الحكي ما عليه جمرك

[ِAbu Alzooz]

هلق الحكي ما عليه جمرك يعني انو الواحد في يحكي شو ما بدو

بس انو يعني عما فكر يصير جمرك على الردود

لأنو صاير بالموقع بشكل عام


سباق مين بكتب اطول رد


حبيباتي قلبي تطمنوا مالح تفوتوا بكتاب غنيس

اذا كتبتوا اطول

و على فكرة يمكن

يصير كل رد فوق ال 8 سطور عليه ضريبة رفاهية 50 ليرة


يعني الواحد بيفوت مشان يريح راسو و عيونو اي بيجعوا عيونو بالزايد

و كمان على تلوين الخط جمرك

على الحركات في جمرك

الضمة ب 20
الفتحة ب 15
و الكسرة ب 10

و السكون ب 5

شو فهمنا

[M_R]

بس بتعرف كان لازم انت كمان تلون الرد تبعك مشان تكون أول مين طبق هل النظام وكان لازم تشكل الكلمات وتطول النص أكتر
مشان تكون تبع جماعة خالف تعرف

[وشم الجمال]

بما انو السكون ارخص الحركات وما تفهوا الرخص بشكل غلط هاااااااا

فلازم يقرروا السكون

هاموش اهم مما سبق...هاد يا سيدي اذا الرد طويل والو معنى يعني مو فزلكة وسقالة فبالعكس كتير بيكون حلو وكتير رح بيفيد متل كتير ردود لو كانوا عشر صفحات رح اقراهن...اما في ردود والله مجرد ما شوف اللون والا شوف كاتب الرد ببعد لانو بعرف انو عم يفرد قدراتو عالبسطة وما بدي نفسي تلعي

[W.E.G.A]

ياسيدي بشرفي

معك حق

[روعة1]

يعني الواحد بيفوت مشان يريح راسو و عيونو

هلأ يريح راسو ما قلنا عليها شي.. بس يريح عيونو.. شلون زبطت معك هي..؟؟
__________________________________________________ __________
طيب خلينا نيجي للجد و نمشي خطوة خطوة و نشوف اديش بيطلع علينا جمارك..

*هَلأ مِن جِهةْ الحَرَكاتْ أَنا ما بَستَّخدم حَرَكاتْ يَعني نَفَدْنا مِنَ الجُمركْ شيتْها..

*اما بخصوص التلوين فــ انا مني و عليي ما عاد استخدمو بتاتا ابدا .. لشو البعزئة بالتلوين .. بكرا بيخلص التلوين من اخوية و مننئطع .. يعني هدا الشي بسبب مشكلة مادية و معنوية ..
يعني كمان خلصنا من هي الشغلة و طلعنا خالصين و ما علينا ايتها شي..

*اما اخر شي و اللي هو الحكي الكتير و الردود الطويلة فانا شوفة عينك يعني بالزور بيطلع من تمي كلمة.. بتسحبها سحب لتطلع يعني.. فــ كمان من هي الناحية طلعنا خالصين و ما علينا جمرك ولا من يحزنون..

يلا بخاطركون لكان ..

[hanny dagher]

كاتب النص الأصلي : ABU WILLIAM

يصير كل رد فوق ال 8 سطور عليه ضريبة رفاهية 50 ليرة

يعني الواحد بيفوت مشان يريح راسو و عيونو اي بيجعوا عيونو بالزايد

و كمان على تلوين الخط جمرك

على الحركات في جمرك

الضمة ب 20
الفتحة ب 15
و الكسرة ب 10

و السكون ب 5

شو فهمنا

اخي الكريم عبد الكريم
انتي عندك مشكلة مع الضمة يعني ليش خيو الضمة لتكون عشرين والفتحة بس ب 15
انو معقد انتي وصغير من الضمة مثلا اكلة شي ضمة على راسك او مثلا ابوك زاربك بالحمام وهات على ضرب بالضمة فحضرتك اسعتها مأثرة فيك الشغلة وعم تفش خلقك هلأ

انو احكيلي اخي احكيلي نحنا اخوات و انا بفهم عليك (ما بوعدك بس بحاول )

