مقلاية أخوية (6) بحلتها الجديدة

[Sun Shine Art]

كاتب النص الأصلي : BL@CK

1 -

العجز : هازا ما عرفتو عن أينو عجز عم تحكي ما عرفت ؟!

بيني و بينك همسة , في رد بقسم الرسم و التصوير فيي رد رديتو أنا و بظن أخدتي عا خاطرك مجرد كنت عم أمزح ..

و يا هلا ..

احيانا بعض الناس بتشعر بالعجز عن حل الامور او ايجاد حل ...او حتى الخروج من المأزق ...(ماحبيت كتير اشرح مشان ما نتقل عليك ) بس العجز عن بان تكون قويا كفايه للمواجهه

اما بالنسبه لردك فاعادي مازعلت ...(صعب ازعل) بس اخدت ع خاطري

ويسعدو

[BL@CK]

كاتب النص الأصلي : MadMax

سؤال خفيف نضيف :




أحلى إضافة اجيتك بالفيس بوك بالفترة الأخيرة ......




من مين ..؟؟








بصراحة

معلم إجاني إيميل ما خطرلي أترجمو فتت عملت أكسبت ,

طلعت القصة كالآتي شخص مستخدم أبليكيشن مدري شو دين ربو .. أنو طلعلي you know may مدري شو الكمالة .. أنو من الممكن بتعرفو .. فا أنا فتت ضفتو و أنا كل فكري أنو هوي ضايفني .. طلعت القصة أنو أنا ضفتو هوي ما خصو

لأخذ العلم الشخص أو الشخصة أسمو Nesreen Kh .. و حزفناه و مشي الحال شنو لأنو طلعنا ما منعرفو ..

بس شو خطرلك هيك سؤال ؟!

كاتب النص الأصلي : فسحة أمل

أهلين عابد
كم سؤال عالسريع :
_شو اكتر متل بتكرهو .
_شو أكتر مسرحية لزياد بتحها .
_إذا خيروك بين الهجرة " مع راتب ممتاز " وبين الضلة بالبلد شو بتختار .
_شو رأيك في ما يلي:
البينزين , الفلافل , دكتور الاسنان , كلية التجارة , مادة المحاسبة , فاتوة الموبايل , الشحادة , باكيت الحمراء الطويلة .

1 - عصفور بالإيد أحسن من عالشجرة مدري ليش بكرهو

2 - فيلم أميركي طويل

3 - ماني سائل عالراتب تقريبا ً اللي سائل عليه إني أكون مرتاح بفضل أكون برا البلد

البنزين : بكل دول العالم بيغلا و بيرخص بس عنا بيغلا و ما بيرخص
الفلافل : وجبة تلات رباع شعبنا
دكتور الأسنان : أبي
كلية التجارية : كلية الكوابيس ألله يفضح عرضا ما أمقتا
مادة المحاسبة : يا ريت كل موادي محاسبة كنا تخرجنا من سنتين
فاتورة الموبايل : كابوس رقم تنين
الشحادة : شغل نص أو تلات رباع شغلنا
الحمرا الطويلة : زبوني الأنتيكا عندي زبون الله لا يأرجيك خانق سماي بريحتو

كاتب النص الأصلي : YaSeR

كم سؤال عالماشي
باديش عم تشتري وتبيع الدولار اليوم ؟
بأديش الحوالة اليوم ؟ البنكية قصدي ..
عمرك اشتغلت بالشحن ؟


شو رأيك ب :
محمود درويش
الماغوط


ايا قبل البيضة ولا الديناصور ؟

المسا برجعلك بجعبة جديدة من الاسئلة

اليوم : 46.30/46.40

الحوالة حسب البنك يا معلم , وحسب قيمة الحوالة ..

أما بالشحن فما أشتغلت .

- محمود درويش : شاعر نعم أديب نعم , بس برأيي أخد القضية الفلسطينية ك وسيلة ليشهر حالو .. يعني أنا ما بعتبرو صاحب قضية بعتبرو منتفع من القضية مش أكتر

الماغوط : مع كل عيوبو , و مع كل شي بس كبير كبير كبير ..

