|
| س و ج | قائمة الأعضاء | الروزناما | العاب و تسالي | مواضيع اليوم | بحبشة و نكوشة |
أخوية سوريا: تجمع شبابي سوري (ثقافي، فكري، اجتماعي) بإطار حراك مجتمع مدني - ينشط في دعم الحرية المدنية، التعددية الديمقراطية، والتوعية بما نسميه الحد الأدنى من المسؤولية العامة.
نحو عقد اجتماعي صحي سليم، به من الأكسجن ما يكف لجميع المواطنين والقاطنين.
أخذ مكانه في 2003 و توقف قسراً نهاية 2009 - النسخة الحالية هنا هي ارشيفية للتصفح فقط |
||||||
|
||||||
 |
|
|
أدوات الموضوع |
30/07/2006
|
#1 | ||||||
|
مشرف متقاعد
|
بشار موسى | ببلوغرافيا | الألبوم الأول
بشار موسى من مواليد دمشق. بدأ الغناء في السادسة من عمره درس الصولفيج والأكورديون. في عمر الرابعة عشر، بدأَ بالاشتراك في حفلات الشواطئ في الصيف. وخلال تلك الفترة بدأ بالعزف على الغيتار وكتابة أغانيه الخاصة باللغة الإنكليزية . انضم بشار إلى جوقة "الفرح"، إحدى أكثر الجوقات شهرة في سوريا، دوره الأساسي مع جوقة الفرح كان الغناء ( فردي و جماعي ). كتب ولحن أغاني للجوقة، بعض منها للأطفال. شارك في العديد من نشاطات الجوقة داخل سوريا وخارجها. حيث نظمت الجوقة جولة في أوروبا عام 1994 ( في كلٍ من ألمانيا وفرنسا وهولندا) أدّت من خلالها 21 حفلة موسيقيةَ ناجحة جداً. في أوائل التسعينيات، شكَل بعض الفرق الموسيقية أولها فرقة "M.A.A.B ". عام 1995، شكّل مع أصدقائه فرقة قاموا من خلالها بتأليف أغاني تعكس خلفياتَهم الثقافية وهموم وأفكار جيل الشباب. و بدأت "كلنا سوا" تتحول إلى مشروع جدّي فانتشرت موسيقاهم على نطاق واسع وحظوا بشعبية كبيرة، حيث أقاموا العديد من المقابلات التلفزيونية والحفلات الموسيقية. استطاع بشار من خلال إدارته لفريق كلنا سوا توقيع عقد عالمي مع شركة EMI. وأصدرت الفرقة منذ حزيرانَ 2001 ألبومين ناجحين تضمنوا بشكل رئيسي، "نزلن عالبستان" "و"وين عارام الله" والعديد من الأغاني الناجحة "عالمايا"، "كل شي اسمو جديد". أقامت الفرقة العديد من الحفلات الناجحة في العديد من البلدان مثل دبي، الأردن، لبنان، المغرب، الكويت، ألمانيا.كما أحيت الفرقة عند إطلاق ألبومها الثاني "موزاييك" ثلاث حفلات موسيقية ناجحة, وكان ضيف الشرف في حفلاتهم الثلاث الفنان الكبير "محمد منير". كما أن أحد أهم محطاته مع فرقة كلنا سوا كانت غناءه على المسرح في نيويورك في نوفمبر/تشرين الثاني 2004 مع الفنان العالمي المشهور Dominic Chianese في المسلسل التلفزيوني The Soprano. بالإضافة إلى مشاركته الغناء مع الموسيقي العملاق ( (Peter Yarrow مؤسس فرقة Peter, Paul and Mary في حفلة موسيقية في الولايات المتحدة الأمريكية. جولة الثقافة من أجل السلام في أواخر تشرين الثاني/ نوفمبر 2004 قدمت بشار وكلنا سوا، إلى الجمهور الأمريكي. الجولة شملت حفلات موسيقية في أكثر من 21 حفلة موسيقية في مختلف الولايات الأمريكية من ضمنها مقر الأمم المتّحدة في نيويورك حيث حصلوا على جائزتين للسلام. بشار موسى من خلال ألبومه الفردي الأول "بلدي"، يحاول إثبات غنى المشهد الموسيقي السوري، و تحقيق أحد أهم أحلامه بوضع كل ما لديه في هذا المشروع
J.S: Death is the solution to all problems. No man = No problem.
