|
| س و ج | قائمة الأعضاء | الروزناما | العاب و تسالي | مواضيع اليوم | بحبشة و نكوشة |
أخوية سوريا: تجمع شبابي سوري (ثقافي، فكري، اجتماعي) بإطار حراك مجتمع مدني - ينشط في دعم الحرية المدنية، التعددية الديمقراطية، والتوعية بما نسميه الحد الأدنى من المسؤولية العامة.
نحو عقد اجتماعي صحي سليم، به من الأكسجن ما يكف لجميع المواطنين والقاطنين.
أخذ مكانه في 2003 و توقف قسراً نهاية 2009 - النسخة الحالية هنا هي ارشيفية للتصفح فقط |
||||||
|
||||||
 |
|
|
أدوات الموضوع |
29/05/2007
|
#20 | |||||||
|
عضو
-- أخ لهلوب --
|
اقتباس:
 عزيزي الي بينكر اصله مالو اصل............  وهذا التشبيه ما منقبلو منك منوب؟؟؟؟؟؟؟؟  نحنا عم نتناقش نقاش علمي بعيد عن تفاهات بقى الله يرضى عليك اذا كان عندك مفيد قولو.........واذا ما كان فوفر الكلام الي بلا طعمة لقسم النكت والصرقعة.......اذا كان عندك سبب بتكره مشانو البلد قلو ......اما اذا ما عندك سبب فلا توجه شتائم بلا سبب.....؟؟؟؟؟؟؟؟
لو عرف الانسان مافي المستقبل....لتمنى الواقع
|
|||||||
|
|
29/05/2007
|
#21 | ||||||
|
عضو
-- أخ لهلوب --
 |
والله غريب امركم يا شباب ؟؟ يعني اذا واحد مابيحب شخص مابصير يقول انا مابحبو ؟؟! طيب هلق هو مازكر السبب هادا شي بيرجعلو كل واحد حر بحالو يا اخي يعني بالغصب بدو يحبو للزلمة ؟!؟!؟
بعدين يااخي رد علي انا كتيير كتبتلك ليش مابحب هل النظام بس انت مارديت ؟!! والله بحبك وبحب اتناقش معك بس انت ليش ما بتحبني مابعرف ؟؟!!!  يا اخي اذا عملتلك شي فانا بعتذر بس والله مو متزكر اني مزعلك ؟!! ليش هيك زعلت فجأة مني مابعرف والله بحبك يا ريت نتناقش بالمواضيع الرئيسية ويا ريت يصير عندك تقبل الاخر وياريت تاخود شعر الجزيرة لانو كتير حلو الراي والراي الاخر  تحياتي
انا بتنفس حرية ما تقطع عني الهوا ولا تزيدا كتير علي احسن ما نوقع سوا
|
||||||
|
|
|
29/05/2007
|
#22 | ||||||
|
عضو
-- أخ لهلوب --
|
وبحبضيف شغلة مهمة انت عندك لبس فيها ومابعرف مين مقنعك بهل الشي انو الي مابحب السيد بشار او نظامو مو يعني مابيحب بلدو !!!!!!!!
