قانون السير الجديد اعتباراً كم 13/5

[..AHMAD]

"ترتفع أعداد وفيات حوادث الطرق بالتدريج لتصل إلى 1653، 2197، 2756 , 2818 خلال أعوام 2004، 2005، 2006 , 2007 بعكس الاتجاه السائد في الدول المتقدمة.. هذا ما أكده العميد فاروق الموصللي مدير إدارة المرور خلال ندوة أقامها في محافظة دمشق للتعريف بقانون السير الجديد.


أشار مدير إدارة المرور إلى أنَّ الأسباب الموجبة لهذا التعديل تتمثَّل في الزيادة الكبيرة لعدد المركبات المسجلة حيث بلغ العدد الإجمالي للمركبات المسجلة في سورية حوالي /1400000/ مركبة، ما ترتَّب عنه زيادة في عدد السائقين الحاصلين على إجازات سوق لأول مرة والذي بلغ عددهم حوالي
/ 304548 / سائقاً في عام 2005
و/ 223456 / سائقاً في عام 2006
و/ 276309/ سائقين في عام 2007.

وتابع موصللي "هذا بالإضافة إلى عدم فاعلية نظام المخالفات النافذ حالياً وعدم كفايته لردع المخالفين لاسيما بالنسبة للمخالفات المرتبطة بالسلامة المرورية، وعدم جدوى النظام النافذ لتبليغ ضبوط المخالفات لطول مدد التبليغ وارتباطها بعدة جهات".

وأضاف مدير إدارة المرور بالنسبة للتعديلات المدرجة في القانون الجديد

بأنه سيطبَّق لأول مرة في سورية نظام إجازات السوق ذات النقاط،

وبحيث يشعر السائق بخطر فقدان رصيده من النقاط عند ارتكاب المخالفات وصولاً إلى احتمال فقدان حقه في القيادة عند تكرار هذه المخالفات،
وإعادة تصنيف المخالفات ضمن فئات متدرجة من حيث العقوبات، مع التشدد في رفع العقوبات للمخالفات الأكثر تأثيراً على السلامة المرورية، مشيراً إلى تطوير نظام منح إجازات السوق حيث سيطبَّق فصل بين الفحوص النظرية والفحوص العملية وستكون الفحوص النظرية مؤتمتة، واستحداث فئة جديدة لإجازات السوق لمركبات النقل العام الكبيرة، وزيادة الحد الأدنى للعمر والخبرة اللازمين للسماح بقيادة هذه المركبات.

وأضاف موصللي "كما يتضمَّن القانون الجديد وضع نظام جديد لتبليغ ضبوط مخالفات السير المنظمة غيابياً بالاعتماد على صحيفة المركبة مباشرة أثناء مراجعة مالكها لمديريات النقل، وإدخال بعض التعديلات على نظام التأمين الإلزامي بما يتلاءم مع التطور الجاري حالياً في سورية.
كما تحدَّث موصللي على العقوبات والغرامات العالية التي فرضت على بعض المخالفات.

نوَّه الموصللي بأنَّ المرسوم نشر في الجريدة الرسمية بتاريخ 6 / صفر / 1429 هجري الموافق 13 / شباط 2008 ميلادي، وسيعمل به اعتباراً من تاريخ 13 / 5 / 2008

المخالفات الأشد عقوبة..

¶ يعاقب بالحبس من ثلاثة أشهر وحتى السنة وبغرامة من /50000 وحتى 100000/ ل.س وبوقف العمل بإجازة السوق لمدة سنتين تبدأ بعد تاريخ تنفيذ الحكم المبرم, إذا تسبَّب سائق المركبة أثناء قيادتها بوفاة إنسان أو إحداث عاهة دائمة نتيجة ارتكابه إحدى مخالفات السير المنصوص عليها في هذا القانون.

