مقلاية أخوية (( الجزء التاني ))

[Willi]

هيي مو شغلة حدا يقلي
هيي حقيقة لا جدل فيها
ومثبتة كمان

[Varon]

(قال عادتا اللي راسو كبير بكون ذكي بس انا كاسر القاعدة (اكيد ما لكل قاعدة شواذها انا راسي كبير بس غبي المهم يلا))

--------------------------------------------------------------------------------
راسك كبير بس غبي؟؟؟؟؟؟؟؟؟؟؟!!!!!!!!!!!!!!!!!!

[Willi]

احتجت لتغير الحقيقة انك تغير بكلامي
بس الحقيقة واضحة متل مو واضح تغييرك لكلامي


(لا تقلي افحتمك)


خلونا بالموضوع شباب عنجد

[MarieSou]

خرجك هاهاهاها انا ما قلت شي صاحبك قال وشهد شاهد من اهلها

good night

[Willi]

مين صاحبي لا لؤي مو صاحبي
هاد اجدب ما بيتاخد بكلامو

[Varon]

له له له يا ندل يا صرصور بعد كلشي عملتلك يا هون وبعد ما دافعت عنك بتروح عاميركا وهيك بتحكي ...يا حيف

[hanny dagher]

لك يعدمني ياكن كيف نزعتو الموضوع

[Varon]

اذا الست جيني ما عم تشرف نحنا شو ذنبنا ............ بعدين ليش عم تعيط خوفتني

[hanny dagher]

طيب ما بدن يكترو الاسئلة شوي

[محمد ابراهيم]

طيب يا جماعه ممكن تؤجلو جيني لحد ما تستعد ...وتحطو حد غيرها

[hanny dagher]

جيني ناطرة بس لتكتر الاسئلة انتو سالو وشو بدكن

[Willi]

طيب جيني كيفك ؟؟
شو اخبارك؟؟
انشالله تكوني منيحة

جاهزة؟؟
3
2
1
طاااااااااااااااااااااخ
لعمى اجت براسها الطلقة
راحت فيها يا ضيعان شبابك يا جيني
اه لا اجت براس هاني
اوكي ما مشكلة معناتها

المهم
1.شو هو هدفك بهالحياة ؟
2. ليش جيني عايشة؟
3. يا هل ترى شي مرة جيني ملت من الحياة وتمنت لو تنتهي حياتها فورا؟ اذا اي ليش؟ واذا لاء كمان ليش
4. هلق لنفترض انك عم تعملي بيض مسلوق (بيضتين او تلاتة) قديش رح تخليهون على النار لحتى يستوو؟ يعني كام دقيقة؟؟ (حاكم بدي اقلي بيض بس ما بعرف اديش خليهون)

بس حاج هيك

[Kakabouda]

خيو :

اذا خيروك بين الماضي او المستقبل .. شو بتنقي ..

الماضي المعروف أم المستقبل الغامض ؟؟؟

و ليش ؟

[Geeny]

كل هادا من وراي وانا يلي ناطرة لرد

[layla]

تعملي بيض مسلوق (بيضتين او تلاتة) قديش رح تخليهون على النار لحتى يستوو؟ يعني كام دقيقة؟؟ (حاكم بدي اقلي بيض بس ما بعرف اديش خليهون)

[محمد ابراهيم]

كاتب النص الأصلي : Geeny

كل هادا من وراي وانا يلي ناطرة لرد

انا ألت انك هربتي

[Willi]

