العلويون.. بعد سقوط بشـار

[xena]

كاتب النص الأصلي : أبو طريق

و هي هيي فكرتي تمام، و أنا عبرت عنا من قبل، إنو مو فارق مع الشعب مين الرئيس أو شو دينو أو شو طائفتو، المهم يكون عادل و حكيم، و أنا قلت قبل هالمرة إنو لو آل الأسد قلبوا سوريا مملكة الشعب مارح تفرق معاه إزا كان الحكم ديمقراطي و عادل و فيه مساواة، بس ما يكون متل هلأ، و الشعب ما بهمو إلا العيش الكريم، مو عيشة الذل يللي عايشا هلأ.

أنا قررت أسس حزب و سمي حزب الحياد لمحاربة الفساد شو رأيك تنضم ؟
الدعوة مفتوحة , خلينا نلحق دوبو عنا حرية أحزاب هلأ عأساس يعني

[oliver68]

كاتب النص الأصلي : xena

أنا قررت أسس حزب و سمي حزب الحياة لمحاربة الفساد شو رأيك تنضم ؟
الدعوة مفتوحة , خلينا نلحق دوبو عنا حرية أحزاب هلأ عأساس يعني

شوفي، إزا هالحزب معادي للثورة و القائد، و منافي لمنطلقات حزب البعث العربي الاشتراكي، و ما بحارب الهجمة الامبريالية الشرسة التي تتعرض لها أمتنا، و إزا ما بوقف بوجه الضغوطات المعادية لموقفنا تجاه القضية، فأنا بتسمحيلي مالي مصلحة، أما إزا بينظر للوضع من منظور الرفبق القائد فأنا معك إلى الأبد، و بالروح بالدم نفديك يا......

[xena]

كاتب النص الأصلي : أبو طريق

شوفي، إزا هالحزب معادي للثورة و القائد، و منافي لمنطلقات حزب البعث العربي الاشتراكي، و ما بحارب الهجمة الامبريالية الشرسة التي تتعرض لها أمتنا، و إزا ما بوقف بوجه الضغوطات المعادية لموقفنا تجاه القضية، فأنا بتسمحيلي مالي مصلحة، أما إزا بينظر للوضع من منظور الرفبق القائد فأنا معك إلى الأبد، و بالروح بالدم نفديك يا......

بطلنا نعمل حزب

[oliver68]

كاتب النص الأصلي : xena

بطلنا نعمل حزب

إيواه، معناتا حزبك لا ينظر للقضية من منظور الرفيق القائد، و بالتالي إنتي أكيد عميلة و مدسوسة مافي مجال، اعترفي مين داسك أحسن، و اعترفي شو هيي أهداف حزبك المخبأة وراء الأسطر و خلف الكواليس، اعترفي أحسن ما انسفك شي خطاب سياسي بعثي بعشرين سنة ما بيخلص.

[xena]

كاتب النص الأصلي : أبو طريق

إيواه، معناتا حزبك لا ينظر للقضية من منظور الرفيق القائد، و بالتالي إنتي أكيد عميلة و مدسوسة مافي مجال، اعترفي مين داسك أحسن، و اعترفي شو هيي أهداف حزبك المخبأة وراء الأسطر و خلف الكواليس، اعترفي أحسن ما انسفك شي خطاب سياسي بعثي بعشرين سنة ما بيخلص.

لاااااا لا تتهمني بما ليس بي أرجوك أيها الرفيق الطليعي أبو طريق
بس أنا فكرت أنو الحزب رح يكون ولا شي جنب حزب البعث العربي الاشتراكي من حيث التوجهات الديمقراطية و الايديولوجية ذات التوجه الديمقراطي الانفتاحي الوحدوي الانكشاري
فقررت حول توجهاتي و نشاطاتي السياسية البانية نحو حزب البعث العربي الاشتراكي اللي هوي نور البلاد و خلاص العباد...

[TheLight]

كاتب النص الأصلي : أبو طريق

شوفي، إزا هالحزب معادي للثورة و القائد، و منافي لمنطلقات حزب البعث العربي الاشتراكي، و ما بحارب الهجمة الامبريالية الشرسة التي تتعرض لها أمتنا، و إزا ما بوقف بوجه الضغوطات المعادية لموقفنا تجاه القضية، فأنا بتسمحيلي مالي مصلحة، أما إزا بينظر للوضع من منظور الرفبق القائد فأنا معك إلى الأبد، و بالروح بالدم نفديك يا......