يمكن لانو بيحب بلدو هيك عميقول لانو شايف انو بلدو لورا مشان هيك مابيحبو !!! لانو ليش هيك مابدو يحبو بدون مايكون في اسباب ؟!! وبعدين اذا واحد مابيحب بشار بيكون مالو اصل ؟!!!!!!!!!!!!!!!!!!!! يا اخي غريبة يعني وبعدين هون منبر حر كل واحد على كيفو يحكي واذا هو مابيحب شخص انت بتحبو مو يعني مابيحبك او بيكون غلط فيك !!! هو مابيحب بشار وانت مابتحب المعارضين !!! فيها شي يا اخي !!؟ هديك المرة مو كتبت انت على المعارضين السوريين بكل حرية وماخليت شي عاطل الا وحطيتو فيون !!؟ حدا حكى معك شي ؟؟ حدا قلك انت مالك اصل ؟؟ حدا قلك انا مابسمحلك بنوب ؟؟ حدا قلك انت بتكره بلدك ؟! يااخي اتقي الله |
||||||
|
|
|
29/05/2007
|
#23 | ||||||
|
شبه عضو
-- اخ حرٍك --
|
مع احترامي لجميع الآراء و النقاشات يلي عم تحكوا فيها في فكرة ببالي إنو ما في بلد ديمقراطي 100 بال100 و الديمقراطية مو هية و الله شوية تعليمات و حريات و هيك بنصير بلد ديمقراطي
أول شي الديمقراطية صايرة هالأيام حسب المفهوم الأميركي و قانون الأقوى هي هية الديمقراطية يعني عم نشوف شو عم يصير بالعراق و فلسطين بالنسبة إلي بشكر الله ألف مرة إني سورية يعني بلدنا مانو كامل بس مانو متل ما بتصورولنا ياه مافي حرية , اعتقالات , مداهمات , ما اختلفنا في غلط بس مو معناتا إنو بلدنا سيء و لنضيف شغلة كتير مهمة إنو نحنا العرب ما بتلبألنا الديمقراظية لأنو كل واحد بدو يعمل راس و بيبس راسو إنو هو الصح اعطوني بلد عربي واحد عايشة يالديمقراطية المنشودة أو عرفولي الديمقراطية كل واحد له وجهة نظر |
||||||
|
|
|
30/05/2007
|
#24 | ||||||
|
عضو
-- أخ لهلوب --
|
مع احترامي لوجهة نظرك انا بقلك انو العرب هنن الي اخترعو الديموقراطية !!!
ربك بالقران الكريم قال (وامركم شورى بينكم) ووقت ما توفى الرسول الكريم كان معين 6 من كبار قريش ليختارو امير المؤمنين او خليفة الرسول !! وبعد ابو بكر نفس الشي صار وقت ما اجا عمر و .......الخ فالي بيجي بيقلك هيك ما تصدقي معلش !! ونحن ما عمنطلب ديموقراطية 100% مرة وحدة بس بالتدريج !! يعني هلق انتي عندك راي مع النظام فيكي تحكي عنو وتعبري برايك بسوق الحميدية والناس رح يحيوكي والمخابرات رح ترفع رصيدك بس انا مافيني احكي وجهة نظري مع اني انا بعشق شي اسمو سورية كوطن !! ودولة عربية رح اعطيكي مثال قريب وهو مورتيانيا كانت دولة مو ديموقراطية اجا رئيس الجيش عمل انقلاب سلمي وعمل انتخابات واحزاب واجو ناس من الامم المتحدة صارو يراقبو وصار انتخاب رئيس بكل شفاية وبكل منافسة وبكل احترام وبدون مشاكل !! وهلق من جديد اكتشفو انو في ناس كانو بالسلطة قبل ما يجو وكانو عاملين شبكة عالمية للمخدرات !! فمو صحيح انو ما بتزبط الديموقراطية وانو هي منتج امريكي !!!!! ما تحكي الله يخليكي وبعدين اي شي بيصير بتجيبو العراق وفلسطين شو دخل هل الدولتين ما بعرف ؟!! مصدام حسين كان يعزب شعبو وكان يقتل هل الناس ويعمل حروب وصار في احتلال مشان هيك صارت المشاكل !! وفلسطين في احتلال من 48 !!!! فشو دخل فلسطين والعراق بسورية ما بعرف ؟ كل شي لحالو ونحن الحمدلله ماعنا احتلال ولا عنا شي وعنا شعب مثقف وواعي ونحن عمنطالب بالتغيير السلمي طبعا ونحن ضد اي تدخل امريكي او اوربي وهلق الي بيقلك انو سوريا ما عمتتعامل مع امريكا بيكون عميضحك عليكي لك سوريا هلق هي عمتتعاون مع امريكا مشان العراق وبكرى رح تتعامل مشان فلطسين وبكرى رح زكرك !!! شكرا الك وانا بحترم وجهة نظرك وبحترم اسلوبك الجميل للنقاش |
||||||
|
|
|
30/05/2007
|
#25 | ||||||||
|
عضو
-- قبضاي --
|
اقتباس:
قبل ما جاوب .. شو اللي خلاك تطرح هالسؤال ؟ يعني أنا تعليقي كان عن جملتك اللي عملت فيها سوريا حكومة وشعبا و وضعا أحسن بلد بالعالم .... مو عن شخصية د. بشار ..! بس انتا فهمت من جملتي أنا قاصد د. بشار ... ولو لا أنك شايف أنو في شي غلط بشخصيتو ما كنت طرحت علي هالسؤال : ) .. اقتباس:
|
||||||||
|
|
|
30/05/2007
|
#26 | ||||||||
|
عضو
-- قبضاي --
|
اقتباس:
 ......... صباحووو ..هلىء بالنسبة للجملة رح اقنعك فيها بكلمتين ..... الله وكيلك بكلمتين بس : شادي حكا : [ سوريا أحسن بلد ، الشعب السوري أحسن شعب ، الرئيس بشار أحسن رئيس ] ، مو هيك حكا ؟ طيب بزمتك وبضميرك وايمانك ، وايدي على راسك !!! : سوريا احسن بلد بالعالم ؟؟؟؟؟ الشعب السوري أحسن شعب بالعالم ؟؟؟؟؟؟ الرئيس بشار أحسن رئيس بالعالم ؟؟؟؟؟؟؟؟؟؟؟؟ يعني عملي متل الأم اللي لما بتروح تخطب لابنها : بتعمل ابنها رسول إلا شوي !!! مشان هيك يا عزيزي : القرد بعين أمو غزال ...... وصلت ؟؟ وبعدين شو دخل اللي بينكر أصلو مالو أصل بالقصه ؟؟؟ لك يخرب بيت عدوينك أنا شو نكرت ؟؟؟؟؟؟ اقتباس:
و كل هدول بكرهن لأني بحب بلدي .. وبالنسة للمفردات الكبيره اللي استخدمتا بردك : تفاهات و كلام بلا طعمه وشتائم ... إلخ ، فـ الله يسامحك .. مع كامل الاحترام .. |
||||||||
|
|
|
30/05/2007
|
#27 | |||||||
|
شبه عضو
-- اخ حرٍك --
|
اقتباس:
وبعد ابو بكر نفس الشي صار وقت ما اجا عمر و .......الخ [/quote] مع احترامي لإلك و لرأيك بس ياريت ما نكذب الكذبة و نصدقا و كلنا درسنا تاريخ و من نعرف شوفيه يعنى بنعرف تماما شو صار بعد ما توفى الرسول عليةالسلام عم تألي شورى و ما شورى ليش بهديك الأيام كانوا متفقين 100 بال 100 الله يخليك لا تحكوا حكي مظهرجي يعني لو كانت الديقراطية موجودة ما كان راح قتل عثمان بن عفان و علي بن أبي طالب مع الملاحظة إنو الرسول قال على الملأ مين هو خليفتو من بعدو و بدنا هلء نحكي بالدين يقى ياريت من بعد إذنك لا كتير تطرق على هالوتر. بعدين عم تحكلي على صدام و لا على أي رئيس عربي مايلي بنزل من كرامة بلدوا و من كرامتو الكل بدعوسوا يعني إذا في غلط منحكي فيه و بنتناقش بس مو أكتر يعني بدك مين مكان يحكي بالسياسة و يعطي