|
| س و ج | قائمة الأعضاء | الروزناما | العاب و تسالي | مواضيع اليوم | بحبشة و نكوشة |
أخوية سوريا: تجمع شبابي سوري (ثقافي، فكري، اجتماعي) بإطار حراك مجتمع مدني - ينشط في دعم الحرية المدنية، التعددية الديمقراطية، والتوعية بما نسميه الحد الأدنى من المسؤولية العامة.
نحو عقد اجتماعي صحي سليم، به من الأكسجن ما يكف لجميع المواطنين والقاطنين.
أخذ مكانه في 2003 و توقف قسراً نهاية 2009 - النسخة الحالية هنا هي ارشيفية للتصفح فقط |
||||||
|
||||||
|
|
أدوات الموضوع |
08/07/2005
|
#1 | ||||||
|
مسجّل
|
اقتراح بتغيير اسم المنتدى ...ارجوا من الجميع الدخول لطفا !
يسعد مساكم :صبايا و شباب,مشرفين و اعضاء
و بدي حقيقة اشكركم قبل كل شي ع جهودكم المشتركة المشكورة اللي عطت هالمنتدى قيمته المهمة و سمعته الطيبة اللي خلتني سجل فيه و انا عم اتصفح المنتدى لفت انتباهي منتدى فرعي اسمه حوار الاديان و من باب الفضول دخلت لشوف ... للاسف.... اسمحولي... مع كل محبتي و احترامي للجميع (و باتمنى بدون زعل ) لازم تغيروا اسمه الى : صراع الاديان !!! ليش ؟ يا جماعة : حوار الاديان بيعني التوصل لصيغة تعايش مشتركة و للعدد الاكبر من نقاط الالتقاء و العمل الجماعي لكسر الحواجز بين الاديان على اختلاف مصادرها و مناشئها و طقوسها و اهدافها.و الهدف النهائي هو ارتقاء بمستوى المجتمع ككل كامل لا تمكن تجزئته, اي ازالة كل ما يمكن ان يهدد وحدة المجتمع و حمايته من التفكك. يعني ما هي شغلة : مين دينه صح و مين دينه غلط الدين للله و الوطن للجميع كلنا هون سوريين, او على الاقل عرب, ما شفت حدا كتب مشاركة بالالماني او بالاسباني مثلا فهي باعتقد نقطة بداية بسيطة و جيدة بنقدر ننطلق منها بعدين دخلكم ؟ بدي اسال معلشي ؟ شو الاميركان و الاوروبيين زايدين عنا نحنا راس ولا ايد و لا اجر ؟ الجماعة نبشوا المريخ و القمر فبله, و من يومين نزلوا محطة تتبع و دراسة ع مذنب من شان يحموا الارض من شي مذنب طايش.... شو نحنا ما بنخاف من المذنبات يعني؟ ما عم نعاني كمان من الاحتباس الحراري؟ ما ممكن نموت من الجوع نحنا كمان ؟ ((مكتوب شي ع اسناننا ممنوع التسوس يعني ؟ )) (( ع باب نيويورك المشعل عندن و الحرية عندنا؟ )) و لا ما دخلنا بكل هالقصص السخيفة...المهم هلق نعرف فلان شو دينه ؟ و هل دينه صح ام خطا ؟ ....هيك بيظبط كل شي وبننام و نحنا مرتاحين قالولكم اميركا شعب بلا دين يعني ؟ اميركا فيها فوق المية و عشرين دين نحنا بنعرف منهم 3 بس ( اليهودية و المسيحية و الاسلام ...بكل طوائفهم و مذاهبهم ) طيب و الباقي ؟ شووو ؟ هدوله صح ولا خطا ؟ الاميركان قالوا: انتوا اميركان و هدا المهم (( فلان رح يروح عالجنة ولا عالنار هي مشكلته....نحنا هلق بدنا نبني البلد و الامور الشخصية هي بتيجي بالدرجة التانية من الاهمية.. المهم البلد هلق )) رح بتقولولي المؤامرة تبع الاستعمار؟ عفوا باقصد الاستحمار !! جربوا اسالوا جدودكم او الكبارية عندكم بالحارة او البلد..كان في هيك تعصب و حوارات مالها لازمة ع زمانهم ؟ رح بيقولولكم: لا !!! باحبكم كلكم و لو ماباحبكم ما كتبت اللي كتبته بس ما بدي يجيي يوم و يمسك حدا من احفادنا الخريطة تبع المنطقة و يسال: جدوو ؟ هون شو كان في من زمان ؟ كان في عالم ساكنة هون؟ ولا هي هيك صحرا بالاساس ؟ تقبلوا مني كل الاحترام و التقدير و العفو منكم و باتمنى ما تزعلوا |