اييييييييييييييييه
وينك يا كوستا............

[محمد ابراهيم]

الاول وقبل كلشيء
انا مش من العلويين ,انا من المصريين ,هاد اولا

ثانيا :انا لا ادافع عن نظام الاسد ,منطقيا ليس لي مصلحه الا اذا كانو رح يدفعو
وهاد اقتراح مستبعد لان بالفعل في المنتدى تلاميذ البعثيين كتير وبيدافعو باستماته غريبه
كل مافي الامر اني وضحت كيف فكرتك ممكن تنفهم وكمان وضحت ان الفساد منتشر في كل دول العالم بنسب .

كاتب النص الأصلي : TheLight

تحياتي محمد
بتخيل انو الكل قولوه لابوطريق شي ما قالو
كلامو كان واضح وهو قال بالحرف الواحد (و هي الزمرة الفاسدة هيي يللي بتأيد الرئيس و نظام البعث، و مصوا دم الشعب السوري، و صلوا مستواناالثقافي و المعيشي للحضيض، أما الباقي فهوي ضحية متلنا متلن) وهو قصد الزمرة الفاسدة المقربة من النظام ولم يقصد ابدا كل علوي يؤيد النظام
كلامو واضح لابو طريق وانتو عن تأولوه بطريقة مشوهة
ياريت الواحد يكون دقيق بكلامه ويا ريت ترجع تقرا كلامو بشكل دقيق
تحياتي

اذا حابب تقتبس كلامو ارجع من اولو من (اول هالنقطه تحديدا),من ورا شوي رح يكون هيك ورح يكون اوضح
"و للأسف هالنظام عميدعم الزمرة الفاسدة بهالطائفة، و هي الزمرة الفاسدة هيي يللي بتأيد الرئيس و نظام البعث، و مصوا دم الشعب السوري، و صلوا مستواناالثقافي و المعيشي للحضيض، أما الباقي فهوي ضحية متلنا متلن."

وكلامي انا معناه
ان في عالم بتؤيد الانظمه بدافع الواجب او عن قناعه ومافي مصلحه ماديه وهاي حقيقه لكل الانظمه(كلام عام) يعني مو كل مؤيد من الزمره الفاسده

كاتب النص الأصلي : أبو طريق

و عزيزي الغالي محمد ابراهيم لو عايش بسوريا كان فهم شو أصدي، المهم شباب، حصل خير.
.

التشابه بين الانظمه في الشرق كبير جدا
الفساد والسرقه والنهب والمحسوبيه والرشاوي والديموقراطيه تقريبا متشابهين لدرجه كبيره
والاختلاف ما بينهم في حدود ضيقه جدا لاختلاف بعض الطباع الخاصه وفي النهايه هالاختلاف محدود نسبيا ,
بمعنى اخر اذا تحركت بصوره عرضيه من الشمال لليمين من المغرب وتونس اللى ليبيا الى مصر
ثم فلسطين وسوريا ولبنان والاردن ثم انتقلت للتحرك لاسفل لتصطدم بالعراق والسعوديه ودول الخليج ثم اليمن ستجد التالي

فساد دكتاتوريه رشاوي محسوبيه ووساطه سرقه ونهب وتخلف تكنولوجي
ولكن
الدرجات تختلف من دوله لاخرى في حدود ضيقه نسبيا

[oliver68]