لعمى شلون ما انتبهتلها هاي

كلو منك ليلى

الحق عليكي
انا بحملك كل المسؤولية

هاي مشان تعرفو انو مافي كذبة كاملة
دائما فيها شي غلط
انا قصدي مسلوق مو مقلي

[Geeny]

hanny
1-والله أيام زمان كان الي هدف هالكام يوم ما عندي غير أنو أقدر أمن شوية سعادة لأهلي ولألي ولحق حالي قبل ما طير
2-رفقاتي بحبون صادقين معي انا خصوصي وانو يعرفو قيمتي ويرتاحوا يحكولي ويقدروا يوثقوا في وبكلامي
أما حبيب القلب أهم شي يكون بيحترم حالو والعالم يلي قدامو وانا وحساس وما بيخجل من مشاعرو وتكون قوتو بصبرو وتفكيرو وأهم شي يعاملني بحب كبير واحترام لذاتي ولأني أنثى
3-أكتر شي بيزعجني هو المواقف يلي بتتاخد بلا أي سبب وما بقدر فسرها لأنو أصحابها ما بيعرفوا يفسروها
بيزعجني يلي بيعمل حالو منفتح وفري وهو ببيتو متحجر وما بيفكر أبعد من أنفو أما يلي بيبسطني هو الناس تقدر تسامح بعضها وبحب يلي بكون مرح وقت المرح وجدي وبيقدر يبكي ويضحك ومدبر حالو بهالدني
كتير معجبة بيلي عايشين على مبدأ طنش تعش
4-للصراحة هادا سؤال صعب لأنو في كتير عالم قراب على قلبي من الأخوية بس كونو سؤالك لواحد فهو سعيد sabeهادا بالنسبة الي بيست (وكتير غيرو بس سعيد اكتر شي قريب مني وبيفهمني منيح كتير وبيسمعني مع اني بحكي كتير وبتحسس زيادة) من برا أخوية بقا عندي رفيق كتير سبسيال بحبو كتير ورفيقة عمر من الحضانة
willi
لمحة عني ممممممممم طيب أنا عمري 19 بدرس أدب انكليزي سنة اولى (طبعا موادي بتهوي هالفصل لصالح العدو اكتر) وووووو هوايتي ما الي هوايات ما بعرف أسبح ولا سوق سيارة وحساسة كتير كتير ودايما بفكر بالشغلات السيئة الممكن تصير مو المنيحة عندي إيمان بس ما بيعني حدا غيري قناعاتي قابلة للتعديل تحت النقاش وإذا اقتنعت ممكن غير موقفي
بحكي كتير وأنا بنت بتجنن بس أوقات الناس بياخدوا عني فكرة غلط ما بعرف ليش
وبالنهاية أنا ما في مني
varon
1-والله هني كتار هدول المواقف وللأسف. أصعب موقف وقت طلعت نتيجة التاسع وكنت جايبة مجموع والناس كلون عم يباركولي وأنا عم أبكي لأنو كان بدي علامات كاملة وصلت على البيت قام ابي ما باركلي وأمي بهدلتني على العلامة وهيك حسيت أنو كل درسي ما الو قيمة وكل هي العلامات ما الون طعمة وما بقا درست
2- خجلت فيه ومتت منو وهلا بموت ضحك عليه هادا يا سيدي مرة كنت بدي جيب رفيقة الي ما بتعرف بالشام من مكان معين وكنت لابسة برجلي متل صندل وانا هونيك ما لقيت البنت (يلي هي أمانة برقبتي) وانقطع صندلي وصرت امشي وانا عم جر رجلي شوي وبعدين حفيانة وبالاخير رحت اشتريت بوط رجالي ولهلأ عندي وبلبسو وحلو
3- أحلى موقف وقت عطيت امي هدية عيد الأم من كم يوم وشفت الدمعة بعينها وحسيتها فرحانة من قلبها
