** خاص بالشوام : شلة شوام ..شاركونا يا بي... **

[شامي للنخاع]

كاتب النص الأصلي : I_Love_Syria

الشام ما بتنسى أهلا يا صاحبي

قولتك بعد ذاكرتنا....بعض هديك الضفيرة الشئرة موجدة........الي كانت تتميل بي غنج عا كتافها........بعد ريحة الياسمينة عم تعبي ريحة ارض ديار بيت جدي؟؟؟؟؟!!!!!!!

[همس الياسمين]

كاتب النص الأصلي : شامي للنخاع

قولتك بعد ذاكرتنا....بعض هديك الضفيرة الشئرة موجدة........الي كانت تتميل بي غنج عا كتافها........بعد ريحة الياسمينة عم تعبي ريحة ارض ديار بيت جدي؟؟؟؟؟!!!!!!!

بعدها وحياتي وحياتك بعدها بتذكرنا كل مانسم نيسان بعدها بتعد وراق العطرة والريحان والنانرج بتنطر رجعة ولادها
أمنا الختيارة ناطرتنا شامنا العتيقة عندها امل نرجع وليش مانرجع ونحنا مافينا نعيش بلاها
ياشام تعبتني الغربة ياأمي ياشام شومشتاقة امشي بحاراتك احضن المهاجرين والقيمرية مشتاقة للصبح بقاسيون ولكاسة قهوة وانتي قدام عيوني ملكة وبيلبقلك بس ألك كل الغزل ياشام بحبك
مشتاقة للتماري كعك بعد نهار طويل بسوق الحمدية والحريقة ...
مشتاقة للدرة المشوية بسهرة ملوكية بقاسيون مع ضحكات العيلة والرفقات والحبايب...
مشتاقة للعيد بيبير التوتة وللمراجيح وللبطاطا مع الكتشب المغشوش (بس اطيب بطاطا باكلها بحياتي)
مشتاقة لغزل البنات لك مشتاقة مشتاقة مشتاقة لمسحر رمضان ولضحكات شباب الحارة ونخوتهم
مشتاقة لعيون حبيبي وقت يخبرني عنك بشوفهم اجمل الف الف الف مرة ...
مشتاقة لترابك ياشام ..
بدعي ربي نام بحضنك ويدفيني ترابك ..مابدي النهاية تكون بتراب الغربة
بعشقك يا شــــــــــــــــــــــــ ــــــــام

[عطر الايام]

احلى صباح لاحلى شام
واحلى ياسمينة ووردة جورية لاحلى اعضاء وبالاخص اهل الشام

[هدوء البحر]

كاتب النص الأصلي : بنت الشام

احلى صباح لاحلى شام
واحلى ياسمينة ووردة جورية لاحلى اعضاء وبالاخص اهل الشام

واحلى وردة لاحلى شامية

[المحارب العتيق]

أضناني البرد... فكومني
داخل قبضتك السحرية
خبئني فيها أياما ...
احبسني فيها أعوما ....
احبسني كالطير المرسوم ....
على مروحة صينية ....
فالحبس لذيذ ومثير ...
داخل قبضتك السحرية

لا تفتح كفك..... واتركني....
أرعى كالأرنب ....
في غابات يديك الوحشية
لا تغضب مني .... لا تغضب
فأنا قطتك الشامية
هل أحد ....
يغضب من قطته الشامية ؟

خبئني..... في خلجان يديك...
فان الريح شمالية
خبئني ...في أصداف البحر
وفي الأعشاب المائية ....
خبئني ....في يدك اليمنى...
خبئني ....في يدك اليسرى ....
لن أطلب منك الحرية ....
فيداك ....هما المنفى ...وهما ....
أروع أشكال الحرية ....
أنت السجان ....وأنت السجن
وأنت قيودي الذهبية
قيدني ... يا ملكي الشرقي ...
فاني امرأة شرقية ....
تحلم بالخيل ... وبالفرسان
وبالكلمات الشعرية

ضيعني ....
في احراج يديك
سئمت ...سئمت المدنية
حيث الأشجار بلا عمر...
حيث الأزمن خرافية ...
أرجعني ...صافية كالنار ...
وكالزلزال بدائية

حررني ...من عقدي الأولى ....
مزق ...أقنعتي الشمعية ...
وادفني.... تحت رماد يديك .
شهيدة عشق صوفية....
ادفني ....
حيث يشاء الحب ...
أنا رابعة العدوية.....