||||||
|
08/07/2005
|
#2 | ||||||
|
عضو
-- قبضاي --
 |
[b]عم تحكي مدوزن[/b]
والله ياحبيب عم تحكي مدوزن وأنا اول مشاركة إلي كتبت موضوع اسمو دعوة للتحاور بتلاقيها اذا حبيت وكنت عم احكي كيف ممكن نتلاقى وما نختلف ونعمل سوا لخير بعضنا وبلدنا والعالم بدل ما نبقى نعلك انا معي الحق وانت ضالل وانا اللي بفهم وانت لا وسب وشتم وتحقير ولذع وتهجم ... العالم ماشي ونحن نجتر العبارات نفسها وكأننا غير معنيين بشيء مما يحدث في الدنيا سوى نصرة الله وكأن الله ينتظر نصرتنا لدينه ..
بس تعا معي وانا وانت لقينا حالنا بنص هالمنتدى والناس نازلة ببعضها متل موشايف والشاطر اللي بيبهدل التاني . شو بتعمل ما انا وانت متل ما قلت سوريين بالنهاية يعني شرقيين والشرقي شو ما ادعى ما فيه ينكر انو الدين بدمو .. وفي ظل وضع المجتمعات والدول الشرقية من حيث القوانين الناظمة للناس والمجتمع , بتشعر انو بدك تدور على نقطة تلتقي مع الآخر منشان تحط ايدك بأيدو وتمشو سوا لقدام .. ما بتشوف غير طلعنا وبلشنا انت الصح وانت الغلط وانت بتقول هيك وانت بتقول هيك .. بتجي لتوضح يا جماعة نحنا مو متل ما عم تقولو بيطلعلك شي واحد وبيبعتلك رسالة بيدعوك فيها لتغيير دينك أحسن ما يحسب الله ما خلقك .. شو رأيك ما بيلتعن أبو الحوار اذا كان صار وبدأ أصلاً ؟؟؟ طيب كيف بدي صير انا والتاني متل السمنة والعسل وهوي شايفني هيك وهيك من الصفات اللي يا لطيف حولها وحواليها .. كيف بدي امسك بيدو حتى نبني سوريا ولسا عايشين بعقلية انو الاغلبية لازم يركبو عالاقلية ويحطوا نظرياتهم وكأنو إذا كان وزير من هالدين او الطائفة الفلانية لازم يفني حالو حتى يخدم بس طائفتو ؟ الصحيح انو الشخص بموقع المسؤولية من اصغر لاكبر واحد لازم يمون بخدمة الكل وبيمثل الكل دون تمييز وساعتها ما بيهم مين بالموقع الفلاني ومين مستلم الوظيفة الفلانية . نحمد الله وضعنا بسوريا بعيد رسميا عن هالمهاترات والعلاك اللي عند كتيرين غيرنا موجود علناً بس اذا بتجي على صدور العالم بتشوف الشي اللي مخبا ومانو مبين .. فضيحة . أنا بضم صوتي الك من حيث المبدأ وبتمنى لو بدو يستمر الحوار نكون كلنا على مستوى الحوار فعلا.. والا بالناقص منو ونرجع نطحن بعضنا أحسن .. وخلي العالم يفكر عنا ويتقدم نيابة عنا نحنا مو فاضيين لهالعلاك .. مشغولين بمين بينصر دين الله ..التقدم لاحقين عليه بعد ما نخلص فرم ببعضنا والغاء لبعضنا وساعتها منشوف شو عم يصير بهالدنيي انا هلق عم اسمع اخبار هون بهاللحظة .. بتعرفوا شو عم يقولو ؟ عم يحكوا عن الإرهاب والتطرف الإسلامي اللي عمل هالتفجيرات بلندن , وعم يشيلوا الإسلام ويحطوه على انو كلو ارهاب وهني ما مسيحيين متل ما مفكرين .. هون بيقلولك علنا انو نحنا بلا دين أو كاثوليك او بروتستنت او ... بس نظرتهم وحدة للإسلام لأنو ما حدا فاضي يحاورهن ويثبتلهن انو الاسلام بريء من هالجماعات اللي عم تشوه صورتو .. مشغولين بنتف بعضنا البعض .. احسن والمصيبة انو هالناس هون شايفين كل الشرق اوسطيين انهم ارهابيين ( معظم الناس هون ثقافتهم بهالمواضيع سطحية ) وقالولي انهن كانو مفكرين الإرهابيين بسوريا منتشرين بالشوارع وناطرين شي اوروبي او اميركي حتى ياكلوه بلا ملح .. هيك عم يوصلهن من وسائل الاعلام .. ونحنا شو بدنا نرقع ونشرح .. والله بيطاع على لسانك شعر حتى تفهمهن عكس هالشي بيهزوا راسهن وما كأنهن فهموا شي .. والباقي عم يشوف وينو الله وشو بدو يعمل بكرة بالمسيحيين والاسلام ....شي بيكفر بعرف لعيت قلبكن بحكيي بس من الأسف على حالنا .. وأنا بعد ما دخلت بحماس للمنتدى شفت حالي راح صير متل غيري وبلش بالتاني ..قلي بس وين بيوجعك حتى اضربك .. راح حاول ما كون هيك .. بس شو ؟ طقيت  |
||||||
|
08/07/2005
|
#3 | ||||||
|
مسجّل
|
يسلم هالتم نيقولا
قريت ردك ويا ريت يكونوا اللي متلك كتار من شان نقول انو يعني انو لسه في امل بوجهلك تحية كبيرة و الك كل الاحترام و الشكر |
||||||
|
08/07/2005
|
#4 | ||||||
|
عضو
-- قبضاي --
  |
والله الكلام مزبوط يا أخوان وأنا من شي 3 أسبيع حطيت موضوع بيصب بنفس هل المضمون وياريت حدى هتم أو تابع
على كل حال هي الرابط تبع موضوعي بتمنا تزورو
- ابو شريك هاي الروابط الي
بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف
الرابط (مصرّ ) ففيك اتسجل بإنك تتكى على كلمة
سوريا -
وشكر كتير 
هؤلاء لا يزالون خلف القضبان (سجناء رأي)
الحرية لحسام ملحم (عاشق من فلسطين) الحرية لعلي العلي (To live is to die) الحرية لطارق الغوراني ( Tarek 007) الحرية لماهر أسبر الحرية لأيهم صقر الحرية لعلام فخور الحرية لجميع سجناء الرأي و المعتقلين السياسين في سوريا الحرية لسوريا |
||||||
|
09/07/2005
|
#5 | ||||||
|
مسجّل
|
الشكر لالك اخ ابو النسيم
تسلم |
||||||
|
09/07/2005
|
#7 | ||||||
|
مسجّل
|
لا نيقولا
ما باعتقد فوت بهالطوشة بافضل فوت بطوشة مواضيع مفيدة ما عندي استعداد ضيع وقتي و ارفع ضغطي ع ولا شي تاكد تماما انو "ما حدا بيقول عن زيته عكر" مهما كانت درجته في التدين و التثقيف و الوعي الديني حتى لو كان ما بيعرف عن دينه غير الاسم فقط مدري ليش عنا بالشرق الاوسط عموما التعصب ما بيجي غير عند الدين بس بينما اذا ناقشت باي موضوع تاني ممكن انك تقدر تقنع او انك تقتنع ...يعني في نتيجة و الواحد مستعد يناقش للصبح بها المواضيع فقط من اجل النقاش...يعني هو مو مستعد ولا 1% ياخد من التاني ولا راي ولا انتقاد و المصيبة انو التاني بيكون متله كمان طيب ؟ شو النتيجة يعني ؟ صح حوار طرشان !!!!! معقولة يعني اذا انا و اخي ساكنين ببيت واحد وهو ما بيطيق الشوربة ولا حتى بيقدر يشوفها بينما انا بموت بشي اسمه شوربة يعني شو بدك مستعد افطر و اتغدى و اتعشى شوربة و حتى اذا بدك باخدها معي و باعبيها بالقناني وين ما رحت يعني مدمن شوربة و متعصب للنخاع بخصوصها و هو بالمقابل بيحب السلطة بينما انا ما باقدر اتصورها ولا اسمع باسمها حتى معقولة بهالحالة ما اقدر اقعد انا و اخي ع طاولة وحدة ناكل سوا لهذا السبب الجوهري المهم ؟ طيب مافي شي مليون صنف اكل تاني ممكن ينوجد ع الطاولة يعني باقدر انا وياه نتغدى سوا ع طاولة مليانة اكل و بلاها سيدي معلش الشوربة و السلطة بهالقعدة بناكل و بنشبع و بننبسط و بنضحك و بنروح و بنيجي و منخطط للمستقبل سوا و بس كل واحد فينا اخر النهار يرجع ع غرفته هو بيبلش يسف بهالسلطة و انا ببلش كرع بهالشوربة يعني شو صار دخلك ؟ |
||||||
|
09/07/2005
|
#8 | ||||||
|
عضو
-- مستشــــــــــار --
|
[quote="MORBID ANGEL"]لا نيقولا
ما باعتقد فوت بهالطوشة بافضل فوت بطوشة مواضيع مفيدة صح حكيك اخmorbid Angelانا كنت متلك فايت لوحد الناس والاديان بس no wayفجاة لقيت حالي متل ما قال الاخ نيقولا بالطوشي...  
one day love asked friendship ..why r u in this life if am in it?friendship answered:to put laugh again instead of tears u have caused ....
jesus i trust u... |
||||||
|
09/07/2005
|
#9 | ||||||
|
مسجّل
|
اخ Varon
هي شغلة الطوشة شكلها شر لا بد منه بس بدي حاول اصمد قدر الامكان شكرا لالك ع مرورك و ع النصيحة
مواضيعي :
[url]http://www.akhawia.net/viewtopic.syria?t=8852[/url] |
||||||
|
10/07/2005
|
#10 | ||||||
|
عضو
-- قبضاي --
|
مشكور حبيب على الموضوع وانا نزلت موضوع مشابة ببداية الامر بس زي ما قال الاخ نيقولا ما شفت الا وانا بالطوشة
حتى لو بتنزل موضوع بمنتهى الادب والخلاق ما بتشوف الا وجاي مين يعكر المزاج وطبعا الرد راح يكون على النفوخ وبالتالي بتولع بتمنى انو نحقق ما يسمى حوار ولو لمرة واحدة بالقسم سلام
[url]www.members.lycos.co.uk/heartgood[/url]
أنا هو الألف والياء , البداية والنهاية , أنا أعطي العطشان من ينبوع ماء الحياة مجانا لقائي بالسيد المسيح [url]http://www.islameyat.com/arabic/islameyat/nahed_metwali/leka2i/leka2i.htm[/url] |
||||||
|
10/07/2005
|
#12 | |||||||
|
عضو
-- قبضاي --
|
اقتباس:
بس صدقني مو الهدف تطبيش بعضنا الهدف نوضح هالكلمتين واللي ما بدو يفهم ستين عمرو ما يفهم على كل حال أنا هيك بلشت وقلت راح حاول ومتل كل الشباب صرت جوا الطوشة وتعا اطلاع بقا يا حبيب الله يكون معك  |
|||||||
|
11/07/2005
|
#13 | ||||||||
|
عضو
-- مستشــــــــــار --
|
اقتباس:
  |
||||||||
|
11/07/2005
|
#14 | |||||||||
|
عضو
-- قبضاي --
|
اقتباس:
كل يوم بقول خلص حاجتي سم بدن ما بلاقي غير صرت جوا وبقول بكرة خلص وبرجع بفوت وكنت ابلع الموس عالحدين وقول حوار معليش يا ولد سد حلقك وخود الأمور ببساطة .. ليش بيتركوك سادد حلقك بدي فش خلقي وبعدين بدي روح على منتدى عالطاير .. هونيك الرواق  |
|||||||||
«
الموضوع السابق
|
الموضوع التالي
»
|
|
الساعة بإيدك هلق يا سيدي 17:54 (بحسب عمك غرينتش الكبير +3)