عن اخوية 2008

[SelavI]

الاشياء السلبية

ممكن بلش بوحدة

عدم النقد

يعني عندما نرى موضوع جديد ندخل اليه
نلاحظ ان الموضوع فيه كثير من النواقص او الموضوع يتناول فكرة غير واضحة او ببساطة الموضوع لا يعجبنا
ماذا نفعل؟ نخرج من الموضوع سريعا
الي لاحظتو انو النقض في اخوية شبه ملغي وان قام احد بالنقض, ينتقض بطريقة محبطة لصاحب الموضوع

اذا النقد

يجب النقد ولكن النقد البناء بطريقة سلسة لا تجرح صاحب الموضوع وتجلعه يعيد التجربة بشكل ربما ناجح اكثر
(التعقيب والنقد)

[باشق مجروح]

في شي كتير من الي حكيتو سامر صحيح .
انا قلت انو بشوف جزء كبير من الاعضاء المهمين اختفا. طبعاً اجا غيرهون بس حسيت ضل في فرق كبير بالمستوى الثقافي هالشي ما بيمنع انو الابداع موجود ومستمر لكن كان بشكل أكبر فيك تسمي ازدهار ثقافي .
هالنوعية من المواضيع مع احترامي الشديد جداً لصاحب الموضوع بعتبرها شي من الوقوف على الاطلال .

[LiOnHeArT.3LA2]

انا بقلك

المشكلة من كم عضو عم يتبعو سياسة المسخرة بكل ارنة

بتحاكيه عالفن بيقلك شفت هيفا شو لابسة

بتحاكيه بالسياسة بيقلك و الله المازوت غليان

بتسألو سؤال واضح و صريح لأنك معتبرو بيفهم بيرد عليك بجواب استفزازي

هدول لازم يتم تصفيتون

لك يا علاء خليك برا
لأ ما بدي بدي رد

لك شو بدك انتي الزلمي جاي عبالو يعلق
لك اخي زودا كتير حامل السلم بالعرض وماشي وقاعد عم ينظم وعم يقيم البشر ليش ماني عرفان
لك شو عم قلك تركو لعما ما اجحشك هلأ بيقول انو انتي السبب الاساسي لانخفاض مستوى المعيشة باخوية
اي لاجري .. ما عالحالتين ما حدا عم يسمعو

اي خلص تركو
حاضر . متل ما بدك

ليك ليك بوي فريند .. النقاشات الاستفزازية مانا محسوبة .؟
وكلمة تصفية .. حسيت حالي بمنتدى جهادي

لك ولاااا ما قلتلك ما ترد
حاضر حاضر طالع

[باشق مجروح]

كاتب النص الأصلي : SelavI

الاشياء السلبية


ممكن بلش بوحدة

عدم النقض

أظن قصدك النقد بالـ ( د ).

[SelavI]

كاتب النص الأصلي : باشق مجروح

أظن قصدك النقد بالـ ( د ).[/center]

شكرا على التنبيه

توقع مني خطأ املائي . . . لم ادرس العربية في المدرسة مدة طويلة

مع احترامي للتنبيه

[boy freind]

لك شو بدك انتي الزلمي جاي عبالو يعلق
لك اخي زودا كتير حامل السلم بالعرض وماشي وقاعد عم ينظم وعم يقيم البشر ليش ماني عرفان
لك شو عم قلك تركو لعما ما اجحشك هلأ بيقول انو انتي السبب الاساسي لانخفاض مستوى المعيشة باخوية
اي لاجري .. ما عالحالتين ما حدا عم يسمعو

شفت كيف المسخرة لا بد منها

شو في داعي للحوار الذاتي يلي حضرتك كتبتو

[LiOnHeArT.3LA2]

اي والله برد وبرجع بقول اني ماني شايف اي شي بالمنتدى

لانو حالة عادية .. ثقافة الاجيال .. ولازم نحترما

[محمد ابراهيم]

عجلة الزمن بتدور وما بترجع للخلف

اتناقشنا مية مرة من قبل واذا صارو 1000 مرة مارح يرجع العصر الذهبي .