أخي محمد أنا ما عمقلك إنك مع النظام أو مع حدا معين، و أنا واثق إنو لو دفعولك مال قارون ما رح تصف مع النظام، لأنك أصيل و محقاني، صح؟؟
بس يا معلم أنا مستغرب إنو كيف واحد مثقف و فهمان متلك يفهمني غلط؟؟؟ و إنتي يا معلم كاتب ردي و مغمق اللون كمان، "و للأسف هالنظام عميدعم الزمرة الفاسدة بهالطائفة، و هي الزمرة الفاسدة هيي يللي بتأيد الرئيس و نظام البعث، و مصوا دم الشعب السوري، و صلوا مستواناالثقافي و المعيشي للحضيض، أما الباقي فهوي ضحية متلنا متلن."
مو هي من ردك؟؟؟؟ في مؤيدين للنظام، بس لا تنسى في مؤيدين مغشوشين، يعني الأهداف الحلوة تبع حزب البعث و مواقف الرئيس الخارجية متل موقفوا من المقاومة، كلها خلت ناس كتير تأيدو، طبعا منعرف إنو موقفو من المقاومة هوي مناورة مع الشعب مو أكتر، يعني عميلعب على وتر عاطفة الشعب و وقوفن مع المقاومة، يعني بصراحة إزا بدي وضح كلامي رح عيد نفس اللي حكيتوا قبل، ما بعرف كيف رح وضح أكتر من هيك، فالمهم أ،ا ما كان قصدي اجرح حدا، و بالذات لاوديسا، لأنها إنسانة عزيزة عقلبي كتييييير، و هيي بتعرف هالشي ما بدا مين يقللها، و ياريت ترجع تقرأ ردودي لأن ساعتا أكيد رح تفهم موقفي أكتر.
المهم يا جماعة حصل خير.

[TheLight]

اذا حابب تقتبس كلامو ارجع من اولو من (اول هالنقطه تحديدا),من ورا شوي رح يكون هيك ورح يكون اوضح
"و للأسف هالنظام عميدعم الزمرة الفاسدة بهالطائفة، و هي الزمرة الفاسدة هيي يللي بتأيد الرئيس و نظام البعث، و مصوا دم الشعب السوري، و صلوا مستوانا الثقافي و المعيشي للحضيض، أما الباقي فهوي ضحية متلنا متلن.

"

كمان ما تغير المعنى لانو قولو (و للأسف هالنظام عميدعم الزمرة الفاسدة بهالطائفة-وحرف الباء هون يعني (من) يعني بتصير الجملة (الزمرة الفاسدة من الطائفة)) معناه ان النظام عم يدعم زمرة محددة هي الزمرة الفاسدة مما يعني وجود زمرة أخرى غير فاسدة وهالزمرة الفاسدة هي يللي بتأيد النظام والبعث اما الزمرة التانية غير الفاسدة فابو طريق ما حكا عنها وهي قد تكون معارضة لتوجهات الرئيس والنظام وقد تكون مؤيدة للنظام لدوافه مختلفة منها الوطنية والقناعة بالسياسة الخارجية وغيرها من الاسباب
وبالتالي أبو طريق عنى بكلامو المؤيدين من الزمرة الفاسدة وليس كل المؤيدين....يعني جزء وليس الكل
تحياتي

[oliver68]

كاتب النص الأصلي : TheLight

اييييييييييييييييه
وينك يا كوستا............

يستر عرضك شريك لا تجبلو سيرة، بعدين بقيلني من منصبي يللي سلمني ياه بدولتو، يا حبيبي و بيلحشني بالسجن، حاكم هوي دكتاتور، مو أنظم من غيرو، خلص التوبة و المبلغ يللي بدك ياه بدفعو، المهم لا تجيب سيرة للمعلم.
عجبك زينا هي صارت صوفتي حمرة عند المعلم كوستا

[oliver68]

كاتب النص الأصلي : TheLight

"

كمان ما تغير المعنى لانو قولو (و للأسف هالنظام عميدعم الزمرة الفاسدة بهالطائفة-وحرف الباء هون يعني (من) يعني بتصير الجملة (الزمرة الفاسدة من الطائفة)) معناه ان النظام عم يدعم زمرة محددة هي الزمرة الفاسدة مما يعني وجود زمرة أخرى غير فاسدة وهالزمرة الفاسدة هي يللي بتأيد النظام والبعث اما الزمرة التانية غير الفاسدة فابو طريق ما حكا عنها وهي قد تكون معارضة لتوجهات الرئيس والنظام وقد تكون مؤيدة للنظام لدوافه مختلفة منها الوطنية والقناعة بالسياسة الخارجية وغيرها من الاسباب
وبالتالي أبو طريق عنى بكلامو المؤيدين من الزمرة الفاسدة وليس كل المؤيدين....يعني جزء وليس الكل
تحياتي

لك والله إنك رائع، كفيت و وفيت يا شريك، ماني عرفان كيف بدي أشكرك.