- الديناصور أكيد كون عينو بتشبه البيضة يعني إحتمال تكون البيضة إجت من عين الديناصور .

[zen]

هيك راح أعمل

[BL@CK]

كاتب النص الأصلي : matya

في سؤال.. لهاني داغر..

من 1 لـ 10..اديه بتقيس /رغبتك/../تطلعك/../محبتك/.. لرؤية :

Gazita
Reemi
marioma alghzayala
hanny dagher
layla
sezar
sweetbaby
maged-syrian
butterfly
وشم الجمال
Hashtnasht
ٍٍٍSyrian Gay
Fares
yass
كهربجي
راديا
SABE
HUS
Barleb
باشق مجروح
the light
سرسورة
محمد ابراهيم
GOVERMENT
صياد الطيور
phoenixbird
the morrning
COSTA
handsome
abosleman
LiOnHeArT
yamen_h
BL@CK
MadMax
وائل76
أمرأة من ورق
Roaa
مايا*
ليندا
fofo besset syria
Abu Guzef
الموسيقار,
فاوست
ظل جيفارا
Nirvana
Raw
طفوله
Marwa
يمان
was616im
Sandra
cuty
zen:
AHMAD..:
black_iris:
اللامنتمي :
قرصان الادرياتيك :
boy friend:
marwa hanna:
ooopss:
مايسترو:
whiterose:
YaSer:
سوا ربينا :
القلب الدافيء:
شوط يا قمر :
achelious:
viva syria
suryoyo:
بنفسجة :
M.E.e.R.O:
Sarita:
Fernanda:
sona78:

بمقدار رغبتون أو تطلعون لمعرفتي بحيث لا يزيد و لا ينقص ليرة . .

كاتب النص الأصلي : zerocold hacker

عابد انا بس بدي اسالك هالسؤال واذا بدك لا تجاوب انت حر بس يا ريت يكون جوابك صادق

انت الك تجربة سابقة مع وحدة قبيسية؟ويا ترى شو اللي خلاك تكون موقفك منون

وانا ممنونتك اذا بتجاوبني
سلام

كنت بعرف وحدة و كان عين ألله عليا .. ياما كان في طلعات و فوتات بيني و بينا , و المخلوقة تعرفت عا وحدي قبيسية صارت أجحش مخلوقات ألله .. لاعد تهتم بأناقتا و لاعد تهتم بشي بس دروس و آنسات .. و تركت رفقاتا و الدنيي كلا كرمال الآنسة .. عملت بعدا تحري عنون و سألت و فتت فيون فوتة مرتبة .. حتى أخدت هالموقف

موقفي تجاهون ناجم عن علم و معرفة و بحث و تحري ..

[BL@CK]

كاتب النص الأصلي : ooopss

هاي عبد
بدي اسالك عرواء بس أجلت أسئلة أحمد قام طلع وما لحقت اسئلو
لذلك رح اسألك يلي ببالي

هلأ كلنا بنعرف عنك انو صريح و أسلوبك استفزازي
يمكن الكل بيوجهلك انتقادات لهالسبب لأن بتنفهم غلط او هيك
هلأ الأسئلة كالتالي :

1 /لما بيقلولك غيّر طبعك شوي بتدايق ؟ أو مابتفرء معك؟ وليش ؟
2/شي مرة دخلت بنقاش وساويت مشكلة وبعدين ندمت وقلت ياريتني كنت أهدى شوي ؟ واذا اي ايمت ؟
3/عندك مشكلة اذا غلطت تعترف بغلطك ؟

4/بتحب تكون محط الأنظار دائما ؟

5/أنت وصغير شو كان حلمك تكون لتكبر ؟

6/مين ممكن تقول عنو انو مثلك الأعلى أو أنو أفهم شخص بنظرك هون بأخوية ؟



ماكان قصدي بس طلعو كتار

1 - لأ ما بتفرقلي بنوب , لأني عاجبني حالي هيك للأسف ..

