سؤال لكل الموجودين هون ..(بالمنبر الحر تحديدا)

Blue Sky · 24/09/2006

يعني ليش لما بيقوم احد كبار الدين وبيحكي اي كلمة (سواء كان مسيحين او مسلمين او غير ذلك )ضمن هالكلام قال شي مو صحيح ..متل ماشفت هون بموضوع اللي حاطينو عن البابا
بتلائي كل العالم صارت تهاجم بعضها وتنشر طائفيات وكانو الا شوي رح يقتلو بعضهم
شو الهدف شو الغاية ..يعني كبار الدين بيحكووو والشعب بيقتل بعضووو
نحنا شو عم نستفاد لما بيطلع موضوع بيهاجم مسلمين او مسيحين ..في غير الكره عم يزداد

ليش ما بنفكر بعقل ..ونترك هالمواضيع الي نازلة تفرقة وتصغير عقل

كل ما طلع شيخ مسلم حكى كلمة الكل بيتقيد بالكلمة بغباء وعن دون وعي
وكل ما طلع خوري مسيحي حكي كلمة الكل بيتقيد بالكلمة بغباء وعن دون وعي

لايمتى رح نبئى كلمة بتاخدنا وكلمة بتجيبنا
ياريت لو نلغي هالطائفيات وياريت من يلي عم يحطو هيك مواضيع يلغو هالافكار من راسهن ويبتعدوا عن هيك مواضيع

لازم الكل يعرف انو ......(الدين لله والوطن للجميع )

Blue Sky

عباس77 · 24/09/2006

للأسف صار العالم الآن أكثر طائفية
وأصبح الدين يستخدم لتحقبق مآرب السياسة
وصار العالم مسما مابين حملة بوش الصليبية وجهاد اسامة بن لادن
ولا عزاء للشعوب

Lady in Red · 24/09/2006

حكيك حلو..............و مع الأسف صحيح ( كلمة بتاخدنا و كلمة بتجيبنا)

sezar · 24/09/2006

(الدين لله والوطن للجميع )

حكي من دهب بس بدك مين يفهم

لم يتعلم أحد بعد طرق الحوار الراقي و المفروض ان يتم بتجرد عن وجود الشخص لم يستطع أحد هنا أن يناقش فكر الآخر ..

الحاصل هنا نقاش الرأس و ليس الفكرة داخل الرأس

لازم روح
باي

leoprad · 24/09/2006

يعني هاد موضوعك بحد ذاتو موضوع ديني
اذا جاوبتك و قلت ليش بدو يجي يرد علي عالم و يغلطو لهيك ما رح قول ليش لانو السؤال طرحتو بموضوع بشكل تاني و صارت مدابح هنيك
و لسا بقولولي ما حدا بيعرف يناقش
الكل بيعرف يناقش بس ما يصير في غلط بحقوق الاخرين

عيون جريئه · 24/09/2006

كلامك صحيح 100%

بس هات ناس تفهم

انا شخصيا كل ما تصير خناقه في اي موضوع ديني بنسحب من الموضوع مباشره ولو كل الاعضاء بيعملو هيك ما بتصير خناقات اصلا

مشكور اخي

Blue Sky · 25/09/2006

اقتباس:

كاتب النص الأصلي : عباس77

للأسف صار العالم الآن أكثر طائفية
وأصبح الدين يستخدم لتحقبق مآرب السياسة
وصار العالم مسما مابين حملة بوش الصليبية وجهاد اسامة بن لادن
ولا عزاء للشعوب

كلامك صحيح ..بس كللو من ورا التفكير المحدود وقلة الوعي

اقتباس:

كاتب النص الأصلي : Lady in Red

حكيك حلو..............و مع الأسف صحيح ( كلمة بتاخدنا و كلمة بتجيبنا)

شكرا الك هادا من زوووئك

اقتباس:

كاتب النص الأصلي : sezar

(الدين لله والوطن للجميع )

حكي من دهب بس بدك مين يفهم

لم يتعلم أحد بعد طرق الحوار الراقي و المفروض ان يتم بتجرد عن وجود الشخص لم يستطع أحد هنا أن يناقش فكر الآخر ..

