الرؤية المسيحية للمرأة

الأب أسعد · 24/05/2004

مكانة المرأة في الكتاب المقدس

هذا الموضوع يتناول الرؤية المسيحية للمرأة ، بحسب مفهوم يسوع المسيح والقديس بولس . ويوضح كيف عالج السيد المسيح الصورة المغلوطة عن المرأة في المجتمع اليهودي، هذه الصورة التي ما تزال حتى اليوم تؤثر في تفكير أبناء هذا العصر، لذلك كان لابد أن نفهم الرؤية التي أراد منا السيد المسيح أن نتعامل من خلالها مع الأنثى ، كأشخاص يفهمون نظرة السيد المسيح للأنثى. فمن يعرف هذه النظرة لآبد له أن يرفض أي نظرة أخرى لا تساويها.

فمن يريد الإطلاع على هذا الموضوع هناك ملف مرفق بهذا الموضوع فيه شرح مسهب لهذه الرؤية المسيحية.

سامر خالد · 24/05/2004

تحياتي الطيبة والسلام عليكم
الاب اسعد
انا لاحظت ان الاستفتاء باول الموقع والسؤال هل الله عادل
اعتقد انه سؤال غير مناسب ويدخل الذات الالهية في اشياء يجب الا ندخلها بها
فطبعا الله سبحاته وتعالى عادل
وآمل الا تكون مشاركتي مزعجة خاصة وانني مسلم يكتب بمنتدى مسيحي

**Hus** · 24/05/2004

اخي سامر المنتدي ليس مسيحي اخطأت .. قد يغلب الطابع المسيحي بحكم الاعضاء وأغلبية وهيك
لكن ما حد قال انو الموقع مسيحي .. الموقع اخوية من الاسم للجميع كأخوة

ومنشان موضوع هل الله عادل .. هذا استفتاء
يعني متل لو عملنا استفتاء حول هل تومن بالله ..
من الطبع لا نقصد باستفتاء هل تومن بالله ان الله غير موجود او نشكك بوجوده .. اطلاقا
وانما هوي استفتاء لاستبيان راي الناس ونسبة المومنين من غير المومنين
وهذا تماما الحال بالنسبة لاستفتاء هل الله عادل ..
الهدف منه احصائي لمعرفة المومنين بعدل الله من الغير مومنين هذا كل ما هنالك ..

سامر خالد · 24/05/2004

طيب شكرا جزيلا يا دكتر هس
بس قل ل غسان يحزر مين انا وبياخد عشر ليرات حلوان

**Hus** · 24/05/2004

طب وانا ما بيطلعلي سمسرة !! :P

الأستاذ · 24/05/2004

الأخ العزيز
إن الوصول إلى معرفة الله الحقة تكون من خلال النعم التي أنعم الله علينا بها
و نعمة العقل هي من تلك النعم، ولعل هدف طرح الاستفتاء المذكور هو استثمار هذه النعمة،
لإثبات كمال الله، ليس بالايمان القلبي و الروحي فحسب، و إنما بالقناعة و الإيمان العقلي
أنا أرى الموضوع من هذه الزاوية
و الله اعلم

Anonymous · 27/05/2004

good job Dr_Hs thank u for Tawdeev

الموضوع بالحقيقة عجبني يا جماعة

rashaqa · 13/06/2004

هيدي المقال نزلتها بس كتير حسيتها طويلة وما فيني اقراها كلها حبابين حدي يلخصلنا ياه

احمد الرائع · 20/10/2004

نعرف ان في المسيحية الرهبان والراهبات لايتزوجوا
ولو فرضنا ان معظم الناس اصبحوا رهبانا وراهبات فمن سينجب الابناء وهذا سيؤدي الى فناء البشرية
ولو فرضنا ان معظم الرجال اصبحوا رهبانا لبقيت معظم النساء بدون زواج

ولوحصل العكس فماذا سيفعل الرجال

اتمنى من الاب ان يجيبني على هذا السؤال وشكرا

الأخت هبة · 20/10/2004

لحتى يصير الواحد راهب أو راهبة لازم يكون عندو إيمان كتيييييييير كتير كبير ولازم يكون عن جد عن جد قلبو كلو ل الله وعندو استعداد كافي لحتى يوهب حياتو للرب بس ... وأغلب الناس ما بتقدر تعيش هيك .. والمسيحية ما بتطالب كل الناس يصيروا رهبان... بس بتطالبك يكون قلبك ل الله وبدون ماتكون راهب ... بقى ما في داعي تفرض هيك شي من الأساس لأني بظن شايف المسيحيين أنو قسم كتير كبير منن مزوجين وعندن ولاد وعايشين حياتن العادية ...

keko · 20/10/2004

ع راسي والله يا أخت هبة
حكيتي الحكي اللي كان بدي إحكيه

والله 100

وأنا بهنيكي على هالإطلاع الجيد

الأخت هبة · 21/10/2004

تسلم كيكو ...

