مشهد من مسلس نور حابة أعرف رأي المهتمين؟

[Donald Duck]

كاتب النص الأصلي : gabriel

مع انه سؤالك هاد او جملتك هي بعيدة عن شي اسمه فن وبعيدة بمعنى آخر عن الموضوع لكن انا بجاوبك السبب انهم عندهم شي اسمه حرية شخصية وشي اسمه كل مين يعمل اللي بده ياه طالما ما عبيزعجني وانا الفيني بكفيني .
ما بعتقد انحطاط انه البنت تروح على البحر الا اذا بتشوفوها قمة السخافة وقمة الانحطاط وقمة التدهور الاجتماعي وقمة التخلف فلكل مين رايه لكن طالما نحن عايشين على مبدا الصبحية والمسوية والت والعجن بتشوف اغلبية الشعب همّه يرضي غيره ولا حدا بيسال حاله هوي كيف بيرتاح او كيف بفضل .
جاوبتك مع اني ما فهمت عليك كيف ربطت الرسم العاري بشواطئ البحر كون الاول فن بينما التاني مظهر من مظاهر الحياة .

صعب نستوعب فكرة الحرية وفكرة الاستقلالية باتخذا القرار وانا بشوف هاد نتيجة عاداتنا ونتيجة علاقاتنا الاجتماعية المتينة .

اما بالنسبة للرسم العاري فهاد نوع من انواع الفن اللي بعتقد من الغباء تصنيفه تحت باب " الافعال الجنسية "

انا احكيت عن الحرية الشخصية .. والحرية الشخصية ما بتقتصر على فن وبس ..

بعدين قولتيلي صعب نستوعب فكرة الاستقلالية .. !!!

مع انو انا عايش بدولة في استقلالية عالية ...

وبتختلف كثير عن الدول العربية ..

[..AHMAD]

صحيح .. ورأيك على الراس من فوق ..

بس في احترام مجتمعات .. بدون تقييد يعني ..

يعني بتقدر تعمل الي بدك اياه .. بس لازم تراعي المجتمعات الي عايش فيها وتحترم عاداتها وتقاليدها ..

حتى لو ما كنت بتتقبلها ..

حسب رأي يعني ..

يعني اذا انا بأمن انو ما في اشي اسمه عورات ..

وبروح بطلع في الشارع بدون ملابس ..

حتى لو كنت بأوروبا .. شو رح يكون موقف الناس والمجتمع مني .. !!!!!

أول شغلة ..... دونالد الموضوع عميتحول كتير عن المغزى الاساسي

نحنا هون مو بصدد نقارن بين التعري بمجتمعنا وبالمجتمع الغربي

الشغلة واضحة

عمنحكي على رسم شخص عاري ... او كيف هالشخص العاري بيقبلها على حالو .... منتمنى نتقيد بالموضوع الاساسي

بس رح جاوب على سؤالك :
لما هيك مجتمع .... بيحول وبيحور الفن للـــــ انحطاط ..... وقتها ما رح اقدر راعي وهيك مجتمع ولا بأي شكل من الأشكال ...

بالخط الأحمر العريض : نقطة انتهى ..... يا ريت نرجع عالنقطة الأساسية بالموضوع

تحياتي

[BL@CK]

كاتب النص الأصلي : M i i i D O

أكيد مو إيمان ... إنما من هول المصيبة

طبعا ً طبعا ً . يا رجل صورة رجل عاري .. معد تدخل الملايكي لعندي عا البيت .. بإعتبار شفنا المشهد في البيت ..

شبدك بالحكي كل حدا شاف المشهد عا جهنم و بئس المصير .. ( طبعا ً يستثنى بإلا النظرة الأولى حيث أن الأولى و الثانية عليك . )

[اكذوبة البحر]

انا شفت المشهد
بصراحة مخزى والله يستر من الى بده يجى
اصلا علشان هيك mbc ما كملت
برأت حالها من المسؤلية
على كل انا مرة قرات فى رواية لاحلام مستغانمى وهى ذاكرة الجسد انه كانت بنت متعرية فى معهد الفنون وبعد ما رسموها الطلاب قامت ولبست ملابسها وقعدت ولا كأنه صار شى
قمة الانحطاط والتفاهة
مع انه دانا بتعجبنى شخصيتها فى بس فى شغلات تانية

[Abu ToNi]

التعري عنا نوع من الفجور والدعارة ... بس عندهم عادي .. اختلاف مجتمعات يعني ..

