة نعرف نقول الله يرحمو أما بيستاهل...

تعبنا من قاعده انو أرخص شي بسوريا البني أدم.

[Sun Shine Art]

اسمو شو ؟؟؟؟ بني ادم ....ها اي مو عند الشباب الطيبه ...
قلتلي أرخص شي البني ادم ......اي نحن ماشين ع قاعده كل شي بيغلى الا البني الادم مشان يضل توازن طبيعي مع مستلزمات الحياه ..

[أبو حـلب]

لاحول ولا قوة إلا بالله ، و بالفعل لازم يطلع بيـان رسمي بـ هالموضوع

[ayhamm26]

كاتب النص الأصلي : أبو حـلب

لاحول ولا قوة إلا بالله ، و بالفعل لازم يطلع بيـان رسمي بـ هالموضوع

مشكور على تعاطفك يعني بس عندي سؤال

ما بتلاقي فيها شوية تناقض انك تتعاطف مع الضحية وانت بنفس الوقت بتحب الجلاد و معتبرو بطل رافع راسك في؟؟؟

[أبو حـلب]

كاتب النص الأصلي : ayhamm26

مشكور على تعاطفك يعني بس عندي سؤال

ما بتلاقي فيها شوية تناقض انك تتعاطف مع الضحية وانت بنفس الوقت بتحب الجلاد و معتبرو بطل رافع راسك في؟؟؟

بالنسبة لسؤالك عزيزي ،
كل إنسان بـ هالدني عنده سلبيات و عنده إجابيــات ،
لهيك أنـا ما بنكر أنو في أمور عم تسير بشكل سيء داخليـاً (و هالشي بيرجع للرأس الأكبر أكيد كونه الرأس) و أكيد أنا بدين هالشي
و بنفس الوقت عزيزي ، خـارجيـاً أنـا بعتبر هالرأس يلي عم نحكي عنه بطل و رافع لي رأسي ،

بيكفيني أنو إنسان مثقف ، فهمان ، سياسي ، محنك ، صاحب مواقف ، داهية و أحسن من غيره
وبغض النظر إش هوه الشي يلي ما بنعرفه لسه .. بس نحنا عم نشوف من هالرأس دعم لأغلب قضايا العرب
و في شغلة عزيزي في عنا آية بالقرآن بتقول "و لن ترضى عنك اليهود والنصارى حتى تتبع ملّتهم"
هذا هو الميزان ، و ســوريا مغضوب عليها من اليهود و النصارى
فهى على الطريق الصحيح (كـ مواقف خارجية) و من شكك فى ذلك فليزن نفسه بهذا المعيار


بتمنى تكون وضحت لك الصورة .. أو بالأحرى توضّح لك موقفي من هالموضوع
ويا هلا.

[ayhamm26]

كاتب النص الأصلي : أبو حـلب

بالنسبة لسؤالك عزيزي ،
كل إنسان بـ هالدني عنده سلبيات و عنده إجابيــات ،
لهيك أنـا ما بنكر أنو في أمور عم تسير بشكل سيء داخليـاً (و هالشي بيرجع للرأس الأكبر أكيد كونه الرأس) و أكيد أنا بدين هالشي
و بنفس الوقت عزيزي ، خـارجيـاً أنـا بعتبر هالرأس يلي عم نحكي عنه بطل و رافع لي رأسي ،

بيكفيني أنو إنسان مثقف ، فهمان ، سياسي ، محنك ، صاحب مواقف ، داهية و أحسن من غيره
وبغض النظر إش هوه الشي يلي ما بنعرفه لسه .. بس نحنا عم نشوف من هالرأس دعم لأغلب قضايا العرب
و في شغلة عزيزي في عنا آية بالقرآن بتقول "و لن ترضى عنك اليهود والنصارى حتى تتبع ملّتهم"
هذا هو الميزان ، و ســوريا مغضوب عليها من اليهود و النصارى
فهى على الطريق الصحيح (كـ مواقف خارجية) و من شكك فى ذلك فليزن نفسه بهذا المعيار


بتمنى تكون وضحت لك الصورة .. أو بالأحرى توضّح لك موقفي من هالموضوع
ويا هلا.