[أسير التشرد]

كاتب النص الأصلي : محمد ابراهيم

الاول وقبل كلشيء
انا مش من العلويين ,انا من المصريين ,هاد اولا

العلويين طائفة ومذهب ديني من الشيعة يا عيوني ...واكيد رح تلاقي بمصر علويين... يعني علوي مصري متل ما رح تلاقي علوي سوري وعلوي تركي وعلوي لبناني ...

للتوضيح فقط ...
تحياتي

[sezar]

هلأ صار جنوح شوي عن الموضوع كنت بتمنى يروح الحوار لأعمق من هيك
بأغلب الردود يبدو الشباب قرو أول كم سطر و داق خلقن لأنو خطفو الكباية من راس الماعون

المهم
منجي لنقطة العلويين بسوريا
العلويين بسوريا ما انشهروا و انعرفوا غير بعد حافظ الأسد ما استلم زمام الأمور اثر انقلاب عسكري
هلأ كون حافظ الأسد جاية عل سلطة جديد و بعد كزا و كزا انقلاب ف من الطبيعي تكون الزمر المقربة إلو و الأكثر ثقة من طائفتو و أولاد ضيعتو ..
هلأ لهون المستفيدين ليسو الطائفة انما زمرة معينة ( مقربة )
بقية الشعب العلوي متلو متل هل بسطاء يلي بضيع الوادي و الجبل و الساحل و متل أي مواطن سوري بيسعى ورا الخبزة يلي بدو ياكلا اليوم ..
و المعارضين العلويين تمت معاقبتن بتشدد أكتر بذكر اسم ما انذكر بالمقال - عبد العزيز الخير - سجن 22 سنة ( يمكن طلع قبل المدة بشوي لأنو ما ضل غيرو من الشلة القديمة )

لا حدا يفهم الموضوع بسلبية تجاه العلويين لأنو الموضوع حساس و ممكن جدا يتاخد فكرة خاطئة ..

بعد كل شي هنن طائفة من طوائف الشعب السوري الخليط الى أبعد الحدود لكنه يبقى سوري

[محمد ابراهيم]

خي محمد أنا ما عمقلك إنك مع النظام أو مع حدا معين، و أنا واثق إنو لو دفعولك مال قارون ما رح تصف مع النظام، لأنك أصيل و محقاني، صح

بعرف انك ما قلت هيك ,كل مافي الامر اني بوضح للقراء بس ,

اما بالنسبه لاني حقاني ومال قارون !!!وصح

لاني حقاني رح اقول الحق , اذا دفعوا مال قارون رح اكون في صفهم طبعا (لا تنسى انك قلت مال قارون)

بس يا معلم أنا مستغرب إنو كيف واحد مثقف و فهمان متلك يفهمني غلط؟؟؟

يا سيدي ربنا يخليك , اما على اني فهمتك غلط "فهاد اللي كان واضح من فكرتك "

لاني كنت بعرف انك مارح تلاقي رد من حد بسرعه كافيه يوضح الك كيف ممكن فكرتك تنفهم ,اتبرعت وقلتلك انا ,
ببساطه يا اخي العزيز ,قدمت الك فرصه ترد ب 9 حروف بس كانو رح ياخدو منك 9 ثواني وننهي بيها المشكله وتوضح للجميع فكرتك
بس للاسف ماحصل واتماديت في ردود بعيد عن توقعي
انا قلت الك "الفكره بتقول كل علوي بيؤيد النظام بيكون مص دم الشعب السوري، و صل مستواه الثقافي و المعيشي للحضيض،"
كنت منتظر منك تقول " ما قصدت هيك" 9 حروف رح يوضحو للعالم ان هاد مو قصدك انت مو مضطر تشرح وتبرر الي او لغيري ,كل ما في الامر هو انك توضح ان هاالفكره مو قصدك بس .