رأيو و بسوق الحمدية ليش هي هية الديمقراطية عم تحكي على رجال المخابرات و الأمن أنا معك في بعض التصرفات السلبية و الغير مقبولة بس بنفس الوقت لولا رجال هالأمن كان هيك الأمان عنا يعني الواحد بيحكي سلبيات بس ما بغض النظر عن الإيجابيات بعدين يا تعطي مثال موريتانيا يلي ما ضلت دولة بالعالم غير و عملت مية تجربة عليهم و جربة يلي بدا ياه يا زميل الواحد لازم يحكي شوي بموضوعية يعني في شي زاعجك حكي عنو دون أن تعمم لأن منذ بدء الخليقة ما في شي نقى 100 بال 100 و مافي شي سئء 100 بال 100 يعني متل الميزان في هيك و في هيك و كما تكونوا يولى عليكم يلي من منظورك ديكتاتورية ممكن يحقق ديمقراطية لغيرك بيكفي إن إذا نزلت على الشارع 3 بالليل في أمان و بصوت واحد بتأوم البلد و بتأعدا بعدين شو ما سويت ماحدا راضي فكل واحد يعرف اختصاصوا و يشتغل فيه يعني مو لازم الواحد يفهم بكل شي و يجبرنا نتبنى رأيو و قبل ما الواحد يحاسب رد الفعل يشوف الفعل بالأول و بس |
|||||||
|
|
|
31/05/2007
|
#28 | ||||||
|
عضو
-- أخ لهلوب --
|
له له لا تزعليني منك!!!!!!!!!!!
انتي من الشام متل مالك كاتبة !! يعني اكيد سنية !!؟ اذا كنتي سنية فيعني بطلب منك اتراعي كتب التاريخ او تسالي شي حدا كبير مشان يصححلك معلوماتك الرسول الكريم قبل ما يتوفى طلب من ابو بكر يصلي بالمسلمين لانو كان مريض بس ما قلو انت رح تصير الخليفة ؟!!! وسمى 6 اشخاص مشان يختارو ووقع الاختيار على ابو بكر !! وعمر اجا بنفس الطريقة ولاقران بيقلك (امركم شورى بينكم) اذا بدك اتكزبي القران فهاد موضوع تاني وانا بحترم رايك على العموم !! وعثمان بن عفان قتلو جماعة كانت بدا علي بن ابي طالب هو الي يستلم لانو ماعندون مفهوم ديموقراطي !!!!!! هنن بدون علي لانو هو بيقربو للرسول او من ال البيت!! على العموم رح قلك رايي وانا وقت ما اكون عمبحكي راي مو يعني عمبفرضو على حدا !!! هي مشكلتنا نحن !! خلص ما عجبك راي احكيلي انا ما اقتنعت بس ما تحكي حكي هيك مالو معنى !! انتي قلتي انو شو الشي السلبي عن سوريا ! اول شي منقول الحرية !! انا فيني اعبر عن راي هاد ؟!! اكيد لا انتي عمتقولي لازم يكون الشخص سياسي !!! شو السياسي بس هو الي بيخاف على بلدو وبيحقلو بس يحكي عن شي مو عاجبو !!! هاد مو منطق !! ورح اجي معك انا بدي اصير سياسي طيب مشان احكي !! كيف بدي اصير سياسي ومافي عنا احزاب سياسية غير حزب البعث !!!!!! طيب في ناس حكو متل ميشيل كيلو والبني واللبواني والحمصي !! شو صار فيون ؟؟ اقل واحد اخد 3 سنين !! وهنن ما عملو اي شي وما ضرو ولا شخص ! بس قالو رايون ! انحكمو احكام متل اضعاف الشعور القومي !! او نشر اخبار كاذبة !!!! وبعدين منجي للشباب الشبيحة الي عنا ومستلمين اكبر شي بالبلد !! سمعانة برامي مخلوف ؟؟!! اذا ايه اكيد بتعرفي شو بيعمل واذا لأ مارح قلك لانو رح طول بس انتي اسالي ابوكي او اي شخص كبير بيعرف! هادا الشخص ابن خال الرئيس ّ!! شايفة هلأ الوضع الي بالشوارع ؟؟! انتي من عقلك هيك الناس بينزلو لحالون وهيك شعب حضاري بيعمل ؟!؟ حاطين هي الاغاني وعميدبكو ؟!! لك شو هل المسخرة ؟؟! عمتحكي عن الامان ؟!! لك شعبنا هيك لانو الشعب طيب ومافي عنا ناس متل باقي البلدان متطرفين في عنا تسامح مو يعني النظام هو الي خلا هل التسامح يصير !!! بعدين الشعب مو فقير ؟! على القليلة 30% منو فقير و60% وسط و10% من الاغنياء !! مافي بطالة 28% ؟؟؟؟؟؟؟ مافي عجز بالميزانية ؟! لك سوريا بلد غنية وانتي بتعرفي انو سورية من اغنى الدول العربية بعد احصاء الامم المتحدة سنة 2005 ؟! بس وين عمتروح هل المصاري ؟؟! بتتزكري وقت عضو من مجلس الشعب سأل وقتها بسنة 88 يمكن انو وين اموال النفط السوري عمتروح ؟؟ قلو وزير النفط ياريت ماترجع تسال هل السؤال لانو هل الشي مابيخص الشعب بيخص الجيش ؟!!!! لك وين هو الجيش هاد الي صرعونا في ؟؟! مابتعرفي انو اي واحد بيروح بيدفع بالشهر 5000 ليرة بيرو بالاسبوع يومين وبيرجع بعدين على البيت بيرتاح ؟! شو هل الجيش العظيم الي بدو يحارب ؟؟ انتي مبسوطة على الوضع عنا بسوريا انتي حرة وانا بحترم وجهة نظرك بس ياريت تحترمي وجهة نظري مشان يكون في عنا مبدأ الراي والراي الاخر لمصلحة سوريا !! |
||||||
|
|
|
31/05/2007
|
#29 | |||||
|
شبه عضو
-- اخ حرٍك --
|
اقتباس:
خيو سكران قلتلي الرسول عين سته قبل ما يموت هنن يلي اختارو ابو بكر .....انا بتحداك تجبلي اي كتاب تاريخ بيحكي هالشي .... يا جماعه شو صار كل واحد بدو يخترع من عندو ....ابو بكر استلم بموجب سقيفه بني ساعده ازا سمعان فيا يا حبيب .....وهي السقيفه ما كان موجود فيها الهاشميين لما تعيين ابو بكر يلي هنن الحزب المعارض بهداك الوقت ...بس سبحان ربك ال شورى ال ....بتقلي ديموقراطيه ...شفلي عمر بن الخطاب شلون استلم بتوليه من ابو بكر بدون شورى ....وعمر شكل لجنه سداسيه لتعيين الخليفه وكانو من اختيارو الشخصي لحتا يختارو عثمان بن عفان...هاد التاريخ يا مثقف يلي داير عبلدك ....بعدين معلومه تانيه سوريا باحصاءات الامم المتحده اقوى اقتصاد وليس اغنى بلد وفي فرق بيت التنين ازا عنك معلومات بالاقتصاد كمان ..وهاد الشي كلو من السياسه يلي بلش قيها حافظ الاسد بالاكتفاء الذاتي ...طبعاُ بعد الحصار على سوريا بالتمانينات ازا عندك فكره عن هالشي ....... بعدين نحنا ليش ما منقول الشغلات الايجابيه عن سوريا ليش ما منقول انو التعليم مجاني ....الطبابه مجانيه....ليتر المازوت عم يكلف الدوله بحدود ال15 ليره عم تبيعو الدوله للمواطن ب 7 ليرات ..السكر الخبز القمح كلو مدعوم من الدوله وفي غالب الاحيان عم تخسر فيه ....شوفو الدول يلي برا التعليم بالمصاري معك بتتعلم ما معك خليك متل ما انت...معك بتداوا ما معك بتموت ....منطق منطق شباب مو بس موضيع وردود بس لحتا نارجي حالنا
من داخل قلبي المكبوت ..يحيى الصمت من ناري المتأججه..