اخر شي كنت اتوقعو انك تربط تاييدك للنظام بالدين؟؟

لاء وشو قال اليهود والنصارى, يا سيدي بهنيك على هالتحليل السياسي المتقن وبقلك انو غسيل الدماغ اللي بتعملوا الانظمة الديكتاتورية لشعوبها عن جد مصيبة

[VivaSyria]

كاتب النص الأصلي : أبو حـلب

،

بيكفيني أنو إنسان مثقف ، فهمان ، سياسي ، محنك ، صاحب مواقف ، داهية و أحسن من غيره

اي هدول الشغلات بيكفوك بس تكون رايح تخطب أو تتزوج من عندو من العيله أو هو جاية يخطب من عيلتكون.. أما وقت تكون عم تحكي عن رئيس جمهورية هالشغلات مابيكفوك.

وبغض النظر إش هوه الشي يلي ما بنعرفه لسه .. بس نحنا عم نشوف من هالرأس دعم لأغلب قضايا العرب
و في شغلة عزيزي في عنا آية بالقرآن بتقول "و لن ترضى عنك اليهود والنصارى حتى تتبع ملّتهم"
هذا هو الميزان ، و ســوريا مغضوب عليها من اليهود و النصارى

مافهمت يعني نحنا يهود هلأ باعتبار مو رضيانين؟؟ غريب عم تحكي وكأنك عم تحكي عن خلافة اسلامية وعن هجوم صليبي يهودي عليها... بشرفك فكر بالكلام قبل ما تكتبو لأنو كتير بيسيئ وبيعطي قيمة زايده أو ناقصة للأشياء... بعدين شو دخل النصارى بالقصة؟؟ والله هالحكي معيب...

طلعت الأية نازلة عن الرئيس وأنا مو عرفان؟؟ شو مشان ساويتو بالرسول؟؟

فهى على الطريق الصحيح (كـ مواقف خارجية) و من شكك فى ذلك فليزن نفسه بهذا المعيار

حضرتك فرنسي أما سوري؟؟ يعني انت بيهمك المواقف الخارجية الخطيرة وشعبك عم يموت من الجوع ونصو بالسجن؟؟

بتمنى تكون وضحت لك الصورة .. أو بالأحرى توضّح لك موقفي من هالموضوع

ياعمي مو ليكون عندك صورة مشان توضح...

[stormsmaker]

يعني هي اخبار الشرق شو وضعها

[المحارب العتيق]

كاتب النص الأصلي : أبو حـلب

و ســوريا مغضوب عليها من اليهود و النصارى

فهى على الطريق الصحيح (كـ مواقف خارجية) و من شكك فى ذلك فليزن نفسه بهذا المعيار

غريب التناقض بالراي بين الجملتين يلي أنا أقتبستهم

بعدين قلتلي مواقف خارجية على الطريق الصحيح . ليش النظام أكل هم باقي الشعوب أكتر من الشعب السوري ؟ ... أبقى خليلي المواقف الخارجية تسكنا ببيوت وتبعتلنا فرص عمل

[المحارب العتيق]

الشيء بالشيء يذكر

أقدمت أحد الفروع الغير معروفة . على أعتقال الشاب منتصر شاهين من محافظة دمشق وأقتادته

لجهة غير معروفة ولأسباب مجهولة . منذ أكثر من عشرين يوم . دون أن تطلق سراحه

[هشام ابو شرار]

طيرتولنا السكرة يا اوادم..........معقولي هاااااااااااااااااااي؟وال له عم تحسسونا انا بدار فور

[أبو حـلب]

كاتب النص الأصلي : ayhamm26

اخر شي كنت اتوقعو انك تربط تاييدك للنظام بالدين؟؟
لاء وشو قال اليهود والنصارى, يا سيدي بهنيك على هالتحليل السياسي المتقن وبقلك انو غسيل الدماغ اللي بتعملوا الانظمة الديكتاتورية لشعوبها عن جد مصيبة