و إنتي يا معلم كاتب ردي و مغمق اللون كمان،

مو الك كاتبها لذي لايت بوضحلو الامر لما كنت بعقب على تعقيبو على ردي

مو هي من ردك؟؟؟؟

اي من ردي , و مو الك قلت

في مؤيدين للنظام، بس لا تنسى في مؤيدين مغشوشين، يعني الأهداف الحلوة تبع حزب البعث و مواقف الرئيس الخارجية متل موقفوا من المقاومة، كلها خلت ناس كتير تأيدو، طبعا منعرف إنو موقفو من المقاومة هوي مناورة مع الشعب مو أكتر، يعني عميلعب على وتر عاطفة الشعب و وقوفن مع المقاومة،

مافي داعي الواحد يحكي على اي نظام عربي

لكل نظام في المغشوشين فيه
انا عن نفسي مابحترم اي نظام فيهم لانهم ما بيحترموا عقلية الشعوب هاد غير العيوب المعروفه للجميع وطبعا الاهم ان كل نظام بيعمل لتأمين وجوده كهدف رئيسي في الحكم وليس صالح الشعب هو الهدف الرئيسي .

يعني بصراحة إزا بدي وضح كلامي رح عيد نفس اللي حكيتوا قبل، ما بعرف كيف رح وضح أكتر من هيك، فالمهم أ،ا ما كان قصدي اجرح حدا، و بالذات لاوديسا، لأنها إنسانة عزيزة عقلبي كتييييير، و هيي بتعرف هالشي ما بدا مين يقللها، و ياريت ترجع تقرأ ردودي لأن ساعتا أكيد رح تفهم موقفي أكتر

المهم يا جماعة حصل خير.

انا متاكد انك ما كان قصدك تجرح حد (قلت الك 9 حروف بس من البدايه ) الشغله ما كان بدها توضيح في كلامنا غير انهائها نهائيا ب 9 حروف

ان كان عليا انا فاهم موقفك تمام وبعرف ان قصدك خير ,بس لازم توضحو للعالم مو الي انا

وكان بدي اساعدك وحاولت وفعلا كنت منتظر ال 9 حروف او شيء مماثل , مو ردود بعيد عن هاالاتجاه
عالعموم حصل خير متل ما قلت (بس الطريق كان طويل شوي يا ابو طريق)

[محمد ابراهيم]

كاتب النص الأصلي : أسير التشرد

العلويين طائفة ومذهب ديني من الشيعة يا عيوني ...واكيد رح تلاقي بمصر علويين... يعني علوي مصري متل ما رح تلاقي علوي سوري وعلوي تركي وعلوي لبناني ...

للتوضيح فقط ...
تحياتي

يا صديقي كان بدي الطّف الجو في الموضوع
واحط رد مرح
بس ما فرق كتير في جو الحوار

يعني معقول ما بعرف العلويين

[محمد ابراهيم]

كاتب النص الأصلي : TheLight

"




كمان ما تغير المعنى

كمان؟؟؟هذه ليست المره الاولى .في اول مره اكتفيت بقول كلمة الله يسامحك اول لما شفت اتهامك وما عقبت او دافعت على اتهامك لي وتجاوزت عن الامر ولم اندم ولن اندم على ذلك رغم تكرارك للاتهام بصوره افظع واقوى ولكن هذه المره سأرد موضحا ولكني لن انسى ان اقول الله يسامحك

يعني اول مره قلت التالي

"بتخيل انو الكل قولوه لابوطريق شي ما قالو"

وبعدين

"كلامو واضح لابو طريق وانتو عن تأولوه بطريقة مشوهة ياريت الواحد يكون دقيق بكلامه ويا ريت ترجع تقرا كلامو بشكل دقيق"

وانا اقول لك

بأي لغة تكتب وبأي لغه تقرأ وبأي لغه تفهم ؟؟؟حتى استطيع ان اتحاور معك
اين وجدت ما تتحدث عنه ؟؟اقصد التالي "بتخيل انو الكل قولوه لابوطريق شي ما قالو"
واين التأويل وطريقته المشوهه ؟؟؟
اما عن الدقه فلن تجد اكثر منها لدي, اما كلامك فهو المفتقر اليها وسترى بعد قليل من الذي يحتاج ان يقرأ كلام الاخر بدقه .
هاد حكيك

لانو قولو

(و للأسف هالنظام عميدعم الزمرة الفاسدة بهالطائفة-وحرف الباء هون يعني (من) يعني بتصير الجملة (الزمرة الفاسدة من الطائفة)) معناه ان النظام عم يدعم زمرة محددة هي الزمرة الفاسدة مما يعني وجود زمرة أخرى غير فاسدة وهالزمرة الفاسدة هي يللي بتأيد النظام والبعث