وتبقين أنت الخالده...إذهبي فبرعاية الرب أنت لأنك حبيبتي .. ولأني أنا من افتداكي بنفسه...... |
|||||
|
|
|
31/05/2007
|
#30 | |||||||
|
عضو
-- قبضاي --
|
اقتباس:
 !!!! |
|||||||
|
|
|
31/05/2007
|
#31 | ||||||
|
عضو
-- أخ لهلوب --
|
يا اخي انا ما بفهم لا بالتاريخ ولا بالسياسة ولا بشي معك حق !!
هلق قلي ليش في عنا نصابين وفي عنا محسوبيات وواسطات ورشاوي !؟ ماتقلي بكل الدول في انا بدي ببلدي مايكون في او يكون في اقل قدر ممكن !! بعدين وين الاموال اذا انتي عمتقول اقوى اقتصاد ؟؟؟ ومين قلك بس بسوريا بيدعمو الخبز والتعليم مجاني ؟ مين قلك هل الحكي انا عشت باكتر من دولة عربية وشفت نفس الشي !!!! يا اخي ليش اجا بشار الاسد وهو نص القانون للي بدو يصير رئيس هو 40 سنة ويكون قدك للبلد خدمات جليلة ؟! بسنة 2000 كان بشار عمرو 34 سنة شلون هيك اتعدل الدستور بنفس اليوم الي مات فيه حافظ ووافقو كل مجلس الشعب ؟! ودخلك شو قدم بشار قبل مايصير رئيس ؟؟ انت كنت سمعان فيه قبل ما يموت باسل الاسد ؟! ليش مافي عنا غير حزب واحد هو الحاكم ؟! ليش مايكون في عنا احزاب تانية ذات توجهات تانية ؟؟ ليش في عنا اعتقالات الراي ؟؟؟ ليش مافي عنا جمعيات حقوق الانسان ؟ يا اخي الله يرضى عليك حكم عقلك قبل ما اتحكم قلبك |
||||||
|
|
|
31/05/2007
|
#32 | ||||
|
شبه عضو
-- اخ حرٍك --
|
لك له يا ابو شريك ليكو النت قدامك روح وبحبش وبتحداك تلاقي شي من يلي حكاه السكران
....معلم انا بدروس تاريخ ولو شغلتنا هي الشغله .. معلم سكران زكرتني بقصه صارت معي بدي احكيلك ياها ....ياسيدي بزمناتي كنت طالع بتكسي ..ومن كلمه لكلمه طلع الشوفير بناني ...طبعا صرنا نحكي عن لبنان وسوريا وانو هوي صرلو خمس سنين بسوريا عم يشتغل عالتكسي ...صار يحكي الشب انو سوريا فيا غلا لانو هوي بلبنان بيسهر احلى سهره مع سكره ومدري شو بس بمبلغ زهيد وللصراحه مو متزكر المبلغ انا....وقال بسوريا ازا بدو يسهر هيك سهرا بدو يحط شغلو عالتكسي تلت ايام ليسهرا...رحت انا قلتلو ليش اجيت عسوريا لكن ...حزور شو كان جوابو لهاد الشخص يلي كان عم ينتقد بسوريا ساعه ....قال هوي عندو تلت ولاد صغار هون بسوريا تعليمون مجاني ...بس بلبنان ازا بدو يدفعلون اجار المدرسه و الاتوكار وحق الكتب ما عد فيه ياكول ... طبعاً انا قصدي من القصه انو ما نوصل لمستوى التفكير هاد مو اكتر من هيك .. بالنسبه لتعديل الدستور لاستلام الدكتور بشار ..انا ما بناقشك بهاد الموضوع لانك مقتنع مسبقاً انو كل الشعب السوري ما بدو الكتور بشار وانو اجا اجباري عن الشعب وهاد مو صحيح ... بالنسبه للاحزاب انا برايي انو الاحزاب الموجوده كافيه بالمرحله هي لانو عنا المواطن العبي ما وصل لمرحله ممارسه المواطنه بشكلها الطبيعي وما بستثني حدا مني وجر ...سجناء راي انا بظن مافي الا ازا بتعتبر واحد عم يتعامل مع دول خارجيه هوي سجين راي ..والله يخليك لا تجبلي سيره البني و اللبواني و الشباب الطيبه يلي بنتجاب سيرتون كل ما انفتح هالموضوع ..لاني بعرف قصتون اكتر من اي واحد بالمنتدى ... و السلام |
||||
|
|
|
31/05/2007
|
#33 | ||||||
|
مشرف متقاعد
|
مرحبا...