|
||||||
|
|
30/07/2006
|
#2 | ||||||
|
مشرف متقاعد
|
ألبوم بلدي
يتضمن الألبوم 9 أغاني سنرفقها مع الكلمات
لولالي Lolali كلمات و ألحان المقطع العربي: حسام تحسين بيك كلمات وألحان المقطع الإنكليزي: بشار موسى توزيع: فيكين جيفانيان لولولو لولالي, لولولو لولا لي الله محييّ شوارعكِ يا بلادنا المنصورة Open your door, get down to the street Cross your neighborhood, break new ground for your feet Cross the down-up boarders, cross the current lines Step into the river between your side and mine Come sing this song with me, turn the human key No need for TV screens between your mind and me لولولو لولالي, لولولو لولالي الله محيي شوارعكِ يا بلادنا المنصورة Everyday is breaking news, but the world stays the same Everyday a chance is lost, and left like a stain Your voice is traveling across the air, in search of harmony Of a world where freedom works for you and for me To be or not to be, is not the question here We either share what's different, or unite in fear Come sing this song with me, turn the human key No need for TV screens between your mind and me لولولو لولا لي, لولولو لولا لي الله محيي شوارعكِ يا بلادنا المنصورة قوم لعندي Oum La'andi كلمات وألحان: مروان نخلة توزيع: فيكين جيفانيان لعيونك القمر بيهل ونجوم الدنيي كلها قوم لعندي هلق طل القعدة بلاك شو بتسوى لعيونك القمر بيهل ونجوم الدنيي كلها طولت غيابك ع الكل قوم لعندي هلق طل قوم لعندي هلق طل القعدة بلاك شو بتسوى لعيونك القمر بيهل ونجوم الدنيي كلها طولت غيابك ع الكل دخلك قوم لعندي طل والقمر لو غاب يابا قلبي لو ينساني يابا ما يقدر ينساك يسلّم ويرضى بعذابا الصبر مايداوي غيابا يكفي انويهواك القعدة بلاك شو بتسوى لعيونك القمر بيهل ونجوم الدنيي كلها قوم لعندي هلق طل بتكِ ها لعمر بيفل الشوق لوناداك ليلة ماغفت عينو بليلة وهو يستناك والسهر يحلى بليلة ميّل ولنّو شي ميلة ما لوعد يلقاك القعدة بلاك شو بتسوى لعيونك القمر بيهل ونجوم الدنيي كلها قوم لعندي هلق طل بتكِ ها لعمر بيفل قوم لعندي هلق طل القعدة بلاك شو بتسوى لعيونك القمر بيهل ونجوم الدنيي كلها طولت غيابك ع الكل دخلك لعندي طل مشتاق Meshtak كلمات وألحان: بشار موسى توزيع: حازم العاني مشتاق, واللحن بقلبي يغنيكي مشتاق, للطفل اللي ساكن فيكي بدي ضمك لو شي نهار من الفجر اللي عليكي غار لليل اللي قمرو بيخجل من عيونك وينسى المشوار كل يوم من دونك بيمرق نجمة بسماي بتنطفي خايف من عتمة عم تكبر تمحي عمري ويختفي وقلوب احتارت بقلبي تعبوا زاد وما شفي وبعدو ناطر بدو يسرق قلبك لحظة ويختفي بدي ضمك لو شي نهار من الفجر اللي عليكي غار لليل اللي قمرو بيخجل من عيونك وينسى المشوار مشتاق لعيونك أنا واللحن بقلبي يغنيكي والدمعة تكرج على الدرب المشتاق يلاقيكي اشتقت لحضنك