هل من الممكن ان يسموا الحب ليضحي الانسان بعقائده من اجل حبيبه

[فراشة]

كاتب النص الأصلي : وائل 76

بعتقد انو اسير جاوبك لكن هون بدي ضيف شغلة صغيرة انو بمجتمعنا الشرقي الدين عندنا هو المركز الاول في سلم الالويات بمعنى اخر اولويات الحياة جميعا نرتبها بناء على الدين حتى الملحدين منا في كثير من امور حياتهم لا يستطيعوا ان يظهروا الحادهم امام الناس
ولاجل ذلك ولان الدين والعقيدة هي قمة الهرم والتدرج الهرمي لاولويات يكون الخوف على تاثر المراة من زوجها لان الدين اهم من الزوج في معتقدات مجتمعنا
بالنسبة للاولاد بعتقد من وجهة نظر الدين الاسلامي انو الاسلام دين الفطرة يعني الانسان يولد مسلما وبعد ذلك الاهل هم من يحددوا طريقه مثلما تقول الاية الكريمة ينصرانه او يهودانه او يمجسانه
اي انو الانسان يولد مسلما وبعد ذلك الاسرة والمجتمع هم من يحددوا طريقه اي انه لا يوجد خيارات وبدائل امام الانسان من ناحية الدين



بس يلي انا متاكد منه انو الانسان وقت ليضحي بشي عزيز كتير عليه بيكون متاكد انو الشخص يلي راح يضحي لاجله يستحق التضحية
والطرف الاخر يلي بيضحي شريكه لاجله اكيد راح يقدر هاي التضحية الكبيرة وما ممكن في يوم يفكر يخون او يسبب مشاكل او الم لشريكه
لذلك بعتقد لو كانت الارضية هي الحب والعطاء ما ممكن في يوم هالتجربة تفشل لانو الفشل هو نتيجة الانانية وحب التملك يلي انجبلنا عليه
والانانية وحب التملك ما بيكونوا موجودين مع ناس بتفكر بهيك منطق ان تفقد اشيا غالية عليها لترتبط بحبيبها





مرسي الكEuphoria على مرورك ومشاركتك معنا
وبعتز كتير بمشاركتك وبافكارك
تحياتي الك Euphoria العزيزة

حابة وضح شغلة بس اخ وائل ...انو هادا حديث وليس آيه
يقول عليه الصلاة والسلام: "مامن مولود ولد الا على الفطرة فأبواه يهودانه او ينصرانه او يمجسانه"
اسفة على الازعاج

[ليالي الشوق]

احكيلكم وجهتي نظري بالموضوع ..


الحب اشي كثير حلو
وانا مع احترامي للجميع و احترامي للعادات والتقاليد بنظري
اسمه تخلف الواحد يترك اللي بحبه عشان عقيدته ،، بس الناس و الزمن ما برحم
ما حدى بترك حدى بحالو ...

مش قلت ايمان مني
او قله احترام لجميع الديانات

على العكس انا بحترم

جميع الديانات وانا مو شايفة فرق بين ديانة المسيحية والاسلامية

بس انا ضدد كثير عادات وتقاليد ومنها

الزواج باختلاف الديانات
مش شايفة فرق بين مسلم او مسيحي

بس هي بتصفي مشكلة الناس المتخلفين اللي عملوا فرق بينا
و لى مسلم و مسيحي كلنا في عنا رب
وكلنا بنخاف الله

[وائل 76]

كاتب النص الأصلي : فراشة

حابة وضح شغلة بس اخ وائل ...انو هادا حديث وليس آيه
يقول عليه الصلاة والسلام: "مامن مولود ولد الا على الفطرة فأبواه يهودانه او ينصرانه او يمجسانه"
اسفة على الازعاج

مشكورة فراشة على التصحيح
مع اني لم اذكر الحديث كاملا لاني كنت شاكك كونه اية ام حديث وشاكك في صياغته
لذلك ذكرن فقط الثلاث كلمات يلي هما محور الفكرة يلي كنت بحكي فيها
على كل حال شكرا كتير الك فراشة
بس وين رائيك بالقصة ولا الموضوع مو حرزان تعلقي عليه ؟؟؟؟؟؟؟؟؟؟؟؟؟؟