أنـا ما عم بربط دين بـ نظام ، أنـا عم بعطيك مثال قريب لواقعنا العربي ،
عندك الدول العربية الـ "مرضية" من قبل بابا أمريكا و ماما إسرائيل .. (اليهود و النصارى) أقرب مثال
شي كتير حلو برأيك؟ شي كتير حلو مثلاً لما يكون قرارات هالدول الـ "مرضية" مربوطة بقرارات ماما و بابا ؟
شي كتير حلو لما بتتلقى الأوامر هالدول الـ "مرضية" و عليها التنفيذ غصباً عنها؟

بشار الأسد القائد العربي الوحيد الذي رفض مبدأ تقديم التنازلات والرضوخ للشروط الأميركبة المفروضة
سوريا بغض النظر عن النظام البعثي فيها ، ولكن تعتبر من أشرف الأنظمة القومية ،
لها مشاكلها الداخلية إلا أنها الاقوى قومية وعروبية من جميع الدول العربية التي تدعي أنها عربية!

كاتب النص الأصلي : VivaSyria

اي هدول الشغلات بيكفوك بس تكون رايح تخطب أو تتزوج من عندو من العيله أو هو جاية يخطب من عيلتكون.. أما وقت تكون عم تحكي عن رئيس جمهورية هالشغلات مابيكفوك.
مافهمت يعني نحنا يهود هلأ باعتبار مو رضيانين؟؟ غريب عم تحكي وكأنك عم تحكي عن خلافة اسلامية وعن هجوم صليبي يهودي عليها... بشرفك فكر بالكلام قبل ما تكتبو لأنو كتير بيسيئ وبيعطي قيمة زايده أو ناقصة للأشياء... بعدين شو دخل النصارى بالقصة؟؟ والله هالحكي معيب...
طلعت الأية نازلة عن الرئيس وأنا مو عرفان؟؟ شو مشان ساويتو بالرسول؟؟
حضرتك فرنسي أما سوري؟؟ يعني انت بيهمك المواقف الخارجية الخطيرة وشعبك عم يموت من الجوع ونصو بالسجن؟؟
ياعمي مو ليكون عندك صورة مشان توضح...

مممـ بالنسبة للشطر الأول ، أنـا بفخر فيه كـ رئيس متعلم و فهمان و مثقف ، وجهة نظر!

و أنـا عزيزي ما بقصد إنتوا مو رضيانين ، و ما عم بحكي عن خلافة إسلامية أو .. أو ..
أنـا عم بحكي عن واقع عربي مخزي للأسف ، بيكفي (خارجياً) أنو الأسد رافض الإنبطاج لـ أمريكا مثل بقية المنبطحين العرب
وهون بكون عم بقصد لطالما أمريكا و إسرائيل غاضبين على سـوريـا لأنها لم تتبع ملتهم
*ملتهم ما بقصد فيها دينياً فقط ممكن تكون ولاء ، سمع ، طاعة ، ..........
فهي على الطريق الصحيح ،

و بالنسبة لسؤالك إذا كنت فرنسي أو سـوري ،
قلت قبل هيك أنو كل إنسان عنده إيجابيات وعنده سلبيات .. أنـا بفخر بـ هالإيجابيات يلي عم شوفها
و بدين هالسلبيات يلي عم شوفها كمان!
الإيجابيات عم نشوفها خارجياً ، و السلبيات عم نشوفها داخلياً!
لهيك أنـا بحب أعطي كل شي حقه بالنقد و بالرأي ، أمـا إذا بدك تسألني إجمالاً كـ رئيس شو ؟ ممكن تتغير وجهات النظر.

و ع فكرة ، أنـا ما عندي مشكلة لو هالصورة تتوضح أكتر إن كان عندي أو عندك من خلال نقاش بنّاء
نوصل فيه لنتيجة.