أنا وللطفل اللي ساكن فيكي ولبوسة تفرش ندى عقلبي ويصحى يناديكي بدي ضمك لو شي نهار من الفجر اللي عليكي غار لليل اللي قمرو بيخجل من عيونك وينسى المشوار هيهات Hayhat كلمات وألحان: فلكلور سوري توزيع: نزار تارك توزيع النحاسيات: نزار عمران هيهات ياابو الزلف وزلفا ياعينيّ مفتاح قلبي معك لاتسكّري عليّ يابيّ وياابو بحر عالي ويا صيتك فوق البحور عالي ويا تلباقلك مهيرة من موالي مرشرشة من فضة ودهب يا طير صوب بلادها خدني معاك جسمي أخف من النسيم يا طير شو بيمنعك ؟ قلي خايف من دموعك بالهوى تيروح يتبلل جانحي من مدمعك هيهات كشاش الحمام Kashash Al-Hamam كلمات: خالد إسماعيل كلمات وغناء مقطع الراب: خالد عمران توزيع وألحان: حازم العاني رح أحكي وفش خلقي هالمرة عن صاحبنا بيكش بخبرة بيضل يكش لسمّوه كشاش الحمام العالم عندو طابة صغيرة الصبح بأمريكا المسا بالديرة وبقبرص عندو جزيرة بتتبع لليونان واسع خيالو, ومبسوط بحالو اليوم كشاش الحمام, يسلم لخالو على شغلو بيوصل بالطيارة ماضل مسؤول ما عملو زيارة ومديرو بيرفع إيدو و بيضربلو سلام واسع خيالو, ومبسوط بحالو اليوم كشاش الحمام, يسلم لخالو عامل حالو مختار الحارة وبمرة طلبتو باستشارة يخطبلي بنت الجارة, خربطلي الدوزان واسع خيالو, ومبسوط بحالو اليوم كشاش الحمام, يسلم لخالو بلديBaladi كلمات: بشار موسى ألحان: د. عمار العاني توزيع: نزار تارك قاعد لوحدي بين الحيطان قاعد لوحدي اذكر اللي كان كنا نلعب ع دراج بيتنا كنا نسهر مع الجيران كنا نغني كلنا لبلدي غنية بتبقى ما بتعرف النسيان بحبك يا بلدي, بحبك يا بلدي و تبقي بقلبي تيفنى المكان بحبك يا بلدي, بحبك يا بلدي و ضّلي بقلبي تيخلص الزمان مسكتلي إيدي عم تودعني و دمعة بعينيها تندهلي ارجع كنا نحلم ببيت يجمعنا بفيّو الوادي و حقول وساع ونقعد نغني سوا لبلدي غنية بتبقى ما بتعرف النسيان بحبك يا بلدي, بحبك يا بلدي و تبقي بقلبي تيفنى المكان بحبك يا بلدي, بحبك يا بلدي و ضلّي بقلبي تيخلص الزمان كانت تندهلي من بيتها العتيق و اركض من فرحي لاقيها ع الطريق وننسى الساعات ع النهر القريب وافرح بعيونها وبسحر المغيب بحبك يا بلدي, بحبك يا بلدي و تبقي بقلبي تيفنى المكان بحبك يا بلدي, بحبك يا بلدي و ضلّي بقلبي تيخلص الزمان Amanآمان كلمات و ألحان: بشار موسى توزيع: فيكين جيفانيان غناء المقطع العربي: لين أديب Tell me sister what I told you Remind me always there is wrong and right You know behind the cloud the sun is shining And that sometimes I say day when I mean night Sometimes people say a broken world is fine But behind the smile you hear them cry Yours is the time when things are calling Calling you to see them eye to eye بخاف من العتمة تمحيلي أحلامي من الإيد الجاية تسرقلي أيامي تسرقلي الضحكة تسرقلي الأمان وآمان آمان عالحرية والسلام آمان آمان عالحرية والسلام Don't turn your back on what you have