مرسي لمرورك

[عيون الفلسطينية]

مع اني مؤمنه انه ما في فرق بين المرأه والرجل في هاد الموضوع
وبغض النظر عن هاد الشي لانه الواقع انه نحنا عايشين في مجتمع شرقي ذكوري اللي بسمح للرجل بعمل اشياء لا تسمح للمرأه
بس بدي اقول انه ازا التنين متأكدين انه حبهم بتجاوز كل العقبات وبستاهل انه الواحد يغير دينه فيضحو عشان حبهم. اما اذا كان احد الحبيبين عنده ذرة شك انه العلاقة مش رح تنجح فحرام يفوتو بكل هاد العذاب

[وائل 76]

كاتب النص الأصلي : Odell

حبيب قلبي وائل.. انا دايما بحب مواضيعك وكلامك


بس هلاء


انا مو عارف كيف قدرت تحط كلمتين متناقضتين جنب بعض ؟؟



كيف بتقول يسمو و بتحط جنبها ..يضحي بدينه و معتقداته !!



انا مو فاهم



هيدا اسمو انحدار بالحب وما بترضاه جميع الاديان...ومين هاد الحبيب يلي بيستاهل تضحي


منشانه بمعتقداتك وهو واقف بيطلع عليك.. وهو ما ضحى بمعتقداته منشانك؟؟


لازم يكون الارتباط اساسو الدين و المعتقدات.. اما ازا جن الشخص بحب حبيبه وترك دينو و مبادئو


منشانها فيعني على اي اساس اختار؟؟


بالعكس.. الانسان يلي بتخلى عن مبادئو و قيمه و دينه منشان بني ادم رح يموت فهو الخسران


وماعندو صحاب ليكون عندو حبيب !!



حتى الصبايا


هاي الايام نادر ما تلاقي بنت مو مثقفة.. و واعية..وصارت تختار الشب على اسس كتيرة


اهمها انه يكون رجال بتصرفاتو ومشاعرو ..و كلمته كلمة رجال قبل ما يكون عندو فلوس


مو واحد مهوي!!


و الدين بنصحها انها تاخد واحد بيخاف الله منشان لو ما حبها مايظلمها!!

وصار الهون راي و حجة الها وزنها..



وانا بحترم الناس يلي بيحكموا العقل قبل المشاعر


شكرا حبيب قلبي وائل على موضوعك الحلو

اول شي بالنسبة للتناقض يلي حكيت عنه راح جاوبك بانو يمكن انا وانتا الدين عندنا بيحتل قمة الهرم واول درجة بسلم الالويات
لكن ما بنقدر نعمم الحكم على الجميع متل ما عم تشوف في ناس كتير بالمجتمع مو متدينة و ما بيهمها الدين بشي
هلاء انا لما حكيت كلمة سمو قصدت فيها انو يسبق الدين بدرجة الاهمية عند الشخص ما قصدت السمو بالمعنى الحرفي للكلمة من رقي لانو السمو وفق رما قصدت مفهوم نسبي بيختلف من شخص لاخر
معلش ما كتير واضحة فكرتك عندي لانو الموضوع بيخص الاخوة اصحاب الديانات غير الاسلام من خلال هاي النقطة ممكن تبلش تعرض وجهة نظرك يلي بحترمها علشان ناقشك فيها

شكرا لمرورك ومواضيعي حلوة لانكم بتدخلوا وبتناقشوا فيها

[وائل 76]

كاتب النص الأصلي : layali

جميع الديانات وانا مو شايفة فرق بين ديانة المسيحية والاسلامية



بس هي بتصفي مشكلة الناس المتخلفين اللي عملوا فرق بينا
و لى مسلم و مسيحي كلنا في عنا رب
وكلنا بنخاف الله