كاتب النص الأصلي : المحارب العتيق

غريب التناقض بالراي بين الجملتين يلي أنا أقتبستهم

بعدين قلتلي مواقف خارجية على الطريق الصحيح . ليش النظام أكل هم باقي الشعوب أكتر من الشعب السوري ؟ ... أبقى خليلي المواقف الخارجية تسكنا ببيوت وتبعتلنا فرص عمل

لا مو غريب ،
أنـا قلت في نقاط إيجابية بتستاهل الواحد يفتخر فيها ، و بنفس الوقت في نقاط سلبية بينقدها الواحد ،




-------------------------------


و ما زلت أرحّب بأي نقاش بنّاء ، نقتنع فيه و نوصل لقناعة

[قرصان الأدرياتيك]

لهيك أنـا ما بنكر أنو في أمور عم تسير بشكل سيء داخليـاً (و هالشي بيرجع للرأس الأكبر أكيد كونه الرأس) و أكيد أنا بدين هالشي
و بنفس الوقت عزيزي ، خـارجيـاً أنـا بعتبر هالرأس يلي عم نحكي عنه بطل و رافع لي رأسي

عزيزي أبو حلب...
أنت تقول أنو الرئيس رافع راسك "خارجياً"! ممكن تقلي وين مرفوع راس السوري؟
بالبلدان العربية ولا الأجنبية؟!

و في شغلة عزيزي في عنا آية بالقرآن بتقول "و لن ترضى عنك اليهود والنصارى حتى تتبع ملّتهم"
هذا هو الميزان ، و ســوريا مغضوب عليها من اليهود و النصارى
فهى على الطريق الصحيح (كـ مواقف خارجية) و من شكك فى ذلك فليزن نفسه بهذا المعيار

طيب شو رأيك بالمسيحيين السوريين؟ هدول كمان غاضبين على سورية؟!
ولا قصدك بس المسيحية الغربية؟!

[المحارب العتيق]

كاتب النص الأصلي : أبو حـلب

لا مو غريب ،
أنـا قلت في نقاط إيجابية بتستاهل الواحد يفتخر فيها ، و بنفس الوقت في نقاط سلبية بينقدها الواحد ،




-------------------------------


و ما زلت أرحّب بأي نقاش بنّاء ، نقتنع فيه و نوصل لقناعة

كيف مو غريب انت قلت انو لن ترضى عنك اليهود ولا النصارى . ويلي هدول تلت رباع الدول بالكرة الأرضية . وحتى بالنسبة للعرب فعلاقاتنا سيئة مع كذا دولة . وبنفس الوقت بتقلي أنو السياسة الخارجية في الطريق الصحيح . كيف هي ؟؟

وخلينا ننسى السلبيات ونحكي بالأيجابيات ممكن تذكرلي شو ايجابيات الطريق الصحيح للسياسة الخارجية وأنعكاسها على الوطن والمواطن

[VivaSyria]

كاتب النص الأصلي : قرصان الأدرياتيك

عزيزي أبو حلب...
أنت تقول أنو الرئيس رافع راسك "خارجياً"! ممكن تقلي وين مرفوع راس السوري؟
بالبلدان العربية ولا الأجنبية؟!
!

يا أخي بدك كتير لتفهم على أبو حلب... خارجياً عم يقلك خارجياً كتير... يعني لا بين العرب ولا على مستوى العالم.. هالدول هدول مابيهمو...

هو بيقصد خارجياً على مستوى الكواكب التانيه... يعني بمجرة درب التبان بشكل عام بس نحنا ما منعرف أو بتعرف بسبب بعد المسافات لسا ماوصلتنا الأخبار انو بالزهرة وبعطارد مرفوع راس السوريين..

[قرصان الأدرياتيك]

عندك الدول العربية الـ "مرضية" من قبل بابا أمريكا و ماما إسرائيل .. (اليهود و النصارى) أقرب مثال
شي كتير حلو برأيك؟ شي كتير حلو مثلاً لما يكون قرارات هالدول الـ "مرضية" مربوطة بقرارات ماما و بابا ؟

الحكي عن إسرائيل على أنها يهوديّة صحيح لأنا هي أعلنت هالشي، بس أميركا بتعتبر نفسا علمانيّة وهيك حسب الدستور تبعا.
ورجاءً لا تدخّل الموضوع الديني بالنص لأن الإسلام كمان (ما شالله) مو ناقصو شي!

[المحارب العتيق]

كاتب النص الأصلي : أبو حـلب

المنبطحين العرب

على هالسيرة ممكن أعرف رأيك بالقواعد العسكرية الروسية في سورية