¶ يعاقب بالحبس من شهر وحتى ثلاثة أشهر وبغرامة مقدارها / 25000 / ل.س وبحجز المركبة وحسم ست عشرة نقطة كل من يرتكب أياً من المخالفات الآتية:

1- عدم الوقوف في حالة ارتكاب حادث أدَّى إلى وقوع أضرار جسدية ولم يسعف المصاب إذا لم يكن هناك خطر يهدِّد حياة المخالف.

2- سوق مركبة قبل الحصول على إجازة سوق (لا يطبَّق حسم النقاط لعدم وجود إجازة سوق).

3- القيادة بعكس اتجاه السير على الأوتوسترادات والطرق الخارجية.

4- تجاوز حدود السرعة المحددة على الطرق وفي المناطق المأهولة, بمقدار يزيد على/ 40 / كم/سا عن السرعة المحدَّدة.

5- استخدام وقود الغاز في المركبات غير المرخص لها باستخدامه.

6- سوق المركبة بلوحات أرقامها مشوَّهة قصداً لإخفاء أو تعديل معلومات اللوحة المميزة.

7- سوق مركبة دون لوحات أو حجبها عن الرؤية.

¶ يعاقب بالحبس من عشرة أيام وحتى الشهر وبغرامة مقدارها / 15000 / ل.س وبحجز المركبة حتى إزالة المخالفة وحسم ثماني نقاط كل من يرتكب أياً من المخالفات الآتية:

1- القيادة الرعناء مما يخلُّ بالطمأنينة وبسلامة مستعملي الطريق كالإقلاع المفاجئ والتشحيط والدوران المتكرِّر.
2- تسليم مالك المركبة أو حائزها لمن ليست لديه إجازة سوق صالحة لقيادة مثل هذه المركبة أو غير حاصل على إجازة سوق.
3- عدم تركيب أو تشغيل الصندوق الأسود (التاكوغراف) في وسائط نقل الركاب الكبيرة والمتوسطة والسيارات الشاحنة التي تحدَّد أوزانها بقرار من وزارة النقل.
4- مخالفة تعرفة أجور النقل أو عدم تشغيل عداد تعرفة الأجرة في السيارات العامة أو وضعه في مكان غير ظاهر لرؤية الركاب أو حجبه عن الرؤية.
5- سوق مركبة من الفئة / د 1- د 2 / بإجازة سوق لا تخوِّله بقيادتها.
6- قيادة مركبة من قبل سائق خلال فترة سحب إجازة السوق منه كتدبير وقائي أو احترازي ولا يطبَّق حسم النقاط.

¶ يعاقب بغرامة مقدارها / 10000 / ل.س وحسم ست نقاط كل من تجاوزت حمولة مركبته أبعادها طولاً أو عرضاً أو ارتفاعاً.


المصدر : جريدة بلدنا

[مالك الحلبي]

ب 5/10 إن الله عز وجل عطاني عمر بدي أبيع السيارة
وأشتري حنتور أو بسكليت أو سكوتر أو أستخدم ال11

[was616im]

بس شو علاقة هالقانون بالفساد ؟؟؟

[..AHMAD]

بس شو علاقة هالقانون بالفساد ؟؟؟

آه ..... .......... بالغلط نزل ........ بس بتذكر اني لحشتو بعناوين الاخبار

[leoprad]

كاتب النص الأصلي : M i i i D O _ LiNkiN PaRk

"ترتفع أعداد وفيات حوادث الطرق بالتدريج لتصل إلى 1653، 2197، 2756 , 2818 خلال أعوام 2004، 2005، 2006 , 2007 بعكس الاتجاه السائد في الدول المتقدمة..طيب عنا عم يصير تزايد سكاني بدها تزيد الحوادث برا في ترشيد
¶ يعاقب بالحبس من ثلاثة أشهر وحتى السنة وبغرامة من /50000 وحتى 100000/ ل.س وبوقف العمل بإجازة السوق لمدة سنتين تبدأ بعد تاريخ تنفيذ الحكم المبرم, إذا تسبَّب سائق المركبة أثناء قيادتها بوفاة إنسان أو إحداث عاهة دائمة نتيجة ارتكابه إحدى مخالفات السير المنصوص عليها في هذا القانون.