انا مع رئيك لكن عم نحكي عن واقع عايشينه يلي قصدته هون انو في مشكلة كبيرة عم نتعرض الها هل من الممكن ان تبلغ التضحية الى الحد الذي نضحي فيه بعقائدنا ؟؟؟؟؟؟؟؟
هلاء انتي هل من الممكن ان تطالبي حبيبك لو كان مختلبف معك في الديانة ان يؤمن بدينك حتى تتمكني من الارتباط به ؟؟؟؟؟؟
اما انكي لا يمكن ان تفكري بهذا الطلب منه لان العقيدة من المسلمات التي لا يمكن التضحية لاجلها ؟؟؟؟؟؟؟؟؟؟

شكرا لمرورك ونقاشك معنا

[وائل 76]

كاتب النص الأصلي : عيون الفلسطينية

مع اني مؤمنه انه ما في فرق بين المرأه والرجل في هاد الموضوع
وبغض النظر عن هاد الشي لانه الواقع انه نحنا عايشين في مجتمع شرقي ذكوري اللي بسمح للرجل بعمل اشياء لا تسمح للمرأه
بس بدي اقول انه ازا التنين متأكدين انه حبهم بتجاوز كل العقبات وبستاهل انه الواحد يغير دينه فيضحو عشان حبهم. اما اذا كان احد الحبيبين عنده ذرة شك انه العلاقة مش رح تنجح فحرام يفوتو بكل هاد العذاب

اختي العزيزة بعتقد انو لو احدهم ضحى بدينه من اجل حبيبه لا يمكن بحال من الاحوال ان يبقى مجالا لذرة شك بفشل التجربة لان التضحية هنا ستغفر كل ما عدا ذلك

شكرا اختي لمرورك ومشاركتك

[ليالي الشوق]

كاتب النص الأصلي : وائل 76

انا مع رئيك لكن عم نحكي عن واقع عايشينه يلي قصدته هون انو في مشكلة كبيرة عم نتعرض الها هل من الممكن ان تبلغ التضحية الى الحد الذي نضحي فيه بعقائدنا ؟؟؟؟؟؟؟؟
هلاء انتي هل من الممكن ان تطالبي حبيبك لو كان مختلبف معك في الديانة ان يؤمن بدينك حتى تتمكني من الارتباط به ؟؟؟؟؟؟
اما انكي لا يمكن ان تفكري بهذا الطلب منه لان العقيدة من المسلمات التي لا يمكن التضحية لاجلها ؟؟؟؟؟؟؟؟؟؟

شكرا لمرورك ونقاشك معنا

وائل
ليش نوخذها نضحي بعقائدنا ؟؟ ليش ما يضل كل واحد على دينه ؟ مش ضروري المسلمة
تصير مسيحية ، ومش ضروروي المسيحية تصير مسلمة ؟ والشباب نفس الشي
الموضوع مش تضحية وتغير العقيدة ،،،مش ضروري اغير وتغير الديانه
لو انحطيب بالموقف ما رح اطالب منه اغير دينه ويقتنع بدني كل واحد يضل على دينه

[وائل 76]

كاتب النص الأصلي : layali

وائل
ليش نوخذها نضحي بعقائدنا ؟؟ ليش ما يضل كل واحد على دينه ؟ مش ضروري المسلمة
تصير مسيحية ، ومش ضروروي المسيحية تصير مسلمة ؟ والشباب نفس الشي
الموضوع مش تضحية وتغير العقيدة ،،،مش ضروري اغير وتغير الديانه
لو انحطيب بالموقف ما رح اطالب منه اغير دينه ويقتنع بدني كل واحد يضل على دينه