أنا حابب قول كام كلمو تعقيب على الحكي هون... أول شي بس عندي طلب صغير أنو نضل بصلب الموضوع يلي عنوانو عن سوريا... وإذا بدكون نفتح موضوع عن التاريخ وتداول الخلافة بعد الرسول منفتح موضوع جديد للأخ سكران بس تعقيب صغير: أنت طرحت مثال عن مجلس الشعب بالثمانينات، وقت تم السؤال عن ميزانية النفط وين عم تروح... الجواب كان وبالحرف الواحد : "النفط في أيدي أمينة" !!!!!!!!!!!!!!!!! يعني حتى ما عذبوا حالهون وشرحوا لعضو مجلس الشعب المنتخب يلي عم يمثل فئة من الشعب أنو طيب شو عم يصير؟؟؟ للأخ Somebody بدي أحكي على أربع نقاط... 1- بالنسبة للتركيز على الأمور السلبية فقط دون الإيجابية... فمن الطبيعي أن يتم الكلام عن الأمور السلبية بشكل أكبر من الإيجابية.. حيث أن الإيجابيات معروفة، أما السبيات فيجب الحديث عنها حتى تتحول هي الأخرى بدورها إلى إيجابيات... 2- مشان التعليم المجاني.... من هذه الناحية لا تخاف، الدولة عم تعطينا علم على قدر المصاري يلي عم ندفعها للتعليم، لا أكثر ولا أقل... 3- مشان الطبابة المجانية... بصراحة في كتير حكي وأمثلة عن المشافي الحكومية ومقدار السوء الذي تعاني منه رغم الميزانية الهائلة التي تصرف عليه.... بس أنا وكوني اشتغلت كطبيب في مشفى الأطفال في دمشق حابب أحكي عن تجربة شفتها هونيك يا ريت لو تتعمم على باقي المشافي.. مشفى الأطفال في دمشق، كلمة حق تقال أفضل مشفى في سوريا (عام أو خاص)... إدارته حازمة جداً (زيادة عن اللزوم) بس هذا الحزم هو الذي أوصل المشفى إلى الرقي الذي هي عليه الآن.. النظافة حدث ولا حرج، الله وكيلكون يا جماعة كانت الأرض بتنمسح شي أربع مرات كل يوم!!! الكادر التمريضي (على الأقل في قسم الإسعاف محل ما اشتغلت) شغيل كتير.. والأهم أن الكادر الطبي ممتاز... الإمكانيات التقنية المتوفرة تنافس على مستوى الشرق الأوسط... الأدوية متوفرة بالمجان للأطفال المحتاجين... هلأ أكيد في بعض السلبيات بس يعني هيك عطاني بصيص أمل... 4- النقطة الأخيرة... بالنسبة للمعتقلين يلي عم تطلب أنو ما نجيب سيرتون لأنو أنت بتعرف قصتون أكتر من أي حدا تاني... أنا حابب اسمع القصة منك.. يا ريت لو بتحكيلي وجهة نظرك بالموضوع
قال لي في الطريق إلى سجنه:
عندما أَتحرّرُ أَعرفُ أنَّ مديحَ الوطنْ كهجاء الوطنْ مِهْنَةٌ مثل باقي المِهَنْ ! |
||||||
|
|
|
31/05/2007
|
#34 | |||||||
|
عضو
-- قبضاي --
|
اقتباس:
لأنو التاريخ الإسلامي عند الاخوه الشيعية بيختلف عن التاريخ عنا نحنا السنه .. خصوصا بهالنقطه هي بالذات .. يعني شو ما جبتلك مراجع ما رح تعترف فيهم ، ونفس الشي أنا ما رح اعترف بمراجعك .. |
