حزورة : ما الفرق بين الله والتنين والغول ؟

[أنا_بذاتو]

ماشي خيي gabo. هلق وضحتلي وجهة نظرك وبصراحة أنا لم أضع الموضوع في ساحة الأديان لسببين على الأقل : الأول لأني لا أحب كثيراً هذه الساحة لكون نقاشاتها تشبه صراع الديوك أكثر من أي شيء آخر والثاني لأن فزورتي ليس هدفها النقاش الديني البحت بل أشياء أخرى كثيرة غير ذلك.

كاتب النص الأصلي : أنا_بذاتو

يالله، الله ياخذنا جميعاً .................... في رحلة سياحية عالجنّة قبل ما نموت.

كلامك هدا فيه وجهة نظر … السفر لجنة الغول، فكرة كيّسي. يعني إذا بيحب أبو الشباب ياخدنا في رحلة سياحية على جنتو فأنا موافق بس المشكلة هي في جنة التنين اللي ممكن تكون كلها فتيشات ونار وحرايق وروائح بطاطا وزيت مقلي ومن هالشغلات يعني جنة نارية ومع هيك أنا بقبل دعوتو الكريمة إذا ما تفضل علينا بها.

شكراً لترحيبك الودي رغم الاختلاف

[Abu Guzef]

أنا بحكيلك مين
نصرالله لأنو
1 أذاشلت أخر حرف من إسم وليد بيصير ولي
2أذاشلت أخر حرف من إسم نبيه بيصير نبي
3 بس أذاشلت أخر حرف من إسم نصر الله بيصير نص الله

والله يسامحني
أنا مو مشان شي مشانكون مشان تعرفو مين

[عاشق الريم]

قال المولى عز وجل

((سُبْحَانَ رَبِّ السَّمَاوَاتِ وَالْأَرْضِ رَبِّ الْعَرْشِ عَمَّا يَصِفُونَِ))

احتراما لشخصيتك اخي بس اتمنى ان اعرف ديانتك ومن ثم يكون لي رد بسيط

[Kakabouda]

بكل بساطة الله خالق التنين و الغول

[ابو عمير السوري]

شو الفرق بيننا وبين الأوربيون الفرق هو هذا العلاك المصدي اللذي لايغني ولايفني
كل ها التخلف يلي نحنا فيه وعم ندور على أشياء سخيفة نضوع وقتنا فيها
عيب ياشباب عيب

[Spector]

كاتب النص الأصلي : عاشق الريم

قال المولى عز وجل

((سُبْحَانَ رَبِّ السَّمَاوَاتِ وَالْأَرْضِ رَبِّ الْعَرْشِ عَمَّا يَصِفُونَِ))

احتراما لشخصيتك اخي بس اتمنى ان اعرف ديانتك ومن ثم يكون لي رد بسيط

يا حرام الله يشفيك أخي

[عاشق الريم]

كاتب النص الأصلي : GMC

يا حرام الله يشفيك أخي

الله يشفي الجميع اخي بس على ايش؟؟

[LEONARDO]

كاتب النص الأصلي : حوراء

لمعرفتي بضرورة الاحتياج لمن يلجأ اليه المخلوق وقت الخطر والمصائب
فإن من لا يعترف بوجود الله لو انه تعرض لموقف مُميت فإن نفسه او قلبه بحركة لا إرادية تتعلق بشي ما للنجاة من هذا الموقف ..