ليالي انا وانتي مو مختلفين بس المشكلة هون انو كيف ممكن ترتبطي بانسان على افتراض انك مسلمة وهو مسيحي لا يجوز ذلك شرعا لذلك لن يسمح لكي الاهل ولا المجتمع من ان تفعلي ذلك
هذا ما قصدته ليالي اما ان تبقي على دينك ويبقى على دينه فهذا عكس ما يتطلب الشرع لانو لا يجوز للفتاة المسلمة ان تتزوج بغير المسلم
لذلك سيحول الاهل دون الارتباط بينهم
نفطة اخرى ليالي لو افترضنا ان فتاة متدينة مسلمة احبت شاب ليس بمسلم كيف سيرتبط بها على اعتبار ان الارتباط به وهو على دينه حرام شرعا وهي فتاة متدينة

تحياتي ليالي

[butterfly]

سمو الأنسان ليضحي بعقائده
شوف القضية كلا تكمن بنظرتنا للالتزام
أنا اليوم أشعر أني ملتزمة بسمعة أهلي ... بإيماني بكنيستي ...
لهيك يوم اللي أنا بدي أكسر أحد هالالتزامين لأجل الحب ...
رح يجي يوم أكسر التزام الحب لأجل شي تاني
وهادا ما بعتبرو السمو

ما ممكن أرتبط بشخص أعرفة لسنوات معدودة ... وأخالف رغبة اهلي ...
إذا هوي بيحبني ... فأنا صناعة هالناس ... أغلب ما فيني هوي مأخوذ منون لهيك ما فيني وجهلون هالجرح ... هي واحد

أنا جزء من الجماعة المؤمنة ... حجرة بهالكنيسة وغيابي عنها رح يترك فراغ وألم ...

تالت شي والأهم ... أنا الأمومة عندي أهم من الحب ... أول شي بفكر فيو التشتت اللي رح عيشو لولادي ...
لهيك أكيد لأ

[فراشة]

كاتب النص الأصلي : وائل 76

مشكورة فراشة على التصحيح
مع اني لم اذكر الحديث كاملا لاني كنت شاكك كونه اية ام حديث وشاكك في صياغته
لذلك ذكرن فقط الثلاث كلمات يلي هما محور الفكرة يلي كنت بحكي فيها
على كل حال شكرا كتير الك فراشة
بس وين رائيك بالقصة ولا الموضوع مو حرزان تعلقي عليه ؟؟؟؟؟؟؟؟؟؟؟؟؟؟

مرسي لمرورك

بالعكس الموضوع حلو كتير وبيستاهل انو الكل يعلق ويقول رأيو فيه
وانا رأي انو الحب عبارة عن خليط من مشاعر وافكار يعني الحب مو بس عواطف وانما كمان تفكير منطقي
مشان هيك لما ايا انسان بدو يفكر بالحب لازم يفكر فيه من كل الجوانب والجانب الديني من اهم الجوانب اللي لازم نفكر فيها
يعني انا مثلا مابسمح لحالي اني حب واحد ديانتو غير ديانتي لانو برأي هالحب مهما كان قوي بالنهاية رح يفشل لانو في شي من ركائزو متهزز وغير قوي واللي هو الدين
لما حب شخص ديانتو غير ديانتي رح سبب الاذى لنفسي ولاهلي ولمجتمعي اللي انا عايشة فيه لانن هنن مارح يتبقلو هيك تصرف وخاصة انو ارتباطهن بالدين قوي جدا مو بس بالاسم
فهالشي رح يأثر عليهن ويخيب ظنن
وكمان انا بأيد butterfly انو هالشي رح يأثر بصورة سلبية على الاطفال بالمستقبل ورح يشتت افكارهن لما ينحطو بموقف بدن يقررو فيه شو الافضل ديانة الام ام ديانة الاب
ويمكن يصير خلاف بين الام والاب بين بعضهن بمحاولة التأثير على الاولاد بحيث انو كل طرف بدو يخلي الاولاد على دينو ...
يعني القصة معقدة كتير وما بتتوقف بس على قوة الحب لحتى انو نضحي كرمالو

وانا ماحطيت رأيي لانو انا وضعي مفروغ منو اني مارح اقدر حب شخص على غير ديانتي لانو اصلا مابيصير ..وغير هيك عقلي بيرفض هالشي
وسبب تاني خلاني ماحط رأيي انو حسيت السؤال موجه للشباب غير المسلين انو بيضحو بدينن كرمال حبيبتن ...وبعتقد كل الموجودين هون رح يكون جوابن لاء لاني متل مالي شايفة ايمانن بدينن كبير وبحييهن على هالشي