to face Walls can open windows of which you did not know You try, you fail, and then you try again Step by step you make the darkness go Together we will meet the future O' Mr. Future, that grand old man Even if he faces you like a tall and dusty wall He isn't turned against you or all you can كل ضحكة بتحمل شمعة تمحي الأحزان تدور ع وجوه اللي نسيتها الأيام وشمعة ورا شمعة الضحكة بتطول تغني غنية الحرية والسلام آمان آمان ع الحرية والسلام لون عيونك Lawn Ouyounek كلمات وألحان: بشار موسى توزيع: فيكين جيفانيان لون عيونك بالليل بيرسم صور تحكي عن أحلى الحكايا والعشق انسحر شعرك سما, جفونك غيم ودموعك مطر تروي كل أنهار العشق واحتارالقمر أنت حلمي الحقيقي أنت قربك حنين صوتك يملا سكون الليل بيمحيلي الضجر أنت خليتيني أرجع ع قلبي النام من سنين وكتبتي قصة حب جديدة رسمها القدر خليني بقلبك ضوي قناديل المحبة الليلة وأهديكي خاتم محبة وقلون شو مخبا بقلبي وعليكي بغار, من نظرة بغار من نسمة بغار, من قلبي بغار بهالليلة بغني الغنية بهالليلة خلقت من جديد وسلالم يرسمها العود ع اوتار السهر والريشة توديلك نسمة تحكيلك عن زمن بعيد عن أول لحن وعن كلمة كونها السفر خليني بقلبك ضوي قناديل المحبة الليلة وأهديكي خاتم محبة وقلون شو مخبا بقلبي وعليكي بغار, من نظرة بغار من نسمة بغار, من قلبي بغار لولولو لولالي Lolali "Original" كلمات وألحان: حسام تحسين بيك توزيع: فيكين جيفانيان لولولو لولالي, لولولو لولالي الله محيي شوارعكِ يا بلادنا المعمورة يا صوتي عليّ واركب جناح الهوى هتلي الخبر وسلملنا على أهلنا يا غربتي اللي ما ينفع بيها دوا إلا الحبايب و السهر بديارنا لولولو لولالي, لولولو لولالي الله محيي شوارعكِ يا بلادنا المعمورة يا ريتني عانق عتبتك يا دارنا والنوم محلا النوم فوق بساطنا يا ميمتي والحضن كان مخدتي يا رب تجمع بالحبايب شملنا لولولو لولالي, لولولو لولالي الله محيي شوارعكِ يا بلادنا المعمورة يا دارنا اللي كانت خضار وعامرة والعيلة فيها يد وحدة وقادرة والعيشة كانت بالمحبة دايرة يا ريت ما كبرت يا ريت أنا يا دارنا لولولو لولالي, لولولو لولالي الله محيي شوارعكِ يا بلادنا المعمورة |
||||||
|
|
|
30/07/2006
|
#3 | ||||
|
عضو
-- زعيـــــــم --
|
أمام المواقف غير المتوقعة التي تضعنا فيها الحياة.
أحب أن يتبع المرء مزاجه السري,ويستسلم لأول فكرة تخطر بذهنه دون مفاضلتها أو مقارنتها بأخرى. فالفكرة الأولى دائما على حق مهما كانت شاذة وغريبة لأنها وحدها تشبهنا. ....... خلي حبنا يمشي ع المي وما يغرق |
||||
|
|
|
31/07/2006
|
#5 | ||||
|
مسجّل
-- اخ حرٍك --
|
بتعرف hashtnasht انك فاجئتني بالمقدمة عن الفنان بشار موسى .. ما بعرف ليش كان كل فكري انه اردني مو سوري .. يمكن لان التلفزيون الاردني كان يبث اغنية نزلن على البستان كتير والاغنيه بالاصل للمطربة الاردنيه سلوى غنتها بفترة السبعينات .