هلق اذا بدك تجي لعنا كل شي فجور خصوصا بالنسبة للمرأة يعني ممارسة الرياضة فجور خصوصا السباحة والتنس والتزلج على الجليد بالنسبة لمجتمعنا ومجتمعهم والفروقات بعتقد بدك توجع راسك كتير وما بدك تصل لنتيحة بس بقول لك
كل شي هنن بيعملوه اكيد اكيد اكيد ما بكون سائلين على مجتمعك باي شكل كان حتى ما بكونوا سائلين على مجتمعهم بكون كل واحد سائل على راحته وعلى الشي الي بناسبه بعكسنا نحن اللي كل ما واحد بده يعمل شي بده يسأل على المجتمع( هون وهنيك ) وشو بوافقه يمكن آخر شي بيخطر له يسأل على اللي بوافقه " هي اذا خطر له "

عملية المقارنة بين المجتمع الاوروبي والمجتمع العربي عملية غبية جدا من عدة نواحي ولعدة اسباب اكيد مانها موضع نقاشنا هون لكن انا من وجهة نظري متل مافي اي مجال للمقارنة بين العصر الحالي والعصر الحجري بحيث انهم ما بيتقاطعوا مع بعض سوى انهم التنين سكانهم من البشر فقط لا غير بتقدر تسحب النتيجة هي معك على الشي اللي بدك ياه

بالاخير بعتقد حكينا كتير بالموضوع وكل مين دخل متل ما طلع فالمؤيد بقي مؤيد والمعارض للفكرة بقي معارض ومتل كل شي بالاخوية " تيتي تيتي رحتي متل ما جيتي عوجاااااااا " فان شاء الله يكون في شخص واحد بس قلب من مع إلى ضد او من ضد إلى مع مشان ما نقول بقينا عمنحكي 4 صقحات ونيف وما حدا استفاد

[Odell]

لا تعليق

[ماغنوم56]

سؤال من اعطاك الحق يا فنان
انك تئذي عيني بمنظر قبيح ؟؟؟؟

اذا انت شايفه ...فن ...وجميل ...هاد رأيك وانت حر فيه
بس في غيرك كتير بشوفو الفن هاد قبح ... وتعري من الأخلاق

تحياتي

[..AHMAD]

سؤال من اعطاك الحق يا فنان
انك تئذي عيني بمنظر قبيح ؟؟؟؟

اذا انت شايفه ...فن ...وجميل ...هاد رأيك وانت حر فيه
بس في غيرك كتير بشوفو الفن هاد قبح ... وتعري من الأخلاق

تحياتي

الحكي موجه لمين مثلاً؟؟؟

[ابو عمير السوري]

سؤال برسم المدافعين عن الحرية الشخصية بغض النظر عن مراعاة شعور الأخريين
ليششششششش هالانحطاط الأخلاقي عم بيساوي انحطاط فكري ثقافي وعم يصبح هو الهدف بدل أن يكون مجرد وسيلة للتعبير عن أراء معينة
وليش هاالتحرر عم بيزيد التفكك الأسري ومية علة وعلة

[MadMax]

يحرق حريشكون
الي فترة كبيرةما فتت عالصالون
هيك صارت المواضيع هون ...!!

[ابو عمير السوري]

كاتب النص الأصلي : gabriel

بضيف على حكيي انه جميع التماثيل اللي كانت تنحت لتكريم الأبطال كان احد شروطها ان تكون عارية وبحط خمسمية شخط تحت كلمة شرط فحاج نتفزلك اذا نحن عنا مشاكل وعقد نفسية ما بعتقد من الصحّي اننا نحملها للأرقى مننا ، حضاريا في بيناتنا مسافة بتتعدى السنين الضوئية ونحن عمنرجع لورا بينما هنن كارجين لقدام ومافي بين ايدينا غير نوقف من بعيد ونسبهم ونعيرهم باخلاقهم المنحطة !!!