انو بفهم من هالقانون انو كلشي عم يغلا الا الانسان عم يرخص

[BL@CK]

المستفيد الأكبر هوي الشرطي .. و الله معد يرضا ب مية أو خمسين لو بتطبق السما عا الأرض ..

[BL@CK]

صحيح من الفساد ..

[..AHMAD]

المستفيد الأكبر هوي الشرطي .. و الله معد يرضا ب مية أو خمسين لو بتطبق السما عا الأرض ..

هاد ابن الشرطي ابن الست سنين بياخدها من المواطن

بلاك الشرطي هلئ صارت تسعيرتو دولية ما عاد عرف المية والميتين
هلئ الخمسمية والالف

[مالك الحلبي]

أسمعوا هالحادثة
كل أسبوع تقريبا بينفرز قدام الدكان عنا شرطي بيكون متخرج جديد يعني شرطي غر جديد
المهم العينتين صلوا عبيدام 3 أيام ومسلمينه دفتر منشان يكتب مخالفات بس ما شفت قلم عبيكتب
بقا بيجوز دفتر لمخالفات : فروغ أو أجار أو رهنية أو أستملاك – ما بعرف شلون مسلمينه الدفتر وتحت أي بند
مع أنه دفاتر المخالفات لازم ما تتسلم إلا للضباط حصرا أهل السيارات مو الموتورات
المهم هذا الدركي الجديد معه هالدفتر
ومن الصباح الباكر عبيشتغل بكل عنفوان كل ما بتعدي 5 سيارات بيوقف 1 سيارة يعني النسبة 20% المهم وفاتحلا على توقيف والعالم عبتترجاه
على قصة حزام
وقصة طلعت بالحمراء وما طلعت بالخضراء
وعلى الطفاية
وعلى أونا ودو وتري ولط بهالعملة من هالخلايق وأذلال وأستهزاء بالعام والطام.
المهم وهو النقطة الي بدي أشرحلكم ياها :
مروا شبين 2 بسيارة سياحية المهم
أنا ما سمعت غير الأصوات طلعة وأشتغل الحكي
الشب: ما بسمحلك تعلي صوتك وتحكي معي بهيك كلام
الشرطي الصغير : عبيحكي بصوت بس يسمع الشب بربربربربر
وما لاقيت غير نزلوا الشبين ضرب بالشرطي
وطارت العصاية وطارت القبوعة والدفتر صار بالأراضي
وهربوا الشبين مع توعدهم أني بدهم يربوا هذا الشرطي
وأجتمعت الشرطة وأجوا الضباط وجماعة الخير الموجودين أخدوا رقم السيارة هدول أسمهم جماعة الخير لأنه لو شافوا واحد عبينزف بنص الطريق ما بيساعدوه بس الشغلة بدها أذى تراهم جاهزين
عمموا رقم السيارة ولسا ما عرفت شو صار بالموضوع
لأيمتا بدنا نثق بشرطي ما يظلمنا
بتصدقوا شغلة وقت بشوف دورية على اليمين بلاقي السيارات أخدين أقصى اليسار وأنا أولهم
يا حكومة يا دولة والله منحبكم ومنحب بلدنا بس ما منحب الظلم
لازم يركبوا على كل شرطي مراقب أو يركبوا كميرات مراقبة وهي بتفحص كل شي
تقبلو تحياتي من مواطن بيحب بلده وبيغار عليها بس خلصونا يستر على عرضكم....