بعدين خيو انتي عم تنق على كترة الحكي و التلوين والتشكيل وهالقصص هاي يعني قصص العجقة والضجة لانو بس تصير في عجقة وضجة هادا اللي بين كتافك ما بقى يجمع وهدول الضواوي الزرق (اللي ما يبلو الهي ) اللي مركبهن براسك بيطفو من كتر مانك عم تقرا
هلأ خيو انا عندي سؤال الضجة شو عكسها ؟ السكون مهيك طيب ليش حاطط ضريبة عالسكون انو حيرتنا معك ان حكينا بيصير ضريبة وان سكنا مناكل ضريبة شو هالحكي هادا

بعدين خيو انتي حددت نظام الضرائب بس ما قلتلنا هالضرائب هاي شو رح يصير فيها رح تروح عالجنوب او عالجيوب
يعني مشان نعرف نتأمل وننبخع بالنهاية او ما نتأمل عالخالص ونتاكد انو هالضرائب متلها متل بقية الضرائب
وضحلنا خيو وضحلنا خلي هالعالم تفهم وتتعلم وتضل على نور احسن ما عم تقضي وقتها على نور وسنوات الضياع



بعدين خيو ...... او قلك حاجتك اليوم يللا انصراف (بالاجر اليسار يا ابني )

[Sarita]

بَستَّخدم

بستخدم؟؟
التاء عليها ( ّ )
اش بيك خيتو ؟ بعدين ازا سمع فيكي اللامنتمي بيكتب فيكي عريضة شكوى الها اول ما الها آخر
بعدين اب ويليم شو الهيئة عم تقسّم الحكرات والردود الطويلة تقسييييم من لحمك خطي
يا سيدي كل واحد يصطفل بركدن الزلمة او البنت بدها تفضفض وتفش خلقها؟
بيجوز
كل شي بيجوز عمي ..

[روعة1]

بستخدم؟؟
التاء عليها ( ّ )
اش بيك خيتو ؟

ما اشبني شي عمتو..
بس يعني انا ماني متاكدة اذا التاء مشددة ولا لا .. بس على حسب ما بتذكر باللغة العربية انو التاء مشددة..
فما بعرف بجوز صح متل ما قلتي..
و انا كتير سعيدة انك صححتيلي بس يا ريت تعطيني السبب ليش ما بينحط عليها شدة..

[فسحة أمل]

أبو وليم شو الوجع بالضبط

[(((الجنرال أبوجعفرالورد)))]

صديقي ابو وليم ..
بجد شو عم يصير معك ..
يعني وضعك مو تماام هاليومين ....
انتبه لصحتك حب .....................
واحلى ابو وليم على خط الوطن .............

[ِAbu Alzooz]

انتي عندك مشكلة مع الضمة يعني ليش خيو الضمة لتكون عشرين والفتحة بس ب 15
انو معقد انتي وصغير من الضمة مثلا اكلة شي ضمة على راسك او مثلا ابوك زاربك بالحمام وهات على ضرب بالضمة فحضرتك اسعتها مأثرة فيك الشغلة وعم تفش خلقك هلأ

انو احكيلي اخي احكيلي نحنا اخوات و انا بفهم عليك (ما بوعدك بس بحاول )

بعدين خيو انتي عم تنق على كترة الحكي و التلوين والتشكيل وهالقصص هاي يعني قصص العجقة والضجة لانو بس تصير في عجقة وضجة هادا اللي بين كتافك ما بقى يجمع وهدول الضواوي الزرق (اللي ما يبلو الهي ) اللي مركبهن براسك بيطفو من كتر مانك عم تقرا
هلأ خيو انا عندي سؤال الضجة شو عكسها ؟ السكون مهيك طيب ليش حاطط ضريبة عالسكون انو حيرتنا معك ان حكينا بيصير ضريبة وان سكنا مناكل ضريبة شو هالحكي هادا

بعدين خيو انتي حددت نظام الضرائب بس ما قلتلنا هالضرائب هاي شو رح يصير فيها رح تروح عالجنوب او عالجيوب
يعني مشان نعرف نتأمل وننبخع بالنهاية او ما نتأمل عالخالص ونتاكد انو هالضرائب متلها متل بقية الضرائب
وضحلنا خيو وضحلنا خلي هالعالم تفهم وتتعلم وتضل على نور احسن ما عم تقضي وقتها على نور وسنوات الضياع



بعدين خيو ...... او قلك حاجتك اليوم يللا انصراف (بالاجر اليسار يا ابني )

هلق اول شي بالنسبة للضمة المشكلة مو بالضمة بالكسرة و على قد مو مقهور من الكسرة
عملتها ارخص شي