كأني ما كتبت شيئ ، لما تخلصو نقاش وكتابة ابقو ارجعو اقرو هالجملة

الله يوفقكون وتقدرو تقدمو أفضل ما عندكم ، انتو الامل في بكرا

[hanny dagher]

كاتب النص الأصلي : MadMax

أنا بشوف القصة من زاوية أخرى

مثلاً ملاحظ أنو الكل متفقين أنو أخوية كانت أول ما سجلوا فيها .. أحلى
مع أنو البعض سجل بالـ 2006 و البعض بالـ 2007 و البعض بالـ 2008 ..و يمكن في قبل هيك

و على فكرة .... أنا بسمع هالرأي من كذا سنة .. يعني من الايام يللي كانو يقولوا عنها أيام ذهبية

هلأ منطقياً ... الواحد أول ما بفوت عالمنتدى (و أنا واحد من هالحدا ) بينبهر فيه ..أنو جو غير باقي المنتديات
في مخزون كبير و نوعي من المواضيع يللي هو نتاج تراكمات بس نحنا عملياً عم نشوفون دفعة وحدة أول ما منسجل
بس شوي شوي منتعود أكتر عالجو .. بصير طبيعي
و مناخد فكرة عن كل المواضيع ..و منصير بقى ننطر الجديد .. بس منكون متوقعين بنفس الغزارة يللي شفناها أول ما فتنا
مع أنو متل ما قلنا المنتدى ككل عبارة عن تراكمات
يعني عملياً راح الانبهار
المنتدى يمكن متل ما هو .... بس نحنا متوقعين و منتظرين أكتر

يا اخي اعظم رد بشوفو بتاريخ نقاشاتنا بهالموضوع
وهادا اللي قصدتو بالروح
يعني الروح اللي بتفوت فيها غير الروح بعد ما تعودت على الموقع واهلو بعد فترة من وجودك

بالاضافة لشغلة قصدتها بالروح واللي هيي روح المحبة اللي كانت باخوية من قبل بين كل الاعضاء الفعالين يعني كل الاعضاء بتحب كل الاعضاء هلأ عم حس في بعض الاعضاء الفعالين عم يصير "اعداء فعالين" لغيرن من الاعضاء الفعالين يعني الحساسية بالحكي ونبرة الصوت العالي كترانة بالمنتدى

[بنفسجة]

انا سبق وحكيت بموضوع تاني عن سلبيات اخوية
انا بشوف انو اخوية بيت رائع بيعرف الناس على بعضها
وبتتشكل علاقات كتير مميزة بين الاعضاء وكتير حميمة وبتوصل لمرحلة انو ما بيقدرو ينامو بدون ما يحكو مع بعض شي 10 ساعات وهنا الكارثة
مرة انا ما قدرت ضيف ولاتعليق باخوية لسبب: الشباب كلون موجودين عالنت والكونغرسات شغالة وكل كونغرس فيه شي 6 والشخص الواحد مشترك باكتر من كونغرس
وما حدافاضي يعلق او يلتفت لاخوية
ضليت فترة منيحة مزعوجة من الموضوع وحاكيت البعض فيه
ابدا القصة مش انخفاض مستوى فكري
انما العلاقات يلي صايرة كتير كتيرة بين الاعضاء

[saman]

بالاضافة لشغلة قصدتها بالروح واللي هيي روح المحبة اللي كانت باخوية من قبل بين كل الاعضاء الفعالين يعني كل الاعضاء بتحب كل الاعضاء هلأ عم حس في بعض الاعضاء الفعالين عم يصير "اعداء فعالين" لغيرن من الاعضاء الفعالين يعني الحساسية بالحكي ونبرة الصوت العالي كترانة بالمنتدى

انا بهالناحية بتفق معك مية بالمية !!