هدول الأرقى منا عايشين بفراغ وجودي دائما يبحثون عن الحقيقة دائما شكاكين بكل شيء وجودي هم بحاجة لأطباء نفسين بشك مستمر..........متل كتير جماعات أصدقائنا هنا

[ماغنوم56]

اخر شي كنت متوقعو ان سبب تقدم الغرب
هو الكشف عن عوراتهم وتمثيلها

ياسيدي فعلا بدنا ملاين السنين الضوئيه
لنصل لهل التطور الفَز

[ابو عمير السوري]

كاتب النص الأصلي : Reemi

يا جماعه هاد فن ... فن يا الله

هالعبارة شرحها والدي كتير لموجه صفي في المرحلة الأعدادية مافهمها وأصر أني جايب معي على المدرسة والعياذ بالله.........
الأن بعد سنوات عديدة انضميت أنا وأبي لعقل موجه صفي انهههه ليس فن بل تخريب وخدش للحياء

[Abu ToNi]

كاتب النص الأصلي : ابو عمير السوري

هالعبارة شرحها والدي كتير لموجه صفي في المرحلة الأعدادية مافهمها وأصر أني جايب معي على المدرسة والعياذ بالله.........
الأن بعد سنوات عديدة انضميت أنا وأبي لعقل موجه صفي انهههه ليس فن بل تخريب وخدش للحياء

خيو بلا ما ينلعى قلبي معك رجاع اقرا اول صفحة وانت ماشي وبس تصل لعندي خبرني شو بصير معك

اخر شي كنت متوقعو ان سبب تقدم الغرب
هو الكشف عن عوراتهم وتمثيلها

ياسيدي فعلا بدنا ملاين السنين الضوئيه
لنصل لهل التطور الفَز

وانت كمان شرحو امسكوا ايدين بعض وانت عبتقطعوا الصفحات

[بنفسجة]

لك هالمسلسل مش بس لم ناس مشاهدين حوليه
لا انما صار موضع حديث ونقاش وجدل بين اعضاء اخوية متلو متل اي موضوع بالمنبر
ايامك يا نوووووووووووووور

[جان بن جاك الروسوي]

ببدون تعليق

[جان علاء]

احساس وليس حماس
هلأ الموضوع الو وجهين للتفكير والتقيم
الاول انو عادي ؟؟؟؟

والتاني انو عيب او حرام او مو اخلاقي ؟


الرد على الاول عادي طيب ليش عادي؟ لا مو عادي وحتى اذا الواحد يتفلسف بافكاره واجابته
الجسد العاري هذا فن اي فن طيب ليش العالم ما تمشي عريانة ويكونو كلهم فنانين
في شي اسمو اخلاق مبادئ دين واي شي يعارضو هذا مو فن
الشغلة احساس مو حماس
تقبل حدا يشوفك ووانت عاري ؟وين الفن
واذا تعتبرو فن كل شي بالحياة الو سلبيات وايجابيات
وهذا من سلبيات الفن
ويقتل الحياء عند الانسان (حتى القنبلة الذرية صنعت لتحلية ماء البحر واستخدمت للحروب والقتل )كمان هذا فن
انا اقول انا لم تستحي فاصنع ماسئت


والطرف التاني اكيد يعتبرو عيب وحرام ومو اخلاقي وليش تتهرب انو الواحد يقلك تقبلو على اختك او امك ؟بتقبل هالشي اذا ما تقبلو على حالك اكيد لا تقبلو على غيرك
وبالاخير هذا راي وممكن يكون صح وممكن يكون خطأ وتحياتي @هدوء العاصفة@

[whiterose]

كاتب النص الأصلي : BL@CK

رح نراسل الـ MBC و نطالبا بحظر هاللقطات .. و سنطالب أيضا ً بتحجيب المزيعات .. و عرض فلم الرسالة من الصباح حتى المساء ..

هازا و سننشئ صفحة ويب و نجمع عليها مليون توقيع ستقدم لوزارة الستايللات كـ مطالبة بتشفير المحطة ..

أقول قولي هازا و أستغفر الله لي و لكم ..

ماحدا جاب سيرة الدين خيي اسود

وماحدا قال اتحجبوا وماحدا قال البسو تياب راهبات

اللبس السبور شي والعري شي تاني

وماحدا قال حطولنا فيلم الرسالة او الآم المسيح

مين جاب سيرة الدين

انتو لهلىء عقلكم ما عم يجمع انو نحنا ما عم نحكي من منطلق ديني
عم نحكي من منطلق اخلاقي اخلاقي بحت يعني


ولله يا جماعة يعني نحنا كبشر منخجل نشلح تيابنا ادام اهلنا بقا كيف ادام حدا غريب اخ بس وبقولولي تحضر