مرعب .....بالمناطق الفلسطينيه يتوقعون هزة خلال ساعة....

[jouliana]

مرعب..بالمناطق الفلسطينية يتوقعون هزة خلال ساعة
من مراسلي موقع بانيت وصحيفة بانوراما في المناطق الفلسطينية
29/11/2007 12:26:23

نفت مصادر وزارة الداخلية الفلسطينية معلومات او شائعات مفادها ان قطاع غزة والضفة الغربية سيتعرضان لهزة ارضية بالساعة القريبة مع العلم انه تم اعداد هذا الخبر الاولي الساعة الثانية عشرة والنصف ظهرا.

ويقول مراسلو موقع بانيت وصحيفة بانوراما انه يسود المناطق الفلسطينية في الساعتين الاخيرتين اجواء تشبه اجواء الذعلر والرعب وكأن هزة ارضية فعلا ستضرب الضفة الغربية وقطاع غزة خلال ساعة بقوة كبيرة . هذا وقد تم خروج طلاب المدارس وعاملي عدد كبير من الشركات التجارية وغير التجارية تم خروجهم من المباني الى بيوتهم . وقد وصلتنا هذه المعلومات من العديد من المدن والبلدات في المناطق الفلسطينية لكن مثل هذه المعلومات لم تصل حتى الى وسائل الاعلام الاسرائيلية العبرية . ويعتبر هذا النشر الان في موقع بانيت الاول حول هذا الموضوع والمتوقع ان ينتشر هذا الخبر بصورة كبيرة جدا بعد نشر بانيت وبانوراما.

ـــــــــــــــــــــــــ ـــــــــــــــــــــــــ ـــــــــــــــــــــــــ ــ

الله وكيلكم اكلناها رعبة بنت حرام و الكل بالشوارع
و لولاد بالمدارس يبكوطيب يروحوهم من غير ليحكولهم في هزه

بس من وين جابو هل خبر ابن الحرام و كيف انتشر بفلسطين مش قادرة افهم

بس ما شاء الله محضرين لكوارث احنا كل مترين كان في اسعاف


ما عاليه صامدووووووووون

[Reemi]

كان قصدهم هزة بعد انابوليس انتو فهمتو غلط

[admiral11]

ههههههههه

حلوة هاي الاخبار انا بجنين و سمعت اشي من هذا الحكي بس حسب معلومات الزلازل انوه في الشهرين القادمين و اعتمدو على انوه صار في ثلاث زلازل صغار صرن بهاي الفترة يعني بعلم ربنا الشغلة

اما بالنسبة لطلاب المدارس روحوا لانوه في اضراب للمعلمين يعني خبر ثاني ما الوه علاقة بالخبر الاول من مرة

عجبني رد ريما هيك همي قصدوا زلزال بعد انابوليس

تحياتي الكم على الموقع الجميل

[Reemi]

كاتب النص الأصلي : admiral11

عجبني رد ريما هيك همي قصدوا زلزال بعد انابوليس

ريم ريم ريم

[admiral11]

حقك علي خلص ريم مش ريما

[betty_palestine]

الله يستر خوفتوني على.....
الله يحفظكو كلكو ويحميكو

[jouliana]

كاتب النص الأصلي : Reemi

كان قصدهم هزة بعد انابوليس انتو فهمتو غلط

على هيك راح ننطر البراكين و الاعصار

[jouliana]

كاتب النص الأصلي : admiral11

ههههههههه

حلوة هاي الاخبار انا بجنين و سمعت اشي من هذا الحكي بس حسب معلومات الزلازل انوه في الشهرين القادمين و اعتمدو على انوه صار في ثلاث زلازل صغار صرن بهاي الفترة يعني بعلم ربنا الشغلة

اما بالنسبة لطلاب المدارس روحوا لانوه في اضراب للمعلمين يعني خبر ثاني ما الوه علاقة بالخبر الاول من مرة

عجبني رد ريما هيك همي قصدوا زلزال بعد انابوليس

تحياتي الكم على الموقع الجميل

لو شفت عنا شو صاار تقول نهاية العالم

[jouliana]

كاتب النص الأصلي : betty_palestine

الله يستر خوفتوني على.....
الله يحفظكو كلكو ويحميكو

لا تخافي على .........

و يحميكي يا عسل

[jouliana]

مرة اخرى هزة ارضية في منطقة القدس والبحر الميت
موقع بانيت وصحيفة بانوراما
02/12/2007 10:51:18

وقعت قبل قليل هزة ارضية في منطقة القدس وشمالي منطقة البحر الميت ، وقد شعر بالهزة الارضية معظم سكان هذه المناطق.

الذين عبر بعضهم عن قلقه الشديد وخشيته من تكرار مثل هذه الهزة بقوة اكبر في المستقبل .
وكان مركز هذه الهزة حسب المعلومات التي وصلت الى موقع بانيت وصحيفة بانوراما في منطقة البحر الميت ويذكر ان قوة الهزة بلغت 4 درجات حسب سلم ريختر.
ولم يبلغ عن وقوع اصابات واضرار نتيجة وقوع هذه الهزة ، يذكر ان هذه هي الهزة الارضية الرابعة التي وقعت خلال اسبوعين فقط.
ـــــــــــــــــــــــــ ـــــــــــــــــــــــــ ـ

هادي متل ما تقولو صارت قبل شي ساعه هيك
فكرت حالي بتخيل انا بس شفت الخبر تأكدت

شكله قربنا على هزه تشيل فلسطين من اساسهاا