الحاصل هنا نقاش الرأس و ليس الفكرة داخل الرأس

لازم روح
باي

ياعيني عليك نقاش الرأس وليس الفكرة داخل الرأس

حتى ولو كان فالجميع رح يتعلم الحوار الراقي ورح يعرفو انو ارتداء الدين لتحقيق الاهداف السياسية بات مكشوفا

اقتباس:

كاتب النص الأصلي : leoprad

يعني هاد موضوعك بحد ذاتو موضوع ديني
اذا جاوبتك و قلت ليش بدو يجي يرد علي عالم و يغلطو لهيك ما رح قول ليش لانو السؤال طرحتو بموضوع بشكل تاني و صارت مدابح هنيك
و لسا بقولولي ما حدا بيعرف يناقش
الكل بيعرف يناقش بس ما يصير في غلط بحقوق الاخرين

للاسف كلامك مو صحيح الموضوع مش ديني ..انا قصدت بكلامي انو (كبار الدين بيطجو فتاوى والشعب بيدبح بعضوو )

اقتباس:

كاتب النص الأصلي : عيون جريئه

كلامك صحيح 100%

بس هات ناس تفهم

انا شخصيا كل ما تصير خناقه في اي موضوع ديني بنسحب من الموضوع مباشره ولو كل الاعضاء بيعملو هيك ما بتصير خناقات اصلا

مشكور اخي

هي افضل طريقة لتجنب المشاكل ...وكل العالم بتفهم ولكن كل شخص يتكلم على طريقته الخاصة لذلك لازم نكون على استعداد لتقبل اي نوع من الحوار

شكرا جميعا على افكاركم الرائعة ومناقشاتكم الموضوعية

ومرة اخرى بقول :الدين لله والوطن للجميع ..........فليكن هذا شعارنا

عباس77 · 25/09/2006

أتذكر في المرحلة الثانوية أحد مدرسي مادة الفيزياء قال لي كلمة ظللت عالقة بذهني
أن أسهل طريقة لاستقطاب أحد هو اثارة النعرة الدينية عنده
ولعل ذلك هو السبب لما يحدث في لبنان من اثارة النعرات الدينية والطائفية
وحرب المسيرات الشعبية
وكلها مكاسب سياسية بعيدة عن الدين
في حين لو تذكروا جميعا أنهم لبنانيون فقط انتمائهم الوحيد لوطنهم
لتغير الوضع 180 درجة الي دولة قوية قادرة تنبع من دولة الفرقاء كما يسمون أنفسهم
فرق تسد هذه لعبة الاستعمار منذ أيام اللورد كرومر في مصر التي اعترف بها في مذكراته
ولكن من يقرأ ويفهم؟؟؟؟؟؟؟؟؟؟؟؟

Blue Sky · 25/09/2006

اقتباس:

كاتب النص الأصلي : عباس77

أتذكر في المرحلة الثانوية أحد مدرسي مادة الفيزياء قال لي كلمة ظللت عالقة بذهني
أن أسهل طريقة لاستقطاب أحد هو اثارة النعرة الدينية عنده
ولعل ذلك هو السبب لما يحدث في لبنان من اثارة النعرات الدينية والطائفية
وحرب المسيرات الشعبية
وكلها مكاسب سياسية بعيدة عن الدين
في حين لو تذكروا جميعا أنهم لبنانيون فقط انتمائهم الوحيد لوطنهم
لتغير الوضع 180 درجة الي دولة قوية قادرة تنبع من دولة الفرقاء كما يسمون أنفسهم
فرق تسد هذه لعبة الاستعمار منذ أيام اللورد كرومر في مصر التي اعترف بها في مذكراته
ولكن من يقرأ ويفهم؟؟؟؟؟؟؟؟؟؟؟؟

كل شي حكيتو صح ولو انو العرب جميعا بيحطو ببالهم هالكلام صدقا صدقا حتى تنحل كل المشاكل
بس شوفة عينك الطائفية قاتلة لبنان قتل والمذهبية كمان مدبحة العراقيين
ياريت لو نترك امور الدين على جنب ونفكر بعقل ومنطق

لانو الله رح يحاسب هالبشر مو نحنا

red...rose · 28/09/2006

بس لو سمحنا الكل يقول اللي يقوله وطنشنا كلامهم مرة في مرةهنبقى لا نساوي شئ واللي رايح والي جاي هيشتم ويهزأ فينا علشان كده لازم نقف قدام اي واحد يفكر يطول لسانه علينا وخصوصا على الرسول الكريم....ده رأيي

Fady007 · 28/09/2006

اقتباس:

كاتب النص الأصلي : red...rose

بس لو سمحنا الكل يقول اللي يقوله وطنشنا كلامهم مرة في مرةهنبقى لا نساوي شئ واللي رايح والي جاي هيشتم ويهزأ فينا علشان كده لازم نقف قدام اي واحد يفكر يطول لسانه علينا وخصوصا على الرسول الكريم....ده رأيي

كلمة خصوصا يعني انتي ما بتعمميش...
احنا كلنا لانقبل اي اهانه لكل الاديان وجميع الانبياء
او اي اهانه او سباب او شتائم للاشخاص في المنتدي