2 - لأ بنوب ..

3 - نعم عندي مشكلة و كبيرة , بس على الأغلب بعترف بس بصعوبة بالغة يعني بتطلع من حلقي ..

4 - ما في داعي أحب لأني أنا محط الأنظار وين ما رحت ..

5 - ما بزكر شو كان حلمي

6 - ولا حدا ..

أهلين أوبس .

[رجل من ورق]

كأني حطيت كم سؤال شو صار فيهون؟

[BL@CK]

كاتب النص الأصلي : black_iris

ما ضل شي ما انسأل .. ليش الشعب انبحت هيك
اي عابد .. خد هالكم سؤال :
1- كشخص لا ديني .. شو اللي خلاك تكون هيك ( اسرتك بالاساس غير متدينه؟ .. ولا في اسباب نتج عنها هالتوجه؟ مع ذكرها إن وجدت)

2- شو الفرق بين الوطنيه والتعصب للوطن (ليوضح السؤال .. ممكن بيني وبين شخص من نفس بلدي ممكن نعترف انو بلدنا كتير فيها اشياء غلط .. بس وقت بكون الكلام مع شخص من غير بلدي .. رح صوّر بلدي على انها جنة ، حريه ، ديمقراطيه ، ..الخ ) .. هاد وطنيه ولا تعصب ؟؟

3- شو الغلطه اللي مو ممكن تسامح فيها .. ولو اقرب الناس الك ؟

وبس

__________
هامش : إذا مكررين اسئله لا تواخزنا .. بكونو انكتبو اثناء ما انا عم اكتب .. صارلي ساعتين عم بكتب بهالكم سؤال

ليش الشعب إنبحت من المحبة خيتي من المحبة

1 - نعم بصغري كنت عايش بأسرة شبه لادينية , لما كبرت أنفصلت عن أهلي .. ( هاي الظروف ساعدت لأتوجه لادينيا ً )

بزكر لما كنت صغير أسأل حالي سؤال كيف ألله ما حدا خالقو , يعني ما بتركب ..

2 - برأيي هازا تخريف لا وطنية و لا تعصب , أنا ك سوري و على العلن بقولا "بعشق سوريا بزبالتا"

3 - الحكي عليي بضهري هاي أكتر شي بزعجني

أهلين أم السوس ..

كاتب النص الأصلي : Sun Shine Art

احيانا بعض الناس بتشعر بالعجز عن حل الامور او ايجاد حل ...او حتى الخروج من المأزق ...(ماحبيت كتير اشرح مشان ما نتقل عليك ) بس العجز عن بان تكون قويا كفايه للمواجهه

اما بالنسبه لردك فاعادي مازعلت ...(صعب ازعل) بس اخدت ع خاطري

ويسعدو

معناها العجز : الشيء اللي بحاول و بأقنع حالي و بكزب على حالي إني ما عم عاني منو حتى لو كنت مارر فيو .. شي كتير قميء و مجرد الواحد يحكي عن حالو أنو عاجز فا مشكلة ..

و سلامة خاطرك مرة تانية , كل شي إلا خاطرك ترا ها .. يعني ضميري عم يانبني شي بألفين ..

[BL@CK]

كاتب النص الأصلي : SOURAQIA

كأني حطيت كم سؤال شو صار فيهون؟

شو رأيك بتيجي بتعملي كفين لأني شفت أسألتك طوال قلت بأجلون , يعني بالله بطخيلك مشان تعملي الكفين ؟!

[*Marwa*]

اي عبود بما انك مأجل الاسئلة الطويلة..لا تنسى في سؤال تبع ليستة الاعضاء وانك تعطي رايك فيهن ..

انا مش مشان شي بس مشان يعني القلية تطلع مرتبة..بعدين انتي قلت الانبحات ع قدر المحبة


عزبتك بعرف

[رجل من ورق]

كاتب النص الأصلي : BL@CK

شو رأيك بتيجي بتعملي كفين لأني شفت أسألتك طوال قلت بأجلون , يعني بالله بطخيلك مشان تعملي الكفين ؟!