يعني القصة صايرة انو عضو مو طايق عضو تاني ... بكل موضوع بينزل فيه وبيبهدلو .. وبيفوتوا رفقاتو لهاد العضو يلي عم بيبهدل (مع انو مو بالضرورة يكونوا بيكروهوا العضو التاني ) وبيشدوا على ايدو وبيساعدوه بالبهدلة كمان ...!!!

يعني انا ممكن احياناً تصير معي وبهدل حدا .. ما بقول لأ .. بس عالقليلة بكون عامل شي زاعجني او زاعج اكتر عضو باكتر من موضوع ....
بس يلي عم بيصير انو البهدلة يلي عم ياكلها عضو ما .. عم تكون من فراغ يعني الزلمة رادد وعم يشكر .. ولحشلو نكتة ممكن تكون بايخة وممكن لأ ... بتلاقي الكل هجموا عليه وبلشوا مسخرة ...والانكى من هيك انو عم يتبهدل لشي شخصي جواتو وما حدا الو علاقة فيه !!

بس هيك شعبنا شو بدك تعمل ...

سوري عالشذ عن الموضوع ....

هلأ انا حطيت بالاستبيان اول 3 خيارات ... ليش ؟
1_ صح لانو الاعضاء الفعالين او الفهمانين ... ما عاد فضيوا .. وكلو بشغلو او او مسافر او مو فاضي ... وبعطي مثال ... يلي هوي "الحكيم" .. الله وكيلكن اشتهيت شفلو شي رد من سنة لهلأ !!! طبعاً منعرف انو الحكيم ما عم يفضى وبشغلو او مسافر ... بس جد الواحد بيتمنى يشوف الو شي رد .. بغير الاقسام الادارية يلي ما بشوفها انا

2_ انخفاض المستوى الثقافي .. في شي منو لهاد .... مثلاً انا ثقافتي السياسية مو كل هالقد ... منشان هيك ما بشارك بالمنبر كتييير ...ووفي غيري ... يمكن ما بيشاركوا غير بالرياضة او بالاقتصاد .... والاحلى من هيك في منهن ما بيشارك غير بالملطوشات !!! اي انو مستوى ثقافي موجود عند الاعضاء يلي ما بيشاركو غير بالملطوشات !!!!

3_بصراحة كمان غنى المواضيع الحلوة واللي كانت تعتبر جديدة ...وما في غيرها بغير منتديات .. صاير بالصدف لتلاقي مواضيع جديدة وغير ملحوظة بأخوية او غير أخوية ... اغلبية المواضيع صايرة مكررة او منحكي فيها من قبل .. وبنفس الوقت مو معقول ننكش كل المواضيع القديمة الجدية باخوية ..... ونقعد نناقش فيها من اول وجديد !!!!!

صحيح انا ما حطيت الخيار الرابع .. بس بنصحك تروح عند الدكتور منشان يفحصلك نظرك ... بكل الأحوال

[MadMax]

كاتب النص الأصلي : hanny dagher

يا اخي اعظم رد بشوفو بتاريخ نقاشاتنا بهالموضوع

اي على راسي أبو الهن
كترانة افكارنا المتطابقة هالأيام

[L.A.]

أوقات أخوية بتدخل بحالة ركود و ليس تراجع و منشوف مواضيع من هاللون
أوقات تانية منشوف أخوية معجوقة عجق بالأعضاء و المواضيع المتميزة.....متل البورصة

يعني انا برأيي إنو أخوية بهالفترة بحالة ركود مو أكتر لأسباب مختلفة و بعضها مذكور بالإستبيان و انشالله بالفترة الجاية منشوف أخوية بكامل نشاطها ومنرجع منشوف مواضيع تبع "أكتر مرّة عجقت عنّا عالخط"

[موجه بحر]

والله يا شباب المشاغل بتلهي الكل
انا اخر فترة انشغلت كتير وما قدرت وكلما فوت ع اخوية ما حسو متل قبل.. واحيانا حاول ادخل يكون الموقع محجوب يعني أكتر من شغلة بتخلينا ما عاد نشارك متل قبل