[وائل 76]

كاتب النص الأصلي : butterfly

سمو الأنسان ليضحي بعقائده
شوف القضية كلا تكمن بنظرتنا للالتزام
أنا اليوم أشعر أني ملتزمة بسمعة أهلي ... بإيماني بكنيستي ...
لهيك يوم اللي أنا بدي أكسر أحد هالالتزامين لأجل الحب ...
رح يجي يوم أكسر التزام الحب لأجل شي تاني
وهادا ما بعتبرو السمو

ما ممكن أرتبط بشخص أعرفة لسنوات معدودة ... وأخالف رغبة اهلي ...
إذا هوي بيحبني ... فأنا صناعة هالناس ... أغلب ما فيني هوي مأخوذ منون لهيك ما فيني وجهلون هالجرح ... هي واحد

أنا جزء من الجماعة المؤمنة ... حجرة بهالكنيسة وغيابي عنها رح يترك فراغ وألم ...

تالت شي والأهم ... أنا الأمومة عندي أهم من الحب ... أول شي بفكر فيو التشتت اللي رح عيشو لولادي ...
لهيك أكيد لأ

كاتب النص الأصلي : فراشة

بالعكس الموضوع حلو كتير وبيستاهل انو الكل يعلق ويقول رأيو فيه
وانا رأي انو الحب عبارة عن خليط من مشاعر وافكار يعني الحب مو بس عواطف وانما كمان تفكير منطقي
مشان هيك لما ايا انسان بدو يفكر بالحب لازم يفكر فيه من كل الجوانب والجانب الديني من اهم الجوانب اللي لازم نفكر فيها
يعني انا مثلا مابسمح لحالي اني حب واحد ديانتو غير ديانتي لانو برأي هالحب مهما كان قوي بالنهاية رح يفشل لانو في شي من ركائزو متهزز وغير قوي واللي هو الدين
لما حب شخص ديانتو غير ديانتي رح سبب الاذى لنفسي ولاهلي ولمجتمعي اللي انا عايشة فيه لانن هنن مارح يتبقلو هيك تصرف وخاصة انو ارتباطهن بالدين قوي جدا مو بس بالاسم
فهالشي رح يأثر عليهن ويخيب ظنن
وكمان انا بأيد butterfly انو هالشي رح يأثر بصورة سلبية على الاطفال بالمستقبل ورح يشتت افكارهن لما ينحطو بموقف بدن يقررو فيه شو الافضل ديانة الام ام ديانة الاب
ويمكن يصير خلاف بين الام والاب بين بعضهن بمحاولة التأثير على الاولاد بحيث انو كل طرف بدو يخلي الاولاد على دينو ...
يعني القصة معقدة كتير وما بتتوقف بس على قوة الحب لحتى انو نضحي كرمالو

وانا ماحطيت رأيي لانو انا وضعي مفروغ منو اني مارح اقدر حب شخص على غير ديانتي لانو اصلا مابيصير ..وغير هيك عقلي بيرفض هالشي
وسبب تاني خلاني ماحط رأيي انو حسيت السؤال موجه للشباب غير المسلين انو بيضحو بدينن كرمال حبيبتن ...وبعتقد كل الموجودين هون رح يكون جوابن لاء لاني متل مالي شايفة ايمانن بدينن كبير وبحييهن على هالشي

يعتذر منكم بيترفلاي وفراشة يمكن كان عندي شوية مفاهيم للتضحية والحب
لكن هلاء اكتشفت انو هذا زمن ليس للتضحية ولا للحب
لذلك بحترم كتير وجهة نظرك بيترفلاي وفراشة ومعكم بلشت اقتنع انو لا يجوز بحال من الاحوال ان نضحي بشيئ من اجل الحبيب
ليس من المنطق ولا من العقلانية ان نضحي بحقائق من اجل اوهام
فهو زمن الاوهام و زمن الكذب
فلنحتفظ جميعا على ما تبقى لنا من حقائقنا سواء كان الدين او غيره من القناعات
وليذهب الباقي للجحيم