[همس الياسمين]

موال شامي للعاشق الدمشقي

نزار قبـــــــــاني

لقـدْ كَتَبْنـا .. وأرسَـلْنـاالمَرَاسـيلاوقـدْ بَـكَيْنـا .. وبَلَّلْنـاالمَـنـاديلقُـل للّذيـنَ بأرضِ الشّـامِ قدنزلـواقتيلُكُـم لمْ يَـزَلْ بالعشـقِمـقتـولايا شـامُ ، يا شـامَةَ الدُّنيا ،ووَردَتَهايا مَـنْ بحُسـنِكِ أوجعـتِالأزاميلاودَدْتُ لو زَرَعُـوني فيـكِمِئـذَنَـةًأو علَّقـونـي على الأبـوابِقِنديـلايا بلْدَةَ السَّـبْعَةِ الأنهـارِ .. يابَلَـديويا قميصاً بزهـرِ الخـوخِمشـغولاويـا حِصـاناً تَخلَّـى عَـنأعِنَّتِـهِوراحَ يفـتـحُ معلـوماًومـجهـولاهـواكَ يا بَـرَدَى كالسَّـيْفِيسكُنُنيومـا مَلكْـتُ لأمـرِ الحـبِّتَبديـلاأيّـامَ في دُمَّـرٍ كُنّا .. وكـانَفَمـيعلى ضفائرِها .. حَفْـراً .. وتَنزيـلاوالنهـرُ يُسـمِعُنا أحلـىقـصائـدِهوالسَّـرْوُ يلبسُ بالسّـاقِالخَـلاخيلايا مَنْ على ورقِ الصّفصَفاتِيكتِبُنيشعراً ... وينقشُني في الأرضِأيلولايا مَنْ يعيدُ كراريسي .. ومَدرَسَـتيوالقمحَ ، واللّوزَ ، والزُّرقَالمواويلايا شـامُ إنْ كنتُ أُخفـي ماأُكابِـدُهُفأجمَـلُ الحبِّ حـبٌّ ـ بعدَ ماقيلا

[المحارب العتيق]

مساكي ياسمين

[همس الياسمين]

مساك ياسمين



بحبك ياشام يسعدلي مساكي ياحلم عمري
يسعد مساكم يا أهل الشــــــــــــــــــام يسعد مساكم يااحلى واغلى ناس

[المحارب العتيق]

هلا همس

كيف الهوى عندك اليوم

[همس الياسمين]

هلا ومية هلا بالمحارب
الهوى شمالي
انو الياسمين بيهمس وبيجرح !!! ومنحبو شو السر فيه ياترى همساتو ولا جروحه
بحبك ياشام وبعشق ياسمينك

[المحارب العتيق]

الياسمين هو الهوا يلي منتنفسو بالشام

رغم كل التلوث يلي صار قيها بعد الهجرة الداخلية المئتة بالسنين الماضية

يمكن كتير من يلي بيقطنوها من غير أهلها . يستغربو كلامنا . بس مافي شامي مابيرتبط الياسمين بذاكرتو بحوادث كتيرة . امبارح كنت بالشام العتيقة ويلي قبلو بالغوطة . والجمعة طالع على جديدة الوادي . لنتغدى ونأركل على ضفة بردى . خاصو وأنو بيكون بأروع أيامو بهالفترة من السنة

الياسمين والياسمين العراتلي هنن رئة الشام . مادان في شامي لسا ساكن بالشام

[همس الياسمين]

المحارب العتيق
صديقي الشامي ... أن سمحتلي ؟ كون بمكان صديق
وصل سلامي لكل شبر بالشام قلها اشتقت لريحتها اشتقت لسماها اشتقت للصبح ولكل شي فيها
قلها بحبها ..... ومشتاقتلها
وين مارحت اتذكرني وماتنسى توصلها سلامي
طبعا بيستغربو لو كانو خلقو منها وربيو بحضنها وانجبلو بتربتها ماكانو استغربو ا
سرقتني مني يارفيق الياسمين واخدتني للجنة بشكرك بشكرك بشكرك على كل الياسمين لي زرعتو بكلماتك
ومادام في شامي لسا ساكن بالشام اكيد بيبقى الياسمين الله يحميك

[هدوء البحر]

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

سلامي للجميع

[همس الياسمين]

شأم أنتي فتاتي وأمي حضنتي صبايا فهل فيكي أكبر
فما أفعل كي أنال رضاكي وفيكي بزلت صبايا وأبشر
فهل من يزغرد ويعلي ندءا لفرحة قلبي بجرح تخمر

شأم أنتي فتاتي وأمي حضنتي صبايا فهل فيكي أكبر
ووعد دهري فيا ليت قبري وفستان عرسي بفلك يعمر

شــــــــــــــــــــــــ ـــــــآمـــــ

[المحارب العتيق]

مسا الخير لكل الشوام

أشتقتلكم

[شامي للنخاع]

مساكون شامي معطر هيك بريحة قاسيون........عا صوت نهر بردى........بيمر من صوب باب توما........وبيمل عا شام القديمة حارة حارة وبيت بيت ومزراب مزراب........جايب معو اصالة المسجد الاموي.......ومقام القديس جاورجيوس

[المحارب العتيق]

هلا فيك

شلون ؟؟؟ هالليلة ربيعية بامتياز واخر رواق

[شامي للنخاع]

وبل مهلي يا خال......وئت تجي سيرة الشام.........لك ما بيصير غير الواحد يكون مروء........وئد ما بعدنا عنا بتم مزروعة تحت جلدنا