4- هلا الحب ما كتير عندي قناعات بخصوصو وبتخيل أنو العقل بيتحكم بكل شي والحب بيجي بعد التفاهم والاحترام وهي القصص يعني بعد التعارف كتير منيح وأنو حدا يقول من أول أسبوع لبنت متعرف عليها بحبك بحس فيو كولكة وتزييف مشاعر وتسخيف كمان للاحاسيس
اما الصداقة فأنا كتير بحبها وعندي كتير أصحاب بس عم اكتشف أنو ببلادنا ما في صداقة حقيقية تخلو من المصالح بقا تركوها لخلص اكتشاف
5- أحسن أنواع الشباب يلي ما بتخاف من مشاعرها وبتعرف شو هي وشو عم تعمل بلا خجل أو اضطرار للهرب من المشاعر الصادقة
6-رأي بwilli
كتير مهضوم وحباب ولو أنو ما صار حديث مباشر معو
hanny
بجنن ومن ضيعتي (يعني ما في منو أكيد) لهلأ حسيتو إنسان شفاف كتير وبيتحمل وجع بلا ما ينق متلي ويحكي وشكلو عندو هدف بدو يحققو
sweetbaby
أنو شهادتي بريتا مجروحة كتير بحبها وبحسها طيوبة بس بدها تقوي قلبها شوي وتعرف أنو مو كل الناس طيبة متلها طيوبة وهيك بتحس لمسة طفولية فيها كتير بحب هالصفة أنا
varon
ضخم حباب كتير ووقف معي وقت كنت متخيلة ما يوقف معي وبشكرو لهالشي وبقلو انت بتقدر تعمل كتير شغلات بس ركز شوي وبتعملها
kakabouda
جورج ما بعرفو شخصي كمان (يمكن شفتو مرة بالصدفة) بس محترم وبيكتب حلو
dr hus
هههههههههه الأشقر شو في قول عنو كتير بحبو لحسام لأنو دايما عم يضحك وانشا الله عطول شخصيتو بحسها غريبة وجديدة علي ومشان هيك بضل بتغالظ عليه وهو بيتحمل غلاظتي وأنا قبل ما شوفو كنت متخيلتو أسمر ووقت لقيتو أشقر انصدمت مشان هيك مشيت الصفة عليه
layla
كمان يمكن حاكيتها مرة بس كتير محترمة وقلبها كبير بحسو بيوسع كل الناس من كتر مو طيبة وعاقلة
بحس عقلها دايما شغال وكتير بتوزن الأمور وبقول لريتا نيالك على أختك
توت توت توت
أنو ما عندي معلومات عنو ما بتخيل بحقلي أحكي شي بلا ما أعرفو بس كان الو كتابات وتعليقات حلوة باخوية
God father
كمان ما بعرفو غير من كتاباتو . مبين كول وكما فرد مرة ما بعرف سنفورة ولا marie sou
sabe
سعيد شو ما قلت عنو قليل كتير بحبو وبحترمو وتيابو بتجنن وهو بيفهمني كتير وشخصيتو منفردة طيوب وبيعمل كل شي ليمسح دمعة من على خد شخص عم يبكي بحبو كتير وبناديلو دايما قلبي
نمرة رجلي حسب اوقات 37 واوقات 38
أنا هيك لأنو ما قررت صير غير هيك لسه
willi
كام مرة بدك تسالني يعني؟
حكيت عن الهدف وعايشة لخلي الحياة أسهل شوي لكم شخص قد ما بقدر
مليت من حياتي ايه وفكرت انتحر ايه ليش؟ لانو حسيت بالضعف وأنو مهما عملت ما في أمل حدا يتغير وكنت حاسة أنو لحالي وأحلامي كلها خيالية بقا كنت بدي شي واقعي متل الموت بس مشي حال هالفكرة هلا لأنو موعودة بهدية بس لتوصلني برجع بفكر انتحر
هلا البيض المسلوق أربع دقايق قبل انفلونزا الطيور هلا عشر دقاييق برياحة والقلي يا عمو غير السلق
kakabouda
خيو ولا خيتو يا مان
أكيد المستقبل الغامض لأنو عفت سماي بالماضي والماضي يلي ما عشتو بلاه بالناقص بدي المستقبل يلي ممكن يكون فيو شي جديد وبفرح