اشكركم جميعا على مشاركتكم

[فراشة]

كاتب النص الأصلي : وائل 76

يعتذر منكم بيترفلاي وفراشة يمكن كان عندي شوية مفاهيم للتضحية والحب
لكن هلاء اكتشفت انو هذا زمن ليس للتضحية ولا للحب
لذلك بحترم كتير وجهة نظرك بيترفلاي وفراشة ومعكم بلشت اقتنع انو لا يجوز بحال من الاحوال ان نضحي بشيئ من اجل الحبيب
ليس من المنطق ولا من العقلانية ان نضحي بحقائق من اجل اوهام
فهو زمن الاوهام و زمن الكذب
فلنحتفظ جميعا على ما تبقى لنا من حقائقنا سواء كان الدين او غيره من القناعات
وليذهب الباقي للجحيم

اشكركم جميعا على مشاركتكم

مو قصة انو مابيصير نضحي بشي مشان الحبيب بالعكس في كتير شغلات منضحي فيها كرمال اللي منحبو بس كمان لازم يكون في حدود للتضحية يعني في شغلات واساسيات مافيك تضحي فيها لانو على اساسها ممكن يتغير كل مجرى حياتك
وشي تاني انو الحب مو اوهام الحب شي حقيقي وشي اساسي لنعيش حياتنا بسعادة والدين كمان حقائق منعيشا وبيأثر بحياتنا وبينظمها ولازم يكون في توازن بين التنين مشان نقدر نكمل مشوارنا بالحياة

[مايا *]

اتسمحون ان ادلو بدلو هنا ؟؟
في البداية ساتكلم عن وجهة نظر شخصية !!

لا انكر ان هذا الموضوع شغل تفكيري ..
ولاوضح اكثر .. ربيت في بيت مخلط .. اي ان امي كاثوليكية .. وابي مسلم ..
فعشت في بيئة متجانسة لا تشوبها شائبة عنصرية او تزمت ..
وظننت ان الامر سيبقى هكذا .. الا ان كبرت , وكبرت تطلعاتي .
وكان اصطدامي الاول هو تلك النقطة التي ذكرتها ...

فقد تعلمت ان الحب مقدس .. مهما كان وكيفما كان ..
لكني علمت انها ما كانت الا نظرة سطحية !!
فتشابك افكاري .. بل بالاحرى تعقدت بحيث ما عرفت اين البداية واين النهاية ..

من جهة يغوص تفكيري في واحة الحب وقدسيته التي لا تعلم حدودا ولا يرى فيه افق ..
لكني سرعان ما اصحى على قيم تشعرني باني مخطئة ..

لن اجد لسؤالك عزيزي وائل في نفسي جواب ..
فهو انفصام في التفكير بين مد وجزر ,, سيبقى الا الانهاية

ودمتك بكل ود

[وائل 76]

كاتب النص الأصلي : فراشة

مو قصة انو مابيصير نضحي بشي مشان الحبيب بالعكس في كتير شغلات منضحي فيها كرمال اللي منحبو بس كمان لازم يكون في حدود للتضحية يعني في شغلات واساسيات مافيك تضحي فيها لانو على اساسها ممكن يتغير كل مجرى حياتك
وشي تاني انو الحب مو اوهام الحب شي حقيقي وشي اساسي لنعيش حياتنا بسعادة والدين كمان حقائق منعيشا وبيأثر بحياتنا وبينظمها ولازم يكون في توازن بين التنين مشان نقدر نكمل مشوارنا بالحياة