اعوذ بالله
لا تاخذني خيو بس انو شفت كترو الاسئلة قلت لحالي رح اقترح انو ينحذفوا بلا ما تقل عليه
وهي وردة

[BL@CK]

كاتب النص الأصلي : قرصان الأدرياتيك

سلامٌ على ابنِ الشّهباء...

قلتَ في حديثٍ عن القبيسيّات:

"يذكرك بالخير يا نبيل فيّاض أنو أنا هالزلمي ما بطيقو... "

هل تسمح يا عزيزي أن تذكرَ بعضاً من الأسباب التي تحملُك على هذا القول؟!

هذا سؤالي الأوّل وألقاك في الثّاني إن شاءَ اللهُ قريباً.

سلامي.

يا زلمي ليش بحسك فايت عا سوق عكاظ و حوليك الجواري و عم تقارع كؤوس الخمرة بكل رد ما بعرف

المهم نبيل فياض برأيي كاتب طائفي بإمتياز , و لسنا بصدد شرح هالشي مشان ما نفوت بمتاهات بس بيكفي إني بأغلب مقالاتو ما بجيب غير سيرة السنة ..

و أهلين ..

[boy freind]

- بحس كوني بلاك مش كوني منسق العالم بتنظرلي نظرة مختلفة يعني من قبل ما كون منسق ..

2 - هازا كتير رائع لشو لنغيرو ؟!

3 - و الله بستحي كتير يعني نمرة رجلي شي كتير سكريت بس بيني و بينك بإعتبار بهمك الأمر كتير و جايي مخصوص لتسألني فا رح جاوبك نمرة رجلي "42"

جوابك الاول رائع و انا هيك قلت لحالي كان لازم اسأل هيك

سؤالي التالت كان شلفة يعني احترت شو اسأل لذلك شلفتو و مافي داعي ابدا للمسخرة

[سوا ربينا]

مساؤو .....

انا كالعادة اسئلتي خفيفة ولطيفة ونظيفة وطالعة من الوكالة ,,,,

اي سيدي ,,,

اولا :: شو اكتر اكلة بتحبها ؟؟
تانيا:: لما تكون مالل ودايقة خلاقك وقرفان الدنيا شو بتعمل ؟؟
تالتا:: شو بتعمل بحياتك ؟؟
رابعا:: كم مرة حبيت ؟؟؟

خامسا ::ولا شي....(معفي منو .. )

[yass]

- محمود درويش : شاعر نعم أديب نعم , بس برأيي أخد القضية الفلسطينية ك وسيلة ليشهر حالو .. يعني أنا ما بعتبرو صاحب قضية بعتبرو منتفع من القضية مش أكتر

الماغوط : مع كل عيوبو , و مع كل شي بس كبير كبير كبير ..

طيب كمان سؤال


تعتبر رأيك هاد موضوعي و مستند على منطق.. و للا ناتج عن جحشنة و تيبيس راس؟

[فسحة أمل]

والله ما شبعت من اول كم سؤال وخصوصي أنك انت يلي بالمقلاية ..
كم سؤال جداد
شو رأيك بما يلي :
السوق الحرة , التلفزيون السوري وخصوصي القناة التانية , هيفاء وهبي, الدين بالفائدة أو بشكل عام, نشرة الأخبار
شو اكتر برنامج أطفال حبيتو وأنت صغير.
شو اكتر قناة تلفزيون بتحضرها. وشو أكتر إذاعة سورية بتحبها.
شو نوع الأفلام الي بتحب تشوفها.
مين هوي مثلك الأعلى .
هدون حالياً

[BL@CK]

كاتب النص الأصلي : yass

طيب كمان سؤال


تعتبر رأيك هاد موضوعي و مستند على منطق.. و للا ناتج عن جحشنة و تيبيس راس؟

نعم بعتبر رأيي هازا مووضوعي و مستند على منطقي أنا .. و مقتنع في تمام التمام و كون متأكد إني ما عم قولو لأيبس راس أو أعند ..