|||||||
|
|
|
31/05/2007
|
#35 | |||||||
|
مشرف متقاعد
|
اقتباس:
مشان الله أو بلا ما رح قول الله.... مشان كلشي مقدس عندكون بلا هيك أسئلة.. إذا كان سني أو شيعي أو درزي أو علوي أو مرشدي أو إيزيدي أو برتستانت أو كاتوليك أو أورثوذوكس أو سريان أو لاتين أو يهودي أو سيخي أو هندوسي أو بوذي أو صابئة مندائيين أو كافر أو شيطاني أو من عبدة الجن الأزرق... ماااااااااااااااااااااا هون الطرح... المناقشة على فكرة وليست على مذهب... ومشان المراجع والاعتراف بها يا أخي العقل والتحليل والتفكير والمنطق هو يلي بيحكم ع الصح من الخطأ... لم يكن ولن يكون المذهب أو الدين هو منطلق أي حوار !!!! |
|||||||
|
|
|
31/05/2007
|
#36 | |||||||
|
عضو
-- أخ لهلوب --
|
اقتباس:
والله يا خيو اقنعتني !! افحمتني الصراحة على قصة هاد اللبناني  طيب الله يصلحون لهل السوريين الي برى عايشيين وبيطلعو 10 ملايين سوري وسورية !! مالون حق والله كانو لازم ما يهاجرو او يطفشو لانو التعليم عنا مجاني !!!!!!!! يعني عميدفع من جيبو النظام تبعك مشان يعلم يعني ؟!!! يا اخي ماتحكي هيك الله يرضى عليك شو نحن عايشيين عندون ؟؟! الدولة وخيرات الدولة الون ؟؟ ماهي الدولة وخيرات الدولة للشعب لازم يعملو اكتر من هيك شبك انت ؟!!! يعني كل ماعملو شغلة عادية وواجبة عليهون بدون يحملونا بالنية ؟!! بعدين يا اخي انت حكمت على الشعب انو مابيعرف يستعمل حقو بالمواطنة لسة !! ومع انو كلامك مو صحيح في ناس مثقفة وواعية بس رح اجي معك ليش مو عرفانة تستخدم حقها ؟! مو من القمع وفرض الراي الواحد على الكل !!! وانت حضرتك مابدك احزاب هاد شي بيرجعلك ! وعلى قصة الاتحاد السوفييتي شوف شو صار في لانو مافي ديموقراطية !!! يا اخي زمان غير هلق !! زمان كان يمكن يمشي الحال بس هلق الوضع اختلف فايدة الاحزاب هي خدمة وتطوير سورية يا زكي افندي !! انا لما يكون عندي براي تطوير شغلة معينة انت يمكن هلق موجود وماعندك هي الخطة !! فبتعدد الراي وتعدد التوجهات اكيد رح نطور البلد !! ايد وحدة ما بتسفق ! وعلى سجناء الراي انو هنن متعاملين مع دول خارجية !! انتو هيك بس اي واحد بيحكي راي عكس رايكون بيصير عميل وبيتعامل مع امريكا واسرائيل !! لك ميشيل كيلو شو قال انت قلي ؟؟! بس قال تصحيح العلاقات بين سوريا ولينان اخد 3 سنيين !!!!!!!!!!!!!!!!!!!!!!!!!!!!!!!!!!!! الله يهديك على الطريق الصحيح ورغم هيك بحترم وجهة نظرك شو ماكانت |
|||||||
|
|
|
|
«
الموضوع السابق
|
الموضوع التالي
»
|
|
الساعة بإيدك هلق يا سيدي 07:59 (بحسب عمك غرينتش الكبير +3)