اذاً تريد ان تتحدث عن معنى الباء
يخيل الي انك بدأت تتحدث عن اللغه العربيه,حسنا
في اللغة العربيه معانى الباء 13 ثلاثة عشر معنى
طبعا اقصد الباء الاصليه وليس الزائده وقلت واقول انها حرف جر لثلاثة عشر معنى
هي كالتالي
(الالصاق بنوعيه "الحقيقي والمجازي",التعديه ,الاستعانه,السببيه,المصاحبه ,الظرفيه,البدل,المقابله ,المجاوزه ,الاستعلاء ,التبعيض,القسم ,الغايه"
ينبغي عليك ان تحول الجمله من العاميه للفصحى وتعربها ,وذلك اذا اردت ان تطبق قواعد اللغة العربيه عليها .
ان عجزت عن تحويل الجمله او اعرابها انا اساعدك في ذلك
اما محاولتك لتطبيق قواعد اللغه العربيه الفصحى على العاميه هي محاوله خاطئه وتوضح مدى جهلك بخصوص هذا الامر .

* امر اخر هو اننا لسنا بحاجه لتحويلها لانها كانت تحمل مابين افكارها الفكره التي اشرت اليها وانا اعلم انها جاءت بسوء تفاهم وهي ليست مقصوده من صاحب الرد وانما ابو طريق لم يكن يقصد ذلك المعنى ولكني اردت ان يقرأ الاخريين ذلك منه .
وساوضحها(الفكره) للجميع عن طريق "التفكير المنطقي" ومصطلحه هو

"

logical thinking"

it is away to collect ideas and statements together

وهو اسلوب قوي وجيد من وسائل الفكر

ساتحدث عن احد حالاته وتدعى سلسلة الاستنتجات


"

Chain of Reasoning"

في هذه الحاله نحن نتجه بشكل تعاقبي من نقطه لنقطه ,من النقطه اذا الى النقطه اذن وقد يتكرر الامر اكثر من مره (على حسب المثال ) واذا طبقناها على المثال الذي لدينا سيكون كالتالي :-

اولا هذا هو المثال "و للأسف هالنظام عميدعم الزمرة الفاسدة بهالطائفة، و هي الزمرة الفاسدة هيي يللي بتأيد الرئيس و نظام البعث، و مصوا دم الشعب السوري، و صلوا مستواناالثقافي و المعيشي للحضيض، أما الباقي فهوي ضحية متلنا متلن".

1.للاسف هالنظام عميدعم الزمرة الفاسدة بهالطائفة ,منطقيا اذا يكون هناك زمره فاسدة في الطائفه العلويه ويقوم بتدعيمها النظام
2.هي الزمرة الفاسدة هيي يللي بتأيد الرئيس و نظام البعث, اذا ايضا هذه الزمره الفاسده في الطائفه العلويه هي التي تؤيد الرئيس ونظام البعث. وهكذا
3.اما الباقي فهوى ضحيه متلنا متلن. اذا الباقي من العلويون متلنا متلون

4. اذن "النقطة اذن"الباقي مختلفين عن ماسبقوهم اي انهم ليسوا ضمن الزمره الفاسده وبالتالي لا يدعمهم النظام ولا يؤيدو النظام .

هذه احدى حالات التفكير المنطقي المسماه بسلسلة الاستنتجات.

واحب اشير الى نقطة ذكرها السير فيكرز عندما كان يقارن بين الانسان وجراد البحر

فقال ما معناه ان جراد البحر مصيدة نفسه حيث ان صدفته تعيق حركته السريعه وأزرعه الممتدة تسهل وقوعه في شباك الصيادين,ويقصد ان هذا الكائن يظل حبيسا ومحصورا داخل صدفته ومهددا من العوامل الخارجيه باستمرار
كما تفكير الانسان العادي يظل حبيسا لمجموعه من القوالب الجامده من الافكار والافظع هو ان الانسان يفكر فقط عندما يكون في موقف رد الفعل ويستدل على ذلك بان هناك الكثير يظلون عاجزون عن اجتياز حواجز يتعرضون لها بصوره متكرره ومشابهه في حياتهم .
ويرشدنا الى انه كي نجتاز تلك الحواجز يجب ان نتعرف على طرق جديده وادوات جديده تمكننا من عملية الاجتياز كي نستطيع ان نرى الامور من زوايا جديده ومختلفه وبطرق جديده .