سمحنالك بسؤال سادس كونك مشرف إداري مش أكتر ..

[BL@CK]

Gazita : ما أحتكيت فيّا لأعرف أعطي رأيي فيّا بس المخلوقة أكابرلية و لا مرة زعجتني أو غلطت معي

Reemi : أم الريم نشيطة و كفو و شغيّلة

marioma alghzayala : مريوم وحدة أنا ممتن للأخوية إني كانت سبب بتعرّفي عليا , ألله يحميّا

hanny dagher : شغيل و كفو و خرج تعتمد عليه ,

layla : وينا صحيح معد شفناها لنعطي رأينا فيّا ؟!

sezar : فنان و حشاش كبير

sweetbaby : اساتنا عم نتسوّق ثقة لنشوف شو آخرتا .

maged-syrian : الزلمي ما بفهمني , أنا بوادي و هوي بوادي

butterfly : أول بنت تعرّفت عليا هون , دينامو عين الرب عليا , بفتخر بصداقة ميمو جدا ً جزيلا ً

وشم الجمال : حبابة البنت بس عايشة بمجتمع فارض عليا نمط حياة معيّن بظن أنو كتير صعب

Hashtnasht : شفتو مرة , الشب وازن و عمل شغل حلو بالموسيقى نهال واحد من اللي بتمنى يرجع عالطاقم الإداري

ٍٍٍSyrian Gay : رامي لولا المليون علّة اللي فيه مافي منوّ ..

Fares : أكابر ل ألله و فهمان و مثقف و بكتب حلو . عملنلا مسابقة قصة بزمناتو كانت كتير حلوة ...

رح بتابع بس ريجاءن لا حدا يرد بعدي ..

[قرصان الأدرياتيك]

يقول المعرّي ابنُ الحلبيّة السبيكيّة في "رسالة الغفران":

يا شاكيَ النّوبِ انهضْ طالباً حلبا ..... نهوضَ مُضنى لحسم الداءِ ملتمسِ
واخـلـعْ إذا حـاذيـتـهـا ورعــــــاً ..... كفعـل موسى كليـم اللهِ فـي القدسِ

كانت هذه السّلعة العكاظيّة المحاطة بالجواري والغلمان، المغسولة بخمرة حبّ الوطن، إهداءً منّي إليكَ يا صاحب سيف اللسان ذي الحدّين .

أنا يا صديقي لستُ حنبليّاً لكنّي والله خسرتُ لهجتي لكثرة اغترابي وحضوري بين الغرباء، ولهذا أخشى دوماً الكلامَ بها حتّى وإن فعلتُ مراراً وتكراراً، ولهذا تجدني أنشدُ الفصحى فأفشل في كلّ مرّة!
قالتْ لي حسناءٌ جليليّة تُدعى مروة حنّا على أثر مشاركة لي بالعاميّة "عندما تكتبُ بلهجتك تبدو كأنّك رجلٌ ذهبَ إلى السّوق بثيابِ النّوم"!

بناءً على رغبتك لن أدخل في تفاصيل إجابتِك المتعلّقة بنبيل فيّاض، ولكن جوابك له أكثر من احتمال: فهو قد يعني أنّه طائفيّ متعصّب لسنيّته (سابقاً)! وهو قد يعني أنّه طائفيّ يحقدُ على السنّة! فماذا كنتَ تعني؟!

الآن هلمَّ معي إلى السّؤال الثّاني :

قلتَ في إحدى إجاباتِك إنّك تفضّل اللغة الإيطاليّة على بقيّة اللغات. فما هو مبعث هذا التّفضيل؟! هل تعرفُ هذه اللغةَ؟ وإن كنتَ تعرفها فأين تعلّمتها ولماذا؟ وإن لم تكن كذلك فكيف تفضّل لغةً على أخرى دون معرفة سابقة؟ فالتفضيل والتسبيق يُبنيان على المعرفة لا أكثر! وإن تجاوزنا كلّ هذا فمن هو مطربك الإيطاليّ المفضّل؟! ولماذا؟!