احمد الرائع · 27/10/2004

في المسيحية عندما تتزوج المراة يصير لقبها هو لقب زوجها اليس في هذا امتهان للمراة ثم ان المسيحية تحرم الزواج بامراة ثانية وهو الامر الذي ادى الى انتشار الزنا وهم يتساهلون مع ان يزني الرجل المتزوج على ان يتزوج بثانية وفي هذا تناقض عجيب واخيرا فالمسيحية كما اعلم في الاصل لم تكن تبيح الطلاق واضطروا لتحريفها ليسمحوا بذلك وشكرا

HashtNasht · 27/10/2004

اقتباس:

ثم ان المسيحية تحرم الزواج بامراة ثانية وهو الامر الذي ادى الى انتشار الزنا

الأستاذ · 28/10/2004

اقتباس:

في المسيحية عندما تتزوج المراة يصير لقبها هو لقب زوجها اليس في هذا امتهان للمراة

هادا مو بالمسيحية، هادا عرف أو عادة عند بعض الشعوب و مالو علاقة بالدين

اقتباس:

المسيحية تحرم الزواج بامراة ثانية وهو الامر الذي ادى الى انتشار الزنا

حلو هاد الاستنتاج و بالقياس يمكن أنو نقول أنو:
كون المسيحية تحرم الزواج برجل ثاني هو أمر أدى إلى انتشار الزنى

اقتباس:

وهم يتساهلون مع ان يزني الرجل المتزوج على ان يتزوج بثانية وفي هذا تناقض عجيب واخيرا فالمسيحية كما اعلم في الاصل لم تكن تبيح الطلاق واضطروا لتحريفها ليسمحوا بذلك وشكرا

يا زلمي بالله منين مصدر معلوماتك
الزنى هو السبب الشرعي الوحيد للطلاق بالمسيحية
بعدين أنا بقلك شلون بكون في امتهان للمرأة: لما بكون للرجل الحق بأربع نسوان وللمرأة إلها حق بربع رجل
يعني بحسبة بسيطة بتلاقي حق الرجال قد 16 مرا (هادا طبعاً إذا اعتبرت إنو الفجال و المرا تنيناتون بشر)
بكون في امتهان للمرأة لما بكون بحق للرجال أنو يدفع لمرتو قرشين و يقلا مع السلامة إنت طالق بدوزن أي سبب أو مقدمات، متل لو كانت شي لفاية أو خدامة
على كل حال هادا الحوار مو مكانو هون، إذا بتحب فينا ننقل الحوار إلى منتدى حوار الأديان

الأخت هبة · 28/10/2004

بظن الأستاذ جاوبك يا احمد بشكل كافي ووافي ... بس سؤال زغير .. إزا أنت بعمرك ما التقيت بمسيحي من وين بتجيب معلوماتك ؟؟؟؟ بقى ما بعرف من وين مطلع ع هالمعلومات اللي اسمحلي قلك أنها غلط ...بقى يا ريت تحاول تلتقي بمسيحيين لتعرف الحقيقة مو أنو بس تسمع كلام عالم ما بيهمن غير يكفروا المسيحية ويتهمون بالضلال...لأني بظن أنو هيدا اللي الواحد بيحاول يناقش عليه .. مو شي تاني ...

احمد الرائع · 29/10/2004

الاخت هبة فعلا انا لم التقي بمسيحيين من قبل
ولذلك حبيت انو اشترك بهالمنتدى حتى يكون فيه حوار مباشر واعتقد اني استفدت من هذا الامر
واطلعت على اشياء جديدة لم اكن اعلمها عن المسيحية متل انو مو من المسيحية ان المراة تلتحق بلقب زوجها هذي معلومة جديدة علي تماما

إبراهيم عرفات · 03/12/2004

ألف شكر على هذا الموضوع الرائع. باعتباري مسلم سابق، أقدر أن أقول أن المسيح أعطى المرأة قدرها بشكل ليت الكثيرون يفتشون عنه فيرون أنها حقا نظير له و لا تقل عنه أبدا بل هو ينظر فيها و يقول لحم من لحمي و عظم من عظامي. ما تبقى لنا هو التطبيق لهذا الكلام لا مجرد التغني بعذوبته و كأنه نحاس يطن.