[لاوديسا]

كاتب النص الأصلي : sezar

هلأ صار جنوح شوي عن الموضوع كنت بتمنى يروح الحوار لأعمق من هيك
بأغلب الردود يبدو الشباب قرو أول كم سطر و داق خلقن لأنو خطفو الكباية من راس الماعون

المهم
منجي لنقطة العلويين بسوريا
العلويين بسوريا ما انشهروا و انعرفوا غير بعد حافظ الأسد ما استلم زمام الأمور اثر انقلاب عسكري
هلأ كون حافظ الأسد جاية عل سلطة جديد و بعد كزا و كزا انقلاب ف من الطبيعي تكون الزمر المقربة إلو و الأكثر ثقة من طائفتو و أولاد ضيعتو ..
هلأ لهون المستفيدين ليسو الطائفة انما زمرة معينة ( مقربة )
بقية الشعب العلوي متلو متل هل بسطاء يلي بضيع الوادي و الجبل و الساحل و متل أي مواطن سوري بيسعى ورا الخبزة يلي بدو ياكلا اليوم ..
و المعارضين العلويين تمت معاقبتن بتشدد أكتر بذكر اسم ما انذكر بالمقال - عبد العزيز الخير - سجن 22 سنة ( يمكن طلع قبل المدة بشوي لأنو ما ضل غيرو من الشلة القديمة )

لا حدا يفهم الموضوع بسلبية تجاه العلويين لأنو الموضوع حساس و ممكن جدا يتاخد فكرة خاطئة ..

بعد كل شي هنن طائفة من طوائف الشعب السوري الخليط الى أبعد الحدود لكنه يبقى سوري

يعني الى حد كبير هاد اللي بدي ياه يوصل .....

[لاوديسا]

كاتب النص الأصلي : أبو طريق

فالمهم أ،ا ما كان قصدي اجرح حدا، و بالذات لاوديسا، لأنها إنسانة عزيزة عقلبي كتييييير، و هيي بتعرف هالشي ما بدا مين يقللها، و ياريت ترجع تقرأ ردودي لأن ساعتا أكيد رح تفهم موقفي أكتر.
المهم يا جماعة حصل خير.

احترامك عندي متل ما هوي ما بيتزحزح واختلاف الاراء ما بيغير من موضوع الاحترام شي
وانا ما فهمتك خطا بنوب بس اللي صار انو الموضوع حساس شوي وانتي بردك يعني متل اللي بين لغويا انو كل اللي مع سيادة الرئيس هنن زمرة فاسدة ومستفيدين ومدري شو من هالكلام الكبير وهاد الشي بيشجع الشباب ماشاء الله عليهن ليردو ردود غير لبقة وطائفية
اما قصدك انت مفهوم واكيد حصل خير
وانا معو لسيادة الرئيس لو كان هاد مو موضوعنا وببساطةراح قلك ليش انا معو طبعا على الصعيد الشخصي لانو عالصعيد العام بعتقد الكل بيعرفا
بصراحة انا لولا سيادة الرئيس بعمري ما كنت بحلم اتوظف لانو الفرع اللي انا متخرجة منو الو 30 سنة ما شاف مسابقة ولا تقول عم بالغ اي لاء صدق
كمان لولا سيادته بعمري ما كنت بحلم كمل دراستي هون بقصد خارج سورية وعلى حسابن
وبعمري ما كنت بحلم عيش هالعيشة صدقا من كل النواحي يعني الرواتب اللي عم ناخدها عم بتطمنا طم وغير هيك اموك كتير ما في داعي اذكرها وصدقا ما عندي اي واسطة
بس انا بحترم الراي اللي بيخالف رايي بس يكون مبني عالحوار المنطقي والاحترام

بالنهاية رح قول بيت شعر يا ريت بيقدر كل واحد فينا يطبقو

ما دمت محترما حقي فانت اخي .... امنت بالله ام امنت بالحجر