بشكل عام وليس خاص

red...rose · 28/09/2006

انا لا اقبل اهانة لاي رسول اونبي لاني اؤمن بهم جميعا بلا استثناء ولاكن الاستهزاء كله بيهاجم الرسول الكريم محمد الان وانا من واجبي ادافع عنه ولو عيسى اتهاجم من حد هدافع عنه كمان

leoprad · 28/09/2006

اقتباس:

كاتب النص الأصلي : red...rose

بس لو سمحنا الكل يقول اللي يقوله وطنشنا كلامهم مرة في مرةهنبقى لا نساوي شئ واللي رايح والي جاي هيشتم ويهزأ فينا علشان كده لازم نقف قدام اي واحد يفكر يطول لسانه علينا وخصوصا على الرسول الكريم....ده رأيي

برافو صح انا صرلي من الصبح عم احكي هيك و ماحدا لحدا

madona · 28/09/2006

برايي ان الكلام في الاديان اله ناسه ومو كل الاوقات بينحكى
ولازم بقى نعرف ان الانزلاق الى الطائفية لعبة بيلعبوها الكبار ليورطوا الشعوب
الهدف دائما وضع المواطن العربي في متاهة لا يعرف ان يخرج منها
صار الوقت ان نعرف : من نحن0 لماذا ندور بدائرة مغلقة؟ من حقنا ان نعيش هذه الحياة بسلام على الاقل بيننا و بين نفسنا
ان هذه الحياة لا تتكرر اكثر من مرة
لنعيشها بكافة ابعادها كما هي و ليس كما يريدون هم

Blue Sky · 30/09/2006

اقتباس:

كاتب النص الأصلي : madona

برايي ان الكلام في الاديان اله ناسه ومو كل الاوقات بينحكى
ولازم بقى نعرف ان الانزلاق الى الطائفية لعبة بيلعبوها الكبار ليورطوا الشعوب
الهدف دائما وضع المواطن العربي في متاهة لا يعرف ان يخرج منها
صار الوقت ان نعرف : من نحن0 لماذا ندور بدائرة مغلقة؟ من حقنا ان نعيش هذه الحياة بسلام على الاقل بيننا و بين نفسنا
ان هذه الحياة لا تتكرر اكثر من مرة
لنعيشها بكافة ابعادها كما هي و ليس كما يريدون هم

لك هادا الكلام الصحيح اللي بينحكى

Blue Sky · 30/09/2006

اقتباس:

كاتب النص الأصلي : red...rose

بس لو سمحنا الكل يقول اللي يقوله وطنشنا كلامهم مرة في مرةهنبقى لا نساوي شئ واللي رايح والي جاي هيشتم ويهزأ فينا علشان كده لازم نقف قدام اي واحد يفكر يطول لسانه علينا وخصوصا على الرسول الكريم....ده رأيي

طيب انت لاحظتي انو كبار الدين هم اللي بيحكو وبيصدرو فتاوى والشعب بيفوت بالحيط
وبعدين ليش لنفوت بطريق مسدود نحنا اللي عطيناهم هالفكرة ماحدا غيرنا يعني
وكللو من ايدنا ...يعني لما واحد بيطلع من بعض المتشددين المسلمين وبيامر بقتل المسيحين على اعتبارهم كفار الطرف الاخر بيقول شوفو شو عم يعملو المسلمين بشكل عام مو المتشددين بشكل خاص

اقتباس:

كاتب النص الأصلي : red...rose

انا لا اقبل اهانة لاي رسول اونبي لاني اؤمن بهم جميعا بلا استثناء ولاكن الاستهزاء كله بيهاجم الرسول الكريم محمد الان وانا من واجبي ادافع عنه ولو عيسى اتهاجم من حد هدافع عنه كمان

ولا انا بقبل الاهانة ..بس كل شي عم يطلع من هالعالم ناتج عن جهل وعدم معرفة للامور والحقائق ومتل ماقلتلك نحنا اللي عطيناهم هالفكرة السيئة هي
لانو بصراحة بتلاقي انو معظم العالم بتتمسك بافكار قديمة او تاريخ خاطئ غير مثبت صحته
يعني بيمشو على مبدئ ... مثل ما فعل اباؤنا من قبلنا

طاهر اخـو وطفي · 30/09/2006

من المفتوض ان يكون الرجل الذي يحمل اكبر سلطة في المسيحية يكون غير طائفي ويكون اكثر عقلانية ولا يتاثر بالنازية

Blue Sky · 30/09/2006

اقتباس:

كاتب النص الأصلي : طاهر اخـو وطفي

من المفتوض ان يكون الرجل الذي يحمل اكبر سلطة في المسيحية يكون غير طائفي ويكون اكثر عقلانية ولا يتاثر بالنازية

و من المفترض ان يكون الرجل الذي يحمل اكبر سلطة في الاسلام يكون غير طائفي ويكون اكثر عقلانية ولا يتاثر بالنازية