مرحبا شباب وصبايا
هلأ وبعد اذن أبو الجود رح اربط الشي يللي عم يحكي عنو أبو الجود بيلي بدو يشرحلنا اياه ( انا بذاتو ) أو ممكن قول يللي أنا بفكر فيه :
الفكرة يللي ( يمكن ) عم يحاول ( أنا بذاتو ) يوصلها انو الايمان فينا تعتبروا مرتبط بالبيئة أو بالمكان أو بالزمان أو بعدة أشياء تانية ( وأنا مقتنع بهالشي ) فلما الواحد بوصل لهالنتيجة بصير يسأل حالو عن الله و عن المسيح و عن محمد و عن الغول و عن التنين و عن هادا الكون .
أوك هل هون الست ( حوراء ) قالت و رح اشرح هالشي بالعامية قالت انو الانسان بشكل غير ارادي لما بيوقع بمشكلة أو مأزق بصير ينادي حدا يناجي و بما انو عنا بالمجتمع العربي مو أخدين حقنا انو نسأل عن الرب يللي خلقنا و نسأل عن كتير شغلات ببالنا فنحنا مقتنعين (غصب عنا ) انو الله هوي الأقوى و هوي الرب فمشان هيك دغري بتناجي ليساعدك من تلقاء نفسك مشان هيك ( على حكي الست حوراء ) بتعرف انو الله موجود.
هلأ هون الشي يللي عم يحكي عنو ( انا بذاتو ) انو نفس الشي بصير مع عبادين الغول و عبادين التنين و عبادين الجحش و عبادين البقر فلما بصير معهن مأزق دغري بناجوا ألهتهن .
طيب الاحساس نفسو موجود عند الكل و لكن باختلاف الاله تبع كل عقيدة ( اش معنا هادا ).؟
هادا معناه ( وبنظري ومن وجهة نظري الشخصية ) انو هادا الشي موجود بس للاحساس بالاطمئنان و الراحة و حبك لأنو تلاقي شي عظيم و قوي و جبار تقدر تناجي بالمحن بس عمليا هادا الشي هوي عبارة عن رياحة نفسية مو أكتر .
خلونا نعمل تجربة:
ولد و من وقت يوم ولادتوا الأول كان أهلوا يعلموا و يربوه انو في شي اسمو ( بطيخة ) و هاي البطيخة هيي الاله و هيي الأمر الناهي و هيي و هيي .............الخ.
فالولد لما يكبر رح يضل معتقد انو هاي البطيخة هيي الله و لما رح يصلي رح يصلي الها و طبعا متلوا متل أي شخص رح يرتاح من جواتو و بنفس الوقت بعض الأشياء يللي رح يصليلها رح تظبط و بعضها لأ يعني عمليا متلو متل كل المؤمنين بغض النظر عن الدين أو نوع الاله.
بعتقد وصلت الفكرة بس بدي احكي قصة تانية مشان يللي بدهن يحاربوني على هالكلام يقروها و يفكروا فيها :
كيف بتدرب الفيل انو يسمع كلمتك ؟\
مدربين الفيلة و لحتي يخلوا الفيل تبعن يسمع كلمتهن بيربطوا اجرو (؛ رجله ) و هوي صغير بالشجرة و بما انو هوي صغير بحاول و بحاول و بحاول ميت مرة انو يفك حالو بس ممافي مجال و لما بيكبر بضل مفكر انو مافي مجال انو يحرر حالو من هالشجرة ومن هالحبال و بضل متوقع انو المحاولة رح تأدي لجرح رجلي و تعبو و من دون افادة بس هوي مو عرفان انو الحقيقة بعيدة خطوة وحدة عنو و محتاجة لخطوة وحدة وهادا يللي صاير معنا نحنا لما كنا صغار كانوا يعلمونا و يعبوا براسنا و يغصبونا أحيانا و أحيانا تانية يخوفونا من النهاية بس الحقيقة قدامك بس قوي قلبك و اسأل عنها.

