أخوية  

أخوية سوريا: تجمع شبابي سوري (ثقافي، فكري، اجتماعي) بإطار حراك مجتمع مدني - ينشط في دعم الحرية المدنية، التعددية الديمقراطية، والتوعية بما نسميه الحد الأدنى من المسؤولية العامة. نحو عقد اجتماعي صحي سليم، به من الأكسجن ما يكف لجميع المواطنين والقاطنين.
أخذ مكانه في 2003 و توقف قسراً نهاية 2009 - النسخة الحالية هنا هي ارشيفية للتصفح فقط
ردني  لورا   أخوية > رياضة > الساحة الرياضيّة

إضافة موضوع جديد  إضافة رد
 
أدوات الموضوع
قديم 10/10/2005   #1
شب و شيخ الشباب SIMON
مشرف متقاعد
 
الصورة الرمزية لـ SIMON
SIMON is offline
 
نورنا ب:
Jul 2004
المطرح:
Homs
مشاركات:
3,186

إرسال خطاب ICQ إلى SIMON إرسال خطاب MSN إلى SIMON
Arrow البرازيل تتحدى الارتفاع واللعب الخشن لتتعادل في بوليفيا


هالمبارة دخل المنتخب البرازيلي بالصف الإحتياطي يعني الغايبين يعني فيكم تقولو الشباب:
رونالدو ,رونالدينيو ,كاكا, روبيرتو كارلوس, ديدا,ايمرسون ,كافو .....و غيرهم
من البداية كانت المبارة بين أخد و رد و بين أنو اللعيبة البرازيلية ما بدهم يتعبّو
حالهم بيكوز مبارة تجريبية و استعراضية و غير مهمة ..
ظهرت تسديدات و فرص من اللعيبة البوليفية "مالديفيزيو" و "غواتيريز" أكتر شي
روبينيو قلال الطابات اللي اجتو و كانت الفاولات ضدو كتيرة و التكسير شغال ..
بالدقيقة 25" بتعرّض أبو الروب روبينيو لعرقلة خارج منطقة الجزاء بينفّذها جونينيو الفنان صاروخ
ما قدر الحارس يصدها "و رح تشوفوها بالفيديو " هدف أول و فرحة برازيلية بالدقيقة 26"
و شهد الشوط الأول كمان فرص لبوليفيا انما سوء الحظ و الدفاع و الحارس البرازيلي البديل "خوليو سيزار"
أبدع الصراحة و هوي نجم المبارة من الجانب البرازيلي..
تسديدة خطيرة بالدقيقة 44" للاعب الخطير غواتيريز بيصدها المتألق البرازيلي خوليو سيزار
و كمان كان في تسديدة برازيلية من ريكاردينيو خطيرة بالدقيقة الأولى الإضافية ..
لينتهي الشوط الأول بتقدم برازيلي بهدف..

الشوط التاني .. من بدايتو وضح التقدم البوليفي و بأول خمس دقايق قدرو البوليفيين يحققو
التعادل عن طريق اللاعب اللي دخل أول الشوط التاني "كاستيو" بعد متابعة كتير حلوة ما قدر
الحارس يعمللها شي بغياب الرقابة .. لتصير النتيجة 1-1
و بعدها رجعو البرازيلية عالهجوم بس بيّن التعب عليهم " للتذكير عاصمة بوليفيا "لاباز"عالية عن سطح البحر شي 3000 متر و كل المنتخبات اللي بتلعب بهالملعب بشتكي من قلة الأوكسجين.."
بعد دقيقة رجعت الطابة للحارس البرازيلي و بلقطة فنية رائعة بيلف المهاجم البوليفي
و رح تشوفوه كمان بالفيديو شغلة كبيرة
و مع هالشي اعتمد البرازيلية على الفنيات و ضل التكسير شغال بس هالشوط كان أكتر واحد
أكل تكسير اللاعب البرازيلي سيسينهو إلى جانب روبينيو ...
من فاول على روبينيو على بعد 35 متر عن المرمى البوليفي بيحصلو البرازيل على ضربة حرة
بينفّذها أدريانو بعيدة فوق المرمى البوليفي الدقيقة 55"
وضح بالشوط التاني تفكك و ضعف الدفاع البرازيلي و عدم التزام المدافعين بالمهامك الموكلة
الهم و كان في فرص كتير خطيرة عالمرمى البرازيلي بس الله ستر و ما أكلنا جول تاني..
و أخطر الشوطات البوليفية كانت من المتميز غوتييريز
أخطر فرص آخر المبارة كانت تسديدة صاروخية من أدريانو خطيرة جداً فوق المرمىالدقيقة 74"
بعد تحويلية بينية من أليكس بتوصل لروبينيو اللي بيسددها فوق المرمى متل أدريانو بس من
الجهةاليمين ..
كمان مرّة روبينيو بعد الحركة الإعتيادية الو بيلف لاعبين بوليفيين و بيسددها الله سترهم جماعة بوليفيا و بتطلع ركنية بعد ما ارتطمت بلاعب بوليفي

بعدها بيّن أنو الطرفين راضيين بالتعادل لتنتهي المبارة بتعادل بين الطرفين ..


مراسلكم لنقل كل مباريات ريال مدريد و البرازيل :
SIMON

زورونا ...

www.TKHOOMA.Net

When you look at her Eyes .. & she's looking back in your's
you feel stronger & weaker at the same time..
the truth is.. you don't know what you feel..
  رد مع اقتباس
قديم 10/10/2005   #2
شب و شيخ الشباب SIMON
مشرف متقاعد
 
الصورة الرمزية لـ SIMON
SIMON is offline
 
نورنا ب:
Jul 2004
المطرح:
Homs
مشاركات:
3,186

إرسال خطاب ICQ إلى SIMON إرسال خطاب MSN إلى SIMON
افتراضي قسم الصور


اعذروني ما قدرت نزّل ولا صور عالموقع ... الصور كتير كبار ....!!!!!!!



  رد مع اقتباس
قديم 10/10/2005   #3
شب و شيخ الشباب SIMON
مشرف متقاعد
 
الصورة الرمزية لـ SIMON
SIMON is offline
 
نورنا ب:
Jul 2004
المطرح:
Homs
مشاركات:
3,186

إرسال خطاب ICQ إلى SIMON إرسال خطاب MSN إلى SIMON
افتراضي قسم الفيديو


قسم جديد بتقاريري استمتعو ..

الهدف الأول برازيل : جونينيو

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 


الهدف التاني بالمبارة بوليفيا:كاستيّو

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 


صدّات الحارس البرازيلي النمر خوليو سيزار

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 


حركة الحارس البرازيلي رائعة...

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

  رد مع اقتباس
إضافة موضوع جديد  إضافة رد


أدوات الموضوع

ضوابط المشاركة
لافيك تكتب موضوع جديد
لافيك تكتب مشاركات
لافيك تضيف مرفقات
لا فيك تعدل مشاركاتك

وسوم vB : حرك
شيفرة [IMG] : حرك
شيفرة HTML : بليد
طير و علّي


الساعة بإيدك هلق يا سيدي 18:55 (بحسب عمك غرينتش الكبير +3)


Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
Page generated in 0.06027 seconds with 12 queries