على كل بجد بتستاهل مو ورده وحده بتستاهل سيارة ورد على هالاضافه الي بتجنن بجد يسلمهون هالايدين |
||||
|
|
|
01/08/2006
|
#6 | ||||||
|
مشرف متقاعد
|
 على عيني |
||||||
|
|
|
11/12/2007
|
#8 | |||||||
|
مشرف متقاعد
|
اقتباس:
نزلن على الحمام و ليس عالبستان هي الاغنية الأصلية من التراث السوري بامتياااااااااااااااااااا ااااز . بعدين عملوها نزلن على البستان و أول من غناها (يعني بالتلفزيون) هو غوار الطوشة بواحد من المسلسلات القديمة (يمكن صح النوم, أو هداك التاني اللي كان فيه صبي حمام) اقتضى التنويه
أبو مـــــــــ1984ـــــــارال
خبز,, سلم,, حرّية
- ابو شريك هاي الروابط الي
بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف
الرابط (مصرّ ) ففيك اتسجل بإنك تتكى على كلمة
سوريا -
|
|||||||
|
|
|
11/12/2007
|
#9 | ||||||
|
عضو
|
وانت شو ذكرك بهالموضوع هلأ
وحياة سواد عينيك يا حبيبي غيرك ما يحلالي
we ask syrian goverment to stop panding akhawia نقسم سنبقى لاننا وارضنا والحق اكثرية |
||||||
|
|
|
11/12/2007
|
#11 | ||||||
|
عضو
|
على بساط الريح مثلا ؟
بس عالهامش اغانيه كتير حلوين صحيح بعد بكرا اله حفلة بتياترو خلونا نشوفكون حجي ياس طمن بالك رح جيبه لبشار لعندك لاسبانيا خليك مرتاح  |
||||||
|
|
|
22/04/2008
|
#12 | ||||||
|
عضو
-- مستشــــــــــار --
|
بشار موسى  الأخوة الأعضاء بأمكانكم تحميل اغاني المطرب بشار موسى بالضغط على اسم الأغنية 
- ابو شريك هاي الروابط الي
بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف
الرابط (مصرّ ) ففيك اتسجل بإنك تتكى على كلمة
سوريا -
- ابو شريك هاي الروابط الي
بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف
الرابط (مصرّ ) ففيك اتسجل بإنك تتكى على كلمة
سوريا -
- ابو شريك هاي الروابط الي
بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف
الرابط (مصرّ ) ففيك اتسجل بإنك تتكى على كلمة
سوريا -
- ابو شريك هاي الروابط الي
بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف
الرابط (مصرّ ) ففيك اتسجل بإنك تتكى على كلمة
سوريا -
- ابو شريك هاي الروابط الي
بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف
الرابط (مصرّ ) ففيك اتسجل بإنك تتكى على كلمة
سوريا -
- ابو شريك هاي الروابط الي
بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف
الرابط (مصرّ ) ففيك اتسجل بإنك تتكى على كلمة
سوريا -
- ابو شريك هاي الروابط الي
بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف
الرابط (مصرّ ) ففيك اتسجل بإنك تتكى على كلمة
سوريا -
- ابو شريك هاي الروابط الي
بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف
الرابط (مصرّ ) ففيك اتسجل بإنك تتكى على كلمة
سوريا -
- ابو شريك هاي الروابط الي
بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف
الرابط (مصرّ ) ففيك اتسجل بإنك تتكى على كلمة
سوريا -
 |
||||||
|
|
|
|
«
الموضوع السابق
|
الموضوع التالي
»
|
|
الساعة بإيدك هلق يا سيدي 17:27 (بحسب عمك غرينتش الكبير +3)