[abu alameer]

كاتب النص الأصلي : القلب المنادي

لك انا بتوقع انهن كلياتهون بشتركوا بشي واحد

وهو انو مافي حدا بالدنيا شافهون

اما الفرق انا ما بعرف؟؟

ما اتمنيت اتشاركي بهيك موضوع

[جورج الأول]

مع احترامي لكافة الأخوة و أرائهم النقاش بوجود الله وبفاعليته وانكارهم له جيد جدأ
أهم شئ بكل الأديان السماوية و غيرها انك تكون مؤمن بالاه تبع هادا الدين
وهادا الشئ هالايام و قصدي الايمان صاير اجباري.يعني عيب تقول الله موجود ولا لاء وهادا الخطأ يلي كتير شباب مفكرين عم يدافعوا عن الله وهنن بالعكس عم يكرهو العالم بالله.
الله بتتعرف عليه و انت عم تعيش حياتك وكلما كبرت و صرت واعي بتعرف حاجتك لله .بتعرفو انو العرب كانو يعبدو الله قبل الديانات السماوية وكانو يعتبروا كبير الأله و السبب كان احساسن بوجود
ما هو أكبر من كل شئ و كل الأله الحجرية يلي كانو يعبدوها.
فرجاء من الأخوة يلي بحبو الله ما يفرضوا على البقية اجباري و بطريقة تهكمية وجود الله؟
و على فكرة من مداخلات كتير من الأخوة يدل على فهم لوجود الله من الكتب أو التعليم التواتري
أو عن أفكار كبارهم و هادا مسئ للايمان.
و بالنسبة للحزورة ما لقيتلها حل لأنو ما بيجمعهم شئ حتى يفرقهم شئ؟
سلام

[Spector]

كاتب النص الأصلي : GMC

يا حرام الله يشفيك أخي

أنا قصدي يا أخي أنو بصراحة الكلام الطائفي بالنسبي لألي كلام صادر عن أنسان مريض و لهيك ألتلك الله يشفيك
بس أذا انتي أصدك غير شي و أنا فهمتك غلط لا تواخذنا

[عاشق الريم]

كاتب النص الأصلي : GMC

أنا قصدي يا أخي أنو بصراحة الكلام الطائفي بالنسبي لألي كلام صادر عن أنسان مريض و لهيك ألتلك الله يشفيك
بس أذا انتي أصدك غير شي و أنا فهمتك غلط لا تواخذنا

اي مو مشكله بس ممكن تعبر عن رأيك بدون ما تقول مريض او غيره وسواء كان كلامي طائفي ولا غيره اعتقد انا وجهته لصاحب الموضوع مو لك

شكرا على ردك

[Spector]

كاتب النص الأصلي : عاشق الريم

اي مو مشكله بس ممكن تعبر عن رأيك بدون ما تقول مريض او غيره وسواء كان كلامي طائفي ولا غيره اعتقد انا وجهته لصاحب الموضوع مو لك

شكرا على ردك

روق لأني ما بدي عصب لأني مبسوط و مروق هلأ مابدي أزعج حالي بقا روف حالك ولا تعصب

[leoprad]

الغول و التنين مو موجودين بالواقع !
اللهم عند الأطغال لأنو بنخوفهم فيهم ((انتو اطفال شي؟))

[إنسان وبس]

يا جماعة في متل بقول الله ما انشاف بس بالعقل انعرف، هلأ اللي عندو عقل رح يعرف الله واللي ما عندو يروح يشتري عقل

خلينا بالجد هلأ الحزورة بالفعل بايخة كتير هذا من جانب
هل يا ترا الله هو جسم أو شيء من الاشياء ؟ لحتى اقدر اجاوب بعدين

[عاشق الريم]

كاتب النص الأصلي : GMC

روق لأني ما بدي عصب لأني مبسوط و مروق هلأ مابدي أزعج حالي بقا روف حالك ولا تعصب

مروق على الاخر واذا تريد تعصب او شي بنحاول ندعيلك بالشفاء

[lucky]

من الآخر.......شو طلع الجواب؟؟؟؟؟؟؟

[nisrine]

كاتب النص الأصلي : علوش

بتعرفي يمكن انتي اكتر وحده فهمانه هون

تسلمي حبيبتي علوش كلك ذوق بس انت اكثر وحدة بتفهم بالمنتدى كلو