[leoprad]

من فنرة كنت سايق بامان الله و جاي على اشارة باواخرها حظي النحس انو في واحد معو سوزوكي انا وصلت على الاشارة كانت بردقانية و قطعتها على البردقاني و هادا مسموح كونو ازا بدي وقف بصفا بنص التقاطع
المهم شوفير السوزوكي خاف و وقف منشال ما يتبلو مع العلم انو كان في 2 ابو موتور و ابو مو موتور
ما علينا صفرولي لشباب و صفينا على اليمين و رجعت لعندهم ..
انا: خير
هني:قطعت الاشارة على الاحمر
انا : لا انا قطعتها على البرتقاني
هني: مو صحيح ليكو شوفير السوزوكي وقف
انا: شو فير السوزوكي مقطوع بخ.. منكن لهيك وقف
هني:شو قصدك
انا : اللي فهمتو .. طيب هلق شو المطلوب
هني :انت قطعت اشارة
انا : انت وياه كنتو عم تحكو مع بعض و دايرين وجهكم بقا بربكن شلون عرفتو على على اي ضو انا قطعت
هني :منشوفها لاتخاف
انا : طيب شو بدكن هلق ...
هني : المعلوم
انا : معلوم ما في والله لاني ما خالفت
هني :شو نحنا كزابين
انا :اي والله
هني : اي روح جيب وراقك
انا: بدك ياهن انت بتروح لعندي على السيارة بتاخدهم
هني : اي روح يا مشاة جيبهم .. اجا معي لعند السيارة اخدهم و رجعنا
انا: انو هلق صارت تبلي القصة
هني : يا شرطي كان حاطط حزام الامان شي؟؟... لا والله سيدي ...اي كتبها كمان
انا و هون كنت معصب ..: اي خود الوراق و خالف تلحس طي.. انت و ياه و خر... عليكم بدفع عشر تالاف و لا بعطيك انت و ياه 100 ليرة يا كلاب يا يا يا يا يا يا .... و هني متل الكلاب واقفين
و مشيت رحنا لعند الرائد بالمرور و قلنالو شو صار و قللي تعا بكرا
بكرا: و الله يا مواطن انت قطعت الاشارة و هالشي واضح بس تواصتلي شوي و خفف العقوبة
بس الغريب انو شو عرفو التاني بيجوز راجع الكاميرا او استخدم القمر الصناعي
هههه دفعنا اللي فيو النصيب و اكلنا هوا بالنهاية
فانت دائما على خطأ

[مالك الحلبي]

يا ليوبراد
لك أنا من بسطتي بحلب شفتك عبتقطع الإشارة بالشام
بقى الله يرضى عليك لا تتبلاهم لأنهم هدول ملايكة الرحمة المرورية
بعدين شو بدك من الضابط ... خرج يكدب ؟؟؟!!! بعدين - مو لا زم يعني ضابط - يعني بقى أنتبه شبك تحكوك ياخي فك المطمورة ورشــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــرـــــــــــ ـــــــــــــــــــــــــ ــــــــــش
الزلمة مسقف جامعي محترم متفهم وأبن عيلة معقول يقعد يتبلاك وهو قاعد بمكتبه عبيخدم المواطن
بعدين شوفيها شوفيها إذا كان الزلمة الشاهد منن وفيهم يعني متل مابيقول المتل
وشهد شاهد من أهلهم
بقى تقلي ما قطعت الإشارة لك أنا بعرفك قطيع من الدرجة الأولى متلي

[leoprad]

هههههههههههه
اي بيجوز نظرك ساقب ههه و لقطتني بس هالتنين اللي عم يتسايرو و دايرين ضهرهم شلون شافوني ما بعرف ..
كللو من ابو السوزوكي
المشكلة انا كنت ادفع بس قبل يوم و الله يوم كنت عم قول لحالي حرام و ماعاد ارشي حتى لو دفعت مخالفة
و ربك حطني بالامتحان مباشرة ماعاد اقدر اتراجع بطلع طنط بعدين ههه

[yass]

لأ و القصة "الجديدة" هاي تبعيت الممانعة اسمها.. يعني اذا راددتو أو ما مشيت ع كيفو يصفقك فوق المخالفة خمستالاف ليرة هاي اشغال سلطات أو هيك شي...