و تاني شي ذكرتني بالياء الحمصية هي ضريبتها دبل يعني 125 على كل ياء

نفس الشي مع الجيم الحلبية بس الجيم ب 150 على كل جيم هيك جكارة بأهل حلب


تالت شي نحن على الضوجة مناكول و على السكون مناكول

يعني طالع واكل نازل واكل

و مشان الضرايب لح تروح لأغراض أسااسية و مهمة

متل تغير اللابتوب و الموبايل تبعاتي


و هي حضرتك سلختنا رد اطول من الموضوع ب 3 مرات هادا شو اسمو مو جمرك

[ِAbu Alzooz]

كاتب النص الأصلي : فسحة أمل

أبو وليم شو الوجع بالضبط

هلق انت مو ضروري تفهموا

كان شي رائع لو بتفهموا

بس بالأساس مو مطلوب منك تفهموا



منيح معلم نجيب

[ِAbu Alzooz]

كاتب النص الأصلي : روعة1

هلأ يريح راسو ما قلنا عليها شي.. بس يريح عيونو.. شلون زبطت معك هي..؟؟
__________________________________________________ __________
طيب خلينا نيجي للجد و نمشي خطوة خطوة و نشوف اديش بيطلع علينا جمارك..

*هَلأ مِن جِهةْ الحَرَكاتْ أَنا ما بَستَّخدم حَرَكاتْ يَعني نَفَدْنا مِنَ الجُمركْ شيتْها..

*اما بخصوص التلوين فــ انا مني و عليي ما عاد استخدمو بتاتا ابدا .. لشو البعزئة بالتلوين .. بكرا بيخلص التلوين من اخوية و مننئطع .. يعني هدا الشي بسبب مشكلة مادية و معنوية ..
يعني كمان خلصنا من هي الشغلة و طلعنا خالصين و ما علينا ايتها شي..

*اما اخر شي و اللي هو الحكي الكتير و الردود الطويلة فانا شوفة عينك يعني بالزور بيطلع من تمي كلمة.. بتسحبها سحب لتطلع يعني.. فــ كمان من هي الناحية طلعنا خالصين و ما علينا جمرك ولا من يحزنون..

يلا بخاطركون لكان ..

تفضلي حاسبينا

3500
+
10%

ضريبة

[MaTyA]

شو عم تنصب ع الشعب

[ِAbu Alzooz]

كاتب النص الأصلي : matya

شو عم تنصب ع الشعب

لا كلو بالحلال هلق فادي فتالي ياها

[ِAbu Alzooz]

خيتو لازم نحن نلاحق التطور

بقا حتى الشدة عليها ضريبة

25

[هدوء البحر]

صديقي ابو وليم هاد الحكي مابيصير وماكنت متوقعك هيك بنوب

بتعرف ليش؟

لأحكيلك ليش



يصير كل رد فوق ال 8 سطور عليه ضريبة رفاهية 50 ليرة


يعني الواحد بيفوت مشان يريح راسو و عيونو اي بيجعوا عيونو بالزايد

و كمان على تلوين الخط جمرك

على الحركات في جمرك

الضمة ب 20
الفتحة ب 15
و الكسرة ب 10

و السكون ب 5


يعني الاسعار يلي حاطتها اقل من تسعيرة التموين شو بدك ضارب على الحكومة؟؟

بعدين العالم معها مصاري .

الشهر الماضي صارت مظاهر احتجاجآ على الرواتب العالية

بتمنى تغير اللائحة الأسعار

[ِAbu Alzooz]

كاتب النص الأصلي : هدوء البحر

صديقي ابو وليم هاد الحكي مابيصير وماكنت متوقعك هيك بنوب

بتعرف ليش؟

لأحكيلك ليش



يصير كل رد فوق ال 8 سطور عليه ضريبة رفاهية 50 ليرة


يعني الواحد بيفوت مشان يريح راسو و عيونو اي بيجعوا عيونو بالزايد

و كمان على تلوين الخط جمرك

على الحركات في جمرك

الضمة ب 20
الفتحة ب 15
و الكسرة ب 10

و السكون ب 5


يعني الاسعار يلي حاطتها اقل من تسعيرة التموين شو بدك ضارب على الحكومة؟؟

بعدين العالم معها مصاري .

الشهر الماضي صارت مظاهر احتجاجآ على الرواتب العالية

بتمنى تغير اللائحة الأسعار

ضروري نفضح كلشي

لك دعم المحروقات نقام من هنيك نحط هون