اوكي فراشة وجهة نظرك واضحة ومقنعة وبحترمها لكن هلاء صرت برفضها من داخلي يمكن لشي خاص عندي
لكن اكيد ما بقدر عمم الحكم هون على الكل لذلك راح اكتفي هون وما راح كمل ردود على المشاركات لانو راح اختلف مع نفسي ومع قناعاتي السابقة
لذلك بتمنى تكملوا حواركم بدوني ما عارد اقدر فيدكم بشي من هلاء

مرسي فراشة الك ولمشاركتك

[وائل 76]

كاتب النص الأصلي : مايا *

لن اجد لسؤالك عزيزي وائل في نفسي جواب ..
فهو انفصام في التفكير بين مد وجزر ,, سيبقى الا الانهاية

ودمتك بكل ود

لانو ما في اجابة اصلا مايا
هو مجرد اوهام تافهة ليس اكثر

شكرا مايا

[امرأة من ورق]

كاتب النص الأصلي : مايا *

اتسمحون ان ادلو بدلو هنا ؟؟
في البداية ساتكلم عن وجهة نظر شخصية !!

لا انكر ان هذا الموضوع شغل تفكيري ..
ولاوضح اكثر .. ربيت في بيت مخلط .. اي ان امي كاثوليكية .. وابي مسلم ..
فعشت في بيئة متجانسة لا تشوبها شائبة عنصرية او تزمت ..
وظننت ان الامر سيبقى هكذا .. الا ان كبرت , وكبرت تطلعاتي .
وكان اصطدامي الاول هو تلك النقطة التي ذكرتها ...

فقد تعلمت ان الحب مقدس .. مهما كان وكيفما كان ..
لكني علمت انها ما كانت الا نظرة سطحية !!
فتشابك افكاري .. بل بالاحرى تعقدت بحيث ما عرفت اين البداية واين النهاية ..

من جهة يغوص تفكيري في واحة الحب وقدسيته التي لا تعلم حدودا ولا يرى فيه افق ..
لكني سرعان ما اصحى على قيم تشعرني باني مخطئة ..

لن اجد لسؤالك عزيزي وائل في نفسي جواب ..
فهو انفصام في التفكير بين مد وجزر ,, سيبقى الا الانهاية

ودمتك بكل ود

بحب احكيلك حكايتي
انا ولدت بعائلة الام والاب فيها من نفس الدين ونفس الطائفة ونفس الضيعة وحتى الى حد مامن نفس العيلة(يعني في قرابةبس بعيدة شوي) بس اهلي ربوني عالحب ومساواة الحب لكل الناس بغض النظر عن الانتماء اللي بينتمو الو....... هالشي كان كتير حلو وجميل لحتى كبرت ودخلت المجتمع بشكل فعلي وبلشت حس انو الحب هاد صعب التعامل معو بمجتمع طائفي ومناطقي

هلأ رح تحسو انو حكيي ماالو علاقة بالموضوع بس حبيت وضح نقطة لمايا انو كل هالتقارب بين اهلي من نواحي الانتماء لدين ومنطقة وخلوني عيش حالة نفس الحالة اللي هيي عاشتها...... وبالتالي مافيكي تلومي الزواج المختلط لاهلك على وضعك..... يعني انا بشوف انو وضعك واحساسك انتي الصح ووضع المجتمع الطائفي هوي الغلط

[امرأة من ورق]

كاتب النص الأصلي : فراشة

وشي تاني انو الحب مو اوهام الحب شي حقيقي وشي اساسي لنعيش حياتنا بسعادة والدين كمان حقائق منعيشا وبيأثر بحياتنا وبينظمها ولازم يكون في توازن بين التنين مشان نقدر نكمل مشوارنا بالحياة

كلامك حلو فراشة بس للاسف بيخدم وجهة النظر العكسية الك..... يعني لما بتقولي لازم يصير توازن بين الحب والدين يعني انو ما يجي شخص ويغيير دينو وعقيدتو كرمال الحب بس كمان مايتخلى عن حبيبو كرمال الدين وبس كرمال الدين
يعني بكلمة تانية لازم يصير تفاهم وكل مين يضل على عقيدتو ويتزوجو وهيك بنكون عملنا توازن بين الحب والدين